106
32
22
港鐵佐敦站 B1 出口, 步行約3分鐘
所有分店 (6)
電話號碼
2388 6020
營業時間
星期一至星期日: 11:30-03:00
付款方式
Visa Master AE 現金 銀聯 JCB
座位數目
360
其他資料
深夜營業
酒精飲品
自帶酒水 詳細介紹
VIP房 詳細介紹
泊車 詳細介紹
電話訂座
外賣服務
加一服務費
食評 (173)
入門食家 2016-08-07
619 瀏覽
終於有機會食呢間野,食咗乳豬、薑蔥蠔、蒸蟶子、生炒骨。。。幾好食,但係泥鯭粥超鹹。而服務一絕!一開始阿姐呼喝你讓過上菜位俾佢,讓遲半步,塊面黑過墨斗。搵佢落單,殺氣騰騰沖過黎,好似好趕時間咁,都未講完應走咗。問佢攞個膠袋外賣,佢問你你睇唔到佢好忙咩? 隔離張枱叫佢壺茶沖濃d,成個茶壺叼落張枱度,大聲呼喝: 係你叫濃d,唔好賴我。成間野,由上至下,唔係同啲客呼呼喝喝,就係自己樓面互相鬧交,怨氣爆錶。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-06-26
2037 瀏覽
最近同事搞飯聚開心下,圓桌粵菜最輕鬆,今次揀咗新斗記。訂咗位所以免等位,雖然環境有D嘈,但免卻咗眾人大聲講大大聲笑嘅尷尬。狂風掃落葉式落單之後,大聲講大大聲笑住等食~~1.招牌乳豬名不虛傳~皮薄不帶肉,脆卜卜勁香口,薯片控必食!! 下層肉片微暖嫩口,唔錯唔錯。2.椒鹽鮮魷合格有餘~椒鹽味不重無搶味,鮮魷厚身啖啖肉,唯炸皮雖不厚但脆口D更佳。3.鍋貼小棠菜驚喜之作~開始以為只係小棠菜上鋪鍋貼,原來是炸小棠菜墨魚餅,脆口鬆軟驚喜十足。4.琵琶豆腐味道ok但唔會令你嘩一聲嘅一味,可能呢道菜本身性格不愛出風頭吧。5.姜蔥桶蠔煲上枱時熱辣辣吱吱聲,桶蠔大隻沾滿醬汁,姜蔥又夠惹味。6.咕嚕肉醬汁酸甜味啱啱好,排骨炸到卜卜脆,看似普通但殊不簡單。7.啫啫生菜煲煲仔上熱辣辣,撈起撈起幾惹味,有得玩又有得食。8.豉油王炒麵麵炒得較硬適中,有以前大排檔古早味,如果有埋甜醬辣醬就好嘞。9.紅豆沙較為淡口,個人喜歡甜D又沙D嘅。~~~總結成餐飯都好滿意,美味粵菜遇上三五友好,大滿足!! 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-04-30
4982 瀏覽
原來持有新斗記的積分卡,在生日當天惠顧是可以送壽包的;而在生日月惠顧, 還可以賺取雙倍積分。真識做生意。由於朋友生日當天要出外旅遊,便把積分卡借給我,還叫我帶同父母來吃免費壽包。既然朋友誠意拳拳,當然不能推搪。於是享用了一頓午餐。好奇怪,既然這裏出名的是燒鵝,為什麼沒有燒鵝瀨,祇有燒鴨瀨。 由於燒鵝最少要order一碟例牌, 我們三人覺得份量太多, 最後 唯有食燒鴨瀨頂住先。 燒鴨也不錯,皮脆肉嫩,味道適中。鮮蝦炸雲吞, 是爸爸的至愛,非常脆口, 但我覺得鮮蝦就比較迷你。布拉油器腸, 個名好好聽, 但就不太脆口了。川芎白芷蒸魚雲,內有白蘿蔔, 因魚汁已滲入白蘿蔔,所以非常入味。 魚頭亦非常滑, 由於此魚湯能去頭風, 所以一滴汁也不留。豉汁排骨, 與一般酒樓無異, 但有芋頭托底,芋頭都好好味。就是為了它(壽包)而來, 終於出場了, 可能即蒸關係, 等了十多分鐘才到, 把包撕開 , 真的有蛋黃油流出來,正呀。最後還有喳喳送, 喳喳好足料,內有不同品種的豆豆,還有一粒粒白色透明珍珠, 又大粒又爽口,好好味,最重要是不太甜。 繼續閱讀
(以上食評乃用戶個人意見 , 並不代表OpenRice之觀點。)