影片
以上資料只供參考, 請與餐廳確認詳情
地道粥麵茶餐廳 😎屹立 灣仔 已經超過 15 個年頭的新釗記，佢哋嘅粉麵飯向來幾聞名，難得今天放假，行經呢頭就梗係要入去支持吓啦 ! 👍餐廳環境不過不失，尚算整潔，不過聽啲伙記講，上星期有食客無用 安心出行，佢哋被查牌，所以呢排都係做到 18:00 就要關門，暫時無得做晚市，好悲 ! 🥲都好耐無嚟新釗記了，記憶中呢度嘅收費頗為進取，但估唔到佢哋嘅下午茶 [ 粉麵飯 ] 餐又幾抵食喎 ! 😋下午茶餐 共有 8 個選擇，每款只係 $48 另包熱飲，但今天實在太熱，所以我就加多 $3 改飲凍檸茶，主食就揀佐 干炒牛河。🐂等佐 10 分鐘左右食物已上檯，熱辣辣兼香噴噴，睇見已經食指大動。🤗河粉口感細軟，豉油味香濃，洋蔥極爽甜，牛肉非常嫰滑，碟頭亦唔細，完全炒到大排檔嘅效果，鑊氣十足。🤤呢碟 干炒牛河 我比 90 分，唔係賣廣告，真係正到無朋友，必定有下次。❤️🧡💛
繼續閱讀
晚市套餐：$78，包埋例湯，飯🍚🍚🍚例湯不會太鹹，味道不錯，感覺只有少少味精😀其實主菜份量不算多，性價比一般，但味道不錯，芥蘭不會苦，也有鹹鹹香香的肉碎襯托！至於白飯方面，很有咬口，好吃！👍這個餸菜份量較多，性價比較高，但胡椒味不重。豬肚不錯👍雞肉頗為失望，雖然份量多，但肉質一般，不夠嫩滑，也無乜雞味🥲整體來講，味道不過不失！值得欣賞和稱讚的是店員好有禮貌、友善，服務態度好！👍👍👍
繼續閱讀
啫啫芥蘭煲上枱熱騰騰够惹味，芥蘭爽脆，肉燥蝦米粒爆蒜子香味撲鼻，食指大動加肚餓，白飯也爬多幾口，這味有水準！👌✌🥢味菜豬肚鷄煲豬肚够淋够軟滑，鷄球有味够香，加埋湯濃好飲，味菜教人胃口大開，兩個白飯未够皮，要連湯底都吃光！這頓晚飯，菜式雖然普通，但卻大快朵頤！招待阿姐禮貌周周，抵讚！🤞🤞❤
繼續閱讀
一切已成往事，往事只能回味！收銀又寸，自己收錯數仲話人。上次食沙嗲牛通，佢就上碗清水牛肉通。叫佢換，廚房一句話冇，就焗住食，收三十幾。今次食牛腩河，唉，味道既野，只能回味。細個食既味道同情懷都不在。
繼續閱讀
曾幾何時新釗記嘅招牌遍佈港九各處，當然其中是同一老闆定係老番附庸風雅誰會在意？！食客只會在意嘅係食物資素！係香港地早餐時間想快、靚、正嘅選擇更係茶記嘅出品。早餐 C 公仔麵餐～ 自選沙爹牛肉併雪菜肉絲湯米粉碗米粉上枱目測油淋淋，沙爹牛肉入口感覺用”師傅”醃到滑潺潺，煮雪菜肉絲落咗過量漿粉水攪到一pat 咁，唯一可取的是夠熱！跟杯熱奶茶賣 $35 值唔值得真係見人見智。。。熱奶茶合格綜合嚟講只係一間 Hea 住做嘅茶記，唉、一蟹不如一蟹。。。
繼續閱讀