日本黒毛和牛焼肉 牛太 (沙田中心)

營業中

休息中

服務：開頭帶位個職員已經差，同我講話冇得坐卡位，因為已經book晒。我都係一早book咗位，但係人哋walk in兩個人就可以坐卡位。跟住同佢理論咗一輪先至俾我哋坐卡位。食物：第一轉嘅牛係正常。 跟住之後出個啲亂黎， 完全唔係圖入面嘅牛肉。 俾左好多好似打邊爐啲超薄牛肉 而唔係圖中嘅一舊牛肉。都算，之後出個啲夠膽死係深啡色🤢🤢🤢🤮🤮🤮 即刻退返俾佢。 退嘅時候仲同我講話廚房淨低啲牛都係咁樣 🙄🙄🙄 第一次食到啲咁樣嘅燒肉店。 呢間應該係我暫時食過最差一次嘅燒肉店。

預先在OpenRice訂位，預約了5:30的時段，當時餐廳已滿了八成。餐廳環境方面，乾淨衛生，座位闊落。食物方面，今次叫咗冇和牛嘅套餐，不過牛肉都算唔錯，上菜速度好快，個爐好容易大火，所以啲嘢食好快熟。除咗肉類，仲有串燒可以燒。熟食方面都有一啲炸物同串燒，味道正常，可以燒緊嘅時候一邊食。另外，食物仲有啲特別嘅選擇，例如牛腸、燒棉花糖。服務方面，侍應態度良好。價錢三百幾蚊都算抵食。下次會試吓有和牛嘅套餐。

香港而家開咗好多唔同燒肉嘅放題店，但係如果唔係去到好貴嘅價錢，一般來講食物嘅質素都係十分參差，而且環境一般。而呢一間燒肉店價錢亦都唔算係好貴，但係已經改變左我對燒肉放題餐廳嘅印象，因為佢嘅內在環境非常舒適，兩個人都有卡位坐十分鬆動。餐廳提供好多唔同自家製醬料，令你食嘅燒肉唔會淨係食到同一隻味道。食物方面已經選擇唔係最貴嘅一個餐，但肉類嘅選擇依然係非常之多，牛肉包括左唔同嘅部位，配搭唔同嘅醬料，可謂花多眼亂。而最推介嘅係燒鰻魚，鰻魚一碟雖然得兩片，但係可以任叫，而且肉質非常好，好多餐廳其實係冇呢一個鰻魚選擇。飲品方面亦都有唔同嘅選擇，有罐裝同埋自家製嘅飲品。

週末中午想不到吃什麼，與小朋友一起想找一間舒服的餐廳。在沙田中心那邊看到這間餐廳，見到有放題或者定食。原來定食也可以吃吃出邊的食物/飲品/甜品。但限時60分鐘，我們首先叫了兩個兒童餐，兩個定食。兒童餐裏大概60多元，裏面有烏冬，腸仔，牛肉，玉子，包括一包紙包飲品。我們大人就吃牛肉定食和豬肉定食。出邊的自助區有蔬菜和炸物。蔬菜類包括有秋葵，雞髀菇，翠玉瓜。炸物有薯茄，薯條，炸雞，章魚小丸子。也有咖喱牛肉和白飯。甜品區有雪糕糯米糍和軟雪糕。飲品區也應有盡有有汽水啦同埋一啲茶類。所以食午時定食大概$300幾蚊都食到好飽。而且質素好好👍

$4xx 的和牛餐，沙田此間的和牛質素非常差劣！連首次上的肉都是次貨，毫無誠意！肉質非常粗糙同鞋口，希望貴公司改善一下食物質素及檢討。完全拉低其他店舖的分數！我是Mos 牛太的回頭客，第二次食沙田，不會再回頭 ！ ……………

