新大光燈

營業中

休息中

今日lunch 去咗紅磡揾食，由於我一個人食，所以食返普通茶記就算😂😂😂，呢間餐廳嘅午市唔算太多人，所以上餐速度都算快，由落咗單到食物送到都係十分鐘內嘅事！唔錯！我order咗一個常餐，豬雜湯飯，凍飲加$3！😀😀😀呢碗豬雜湯有肉片、豬肚、豬心同埋粉腸，每款有兩至三件，份量都算多，本身有豬膶嘅，但我唔太鐘意，所以就叫佢走咗佢，湯底係甜甜哋嘅，調味唔錯，表面上有大量蔥絲，可以僻下腥~~個湯超送飯，好彩啲白飯可以免費任添😉😉😉附上收據：

同事推介紅磡必嘉街有間茶餐廳抵食得嚟幾好食，今日Lunch就嚟咗呢到試！望一望menu先，有九款超值套餐，每款四十零蚊，包熱飲！凍飲要加$3！價錢尚算OK！我揀咗A餐，柱候牛腩，唔想食飯所以轉咗撈米，好多地方轉撈米/撈麵都要加錢.......呢到唔使再另外加錢幾好，呢個餐可以揀送兩粒雲吞或者三粒魚片頭，都幾有趣，第一次見餐廳會咁送嘢！😆牛腩肉質普普通通咁啦，有少少痴牙，都幾入味嘅，不過睇圖都知，太少汁喇！食到最後要食乾爭爭嘅米粉....🤭😑 不過跟餐送嘅雲吞有驚喜，蝦肉夠彈牙爽口，有水準！下次嚟食可能會食返雲吞麵😝

新大光燈環境同店名一樣非常光猛😂😂！有水準嘅牛腩粗，食一次就愛上！又香又濃牛腩湯加上爽口彈牙嘅粗麵同好入味嘅牛腩，一碗好好味嘅牛腩粗就出現喇，而且小食炸水餃同腸粉一樣好出色，水餃炸得好鬆脆，腸粉皮又做得好滑👍🏻👍🏻，絕對係平民價錢，一級享受！

第一篇食評就獻畀新大光燈😬新大光燈呢個名真係冇改錯！頭先搭錯車唔知去咗邊，一落車，見到條街黑漆漆，得佢最光猛，果然係大光燈哈哈。我見趕唔切返屋企食晚飯，呢間舖又坐滿八成位，就入去試下。叫咗個豬雜面，因為香港比較少地方有得食，仲有炸鯪魚球，主要為咗食蜆介🙊豬雜面好足料，全部厚切大大件，加埋都有十塊左右。碗細細但原來麵底都唔少，$37算幾抵食👍🏻 薑蔥段畀得好慷慨，而且少見地真係有薑😍 唔鍾意食的人要留意返～炸鯪魚球好大粒，比乒乓波再大，用咗脆漿所以比平時的脆，而且炸到入面都好熱，新鮮生炸無疑。味道比較淡，唔太食到魚鮮味，但好彩哋都冇食到味精味。係蜆介呀😍聽到老闆同食客吹水，話呢間店仲用緊以前推車仔年代老師傅的傳授秘方，就算而家開咗新分店，但只有呢間最正宗。如果大家經過都值得試下👍🏻 順帶一提，食咗咁多嘢都完全唔覺有味精味，呢啲餐廳而家買少見少啦

晏晝無乜做喺條街度行嚟行去散下步，行下行下見到呢間茶餐廳咁鬼大個招牌喺牆度，之前又未食過就食下啦。 哇～ 幾多唔同款嘅套餐組合。見到有雲吞麵，可以轉河粉，真係合晒何車，即嗌，而且有碟菜心同嘢飲。個河粉軟滑，正正常常。雲吞就得四粒，而且略嫌有啲偷工減料。因為每粒只包得一隻鮮蝦，無筍，無豬肉 😂 不過蝦都算大隻，亦唔似冰鮮蝦。菜心okay嘅，無特別甜或爽脆。但奶茶完全唔掂。茶膽用埋啲下價茶，又苦又燶，好鬼難飲 😟 勉強飲左三分一杯後就放棄左。間野無預期想像中咁好，有啲失望。

紅磡的大光燈，坐車經過幾次，但都未去過，那天住在紅磡附近的朋友推介到這間粥麵店吃晚餐。晚餐時間都幾多人，需要搭枱。鳯城水餃麵$33-水餃很大隻，餃皮很薄，饀料很多。麵條很爽又很煙韌，個湯底都幾好味。柱侯牛腩河$36-牛腩是用柱候汁煑的，所以味道比清湯腩濃，正所謂各有特色，各有擁躉。牛腩炆得夠林又入味，還有兩件牛筋，河粉亦夠滑。火鴨絲腸粉$26-火鴨絲腸粉都是第一次吃，帶皮的火鴨絲食落帶著甘香的味道，腸粉又夠滑，䜴油味道帶點甜味。

