新斗記 (已搬遷) 新店位置

Went to drink tea with my colleagues last week and this place is good as usual. We saw this $10 上海小籠包 and it's surprisingly very good. Their steam rice rolls are always a good choice. Their service needs improvement and the price is ok, not as pricey as their dinner time. Overall the experience is ok.

之前，吃過新斗記，記憶中他們的菜無咩特別好食，鵝腸特別多肥膏，乳豬好乾身。好久都無再食，直到朋友認真想為他們平反。 我就提議食海鮮，一定可以體驗出一間餐廳的水準：我就點了一下大家經常吃的菜式 魚蝦蟹，全都有。 這次吃過後，我打從心裡接受並喜歡他們做的菜品，色香味，還有服務都是很不錯的！ 我想 下次這裡會是我們的食堂，再會試其他好吃的菜式！

今日屋企有長輩生日，選擇左近近地黎到屯門市中心開左都幾年既-新斗記食生日飯。由於今日係星期日，怕大多人需要等位，所以我地預先訂左枱。我地一行6個人加埋一個小朋友，由於有架BB車，所以職員都俾左張大枱我地。我地食左一個四人餐，另加一個菜，一共係一個湯，一個麵同埋5個小菜。金牌即燒乳豬（例）最先上菜係新斗記最出名既乳豬，平時行街經個總係見到廚師不停地燒緊D豬。乳豬果然係名不虛傳，乳豬皮好薄，燒得非常之脆，酒樓非常細心，乳豬係起左層肥膏，所以食落一D都唔會覺得油膩。啫啫芥蘭煲芥蘭煲係用沙鍋裝住，但完來只係得個賣相，完全唔夠熱，而且已經過左冬天，芥蘭已經唔合時，但勝在味道搭夠，蝦醬既味道好野味。生炒骨生炒骨份量好足，好好味，醬汁唔會過酸過甜，肉既份量好多，粉醬好薄，炸得好脆口，唔會太過乾，而且食落食落啖啖肉，唔錯。清湯龍蝦伊麵伊麵好大碟，六個人都夠食，龍蝦好新鮮好多舊，龍蝦都幾大隻，每一舊都好多肉。清湯伊麵就有D淡，中意食濃D可以轉芝士伊麵。蟹肉海虎翅因為有長輩生日，所以都有叫翅湯食開心下。翅湯因該係套餐既關系，所以翅既份量唔會多，但都有好多切左粒既魚肚，個湯幾清甜，唔會一味死鹹。湯既份量好多

話說上次新年黎過食晚飯，覺得唔錯，所以男朋友嘅生日飯都決定再黎食。一行11人，今次都點左啲同上次唔同嘅食物，整體雖然冇上次驚豔，但都係好食嘅~即燒乳豬 $698依然覺得乳豬係必食。一來價錢唔貴，二來質素穩定。乳豬皮燒得香脆，但唔會油淋淋，豬有肉地！馳名燒鵝皇 $498燒鵝皮都燒得好脆，肉厚！鵝脾好肥美。（因為我地人多，所以部分菜式份量加半，價錢同例牌有差異）粟米魚塊 $237 聽聞呢個係招牌，上次冇食，今次一定要試下啦。都幾特別喎，第一次食係粟米茨同魚塊分開上，我好鐘意呢個做法。因為好怕食啲斑塊，撈埋粟米一pat鼻涕咁…呢個好食，果然係招牌，魚塊唔係平時食嘅龍脷柳。魚香茄子煲 $132雖然價錢稍貴，不過惹味。南乳粗齋煲 $88啫啫生菜煲 $78啫菜同蒜蓉炒一樣價錢，感覺點啫菜抵啲。啫生菜上枱好香，唔會腍哂，由於我地人太多，仲encore左干煸四季豆 $88通常喺酒樓食四季豆都fail，一係太濕，一係冇味。呢個合格。椒鹽白飯魚 $98冇記錯上次係食鮮魷，我覺得鮮魷抵食啲。白飯魚份量較少，而且炸粉較厚。豉油皇銀芽炒麵 $108上次食過覺得好食先再叫，點知今次唔掂唔知係咪我地人多，份量有變，

