扒王之王 (已結業)

以前中學生時代，無咩錢又好想學人鋸扒就會黎食扒王之王^^咁多年無食，雖然見佢分店所剩無幾，但呢個價錢黎講算是幾好既選擇!餐湯-都不錯，唔會好稀，有料仲有好多粟米，岩哂我XD餐包-其實我好中意食@@特別係熱辣辣果時，落埋牛油真係無得輸!好鬆軟好香，好好味!西冷扒-五成熟，都好大件@@lunch黎講我係食唔哂既!唔算厚，但都幾juicy，,而且好易切，成塊扒都唔軔食落岩岩好!薯條好彩都唔算淋，仲食刑脆脆地，最欣賞佢有咁多菜，可以中和返無咁邪惡丫嘛XD

芝士焗白汁磨菇通粉好多款菇菇🙌🙌幸鮑菇秀珍菇爽爽菇乜乜菇乜乜 芝士牽絲牽得好高好長😍 聞到食到係水牛牛既味(應該係😂 通粉倘不過淰 好似茶記版mac n cheese多pat稠撻撻既白醬ha🙆🙆下午茶 $44鐵板豬扒炒意粉(碟上意粉偏幼身 炒得唔錯既 係豬扒唔似豬扒咁

間唔中會幫襯呢間開業多年嘅扒房，見尋晚老婆公司有飯局得我同個仔兩個撑枱腳。一心諗住同個仔嘆返個似樣D嘅扒餐，落單點咗份menu上最吸引我嘅頂級西冷扒，但點知送嚟變咗肉眼扒，我即場表示他們可能落錯單，點知d侍應(包括經理)態度冷淡只堅持話同我講咗係肉眼扒！最後無奈只好勉強接受了！件扒睇落外觀係唔錯，但一切開同落單寫明6成熟完全兩回事，已經煮到十成熟又乾又硬，簡直同去快餐店嘅質素一模一樣，老襯做埋今次都好難會再去幫襯！

是日到沙田逛街，入了這間很久沒去的餐廳，點了三個午餐，一個漢堡扒雞排配薯菜，一個7成熟的蒜汁西冷排配薯菜，另一個5成熟的黑椒汁西冷配薯菜。漢堡扒雞排配薯菜上檯，漢堡扒和雞排煎得較燶，另外兩個比原先點要的熟了兩成，好在肉質不韌。

自從一年前在銅鑼灣分店食到毛毛之後，今日午飯去沙田分店見唔使排隊，膽粗粗就走入去，叫左A餐肉眼扒配飯，個扒黎到買相一般，但真係幾多汁好味，肉眼扒肉質鮮嫩，有有四件中扒咁多，這個價錢有湯有又飲品同麵包都算物超所值！服務都唔錯！

3 of us had the dinner set menu, this is no steak expert! The waitresses were trainees or something, had no brainer when serving you meals as to who ordered what, just dumped the food on the table randomly, why bother asking then?!?! The restaurant was tacky, not enough ventilation when pouring the sauce onto the iron plates, showing no care or warning before doing so.The courses came so fast. we hardly had time to digest, the restaurant wasn't even 1/2 full.Escargot no shell as stated but looke

每個月交完家用，還 grant loan，卡數同其他乜費物費，有得同女朋友食飯餐咁上下嘅嘢都已經好好。五點幾食個 early dinner（為咗迎合西餐廳個氣氛，我決定要用中英文夾雜句式嚟講嘢），成間餐廳得我同我班 friend 三個麻甩佬，但係侍應都係當我哋冇到，唉咗幾聲先有人嚟 show 我哋。最後落咗個唔知咩鐵板 steak，唉咗5成熟*。雖然唔係話特別好食，但係你想點先，家陣唔使你畀幾舊水都有個鐵板上嘅扒餐。雖然係咁，抵讚嘅就係啲嘢嚟到，包括餐包餐湯同埋牛柳（蛋糕同凍檸茶除外）都係熱辣辣。* 喺西餐廳食扒無論你唉幾多成熟佢哋都係會煮7成熟是常識吧？

3個人食晚餐，幾年無去突然想食下，一睇Menu發覺同級食扒餐廳中都算貴一點點……叫左：1. 牛仔扒，7成熟 $1282. 肉眼扒，7成熟 $1163. 都係肉眼扒，7成熟$116主菜一黎見到心諗……賴野！肉眼扒…每碟兩塊，每塊得四份一隻鐵板大小，叫7成熟煮得有9成，同大家X早餐牛扒大少有得Flight，頂！……牛仔扒叫7成，原來10成Welldone!真係放心無菌！3條仔扒，果然係“仔”……唉，點食……可憐要我4舊水埋單，早知去大快X食都仲好食……推介食物，餐前餐包同湯比扒更好食，應該改名“餐包之王”！老實，金鳳同花園絕對100%比扒王抵食好食！用呃錢形容唔過份！！

