新興麵家

營業中

休息中

去到這間餐廳，真的是體會到什麼叫做愛上第一口😍。我跟朋友點了那個牛筋麵和牛腩麵，外加一碟炒通菜，老實說，我本來對於牛筋麵沒有太大期待，心想會不會就是那種通常見到的那種啦。誰知，第一口下去，完全顛覆我對牛筋的認知！牛筋超級軟腍，幾乎是哧溜一聲就滑入口中，好嘅牛筋真係幾好味😋，有種煮到恰到好處的口感，完全不用咬勁就化咗，軟但是又有口感！每一口都是滿滿的驚喜。至於牛腩麵嘛，湯頭超級濃郁，可能我平時對湯的要求比較高，這裡的牛腩麵湯頭真的讓我非常滿意。牛腩夠腍，沒有腥味，慢煮到每塊牛腩都吸滿了湯汁，食落去紮實得滋味。配上一點點醬油，太完美。😊炒通菜也很配合主餐，蔬菜夠爽口，調味剛剛好，不會過鹹，保留了通菜的原味，加點腐乳醬油，真是一絕。整體來說，這頓飯讓我真正體會到什麼叫作物超所值，每一口都那麼滿足，會令人想再回味無窮。不用太華麗的裝潢，餐廳的味道就能抓住人的心。下次還要再來，看看還有沒有其他隱藏的美味等著我們去發掘🔍！

每次入到屯門都食既一間鋪，呢間新興麵家都有一段時間歷史，我每次入黎都食一食，只可以講 環境 服務態度一定係冇咁好.地下濕 座位窄，樓面 忙。坐低有時會掂到後面枱背隻，但係佢個牛筋腩麵真係正。食物既缺點真係太多牛腩。每次食到好飽。又好味 唔想哂。麵方便正常野。魚皮都好好食 應該自己整的。仲有豆漿都幾好架。價錢都好平。老實講咁多肉咁既價錢。自己返去煮都未必得。所以我每次入屯門都要食一次。當然你頂唔順個環境就另計喇！！

最近想食清淡啲，黎到屯門紅橋，見到呢間餐廳唔少人食，俾佢吸引咗入嚟。牛肚河叫咗碗牛肚河期間都聽到唔少人嗌牛肚河，諗住應該唔會中伏。可以見到啲河粉份量好多，牛肚就係浸咗好耐好軟爛嘅口感，不過令人失望係湯底唔夠味，我見其他食評啲人話湯底好濃味，唔知係咪唔記得幫我落鹽呢，最後我自己加咗豉油落湯😵‍💫因為個湯底實在太冇味道，加咗碟細魚皮，諗住食落香口啲，魚皮夠脆，不過炸得比較老，同埋係比較厚身啲嘅魚皮總結嚟講，食過唔少舖頭嘅牛筋河，呢間一般般啦

屯門老字號粉麵店👍🏻，第一次覺得牛雜份量太多😂每個部位都有三至五件，難怪座無虛席，😍牛雜爽彈入味，辣椒油出色，令湯底更惹味。雲吞比較普通，相信牛雜和牛腩才是招牌菜。下次一定會試牛腩。😋😋

［📍屯門｜新興麵家］一間好街坊既潮洲粉麵店 平日人流都非常多似係街坊們都喜愛 有信心保證既粉麵店潮洲粉麵店離不開 快靚正 呢到都一樣 好快手就已經上哂菜呢到粉麵既份量 比得好足比起坊間既明顯大碗啲 唔怕唔夠飽另外佢地細份既炸魚皮 非常抵食份量一啲都唔少 價錢又抵 味道又好

