春水堂 (雅蘭中心)

營業中

休息中

今日朋友生日,我們往旺角雅蘭中心春水堂食晚餐慶生,我點了照燒雞扒便當,琥珀黑糖珍珠奶茶和黃金酥雞,照燒雞扒便當雞扒肉質鮮嫩,蛋食荡味道香滑,配菜小棠菜新鮮爽口,而車厘茄和酸梅食落開胃,貢丸湯味道香濃,温度適中,整份照燒雞扒便當食落美味,份量十足,琥珀黑糖珍珠奶茶,黑糖味甜度適中,珍珠奶茶奶味香滑,口感滿足,最後黃金香酥雞炸得金黃,食落惹味,餐廳座位舒適,適合三五知己聚會及慶祝生日好地方,朋友很滿意生日安排

人生第一篇食評旺角瓊華附近辦完事夜晚8:30，就近近地去雅蘭春水堂食晚飯，8:45 last order，就快快趣叫咗碗牛骨濃湯牛肉麵...係牛骨濃！湯呀，碗麵嚟到白雪雪，看似好好味就呷咗啖湯， 唔試由自可，一試把幾火，無牛味，無咸味乜味都無都唔知放咗咩入口，卒之要攞碟豉油先免免強強食埋碗嘢，其實你收人成舊水碗嘢， 唔係真材實料用牛骨淆出嚟我都算，連濃湯寶都唔加粒比我，鹽又慳番，極度無語，唔係春水堂呢三個字應該無人會去食。真係未試過食完餐飯咁

心諗有幾間分店嘅春水堂應該會幾出色，叫咗兩碗麵兩杯嘢飲，我自己覺得冇特別， 接近$100 牛肉湯麵出面應該有好多選擇，手工麻香麵線 可能屬於較健康嘅伴麵，所以對我自己来說太清淡， 如果落少少豉油就會好好。飲品都唔算太出色， 如果你好想試， 真係搵唔駛排隊既時候去食就算。

見到menu 差不多$100碗麵，都有多少期望。點知一個字差！首先，服務態度非常差，全部人企係度，唔洗做咁。上菜當我詢問係咩嚟，佢哋回答得非常不耐煩，「牛肉麵囉。」鬼唔知？唔講份量，食物品質也非常令人失望。我點左佢個牛骨湯麵，非常平淡無味，麵底淋到一個點，牛肉質地都唔新鮮，口感極不好。一百蚊碗麵，俾d咁嘅屎嚟食物品質同服務差勁又貴，我問建議任何人去這家餐廳用餐，完令人失望嘅體驗。希望佢快啲執，唔好為害人間。

見網上有評論春水堂新出嘅珍珠奶茶火鍋，雖然感覺有啲伏，但都忍唔住要約朋友去試～ 唔試點知伏唔伏😆😆嗌咗珍珠豆乳鍋＋雞髀肉＋手工麵$158呢個價配呢個份量係預期之中，雞髀肉比我預期大份的材料方面都幾滿意：蔬菜種類多，索晒啲湯汁幾好味，雞髀肉都係滑嘅一開始以為份量唔多會食唔飽，點知食落原來都幾大份⋯⋯我細食，麵同雞肉都食唔晒（朋友幫手食）火鍋嚟到係純豆乳湯底，茶包同珍珠自己落，建議一開始先落茶包珍珠試試湯底⋯⋯就算將個茶包一直放喺湯度滾，茶味始終唔太出，有啲可惜～ 可能本身豆乳湯都好濃，好快就覺得越食越膩，所以試吓係OK嘅，翻兜就不了

今日行旺角想食台灣野從未食過春水堂😂😂以為佢淨係賣野飲今次食完又覺得幾好食😋👍🏻叫左個雞扒便當🍱整體都幾豐富，有菜有肉雞扒都juice厚身，肉質嫩滑仲有個例湯仔仲有招牌紅燒牛肉麵叫左半筋半肉，份量都好足夠牛肉醃到好入味，個湯底亦都唔會好咸個麵都似手工麵，食落爽口彈牙(本人影得唔好，無對焦)因為佢係賣手調飲品出名當然唔少得飲下佢既珍珠奶茶🧋個茶底唔會有澀味，珍珠係細細粒果隻不過就無套餐，全部散叫😄