網見到介紹呢個午市超市燒肉定食包括任飲任食自助吧1小時，平均得一個鐘好似幾趕，但又真係幾抵一於試下，book定位最穩陣。餐廳面積頗大，和風設計，有單人位及卡位，兩者座位都十分闊落，我地3人坐卡位，坐得舒適。餐牌，午市套餐格價約$99-$169不等。落單之後去自助吧拎野食，炸物有4款及咖哩牛肉。醬汁及沙律。甜品，主力係雪糕。熱茶。飲品都多款。要了3個Set。上級封門柳御膳(鹽燒)，$119。上級封門柳御膳(汁燒)，$119。上級板腱肉御膳(鹽燒)，$119。上級封門柳御膳(鹽燒)，$119，配泡菜、味噌湯及白飯。封門柳份量適中，尚算厚身，肉質變軟嫩，牛味濃，好味。上級封門柳御膳(汁燒)，大家都要封門柳，見有兩款口味，就一個汁燒一個鹽Share，汁燒味道更香口。一粒鐘不停燒。上級板腱肉御膳，比較薄身，味道不俗。要了果味燒汁、旨鹽燒及胡麻醬，個人覺得果味燒汁甜甜地幾好味。有肉有菜均衡下，最正有秋葵。咖哩牛肉，拎來撈飯幾正，個咖哩有好多牛肉及薯仔等好足料，甜甜唔太辣味道香濃，幾好味呢。沙律菜清新，落左芝士粉更正。薯條、章魚燒及炸雞粒，正常水準。玫瑰茉莉花茶，支裝好方便，玫瑰茉莉花味比較淡。比利

最近經常係youtube 睇KOL 食評影片介紹，知道喱間無論中午/夜晚都排大隊, 所以我地決定過左2點先食，真係人唔多能即時入座，玩法是半自助形式限時60 min，叫一份肉類(唔夠可另加)配麵豉湯、泡菜，白飯(如果想添白飯，可在咖哩牛肉汁旁取)，自助區有沙津菜、蔬菜、炸物小食、雪糕、生果、咖哩牛肉及飲品。經Apps下單以下食物：1. 黑毛和牛牛肋肉 (鹽) 套餐：肉質新鮮，顏色鮮豔，有一層醬燒係面，口感有點厚，幾好食。2. 澳洲上級封門柳 (鹽) 套餐：油脂分明，肉質新鮮，燒起上黎好香，更入口即融，好好食。自助區取了以下食物：1. 炸物：薯條、魚肉豆腐、雞肉粒、蔬菜丸，旁有蛋黃醬、甜酸醬可配，而且夠熱夠脆，refill了2轉。2. 新鮮沙津菜：雖有沙津汁點配，還跟了KOL 介紹用咖哩牛肉淋上沙津菜還加牛蒡絲點綴，好食!3. 生果：西瓜、哈密瓜、蘆薈粒。4. 甜品：3.5牛乳/巨峰提子味雪糕、英式窩夫 、比利時班戟，3.5牛乳味重，甜度唔高，巨峰提子咪會偏酸甜，混合就剛剛好。5. 飲品：汽水、冷泡菜、OOHA梳打水、有汽檸檬茶等。套餐價格經濟，一小時用餐係足夠，店員親切有禮，得悉我地未

Open rice book 位同朋友食Lunch.朋友先到，被告知只得60分鐘用餐時間，朋友打俾我冇聽就入座了。我到場後，朋友話食快啲啦！好，全程都冇乜傾計，不停燒、不停食。普通餐廳唔使自己燒都有90分鐘，呢間要自己燒完食得60分鐘。最後如我所料，係唔夠時間食，我哋三個小朋友食兒童餐，已經冇乜機會自己，都唔夠時間食完個餐。兒童餐本身好吸引，但由入座計60分鐘，佢上菜要時間、燒肉要時間，趕住食，已經留意唔到好唔好味！呢個餐一半都食唔晒。服務又差，枱上唔夠位放，我收起一個盤，Waiter 剛來到，放低一個餐，我一邊遞俾佢一邊講：「唔該，可以收起….」佢扮聽唔到，即刻轉身走。然後我朋友自己放個盤岀去。結果食剩咁多，又趕又唔飽，又浪費食物。服務態度又差，食呢餐完全係「買難受」。不推薦、不會再去！下面係唔夠時間食嘅食物👇🏼兒童餐份量充足，味道ok.另點的牛小排價錢高，但份量比兒童餐還少，有牛味肉質韌，燒七成熟，小朋友都咬唔開。