禮拜六中午時間去到都要等一陣先有位，入面位置比較逼夾，連姐姐送餐都要食客讓一讓位。🍜牛坑腩併牛筋米粉牛筋同牛坑腩既份量好多，牛筋同牛坑腩應該都各有6-7嚿，不過佢既牛筋可能浸太耐，好鹹，鹹到最尾食唔哂牛坑腩就切得好大嚿，切到有啲正正方方，切薄啲會好啲湯底就係普普通通既清湯加腩汁牛坑腩好似都係唔洗加錢，雙併米粉$50有找朋友叫左牛腩，見到牛腩有好大嚿既肥膏同埋柴啲，個人覺得叫牛坑腩會好啲。雖然係普通牛腩麵，但真係大份足料，呢個價錢叫抵食。🍴新興麵家 (屯門)📍屯門井財街青菱徑地下#19_flog屯門 #19_flog牛腩麵 #hkfoodie #foodies #香港美食 #地區美食 #食評 #foodinstagram #foodhk

呢一間真係食過好多好多好多好多次，每一次去完公幹，或者去完長途嘅旅行，返到嚟香港嘅其實唔知點解都係好想食返碗牛腩粗，牛雜牛腩，呢一間簡直係專家打遍天下無敵手，早啲嘅會有崩沙腩 呢個係我最鍾意食嘅部位但係好坦白佢嘅雲吞就真係不了不了

屯門新興麵家，是一間屹立在屯門超級悠久的老字號，只要居住在屯門，一定知道這間位於新墟的粉麵店。這次簡簡單單來這裡吃個午餐， 選了牛什河粉。 ➡️牛什河粉材料方面跟一般麵家一樣，有牛肚，牛肝，牛腸等等，店員非常用心把牛雜清洗得十分乾淨，入口就知道一碗用心的牛雜河粉就是這樣，非常入味。值得一提牛腸雖然有肥膏，卻是很淋滑，充滿牛腩汁味。河粉份量很足夠，如果是女生的胃應該會吃不完。這裡叫粉麵可另加7元正加配玻璃樽可樂，用玻璃樽裝的可樂氣泡比平常的滿足。這樣一碗牛什河粉配可樂也只是港幣46, 性價比非常高呢。

行過聞到好香牛腩味，而且非繁忙時段都坐滿晒人，決心入去一試！💪🏻牛腩幼麵 $39勁多牛腩！牛腩吾算超淋，但勝在新鮮而且大舊啖啖肉😙，濃底夠晒濃！麵份量都多，食完好飽。牛腩牛筋河$50牛筋超入味又炆到入口即溶😍。炸魚皮$20勁脆，好味到叫多份打包番屋企嘆😎芥蘭$20可樂$7⭐️⭐️⭐️另外，佢個辣椒🌶️醬都好香好正！係豆鼓辣椒🌶️🥰。⭐️⭐️⭐️總結：甘多人食原來有原因的，好味🤤又大份！✏️沒有其他分店✏️沒有加一服務費📍 新興麵家 (屯門)屯門井財街青菱徑地下

聽聞屯門虹橋有好多特色食店，來到果然名不虛傳，這裏似乎越夜越精彩，好多食店。今日路經專誠來試一試。家人推介下，到了一間中式麵店，這裡位不太多，但坐得滿滿的。我地叫了魚皮、牛腩粗麵、牛腩河和牛雜河。牛腩好多，粗面滑，每碗都只是39元，牛腩鋪滿碗，性價比高。魚皮香脆，20元大大碟。最最推介係辣椒油，好香，忍不住一加再加。

由於丟左碗米線後 十分肚餓！11點半又跑落新興買牛腩河！可惜河粉賣哂，唯有食麵啦外賣比錢時已通知老闆娘多辣椒油！老闆娘哦完就算，結果又係比左一細盒辣椒油我！我問可唔可以係堂食辣椒壺果度自己加辣椒油！老闆娘話堂食先可以加.....真係頭痕，外賣已經加左1蚊，但辣椒油比堂食仲要少....拎到返去食，牛腩爽口，麵爽身彈牙！唯獨係個湯美中不足，好咸如果可以比多d辣椒油我，我相信一定可以遮蓋湯的咸味，真係美中不足 成碗野40蚊....下次唔會再叫外賣了！近排發現左景峰開左一個新既牛雜粉麵店該舖夠叫 富記.... 牛腩河質素比新興好食新興其實已經唔好食了...連隔離金銘都好食過佢！價錢最貴，個湯最咸，辣椒油又比得少！平心而論...除左開到深夜12點係唯一優點外...真係冇乜野特別吸引....

