新景記粉麵 (已結業)

差不多每一天都會經過這間店，但因為成日要等位，所以都好少幫襯。是日三點幾經過，見無咩人，就來食碗麵。本想食掛頭牌的魚蛋魚片，但原來魚餃才是鮮製，所以立即轉軑要了紫菜魚餃麵。碗紫餃麵大大碗，賣相幾好。先吃魚餃，餃皮幾有咬口，餡亦夠味，都算幾新鮮，不錯；麵沒有什麼鹼水味，但淥得過腍一點，可以更好；後加的紫菜夠份量，加埋有不少的生菜墊底，都不錯。吃完沒有特別口渴，也算不錯，難怪平時這麼多人幫襯，不用排隊的話都可以一試。

佢地既魚蛋係無加化學野，所以唔會特別彈牙，但係就妳有魚味。牛丸都好味，同埋湯底好香，河粉好滑。16蚊碗真好平，來中環食粉麵都會係呢間，不過可以就無咁就腳囉。

食完龍記的燒肉, 行出門口, 見到隔離的新景記, 門口有好多介紹的文章, 大意係話呢度的魚蛋粉好食, 稱霸中區......就點左個魚蛋粉, 魚蛋水準不俗, 彈牙而且幾有魚味, 不過魚片就平平無奇.$16唔算貴, 水準亦可以, 但我認為水準要再高少少, 才可給"笑臉".

佢舖頭出名魚蛋，但同事話魚蛋唔彈牙，墨丸先致好食。所以我試紫菜墨丸米，果然冇介紹錯，彈牙之外仲有d墨魚肉係裡面，好香墨魚肉味，米粉亦爽口。見到隔離台好多人食河粉，睇見都幾滑，我估應該都幾好食，如果唔係都唔會有咁多人食!另外佢d辣椒油亦好野味又夠辣，仲可以外買tim。

呢間係中環地膽o既介紹, 佢D 炸魚片真係唔錯, 我鍾意外賣一條魚片返去,唔放湯叮叮佢, 都好好食!

呢間野唔好睇佢個樣好似好舊咁,佢整個魚旦粉真係超水準,又唔貴首選當然係魚旦粉,再加埋佢地既自製辣椒油,正!