春潤堂

營業中

休息中

菜脯比較咸，好像有點粒粒鹽更加咸；辣菜脯也差不多，但加了點香辣味，沒那麼咸，亦為米線提供多一種味道。原來點米線的話，店員姐姐會當作一品雲南米線? 那還是點上海麵，即原裝的油渣麵比較佳。米線份量何其少，慳住食都是得幾箸的感覺，早知要本來的上海麵。上次吃外賣上海麵，份量多而且較韌；今次米線少而且不彈牙，僅屬一般。現場吃較熱，除非坐得比較內部，否則應該外帶較佳。油渣不太乾，有些較乾部分香脆，味道較好，不油益，香口不油膩，好吃！(比起深水埗的周記油渣麵好得多了)大腸一點也不肥、不髒，清理得中空，外皮也白白的，賣相討好。店子雖小，店員姐姐禮貎周到，區區二三十元的生意，多謝前唔該後，你一句我一句，難怪看見不少回頭客人。

我不是食家只是愛到處搵食，在聞名已久的小店，終能到此品嚐一下，究竟是名過於實？還是一試難忘？就由這碗麵說起...小店這是肯定的，只因得六，七個座位，我有幸能到步就找到座位，若遲多十分鐘全院滿座的時間，應該幫襯了隔壁的漢堡。本地出品的豬油渣，一般都是軟淋淋的，但又有點爽口。而有幸到過新加坡的豬油渣，它們的口感截然不同，感覺是炸出來，食時鬆脆化口。自己較喜愛後者，不過這裡的港版油渣又比其他吃過的出色。湯底較為清淡，所以加了點辣菜莆，信我一次，一定要加辣菜莆。粗身的麵條極其普通，吸納了湯後，不是太硬，又不是太彈。門口已見老闆在剪豬腸，看似很美味，所以點選加落麵中，結果亦不乎所托，清潔得很潔浮，又有丁點兒肥膏，吃落又爽脆彈牙。主角終於上場，它雖然不是鬆脆化口，但依然味濃，有𡁻頭，淡淡油香充斥口中久之不散，還有份量亦非常之多。在旺角太子，不是金舖就是藥房，小舖能在太子街頭經營致今，我們又怎能不去幫襯呢？

好邪惡呀😭😭一碗豬油渣麵🍲真係不得了呀👍從未食過豬油渣麵嘅我😉今次嚟到一間開業多年車仔麵店，平時多人到呢要排晒長龍👬👭👫 今日趁冇乜人嘅時段試下先😋😋嘩碗豬油渣麵加勁辣魚蛋🍡真係不得之了😍😍 我想講佢個豬油炸，炸得非常好一啲都唔油膩，仲好脆口👅👅 麵嘅質地非常嫩滑，魚蛋有魚味，細細粒，好彈牙👍👍 唔怪得知佢平時咁多人啦😆😆😆unbelievable😢😢this is my first time to try, it so amazing ~ Legacy of the hard times - Noodles with dregs of lard

本來對於唔係脆油渣無咩興趣, 不過行過見油渣麵價錢好平, $20, 姐姐又好客氣話有位於是坐低叫左碗油渣麵試下, 油渣同湯一齊煮, 所以油渣已經唔脆, 但估唔到肥豬肉咁香, 咬落口感覺係肥之外… 都係肥, 味道都唔錯, 連個湯都有油渣既味道仲有我最愛的豬紅韮菜蘿蔔豬腸, 叫哂四種都只不過$18, 豬腸清得乾淨又夠瘦, 蘿蔔又淋又清甜, 豬紅同韮菜都正常叫左串魚蛋加牛柏葉, 叫左魚蛋我先, 魚蛋入味, 個辣汁超正不過姐姐唔記得左串牛柏葉, 一路煮一路煮… 唔知幾時開始煮, 我再問下佢, 佢先記得: 係喎! 佢先摷返串牛柏葉上黎, 已經縮到好細條, 而且好韌這類經典小食尤其油渣, 細個時反而無食過, 人大了先開始接觸到, 希望這類小食可以繼續落去