【屯門區】【新興麵家】屯門虹橋嗰邊不嬲多嘢食，不過因為太遠，成日都冇機會去嗰邊好好食吓嘢。經過有次同一位讀者食咗飯，佢有同我粗略介紹吓呢度，最後同佢食咗一間西餐，嗰篇我會等再有讀者聚會先一次過出，而家個時機唔太適合。咁我自己嚟到，選擇都唔會多，見到呢間新興麵家，個名好似之前喺牛腩群組都見過，一場嚟到就入去食吓佢。個樣都好有老牌潮式麵檔 feel，而裡面都八成滿，估唔到喎，我係尋日星期一下晝去嘅，平日下晝都咁爆嘅。用 $45 叫碗「牛腩牛雜粗麵」先，餐牌都冇睇，因為佢根本冇餐牌，啲嘢就寫晒喺牆上面。不過我都冇睇，食呢啲睇乜鬼吖。牛腩幾滑幾正，咬落去相當腍，唔係車仔麵嗰啲。唔怪得牛腩 group 都有人講啦，原來真係有水準。而牛雜方面，佢都唔差，味道都夠濃。加 $7 要枝「可口可樂」，都係新款玻璃樽嗰隻，已經飲過幾次，正。不過一場嚟到想食得全面啲先出 post，慢慢食完稍事歇息就再叫嘢食，係呀，我一次食兩餐， $40 要碗「淨四寶」。佢有魚蛋、墨魚丸、豬肉丸、魚皮餃呢四樣配埋紫菜，可以加腩汁但我冇加，墨魚丸同魚皮餃較為突出，其他無特別。加 $7 要「枝裝豆漿」，懷疑佢係重用玻璃樽自己整，味

晚上收工吃筋腩撈麵，老婆就吃牛雜河，再加個細魚皮，咁就一餐啦。筋腩撈麵，以呢個份量來講可以叫抵食，牛筋淋，入味，牛腩份量多，夠味，細魚皮夠脆，而牛雜河就除左牛腸有少少苦澀，其他都好食，這家店水準有時差少少，有時都好好食。這晚是滿足的一餐，食飽回家，看電視沖涼，訓覺，各位晚安！

真係無誇張，新興既牛雜、牛筋腩同埋炸魚皮，唔敢講係全港最好，但起碼係全個屯門最好食既☺️.老婆豬成日都命令小弟要買個大既淨牛筋腩再加個大既炸魚皮，番屋企，做晚餐加餸～.仲有個南乳炆豬手都好出色，雖然係比較多骨既部位係多左少少，「骨肉分離」😂，真係主要食個豬皮架咋，但真心個味道調校得好好，南乳入味、炆得淋又唔會過鹹，好好食😋我幾個朋友搬離左屯門（包括我自己）都會心掛掛中由九龍走番入黎食，所以除左「金銘」外（佢都開左好多分店啦，試下其他啦），私心推介大家一定要食下新興😙

看了網上介紹，專程入屯門，裝修簡潔的餐廳，離地鐵站頗遠路程，專食粉麵餐廳。一入門，服務員态度友好，自己揀位坐，非常隨意。地方不算很寛敞，算整潔。我要了牛雜河，份量適中，第一試了湯底，好味。牛雜有牛草肚，牛腸，牛膀等。河粉彈牙，掛了湯汁，可以。雖然牛肚是草肚，不是金錢肚，但算煮得腍，容易咬碎，加上牛膀和牛腸咬落有口感，味精不太重，又不太肥腻，跟平日街邊食的，很明顯不同，覺得有心機，個人覺得值得一試。