星期六中午和家人到沙田走走，搵吓野食。無意中發現咗呢間鋪頭，岩岩開門，唔駛等位。鋪頭主打燒肉，我見$99起有成個套餐諗住試吓，點知入到去超驚喜，原來$99已經係半自助式放題午餐！Show吓食咗咩先：1）上級板腱肉御膳套餐（$119）及壽喜燒牛肋肉御膳套餐（$109）肉質幾好，一啲筋都冇； 上級板腱真心好食過普通牛肋肉，一分錢一分貨。湯和前菜一般，無驚無喜嗰隻。- 當我哋以為…一份御膳有一碟肉、一份前菜同一碗湯既時候，大錯特錯！ 員工同我地講，出面既自助吧任拎！係包括食物同野飲～咁究竟有咩拎呢？2）炸物、沙律、可以燒既蔬菜自助吧竟然仲有幾款唔同既炸物、薯條、沙律菜唔hea好新鮮，頭先食過既前菜可以任拎，仲有翠肉瓜、秋葵、冬菇可拎返去燒！ 我覺得好周到，因為淨食肉會好油，但食番啲菜就balance番～3）甜品和野飲其實我已經飽哂，但唔可以放過甜品。甜品可以自己唧軟雪糕🍦、仲有窩夫、小丸子、生果粒，好豐富～ 野飲我比較喜歡自家制？ 既茶，清甜啲。總結： 性價比超高，放題野唔hea，環境唔差，服務正正常常咁；真心覺得任食每人一舊好值得推介吓，因為唔行入去都唔知咁多野食，希望下次去唔駛排長龍啦🤣

平時食牛做主角嘅餐廳，不論燒肉定打邊爐，都好少有中伏嘅時候，牛唔好太老、太柴、太硬，有肉味同調味做好，筆者就會食得好開心。今日試牛太，老實講幾失望，就算食嘅係三百尾嘅餐，筆者期望基本牛嘅調味起碼要做好，或者本身啲牛好夠牛味，而今次點嘅肉幾乎邊款部位嘅肉都淡而無味。當然人人口味唔同，唔鍾意咁淡都可以點醬食，但俾三百幾蚊食肉仲要點醬先好食實在太唔抵喇。有燒汁個款牛會比較有味道，其他牛肉嘅品質其實未好到可以零調味咁上菜，燒完出黎未去到難食，但好似打邊爐落左清湯底嘅感覺。筆者幾鍾意食牛舌，但真係冇辦法叫多round。連出名重牛味嘅封門柳淡到筆者都食唔出係咩部位。海鮮類如墨魚仔都一樣，燒完出黎好似白𤆥咁。最後點芝士汁食，芝士汁本身就偏水，唔好ff佢有拉絲感，幫手提吓味啦。內臟類嘅串燒筆者冇食，但有食嘅同桌話一樣有無味嘅問題。除咗牛，佢哋好似都唔太擅長做蛋嘅料理，明太子玉子燒應該係一早整定晒雪係雪櫃，有人叫就拎出黎，所以係凍嘅，仲有少少鞋。未去到難食，但諗住會係新鮮熱辣辣即整嘅筆者心裡面點都扣咗分架喇。另一個無影到嘅係佢嘅蛋黃飯，食到有啲蛋殼。自助區有啲沙律 炸物 甜品同飲品。感覺到餐廳有盡力做好