聽聞這間粥麵店已很久，但從未幫襯過。麵店在「大酒店」附近，今次來紅磡這個地段也是因為要辦點事。按俗例，去完大酒店要在外邊吃點東西才可回家。於是就到這家新大光燈吃宵夜。炸醬撈麵 （$41）久違了的炸醬麵，很久沒有吃過，所以一看見有，就馬上叫一個。麵條又爽口又彈牙，炸醬的汁料橙橙紅紅，甜甜酸酸的醬汁與麵條拌勻，味道醒胃又不膩。及第粥（$34）粥底又綿又滑，冒起的蒸汽可以聞到米的香氣。粥內有豬潤、豬肚、肉片、粉腸等，材料新鮮，味道濃厚。炸鯪魚球（$28）新鮮炸起的鯪魚球，外脆內軟，啖啖都是鮮甜的鯪魚肉，與蜆蚧同吃，味道更添層次。油條（$10）油條上枱時是熱的，很脆很香，與及第粥同吃就最適合。門面內在環境餐牌

放工黎個快食，唔想食得咁heavy令個胃負擔沈重，所以揀食麵。係住處附近隔離揀左間之前未幫襯過但又想試好耐既食店(平時見人流都絡繹不絕，但又未至於要排隊)。3個人晚飯黃金時間開餐，唔使等位，大把位任坐，揀左個卡位，點左3個麵，一碟腸粉同炸兩。我點既係雲吞麵，因為見佢貼住既雜誌訪問推介係雲吞麵，另外兩位就點左豬手撈同牛腩撈(習慣大家都係分享一齊食,咁先唔會咁DRY食到單一味道)。個雲吞麵果頭回完轉頭就上(快到呢，前後1分鐘而已，應該係人少關係無咩人出餐所以煮得快吧，點重:碗麵唔太熱，所以食食下中途好快已涼了)，得4粒雲吞，每粒都頗細下，入面既蝦又唔見得特別彈牙或鮮甜，個麵連湯好重鹼水味，就咁真係食唔出同出面街一碗求其過唔求其既雲吞麵有咩分別，為左令碗麵無咁平凡，見到枱上有樽XO醬，忍唔住落啲吊下味，意想不到既係個醬好香好惹味，令到碗雲吞麵有起死回生既作用。呢個麵…....嗯..…其實很普通，想信絕對唔會係佢店內貼住既雜誌報導所指激推咩鎮店必選之作…….我為人比較含蓄，你懂的吧~~兩個撈麵都好重鹼水味，撈麵比雲吞來說好食點，牛腩牛筋無啥特別，反而豬手真係炆得好淋好入味，淋既程度達至化骨綿掌

好耐冇食過呢度嘅雲吞麵,今晚朋友提議再嚟!去到巳經9:30,唔駛等位,仲有卡位添點左個雲吞撈麵,麵質爽口,不過鹼水味略重,雲吞正常大小,蝦彈牙.湯用大地魚熬成,好香濃.及第粥,粥底好綿,豬潤又大塊又爽口,其他料也好豐富.最後加上葱花蝦米腸,腸粉即叫即拉,米漿好香,加上灑滿了葱花和蝦米,配上甜甜的腸粉豉油,很快便被我掃清光.

我對雲吞麵雖然冇乜要求， 但係都要係貨真價實，有啲料到先至得。雲吞麵以前係一啲好平嘅嘢，但依家求其一間店都唔平， 今日就入咗去呢一間，食咗個$32嘅雲吞麵雲吞麵 , 有好多蔥， 一共有四粒雲吞，湯底似係用大地魚煲出嚟嘅湯底，應該係除非唔係，飲落唔似有味精， 因為食完成碗麵都唔覺好口乾， 雲吞算係正常size，唔好話係咪鳳尾嗰種雲吞，總之正正常常就係喇， 食落去蝦唔係好爽口不過蝦有蝦味，唔算係好好食但又唔算係好難食嗰種， 啲麵都幾彈牙，不過好重鹼水味。