有時行經深水埗大埔道，都會見到有間小店經常都坐無虛席，成日都會諗：究竟有咩咁好食？但一說要排隊我便怕怕。今次行經咁岩有位唔使等，咁好機會，唔試都對唔住自己啦！！因為第一次來，唔知食咩好，咁好自然都會望下其他人食咩，見到好多人都係食豬油渣麵，加上小店招牌大大隻字「秘製油渣麵」，於是就試了豬腸油渣韭菜麵同生菜魚肉湯。呢間小店既麵同油渣都是一起煮的，所以麵都吸收晒油渣的香味。而油渣有脆口感，豬腸就爽口，湯底就清香，每樣野都好爽。難怪時時都咁多人。而生菜魚肉就不過不失，味道唔算話好突出，保持一般水準。因為小店空間有限，所以都不要期望坐得很舒服，但為了食好野，迫迫地坐都無可厚非。

我太太帶過我去食一次，而家去親太子都心思思要去食，食品好食唔再講，連店的兩個姊妹的禮貌也其佳。今日又同老婆去幫襯，我食韮菜豬腸豬紅魷魚豬皮麵，老婆食魚肉雞翼酸辣粉，加埋汽水及一串燒賣，盛惠$76。平宜。

想當年，大街小巷都是堆滿一系列的小吃攤 ---- 甚麼魚蛋、串燒、鹵味、油渣麵及碗仔翅....各式各款的小吃堆放在木頭車上給小販叫賣。這樣的品嚐港式小食，才算是夠風味.....時至今日，這個萬人空巷，通街人群四圍掃街的日子已不復再了....許多賣小食的大哥大姐都已入了舖。舊日的風味確實已消失殆盡啦....更令人遺憾的，便是許多小吃的味道也同樣走了味。當中的表表者，就是我其一最愛的小食 ---- 豬油渣....略有耳聞這所驟眼看還以為是涼茶舖的小吃店賣的油渣麵有兩度散手，而且東西又經濟實惠。對於最近經常處於糧尾莫財狀態的我，絕對是最合適不過....這兒除了有油渣麵外，還有一系列的經典小吃如車仔麵、生菜魚肉及碗仔翅可點。點個三五七樣小食來過口癮填肚當成飯吃，總共都花不了多少的實在太便宜....心多多愛試多花款嘢的我，一坐低便心想若只吃油渣麵的話那就太單調了....看到牆上寫著有一味"四寶加油渣"，將四款材料混合油渣共冶一爐，最能符合我那心多每樣都想試的心態....許多人都說這裡的油渣不錯，但小弟在吃過一兩小件卻覺只是一般，炸得不夠香不夠脆固之然是死穴。肥的也太軟淰了而瘦的亦有點硬韌。兩者相

今日得閒去試下Utravel介紹嘅間春潤堂，呢間鋪齋睇個名仲以為係中醫館😜估唔到係賣香港少見嘅油渣麵麵店，店內仲有車仔麵同其他香港小食！講返正題先，今日叫左油渣麵(細碗)、碗仔翅、咖哩魚蛋😋。油渣麵係用上海粗麵，麵身光滑幼嫩，一點也不膩，加上豬油渣，半肥半瘦，雖然大部分都浸淋左，但都不失風味！湯底係用豬骨熬煮，最抵讚係無加味精。另外，我仲加埋豬腸，豬腸唔羶，洗得好白淨，再加埋老闆自製嘅辣菜莆，辣咸，脆嫩嘅口感共冶一爐，真係令人想食多碗😋碗仔翅是少有足料的。其實碗仔翅不難整,只是坊間有很多為了成本整得水水的。這裡的算得足料了。魚蛋就對我來說太辣了。

豬油渣麵聽朋友說很好味，經他介紹來到太子同深水埗附近一間叫“春潤堂”的店舖嘗試油渣麵，不過心裡想這間以前是否賣涼茶果名咁怪，本來我買一碗細試吓但店員介紹大碗可以揀多一個餸而且送生菜或韮菜可選擇辣唔辣咁碗麵成為$30了。於是我買了大碗不辣餸就揀了多一份油渣就可以試真D，心想会不会太肥膩嘩！D豬油渣食落去不觉肥且啖啖甘香D麵好似上海粗麵D餸还多了冬菇同菜莆,真係冇介紹錯很好味。

