影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
兩個簡單茶餐等Over半個鐘都未有，等過25分開始三催四送都仍要等期間有遲過入內的人已食完離去，加上同員工反映等外賣時間後，都唔夠人幫忙，收銀又要入單落單，人手嚴重不足。
繼續閱讀
5月22號中午落緊大雨，本人諗住食美心的，但看到電梯樓上有間康怡華冰廳見到都很多人排隊，大約等10分鐘到都算快，有位女侍應安排坐係出餐位置，坐低女侍應都比杯水和QR曲我自己落單，當我落完單之後，等待食物中的時候見入面廚師沒有一個帶口罩，其中仲有個係咁咳，覺得很不衛生，入面廚師是否應該戴返個口罩，對住啲嘢食你講野都會有口水噴出嚟啦，仲要係咁咳，麻煩跟進下入邊廚師要帶返個口罩， 希望我下次來有改善，食物質素還可以出餐都算快。
繼續閱讀
又係衰到我要寫評嘅一餐，自己喺屋企煮都好食同乾淨過佢，又唔洗谷氣。同家人食晚飯，本身諗住食元氣，家人身體情況唔等得，去咗附近嘅敏華冰廳，呢一間野。入到去已經好似自生自滅咁，侍應根本都完全唔想招呼我地咁款，唔知仲以為食緊自助餐添呀，咁都算啦，問侍應想要隻杯，完全唔同你交流，一句「好呀 / 請等等」都無，就咁行咗去拎杯過黎。叫野食，一睇餐牌，小菜得三款，想食吓一人火鍋啦，點知得一隻湯底，仲要除咗牛肉之外乜肉都無，所謂嘅西式晚餐又係得三款，想叫黑糖飲品啦，又全部黑糖嘅飲品都無。谷氣，咁叫個叉燒飯俾家人食完就算啦，叫佢地走豉油，家人唔可以食豉油嘅。個飯送到黎，個侍應鬼食泥咁lur咗句：「落咗豉油呀要唔要」，一句唔好意思都無。送野飲黎又pea吓pea吓咁連飲管都可以整跌。食飯隻羹係笠癡癡嘅，d侍應都已經咁樣態度完全零服務，裡面都唔知有無洗碗。
繼續閱讀
敏華冰廳太古康怡分店某金髮女員工，屢次對顧客的態度超惡劣，對顧客視而不見。今次同朋友一齊諗住去食下午茶，見到有位，於是自己行過去枱邊我好有禮貌去請該員工幫忙執枱，我叫咗佢一次佢聽唔到，之後我輕輕掂佢膊頭一下。佢叫我唔好拍佢。我同佢講: 係我叫，你聽唔到佢反而話我講嘢太斯文。我心諗: 我係咪要用惡劣嘅態度叫你幫我執枱？！仲叫我哋唔使將個隔板擺喺枱中間。其實我哋去到嘅時候個板已經係放喺枱中間，唔係我哋自己放。好明顯佢對店面的情況唔係好清楚。已inbox CS投訴!
繼續閱讀
垃圾！康怡廣場敏華冰廳！事緣今日下午5點左右，客都唔多個既時候⋯我點左一杯$20既奶茶（茶走、少奶），第一次嚟個杯冇少奶，咁我就叫侍應換過杯少奶既俾我 /俾少少茶膽我覺自己加落去。。點知換返嚟嗰杯係茶茶加熱水，成杯茶葉、仲要一滴奶都冇（自己睇相）！茶水果個擺明玩嘢，唔想沖咪唔好做囉！仲有個侍應有都好有問題，咁都拎得上台，拎上台既時候仲加多句：「換左杯少奶既俾你。」呢個瘦瘦有咁上下年紀既女侍應已經唔係第一次。對上一次我又係叫奶茶（茶走、少奶），同樣地又係呢位瘦瘦女侍應送杯多奶既上台⋯⋯我：「呢杯太多奶啦，我要少奶！」（但佢聽錯我話要多奶）瘦瘦女侍應：「已經好多奶架啦！」我：「我係要少奶」瘦瘦女侍應：「哦～好少奶架咋，你搞下個底，好飲架，你試下啦」我：⋯⋯⋯最後我放棄左成杯多奶多到飛起所謂茶走⋯連旁邊既客人都竊竊私語咁話：唔想做咪唔好做囉。
繼續閱讀