紅磡既新大光燈非常出名,好多朋友都提起過,但從來無去食,反而周邊既雲吞面就食過幾間.今晚老豆建議去依度,就就試下啦.7點點幾去到,雖然都算出名,但起碼唔使等位,大約8成滿座啦.卡位坐晒只好坐圓枱.因為舖面唔大,圓枱只係小圓枱.叫咗個南乳豬手撈面. 麵質爽口彈牙,有人話鹼水味好重,我就唔覺喎.南乳豬手雖然無用汁浸著,但南乳味依然好香濃.豬手無炆到好冧,所以仲算有咬口.另上果碗湯,有種淡淡既咸同埋鮮味,老豆話叫同蝦水.即時上google竟然查唔到咩來歷.皮蛋瘦肉粥既粥底綿身而且本身有調味,唔會好似某啲舖頭皮蛋瘦肉加落白粥就算.瘦肉絲真係搣得好幼細,我食過切粒同埋粗絲既瘦肉粥,咁細既瘦肉絲真係第一次見,係心機野嚟既,但我寧願食到整舊醃咗味既瘦肉喇.皮蛋真係好少,而且已經煲到溶溶地食唔出味.生菜絲都係好幼,就算係最後放上粥面,都因為太幼食唔到爽既感覺.

響新大光燈到食嘢，令我同我的屋企人有一種懷舊的感覺，因為佢地啲食物是既好味，又懷舊。例如：佢地嘅雲吞湯底是用大地魚所熬成的，食落去，香濃而不膩。例如：佢地嘅炸雲吞，外面好香口，而且雲 雲吞個蝦又大又爽口。仲有鯪魚球，雖然帶有 一些苦澀，但飲一啖完大地魚湯之後，苦澀味就好快消除，。但總括來說，佢地食物好！價錢都 頗便宜！而且餐廳嘅坐位，坐得幾舒服！ 加上服務態度very good ! 總之一句到尾呢間餐廳非常之好！ 所以我藉此希望大家，嚟呢間餐廳到食嘢，值得推介哦！

本身都有食開紅磡呢間, 覺得佢地既腸粉好食, 不過今次之後, 我發誓以後都唔會再去, 事緣我同朋友一行四人打完機之後晚飯就落佢屋企附近食, 我提議去呢間 ,佢地話ok, 果陣大約9點左右, 入到去咁岩有張檯無人, 咁就坐底叫野食, 叫左蝦腸 x2 ,牛腸叉腸各一, 跟住每人一碗麵, 果陣間鋪都算爆, 所以野食無平時咁快, 過左大概十五分鐘先上麵, 麵就一般, 只可以講好普通無乜特別, 放得落口, 其實我地係為左食腸粉, 所以都算, 食完晒 d 麵, 再等左 10分鐘, 前後2x分鐘, 終於先上蝦腸, 一上檯我真係 X 左聲, 兩碟蝦腸好似跌左落地再執返起上碟咁, d 腸爛晒, d 蝦跌晒出黎, 我地幾個都呆一呆, 唔係呀嘛, 忙還忙丫, 都唔洗整pet野出黎呀? 好,我地都算, 因為覺得可能爆場做得亂, 照食晒, 食完再過差唔多5分鐘,另外兩碟腸粉都未上, 咁我地就揾個侍應姐姐問: 「唔該我地仲差兩碟腸... 」粉字都未講完, 阿姐就發悔氣大叫:「你地等下啦, 腸粉更係要等架啦, 排單呀」佢邊講邊走無理我地, 我朋友果下都差 d 爆, 好, 忍多次, 就再等你....再過5分鐘,即係

雲吞面32好細個，一黎仲要面係面，找不到主角，細粒蝦彈牙，皮幾薄。淨水餃325粒，湯頭有九黃，清甜，彈牙，鐘意，新鮮，蝦豬比例得當。豬潤腸25賣相佳，化算，潤好爽，豉油又足，不俗呢，如能用上黃沙潤就好了。凍奶茶17叫食物就特惠10勁香濃地道有驚喜，帶澀味，成年人味道。菜心25特惠16大頭，碧綠，無特別，好少會外吃叫菜食，但今天食了全日零食，想健康兼解口寡。食後感：收銀好好口，同食客講老細前老細後，抵佢生意不錯。

同朋友仔去紅磡食宵夜~特地拜會一下呢間既雲吞面~叫左: 雲吞面, 豬膶撈面, 芥蘭~雲吞面: 蝦係大隻, 爽口彈牙, 有蝦味(好似癈話咁^^"), 面無咩鹼, 唔痴牙~ 不過份量好似就正常至較少~可能男孩子不夠食~豬膶撈面: (友人食) 膶爽滑, 撈面多葱, 大碟~ 我覺得d葱好high class咁, 因為似去酒樓食蒸魚個d絲葱咁~ 好靚好pro