新成業茶餐廳

營業中

休息中

今日買野經過鰂魚涌 行行下肚餓 但求順手去咗新成業 午餐選擇不多 要咗個蕃茄焗豬扒意粉餐 真係未食過咁差嘅豬扒意粉 連美心 大家樂都不如 一句講晒好難食 餐湯又死咸! 同埋唔知点解要寫夠八十字先比人評論?

第一次試哩間位於鰂魚涌地鐵站A出口嘅路程大概5～6分鐘 行到中興大廈內巷就見到綠色大大間門口企住個上咗年幾嘅女人。慢慢睇完餐牌就向女人落單 佢好似唔太鍾意人問嘢🙁 最後我快快脆脆就其問完就算 排骨煮得幾耐下～ 唔知原來排骨飯有豆腐 我最討厭食哩種咁飽肚嘅豆腐朴其實幾失望 返到屋企打開盒飯之後😩好似同兩送飯差唔多 但貴成倍失望😞

Cold food and late delivery. Never imagine how bad can be. Late delivery is even worse when the food is so bad.Strongly recommend they should close the shop. Don’t hurt people’s stomach.

今日想食豐富少少既早餐，就去左間茶記坐低嘆。無影餐牌，不過都係正常茶記選擇，三文治呀，雙拼麵果啲都齊哂。我就選擇左半健康半邪惡既其中一個set。健康果半係麥皮，記得叫佢走鍊奶。健康既味道無乜太多可以comment。邪惡既蛋治，叫左烘底！三文治熱住上，麵包都算烘得脆。蛋煎得幾厚，幾足料，所以食完都幾飽的。檸茶都正常，所以無乜特別comment。因為我十點幾去，所以都過左最忙時間。人流唔算多，姐姐們都有禮貌。

一心以為茶餐廳會可靠啲，因為第一次網上訂外賣速遞，唔敢叫一啲特別菜色，驚會選擇錯誤，就穩陣啲，茶餐廳應該都食得落口，點知就中伏。海南雞飯、椒鹽鮮魷都係普通菜色，點解可以甘難食，個飯凍冰冰，唔緊要，我可以自己番熱，但係啲雞無味不但止，好似煲完湯啲雞😱，餐牌寫無骨海南雞飯，但係有骨😨椒鹽鮮魷$88,唔算平，一睇賣相，😣點都唔似椒鹽鮮魷，我第一次叫外賣速遞姐，唔係第一次食椒鹽鮮魷，未食都知幾難食，完全食唔到鮮魷，仲要係暖暖地😖，好似食緊隔夜炸麵粉😤另外仲有兩個焗飯，都係不知所謂一句到尾，伏、伏、伏😡唔好味唔緊要，你都唔好做到甘難食啦，我真係好唔想浪費食物，結果都係要請大口仔食🤬🤬🤬

貪新鮮試新野，去咗呢間個樣正正常常嘅茶餐廳外賣自取。見有個無骨海南雞飯，都好，六七十蚊其實好貴，但係依家鰂魚涌求求其其都五十蚊起跳，無計啦，照買。好，一返到公司真係好餓，一打開個飯真係想喊！！！！海南雞飯呀大佬，成個飯嘅賣相真係極衰，係我有生以來見過最倒胃口嘅飯，好啦，真係餓，都試下。嘩！啲雞仲老過煲湯湯渣！！仲臭臭地，真係未食過咁難食嘅海南雞飯！難以想像一間餐廳可以serve咁嘅食物俾顧客！食多一啖之後，真係食唔落，成盒掉咗。

今日去左新成業食lunch，午餐既選擇都算多，呢個係是日精選午餐：平均都係五十蚊咁上下價錢，我諗係鰂魚涌呢區黎講應該都算平掛...我就嗌左個午餐H，即係海南豬手越式湯檬粉侍應好快就拎左碗湯檬過黎，第一眼望個陣我仲以為佢拎錯野黎，我再諗一諗：「咦？係豬手黎架喎...」先知湯檬個樣原來係咁既呢碗海南豬手越式湯檬粉除左有2-3舊豬手之外，仲有好多舊蘿蔔同豬紅個人覺得豬手唔夠入味，但個湯同蘿蔔就好夠味好好食！豬紅都唔錯，夠晒實淨！唔會一夾就散！餐牌寫午餐應該會有明火靚湯+餐飲，但最後個靚湯都無黎到可惜我埋左單先知有包埋個湯...唯有下次再試啦