初三無忌赤口，約食飯預祝朋友生日，新年流流就選定食中菜。聽朋友講，屯門呢邊嘅分店成日俾人炸形話服務差， 所以我地就決定去佐敦分店，一早訂左位，訂埋豬~即燒乳豬 $698/隻落單嘅時候提左，我地要瘦豬~ 一般都當客人耳邊風啦，理得你上左瘦定肥都要食啦，但真係有安排到唔太肥嘅豬！感動！我想講，佢地隻豬真係好好食！首先價錢唔係特別貴，閒閒地酒樓都差唔多價錢，而且比起貴貴紅隻豬，好食好多，呢隻完全唔油！(雖然冇飯)豬皮燒得超脆，而且起左層肥膏，豬肉嫩滑，又有肉地。連我唔太鐘意食乳豬，都食完一件又一件！貴妃雞 $328/隻貴妃雞都好食喎，雞肉唔乾唔鞋，仲幾滑添！食到呢度，朋友們都已經開始讚呢度唔錯，未來可以番啅。生炒上肉排 $98咕嚕肉味道一流！由於用嘅係上肉排，唔會肥淋淋。炸粉薄薄一層，唔會發到好大舊，實在必食，送飯一流！椒鹽鮮魷 $118鮮然份量唔多，炸粉亦都唔厚，鮮魷煙煙韌韌！當然啦，點都唔夠大排檔嘅有鍋氣~黑椒牛仔骨煲 $118牛仔骨份量唔多，但係煮得入味非常！不過呢碟我地後加，所以等嘅時間較長。啫啫什菜煲 $78菜心、白菜、西蘭花各樣都有啲~窩貼小棠菜 $118表面炸得非常香脆，墨魚膠

如題，有個已經認識了30多年的老朋友，去了美國讀書兼移民接近20年回港探親，當然要珍惜這些每一兩年才有一次的機會聚首一番。由於 Facebook 及 Internet 的普及化，即使老朋友已經是美國公民，但始終生於香港，仍然有許多即時渠道了解及關心香港的重點時事及新聞；席間除了彼此訴説近況及吹水之外，當然免不了討論一下香港面對的困局 ⋯⋯ 雖然有些無奈及唏噓，但仍然要食飯填飽個肚。無論美國的 China Town 有幾中國化，講到要食正宗粵菜或港式口味的鑊氣小炒，始終還是香港獨佔鰲頭。所以，要宴請一個在香港成長、又經歷過最美好的 70~90年代的已移民港人，當然莫過於食一餐有香港風味的粵菜，冇理由去食 USDA Prime 級牛扒吧？地點就揀了「新斗記」在佐敦的總店。據聞這間「新斗記」與以前在佐敦屹立了十幾二十年的著名小店「新兜記」有密切關係。自從「新兜記」因為老闆辭世而結業之後，過了一年多，就由其中一位熟客仔招攬了大部份舊員工組班重新開鋪，所走路線與舊店相若。店舖裝修及空間只能夠算是企理，談不上高級光鮮奢華，甚至有點擠迫嘈吵，當然較一般小菜館骨子、也較傳統港式酒樓特色；賣的都是地道港

This Cantonese restaurant chain has now got several outlets, but after having tried at a few of them I would say the Jordan one is best in terms of food quality and comfort. With a number of floors, tonight we were seated on the third floor, having to go up from the lift of the commercial building entrance. We had ordered the Blanched Squid, Dried Seafood and Mixed Vegetable Pot, Royal Chicken, plus the Slimy Spinefoot Porridge. The Blanched Squid is good, with the marinated sauce not too salty

正徝lunch hour,想搵個地方可以坐耐喲，唔駛俾人趕，又要坐得舒舒服服，唯有去酒樓新斗記位於佐敦，酒樓要上一層樓梯牛肉腸物，腸粉皮好滑，牛肉新鮮又份量多藥膳魚雲，魚雲煮得啱啱好，好滑，湯好香藥材味，鮮甜美味，配菜重有2件蘿白，吸收咗湯既精華