咖哩魚蛋太淋又唔彈牙又冇味燒賣又冇魚味之餘又要腥最衰就係個碗咁既油渣麵 連個油渣有好大陣油益味以前都冇咁衰既 都唔知幾變到咁樣仲要價錢方面貴左勁多囉咁既價錢咁既質數真係唔值得囉

去深水埗格價, 順便去食油渣麵. 油渣麵的豬油渣非常脆, 而且極香, 麵厚實湯底鮮甜, 冬菇入味.韮菜豬紅蘿蔔抵食到爆, 十幾蚊裡面有韮菜豬紅豬腸同埋蘿蔔一大雜, 豬紅很甜, 豬腸爽滑, 蘿蔔入味.碗仔翅料多味道好, 而且大大碗很抵食. 其他好似酸辣粉都做得不錯, 很好!

呢間野0係屋企附近，有時得閒都會幫襯下架，呢間野d碗仔翅好好味~而且十分足料~~~味道無咩味精味，而且夠杰!!唔同平時0係街買好似溝水的翅咁，值得一提的是係佢地係有落雞絲落個翅到~~啖啖肉~!!!>v<其它的東西也可以試一試，平時放工時間去都已經好多人排住隊食~我就多數買外賣返屋企慢慢嘆~~

跟一大堆的家人飲茶，本來打算試試點喜來，皆因附近兩間的點心專門店，分別是添好運及一點心都取了一星，肯定多人到不得了，加上早前已經試過了，所以寧願走去試未吃過的店，怎知都是沒有位，加上家人是萬分不願等位的，唯有望門輕嘆，去了家人常去的彩福，本人最後當然只是略吃一點，留肚再戰。之後要到深水埗辦點事，反正太子跟深水埗都不是太遠，就邊走邊看有什麼好吃，途經一所小店，個店名真的勁似一些涼茶舖的名字，說自己的豬油渣麵很是出色，就一於入去試試看，小小的店只有不足十個座位，等了片刻才有個位坐，就快快的要了個辣魚蛋及豬油渣麵好了。先介紹主打的油渣麵，湯底都是沒什麼特別的味道，主要也是靠奉上的菜圃提味，店家供應兩款任舀的菜圃碎粒，一款是平常的黃黃的，另一款是橙色偏紅，很明顯就是加了辣的意思吧，兩者咬入口都很碎，所以要很仔細去咬，才知道那些菜圃是爽爽的，而味道方面，前者入口有蒜蓉味，確是真的幾香，後者就帶點點刺激，各有各的特別，味道方面真的不錯。麵條都是一貫豬油渣麵來的貨色，常說這根本就是最便宜的那些包裝烏冬，吃起來粗身而偏腍，吃起來沒多大麵粉的香味，至於主角油豬渣，吃起來明顯的不夠肥美，先是比起深水埗的周

特別想來讚吓這間咁用心製作的食店，為咗佢，這片係我第一片的食評。油渣麵向來不是我favorite, 但有一日，我個大少爺睇完本飲食男女介紹之後。食過一次後，嘩，就真係有d鍾意咗佢。D油渣咬落去有濃的豬肉味，一層油的香帶一層炸過的肉，好有咬感！老板娘又有禮貌，令你享受用心煮出來的食物，當中感受到喜悅。

食店係屋企附近, 自從有一次嚐過佢地ga 米線, 自此不能自拔呀.....$18 一線2餸, 超值!!! 平過其他地方, 譚仔而家1餸都要$19啦~我次次都食清湯底, 加少少冬菜, 正ar~~ 而且餸多選擇, 由其豬大腸, 真係招牌菜~無奇怪味, 清理得好乾淨, 又無乜肥膏, 真係唔錯~~唔會差過其他米線專門店~~而度ga冬菜係店主自家製, 好多客人都一大匙一大匙甘落~~去過甘多次, 油渣麵應該係最多人叫, 可惜我唔食油渣.....