平日lunch一行3人黎lunch，呢間餐廳冇lunch set，全部都係單點。 魯肉飯(小碗 $35)：Size好似平時一碗飯既份量，魯肉醃得入味。 御品三寶牛肉麵 ($105)：三寶包括牛筋牛腩牛肚，全部都煮到淋軟及份量多，麵質彈牙，湯頭濃味，值得一叫。 XO醬辣拌麵 ($62)：微辣，麵質彈牙，有少少汁，唔會太乾身，好味。 (凍)愛玉鐵觀音檸檬茶 ($39)：面層有泡，鐵觀音茶味出，配上檸檬好清新。 (凍)珍珠紅豆鮮奶茶 ($41)：珍珠size比連細粒，有一堆紅豆，另外mix鮮奶，味道正常，不太特別。 埋單連加一共$310

今晚收工之後約左朋友去旺角睇波鞋，跟住我地去左試呢間台灣野，我地order左1個酥炸豬扒配他他醬便當$89(豬扒雖然炸得脆不過比較多油😔豬扒份量都算多)、台式芋米糕$33(煎得好香好脆，呢個好好味😋，再配埋佢地自家製嘅醬汁、冇得輸)、麻辣涼拌牛肚絲$44(好鬼死辣但係好食嘅😋，整得好淋，5食得辣嘅最好就5好order，肯定食標晒汗🤣)、凍杯芽奶茶$36(茶味好濃好飲😋)、座位坐得都好舒適☺️

#MC帶你去旺角.相信大家對春水堂都不陌生，而到春水堂必喝嘅飲品當然就係「珍珠奶茶」啦🧋但飲得多依啲台式手搖飲品，有時都想健康啲🙊所以今次轉咗珍珠綠茶，睇下味道係點啦。🥤 原味茶 - 珍珠綠茶 $33第一啖飲落好fresh、好清香嘅綠茶茶味🍵無咗奶茶嘅肥膩感，換嚟嘅係好清爽嘅味道🍃配埋煙韌彈牙嘅珍珠，口感細膩，夏天消暑係一流👍🏻春水堂嘅小顆黑珍珠以樹薯粉製成，不添加防腐劑，用零反式脂肪奶精調合，所以想健康啲，但又想要手搖風味（珍珠），不妨叫返杯珍珠綠茶😜.⭐整體︰8.5/10⭐食物︰8.5/10⭐環境︰8.0/10⭐價錢︰8.5/10.==============================📍 春水堂 (雅蘭中心)地址：旺角彌敦道639號雅蘭中心1樓101-102號舖交通︰港鐵旺角站 E1 出口==============================.#Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood

其實因為食物質素同服務態度好至成日幫襯，但無奈12點營業時間遲遲未開直到12:15有個服務員跑進店內開口至入得去😓⋯⋯希望你哋公司跟進－下冇謂叫啲客12點排隊等你哋，人手安排真係要重視－下！

收工有D野買所以約埋朋友出左旺角係朗豪坊諗住搵野食又發現間間餐廳都好多人決定去對面雅蘭中心睇下有咩餐廳可以即刻入座見到呢間春水堂 野食又岩 又有位就即刻揀左佢啦餐廳地方都寬敞 位置上唔會好逼坐低就叫左最鍾意飲既鐵觀音珍珠奶茶另外我地叫左一個御品三寶牛肉麵同埋一個紅燒牛肉麵坐低傾左一陣計野食就送到啦牛肚好香好有咬感個麵彈牙 個湯都好香口阿!紅燒牛肉麵湯底都好香佢既牛肉每次食都好好食保持一直既水準另外真係好推薦鐵觀音珍珠奶茶!!好好飲嫁!!

星期六同媽媽去咗食✨春水堂✨食台式晚餐😋我簡咗手工麻香麵線 同翡翠凍茶加愛玉✌🏻而媽媽簡咗雞排便當同珍珠紅豆鮮奶茶🥤⭐️手工麻香麵線 屬於較清新健康嘅伴麵，麵上放一半隻雞蛋、西蘭花同大量碎上西芹，以麻香汁混合起黎味道清新又健康👍🏻🐥雞排便當 雞排件數足而且好入味又唔韌，便當有考慮食物均衡，於便當其他格數加入冬菇、大白菜、西蘭花、娃娃菜及半隻雞蛋，相當之健康💪🏻建議便當入面嘅飯可以整得再軟身一啲☺️飲品分別叫咗 翡翠凍茶加愛玉 及 珍珠紅豆鮮奶茶🥤特別一提珍珠紅白鮮奶茶岩岩送黎枱嘅賣相好靚，好似分咗三層layer 一樣，最低層珍珠紅豆，中間層係鮮奶茶，而頂層係紅豆蓉層，甜度適中✨反映餐廳有依客人甜度選擇調整👍🏻