今日和好友下午茶時間，去咗食「扒王之王」。好多人下！坐低不見有下午茶menu！於是，我地揀左「午市精選套餐」叫咗2個鐡板餐：「扒王之王」既羅宋湯一向不錯！足料好味！餐包不夠熱！牛油重係涷冰冰的！「紐西蘭肉眼（8 oz）$64」並不是一般的完整一塊過！因有幾嚿，賣相不太似肉眼。剛見到貌似經理經過，便問下~得個知字。他跟住回答：「牛柳係厚D的，這個是肉眼。」感覺頗專業，唔錯！肉眼扒味道幾好，煎得不會太熟！剛剛好！都有肉汁！個黑椒汁就一般！配牛都算係最夾了！整體可以！「雞扒拼豬扒$71」（黑椒汁）雞扒一般可以。豬扒麻麻，不太好食！整體麻麻地！跟餐薯條比較硬又不脆！唔得！涷檸茶一般，檸檬略嫌比較苦澀。*** 侍應態度幾Nice有禮貌及服務幾好！見有人就走，我們想轉卡位，待應立即安排妥當！不錯！***（另收加一）

朋友吃牛柳拼豬扒套餐，跟龍蝦湯、火雞沙律及一杯野飲$148我叫左BBQ牛仔骨，包餐湯及一杯野飲。$148另外叫多客蒜蓉飽。$25餐包味道不錯，暖暖地幾軟熟。最驚食到凍冰冰既。餐湯真材實料，味道夠濃！熱辣辣，好味！火雞沙律都幾好味幾新鮮，但啲千島醬喺曬底度，食之前記得撈勻。蒜蓉包好抵食，$25有6大塊。但蒜味略厭不夠香濃。扒餐有3大塊肉，味道都幾好！肉質夠稔！朋友食唔曬最終打包走。至於BBQ牛仔骨，好食到不得了！燒烤汁甜甜辣辣，醬汁夠濃。肉同骨一咬就分開！誠意推介！必試！至於配角薯菜都幾好味，幾新鮮。

突然鋸扒隱起，無奈荷包有限，於是諗都冇諗就去「扒王之王」。貪心的我乜肉都想試少少，於是就叫左碟雜扒試試。食過鹹到乜咁既味精羅宋湯同埋香噴噴既蒜蓉飽之後，碟上既雜扒終於黎到喇！可能因為碟上既關係，加上黑椒汁只係用個細細既container裝住既關係，成碟野既香氣無想像中咁多。加上無鐵板既溫度保暖，食物亦都只係微溫，不過都叫做倘可接受。一如所料，一大推頭既食物啱晒「食肉獸」既我，不過食物質素只係好一般。腸仔同99.99%既雜扒餐一樣都係用燒野食果種質素。而牛扒亦都煮到9成熟，不過都叫做可以入口，唔算太難切開。豬扒方面算係有驚喜，雖然食得出用左少少鬆肉粉，但調味調得十分出色，完全可以遮蓋住食物只係下價貨既問題。雞扒方面亦係另一個亮點，雞皮煎得非常香脆之餘，裏面卻十分嫰滑，雖然冇點調過味，但less is more反而更加突出到雞既鮮味！總括黎講，食物唔算見得特別好食，只不過叫做抵食夾大件，非常適合好似我呢D大食既「食肉獸」！

因為公司人多一齊食 lunch 比較難有位, 所以雖然一早知道呢度食物 quality 一般, 但貪佢唔洗等位, 間中還是會去光顧一下的但經過今次, 以後都要 black list!但原來呢碟加料焗飯都未係最驚嚇的!  食完 lunch 走人.  出咗門口, 居然見到有一隻手指公禁大既曱甴係我同事背脊爬緊!!!  呢D外賣真係送俾人都無人要 事件已於當晚報咗食環署跟進!

叫左個5成熟肉眼扒，來到卻是10成全熟，又硬又"鞋", 其實之前都試過係甘，只是今次還報住＂佢地會改架＂哩個心態，真係無下次>~<

想食扒，就近價錢又較合理的，只有扒王之王吧~鐵板肉眼扒，不錯，屬正常水準，鐵板夠熱!!而個set lunch就覺得幾好，件漢堡扒夠大件，再有塊厚身的雞扒，要薯菜都可以食到飽飽~幾欣賞個餐包係熱嫁!!

今天和老婆二人去吃扒王之王，之前在沙田的另一件店吃過。和老婆每人點了一份牛扒套餐，上菜還算快，牛排烤的很香，味道很不錯。但缺點是牛排里的土豆都烤焦了。又單點了一個鵝肝，味道外脆內嫩，但只有很小一塊。然後覺得價格有些貴。