鰂魚涌午餐雖未至中環下下8x-9x咁貴，但7x-8x 都係走唔甩. 想搵餐約50既，選擇就極少喇！而全店乜都青BB既新成業就係其中一間. 平常茶餐聽多數3-4款午餐，呢度有8款都算多選擇.今日我就好勇咁揀左 B 餐牛仔骨. 通常茶餐廳都會落大量鬆肉粉去處理肉類，令平價食材不至硬柴咬唔開. 今次呢個牛仔骨也不例外，都落左鬆肉粉. 幸好牛仔骨本身肉質就比較鬆軟，師父應該輕手左，呢個牛仔骨鬆得來又沒有好重既鬆肉粉味.？要讚！但始終食材唔靚，牛味都係無既. 另外餐湯就揀左西湯. 因茶餐廳中湯9成都重味精. 都係西湯算. 但呢個粟米忌廉湯好喊呀！頂唔順！不過入面既粟米又好甜 wor. 所以我都有揀曬粟米來食. 連凍飲埋單$52. OK 啦！

係鰂魚涌食晏 間間都要排隊 唯獨是呢間 我以為呢間地方夠大 先所以唔使等位 常餐37蚊就叫左兩個黎試下 碗麵實在好少 味道一般 食完仲有餓既感覺 多士都ok既 不過落左好多牛油 個蛋就唔夠滑同好乾 唔會再黎lu

兩年前經常幫襯。公司聚餐都揾佢，乜都煮到出嚟，餐牌冇都煮俾你，只講幾多人用餐，有乜要求，出埋菜單。但，聞說厨房轉左。果然。。。今次嚟個日与夜。日，下午茶試個經典。造型正，雖然等左好耐。脆身。但，勁淡，冇醃過咁。夜，腰果宮保雞柳。買點當然係要脆脆腰果啦味道一般，但呢味菜，亮點係腰果，都冇炸過，似煲完湯咁。點解你地變左㗎

午飯得一個人，隨便找間茶餐廳食算，行去太古坊附近食街，見這裏有上海回煱肉炒粗，便入去試吓，點了炒麵，很快送來，一看，不見肉片，豆乾，只見罐頭筍片，看得是罐而且到好老，是罐頭回煱肉，加一點青椒棷菜算數，除了罐頭筍和那餐廳自己加的丁點外，連罐頭肉都找不到，可見用的都是下價而且劣質的罐頭回煱肉，一定不是梅林牌，而且麵身不爽無蛋香，多油，除罐味外，一無是處，完全無誠意可言。畏！茶餐廳都係餐廳㗎！不知所謂！

星洲炒米本身極喜歡星洲炒米，可惜好多間都唔係整得特別好，唔係淡而無味就係得個辣字呢到嘅星洲炒米唔止夠香、仲夠辣！而且材料十足，仲要大大碟，基本上一個人係食唔哂嘅！的確無得輸

晏晝和同事來一個快午飯，隨便點了一間茶餐廳見有位就閃入去。環境老實講非常擠迫，店內節奏急速，這正正彰顯著香港地嘅拼搏精神。所有嘢都係《快。狠。準》，最大特色係嗰度嘅夥記 非常幽默，風趣生鬼！我地只點了兩個菜式。一碟係最傳統既蕃茄焗豬扒飯，塊扒大得有點過份，如果係牛扒就發達啦講笑。原本冇咩期望，一口gep落勁驚喜，原來除左大記既一哥焗豬飯，係這個世界上其他地方係仲有得㨂既！扒肉夠鬆軟入味，芝士配合鮮茄，加炒蛋飯底，滿足到不能言語。另一碟係羅漢齋炒麵，份量超大兩個女仔都食唔曬，勁驚會好齋，唔係喎，多款新鮮蔬菜配合不太濃味汁料，脆卜卜麵底真係好正。同事叫熱菜蜜，我跟！佢問左條我O左咀既問題，究竟菜蜜係咩黎呢？hmmmm.... 係。。。honey?.... kind of vegetable plus honey?...... 跟住就係變左兩個O咀。。。

叫了印尼炒飯外賣。速度倒還很快，提回家打開，上面鋪了一個溏心蛋，看上去蠻有誠意。於是我有了一些期待，嚐嚐蝦仁，口感還不錯，感覺是新鮮的，味道沒有什麼特別，but anyways so far還沒有什麼值得吐槽的，直到我的筷子向炒飯中的雞肉移去....天吶..一口吃下去一小塊雞肉我立刻吐了出來！從來沒有吃過如此腥的雞肉！就像把賣活雞的鋪頭的氣味製作了一種醬料，然後把雞肉放進去醃，我現在吃的就是那醃好的雞肉。真的很讓人反胃。我放棄了一整份印尼炒飯。傷心極了。

常常覺得如果去茶餐廳就是應該點「常餐」！好吧～但這家的常餐不包括飲品.....熱飲的話也要加 $5不要飲品的常餐A ($34)有牛油多士、火腿奄列！多士驚喜的是還有點脆的~但奄列有點老，而且火腿好少啊QAQ然後我明明下單時說要配沙嗲牛肉.....但給我的卻是叉燒.......因為等了很久，所以也算了～不叫侍應幫我換。叉燒雖然不是蜜味，但也不太差~只是如果可以肥番少少就好了！！湯的話夠味～但有少少油～