服務態度極差，大聲就可以優先坐位，我一家人共11人等左1小時，個知客比曬其他客人入坐，根本同walk in 沒分別，最恐佈話有枱等清理，等左15分鐘左右重未清理好，知客重同我講，唔同叫我清理，我忍唔住就同知客講用下腦就自己做啦，請成班侍應唔係做嘢，第一張圖最終就係個知客清理張枱，鬼叫個知客比囇其他人夠大聲就有位，當時叫佢經理出來，死都唔出來，第二張圖懷疑是經理又唔幫手，請佢返黎做咩，跟住問收銀姐姐帶紅色框眼鏡，經理貴姓，死都唔肯講，我話會同傳媒講最終話姓'樊'喎. 最終我一家人沒有幫襯。如果新斗記老闆見到呢篇文章，我只可以説時間就證明結果是什麼，我都係半個美食家，2013年佐敦新斗記拎左米芝蓮一星後，每況愈下，呢這幾年越來越差，又沒有新菜式，服務態度又差，遲早都會比其他對手淘汰。最近我去過尖沙咀新斗記只有2至3枱客人，超恐怖，而且貴酒樓都會不定期會有出Groupon ，客人就知道發生咩事. 我就以後都唔會再幫襯全缐新斗記及也會告訴身邊朋友，如果大家要幫襯溫馨提示：要對住第一圖知客說大聲講就會快d有位，否則等1至2小時都唔奇，買Groupon 的客人都有可能承擔等1至2小時真的不出奇，老

星期五晚約了一大班朋友食飯聚久,  揀了佐敦間新斗記, 貪其地點就腳, 又開到好夜。而且他們不收開瓶費, 好多顧客都會自備紅白酒。好多人都知新斗記馳名即燒乳豬, 他們注重食物質素, 其他小菜水準亦穩定, 例如生炒骨、粟米班塊, 每次食到最後都要加一碟豉油王炒麵, 十分有火候。唯一缺點餐廳十分嘈吵, 不適合約會談情。綜合評價: 食物>環境>員工*綜合性價比: 抵!(不代表平)超乎想像的驚喜!!*性價比1.  抵!(不代表平)超乎想像的驚喜(嘩! 無論怎樣一定要再來! 抵啊)2.  Wow! 物超所值(幾好啊!唔錯,有機會一定再來)3.  正常, (可以, 但這個價錢坊間有很多選擇)4.  物次價高(都不是太差, 但這個價錢坊間有質量更好的)5.  有比較大的改善空間(填胞肚算, 失望)

終於有機會食呢間野，食咗乳豬、薑蔥蠔、蒸蟶子、生炒骨。。。幾好食，但係泥鯭粥超鹹。而服務一絕！一開始阿姐呼喝你讓過上菜位俾佢，讓遲半步，塊面黑過墨斗。搵佢落單，殺氣騰騰沖過黎，好似好趕時間咁，都未講完應走咗。問佢攞個膠袋外賣，佢問你你睇唔到佢好忙咩？ 隔離張枱叫佢壺茶沖濃d，成個茶壺叼落張枱度，大聲呼喝: 係你叫濃d，唔好賴我。成間野，由上至下，唔係同啲客呼呼喝喝，就係自己樓面互相鬧交，怨氣爆錶。

最近同事搞飯聚開心下，圓桌粵菜最輕鬆，今次揀咗新斗記。訂咗位所以免等位，雖然環境有D嘈，但免卻咗眾人大聲講大大聲笑嘅尷尬。狂風掃落葉式落單之後，大聲講大大聲笑住等食~~1.招牌乳豬名不虛傳~皮薄不帶肉，脆卜卜勁香口，薯片控必食!! 下層肉片微暖嫩口，唔錯唔錯。2.椒鹽鮮魷合格有餘~椒鹽味不重無搶味，鮮魷厚身啖啖肉，唯炸皮雖不厚但脆口D更佳。3.鍋貼小棠菜驚喜之作~開始以為只係小棠菜上鋪鍋貼，原來是炸小棠菜墨魚餅，脆口鬆軟驚喜十足。4.琵琶豆腐味道ok但唔會令你嘩一聲嘅一味，可能呢道菜本身性格不愛出風頭吧。5.姜蔥桶蠔煲上枱時熱辣辣吱吱聲，桶蠔大隻沾滿醬汁，姜蔥又夠惹味。6.咕嚕肉醬汁酸甜味啱啱好，排骨炸到卜卜脆，看似普通但殊不簡單。7.啫啫生菜煲煲仔上熱辣辣，撈起撈起幾惹味，有得玩又有得食。8.豉油王炒麵麵炒得較硬適中，有以前大排檔古早味，如果有埋甜醬辣醬就好嘞。9.紅豆沙較為淡口，個人喜歡甜D又沙D嘅。~~~總結成餐飯都好滿意，美味粵菜遇上三五友好，大滿足!!

