新聯邦美食餐廳

營業中

休息中

平時早餐最鍾意食呢度嘅沙嗲牛肉麵，最近有新款式推出，當然要試吓。我叫咗A餐 聯邦滑雞粥🥣，唔錯喎份量足夠又唔太鹹，啲粥煲得好綿添套餐有埋飲品$33，抵食。火炭區有粥食嘅地方好少，以後多個選擇啦。

本身係見之前既食評見個滑蛋賣相唔錯，決定試下呢間。 嘩，一打開個盒，我以為自己嗌左「獻汁」叉燒飯，成盒野究竟有冇用到半隻蛋？？ 淨係見到好零碎既蛋碎，仲要啲叉燒燶到咁.......飯就正常普通飯堂既硬度，個肚好餓唯有推走啲「獻汁」食多啲白飯，不過唔掂，即使肚餓到咁我都唔想食啲「獻汁」。我食過既滑蛋唔係咁架😭。雖然飯堂$42蚊一碟飯唔應該有太大期望.......叉燒都有7-8舊，但肚餓時卻要食頹飯咁，真係好失望。重點：我部手機對食物係有自動美化色系功能。實際顏色比圖片淺淡好多。

如果唔係係火炭返左一個月intern，我都唔會發現哩間新聯邦，亦都唔會發現火炭工業區裡面一切都係咁平。基於次次前老細問我lunch想食乜我都淨係話「冇所謂」同「你決定」，佢有日就帶左我黎新聯邦。工廈三樓既位置相當隱蔽，唔係火炭做嘢既人應該都唔會知。佢會有個湯俾你既，我果日係蓮藕排骨湯，幾好飲！我就嗌左一個三十幾四十蚊既蕃茄牛肉湯飯，冇諗過咁大碗。整體配料唔少，飯更加多，一般女仔係唔點可能食得曬既。整體環境相當乾淨，後來我都帶左朋友去食，性價比真係勁高！

平凡中的不平凡今天中午，没有多想，就跟同事去了公司附近的新聯邦茶餐廳吃飯，走進去看看今天的特餐，還真是有套餐吸引了我，滑蛋叉燒飯，無論是滑蛋還是叉燒，也是我的最愛。套餐還包括例湯，和熱飲，盛謂38元，在百物騰貴的今天，算是打工仔們的福音。滑蛋入口正如其名，確是滑溜非常，完全没有煮得過熟或過生的問題，火候掌控得很好，這裡要贊揚一下廚房師傅；另外叉燒也是恰到好處，没有深究是否爐火烹調，但每一塊叉燒都是肥瘦適中，肉質鮮嫩，口感十足。平凡的家常便飯，我嘗到當中的不平凡。

是日常餐 1 蟲草滑雞 跟白飯 中湯 熱飲38 HKD環境一般，就係火炭工業區裡面嘅工業大廈。雞新鮮而滑滑，飯唔會硬，飲品叫咗檸樂 coke zero。同一大班男同事嚟，食午飯就幾開心。吹吹水又一餐啦～

因為過咗兩點避開咗食晏時間，所以唔駛等位。叫咗兩個是日套餐，$36蚊連熱飲同例湯。青咖哩有辣味，幾惹味。茄汁魚有食屋企返嘅感覺，魚唔會話煎到好老。個聯邦炒河唔係menu度，但一般茶餐廳有嘅都可以叫，炒河兜得幾好，足料又炒得乾身。