朋友今天帶了我去一家肉食愛好者的天堂，說我一定會很滿意。一走進這裡，就被迎面而來的燒烤香氣所包圍，仿佛置身於一個肉食的烤肉盛宴中。這裡有超級多肉品可以自助點選，我最期待的當然是他的牛肉了。他們選用優質的牛肉，在火爐上烤一會兒，熟度剛好就拿起，和牛肉質鮮嫩多汁，入口即化。配上獨特的烤醬汁，味道配合得很好，每一口都讓人陶醉其中！而這裡的芝士醬汁也很特別，配上肉肉十分邪惡！芝味無窮！而海鮮選擇也不少，我最喜歡是帶子，烤完仍然有非常多汁，鮮甜美味。另外烤蝦也不錯。這裡最特別的是可以任點波子汽水，真的很大方，我們每人點了2支，解渴美味。總的來說，這裡的食材都經過精心挑選，配上獨特的醬汁，帶給你無與倫比的肉食盛宴！

🎏夏祭限定烤肉放題 · 日本黒毛和牛焼肉 牛太 (沙田中心) #沙田 #烤肉#日式烤肉📋 日本產黑毛和牛放題套餐(免費升級波子汽水無限暢飲) $ 469/位肉類🥩：有多款不同部位的雞牛豬應有盡有。和牛部位可以選擇也很多🤩包括極上牛肋肉、極上牛脊肉、極上辣椒肉扒、炙燒牛脊肉、炙燒壽喜燒牛脊肉等，肉質新鮮，肉味濃郁😋當中更有🎏夏祭限定全新燒肉口味：芝士X燒肉❣️▫️芝士X辛辣燒肉：牛肋肉、豬頸肉、雞腿肉▫️芝士拉絲系列：手羽、腸、竹輪、粟米粒芝土醬煮沸後再配上肉，就可以拉絲了😍濃郁的芝士味，太邪惡了。🦐海鮮方面：有牛油蒜蓉燒廣島蠔 、牛油燒日本產帶子、牛油燒魷魚仔等等。自助區：▫️設有多款小食，Shake Shake薯條、芝士炸雞、炸魷魚、炸一口芝士、章魚燒。▫️自助沙律▫️前菜▫️甜品 -華夫餅、格仔餅等。▫️雪糕 -有波子汽水味和3.6牛乳味。
💁🏻‍♀️現在他們舉行了夏祭限定特別活動「千本引」拉繩小遊戲。小童用餐可以有得免費扭蛋。食完飯仲有得抽獎🤣有得玩又有得食，仲有有得攞嘢走。 🏘 以日本江戶時代鬧市為背景，充滿日式風情裝修。座位寬闊，冷氣充足。🤵🏻🤵🏻‍♀️上肉速度很快。

————————————————————————日本黒毛和牛焼肉 牛太 (沙田中心) (沙田)地址：沙田橫壆街2-16號沙田中心3樓50及57號舖日本黒毛和牛焼肉 牛太以其優質的黑毛和牛和豐富的放題選擇而聞名，推薦他們的芝士 X 辛辣燒肉和泡菜海鮮豆腐湯，出色的賣相、口感和味道💯💰仲可以玩埋拉繩game！惠顧$469 日本產黑毛和牛放題套餐，免費升級波子汽水無限暢飲放題!
🟠推薦食物 Recommended🔹 芝士 X 辛辣燒肉（牛肋肉、豬頸肉、雞腿肉）：👍🔥🧀以三種肉類（牛肋肉、豬頸肉和雞腿肉）結合芝士和辛辣調味料，每種肉賣相都非常吸引人，當它們在火爐上慢慢烤熟時，肉質變得嫩滑多汁，芝士融化在肉上，營造出濃郁的口感🔸 芝士拉絲系列（手羽、腸、竹輪、粟米粒）：不同菜品使用芝士拉絲，搭配不同的配料，呈現出美味的組合。賣相誘人，口感濃郁，味道令人驚艷🧀😋🔹 黑毛和牛燒肉：頂級的黑毛和牛作為主要食材，絕對是肉食愛好者的天堂！每片肉都優質鮮嫩，脂肪分佈均勻，經過燒烤後，肉質更加鮮美多汁，可以根據個人喜好，選擇不同部位的肉片🥩🔥 燒烤至香嫩多汁，肉質鮮美🔸 泡菜海鮮豆腐湯：🍲😋 以韓國泡菜和鮮嫩