原本想開心收工點知又要OT, 改到老細滿意為止🫠改左N次 終於成功🫤🫤🫤反到屋企附近，見到春水堂冇咩人就入左去醫肚😵‍💫😵‍💫主食：蒲燒鰻魚定食$118因為每次去春水堂都會叫麵食，所以今次試下佢地既台式便當，便當仲有跟一碗肉丸湯，仲有秋葵、酸蘿蔔、蓮藕做配菜，食完十分開胃，鰻魚厚身多汁，食落有口感，肥肥嫩嫩，飯量都多，所以最後食剩飯🫣🫣飲品：朱古力珍珠奶茶$41想飲甜野揀左朱古力珍珠奶茶，朱古力控既我覺得好好飲🫰🏻好有朱古力味，甜度係固定，但又不會太甜，加左珍珠又有咬口，最啱舒緩一日疲勞💕

我要同大家分享我尋晚食到左間台灣菜既食評。不過，重要嘅事情講三次。俾廢水耽誤咗嘅台灣菜，俾廢水耽誤咗嘅台灣菜，俾廢水耽誤咗嘅台灣菜。我嘅餐點包括咗一個滷水拼盤、一個半斤半肉麵同肉燥娃娃菜。我最鍾意嘅係滷水拼盤，裏面差唔多我想食嘅都有，好好味！半斤半肉麵就係一碗煮咗好耐嘅麵同埋滷豬肉，麵條夠彈牙，肉味濃郁，啖啖都係驚喜！肉燥娃娃菜就係一個台灣菜裏面嘅經典選擇，係用豬肉燥同娃娃菜煮成嘅一道菜式。娃娃菜清脆爽口，肉燥味道香濃，如果配上熱辣辣嘅白飯，就係一道好經典好好味嘅台灣菜！至於飲品方面，我嘗試咗鮮奶鐵觀音同熱高山金萱。鮮奶烏龍茶口感滑順，茶味好出好正。至於熱高山金萱，係我最中意既一款茶，你睇吓個擺盤，即刻chill晒。呢間台灣茶餐廳嘅台灣菜真係好好味，食物份量夠多，價錢又合理，非常適合同朋友一齊去食。但係佢嘅廢水真係好出色，出色度，啲人以為佢啲食物未必一樣咁好食。真心有啲可惜。

去睇戲前見到對面有間春水堂，諗起珍珠奶茶又幾近，不如上去食個lunch. 12點去到唔使等位，地方都闊落，枱與枱唔會太近，無焗促感。比左張圓枱我，方便我放好大個袋☺️價錢上一個牛肉麫或便當接近80-100起，感覺上有dd貴，飲品要散叫，都接近30一杯檯椅係乾淨，唔會黏笠笠，櫈係有靠背，中空少少硬個d，係正常程度。紅燒牛肉麪湯底並不吸引，做唔出紅燒應該引人食慾架香氣同味道。肉中規中距，夠淋但無特別。牛筋夠淋，但其中有一舊非常彈牙😅好明顯新加個d未炆淋就撈落去。麫質好淋。。。唔夠咬勁。。。又未能好掛湯排骨便當拎黎個時有盒蓋，然後放低至掀起，好處係衞生，但如果叫炸雞炸豬排就會焗住。。。配返好多菜同菇，仲有一碗貢丸湯，白飯上有一粒酸梅同醬菜。好正統台式餐配搭。個排骨肉並不厚，味道都一般。大量菜非常適合鐘意健康朋友，尤其呢烚菜份量多之外仲淡得出奇，好似我屋企清水烚菜咁。好處係食出菜味，但問題個飯無米香，食落質感都唔太良好，絕非台灣米同珍珠米。Menu設計又不明所以得雞類可以配肉燥飯，食落又無乜汁，非常口淡淡配搭，效果唔太好。貢丸湯直頭有滾水感覺，完全無味，貢丸味淡得驚人。但湯內有海帶。。。點煮到咁