原來持有新斗記的積分卡，在生日當天惠顧是可以送壽包的;而在生日月惠顧， 還可以賺取雙倍積分。真識做生意。由於朋友生日當天要出外旅遊，便把積分卡借給我，還叫我帶同父母來吃免費壽包。既然朋友誠意拳拳，當然不能推搪。於是享用了一頓午餐。好奇怪，既然這裏出名的是燒鵝，為什麼沒有燒鵝瀨，祇有燒鴨瀨。 由於燒鵝最少要order一碟例牌， 我們三人覺得份量太多， 最後 唯有食燒鴨瀨頂住先。 燒鴨也不錯，皮脆肉嫩，味道適中。鮮蝦炸雲吞， 是爸爸的至愛，非常脆口， 但我覺得鮮蝦就比較迷你。布拉油器腸， 個名好好聽， 但就不太脆口了。川芎白芷蒸魚雲，內有白蘿蔔， 因魚汁已滲入白蘿蔔，所以非常入味。 魚頭亦非常滑， 由於此魚湯能去頭風， 所以一滴汁也不留。豉汁排骨， 與一般酒樓無異， 但有芋頭托底，芋頭都好好味。就是為了它(壽包)而來， 終於出場了， 可能即蒸關係， 等了十多分鐘才到， 把包撕開 ， 真的有蛋黃油流出來，正呀。最後還有喳喳送， 喳喳好足料，內有不同品種的豆豆，還有一粒粒白色透明珍珠， 又大粒又爽口，好好味，最重要是不太甜。

還記得小時候一到新年我便很開心,因為可跟媽媽回娘家拜年討利是(可知媽媽有12兄弟姐妹啊),現在人大了渴望的並非利是而係齊齊整整的跟親朋戚友吃一頓新年飯^0^多謝九舅父相約一衆親友濟濟一堂到新斗記相聚一個快樂的晚上^0^見到支裝可樂大家不難估到一定係車媽媽的啦^0^先來個{揚州炒飯}$98兩位表姨甥主食,我也試了一口炒得頗乾身而且足料非常內有不少爽口蝦粒和叉燒~新斗記出名{招牌即燒乳豬}$698/隻,皮脆肉嫩做到了,但豬件比較凍冰冰吃落沒那麼吸引啊~九舅父將他們那檯的{馳名脆皮燒鵝皇}$498/隻分了半隻給我們 ,可能凍咗鵝皮未算脆口,但肉質軟滑肉香滿滿~{白灼海蝦}隻隻飽滿札實充斥海水鮮甜味很美味喔~{鎮店鹵水頂鴿皇}$98/隻,乳鴿個子魁梧一隻可開六件叫兩隻已夠一圍同吃,咪睇佢色澤不吸引其實鹵得入味非常但又不失肉香,而且質感軟滑比起早前在粗菜館食的更為誘人^0^{鍋貼小棠菜}$118早在10多年前經常和好友Jacky到太子好彩酒樓便是為了它^0^這兒也做得頗出色外層

雖然新斗記噶門口唔大，不過入面噶野食都喺一流噶，而且呢度如果唔提前book位噶味，排隊喺好難排噶，更何況今日喺Sunday，好彩bb提前幫我book好味，先可以撐抬腳脆皮乳豬，兩個人真係食唔曬，乳豬皮好香脆，而且入面噶豬肉又唔會太肥，鮮嫩多汁。燒鵝噶色澤好靚，睇得出喺只靚鵝！！外皮好脆，而且肉質鮮美，肥肉好少，唔會好肥膩。蝦仁魚翅撈飯，蝦仁好多，占咗半個碟，炒飯炒得金黃金黃，撈住啲湯一齊食口感好特別。粟米炸魚塊超級好食吖，第一次咁樣食魚，好新奇好special！