日本黒毛和牛焼肉 牛太係沙田中心開咗分店啦🥳Happy Friday收工約埋同事一齊去食燒肉放題🤟🏻餐廳環境寬敞，兩人卡位夠哂闊落，而且抽風做得唔錯，食完燒肉唔會成身油煙味❣️揀咗豪華燒肉放題，設自助區，有齊各款熟食、沙律、飲品、甜品等等，超多選擇😋😋夏祭限定🎏推出芝士x辛辣燒肉及芝士拉絲系列🧀先煮溶芝士醬再點肉拉絲，好食又好玩，VERY NICE💯推介芝士手羽，嫩滑爆汁夠JUICY，仲有濃濃芝士香👏🏻燒肉有超多牛既部位供選擇，牛味濃郁且肉汁豐盈，最鍾意灸燒壽喜燒牛肋肉，脂肪分佈均勻，肉質柔軟細嫩🥩🥩食燒肉點少得幸福蛋黃飯🍚日本珍珠米飯煙靭有嚼勁，拌以流心雞蛋，蛋香突出超鮮味🥚海鮮類揀咗燒鰻魚、蝦、牛油帶子，新鮮又味美🍤明太子玉子燒微辛鹹鮮，鬆軟又多汁🍳自助區炸物有shake shake 薯條、日式章魚燒、炸芝士，有熱燈照著KEEP住溫度熱辣辣，好貼心💕飲品有冰凍自家製無糖花茶、茶包、汽水、啤酒等選擇，照顧唔到客人需要🥤🍵甜品自助區有英式窩夫🧇同比利時PANCAKE🥞仲有必食既波子汽水雪糕，可以自己唧再加唔同配料，好好玩🍨🍦臨走仲可以玩埋拉繩抽獎遊戲😍有小食、玩具、現金卷等，有得玩有得食

去完旅行前後三個禮拜冇出過街食飯，好想食肉，同阿仔兩個人去咗撐枱腳🫢揀咗間喺沙田近近地。餐廳以日本江戶時代做主題，用咗日本傳統祭典嘅燈籠🏮做裝飾擺設，幾有氣氛我地揀左-$469可以食120分鐘嘅日本產黑毛和牛燒肉放題套餐，套餐有92款食物可以選擇，肉類、海鮮超過60種，自助吧有超過30種，炸物、前菜甜品、沙律、飲品等等。飲品有波子汽，茶、果汁汽水、又有多款水果味啤酒，仲有生啤添，甜品有夏日限定嘅日本雪糕雪葩，有我鍾意嘅波子汽水味試左上牛肋肉，上牛脊肉、炙燒壽喜燒牛脊肉、炙燒Shabu Shabu牛脊肉、海鹽火炙鮑魚、牛油燒日本產帶子和牛味道高質，色澤同油花都好有水準，肉質柔軟滑嫩，配埋特製醬汁，入口好🈵️足，阿仔鍾意壽喜燒牛脊肉叫左4，5次🤭另外比我見到有芝士醬，9秒9點左嚟試吓，我係第一次食燒肉放題見到有芝士醬，煮溶咗個芝士醬再將牛肉點嚟食，幾好食喎！多種芝士混合，造成拉絲效果，又有好濃郁嘅芝士香味，好鬼正！成個放題都好滿意，食到我想食嘅肉質、口感、味道。又飲到我鍾意嘅水果啤酒，最後仲要有抽獎添，係一個拉繩抽獎，我抽到現金卷，即係俾個機會我再嚟食啦😆