愛有營小食 (已結業) 查看

第一次寫，因為店面細細，望落去勁唔吸引，見多人食，試一試，一試上癮，呢個價錢呢個食物quality, 加埋份人情味，香港好難搵，d串燒好食過銅鑼灣哥d，又抵食，係環境爭d，大風d，下次帶多件衫，一定再番去

夜晩同朋友去左食燒夜去到睇到地方一般但食物估唔到的好食老闆娘同老闆都好好人食左蜆肉意粉酒煮蜆燒茄子牛仔骨雞軟骨幾樣野都好好食又唔會燒得好乾 但想食煮螺老闆娘話賣曬下次要打電話去留先有最後埋單仲有個靚仔應該係老闆娘個仔仲好細心甘問我地味道如何會唔會太鹹或者太辣好有心的食店下一次再去本身想影食物相但我個friend好快就食曬過幾日再去試下食其他食品再影相

今天跟朋友去試一下樓下的串燒店，招牌改為「新有營」，老闆娘轉換了，同朋友一齊去試下！一試之下，真的十分惹味，尤其是那款秘制鴨舌，大家真的要品嚐一下！還有炸蝦餅再配襯秘制辣汁，超好味！愈辣愈想食！還有大陸風味的燒雞全翼，真的一試難忘！另外，仲有原條燒茄子，燒得十分入味！還有老闆娘「肥姨」招呼又好，仲會不時問我地的食物意見，十分用心做食材的老闆！「肥姨」仲送左碟炸豆腐粒比我地，好脆口👍🏻👍🏻一定會再來！😋😋

愛有營係將軍澳人嘅宵夜熱點，成日夜晚想搵朋友吹水就會黎呢度食宵夜。佢主要嘅野食都係串燒，串燒選擇非常之多，肉類、蔬菜、海鮮都有，仲有好多唔同嘅小食。我今日就叫左撈麵，炸燒賣同翠玉瓜。特別要讚一讚呢度嘅炸燒賣，燒賣炸到金黃色好似個波咁，外脆內軟，再加埋小小椒鹽非常香口，我每次黎都必點。翠玉瓜亦都非常出色，外層燒到好香口，食落亦保留翠玉瓜清甜多汁嘅感覺

一行十幾人，有大有細去食串燒，真係唔理環境，只求好味，真係無令人先望，首先服務態度非常好，見我哋成班小朋友，個個咁細個，又嘈又麻煩，完全無黑面，仲好好招呼，真係食得好開心。因為要照顧小朋友，無時間比相機食先，相唔多，但絕對係好食，製作認真，味道好野味，燒得正正外脆內軟，好有心機，我自己最愛個蝦餅同扎肉，鷄翼同個肥牛金菇都好好食，鷄軟骨大大碟好抵食。叫咗好多嘢食，有2個炒飯加一個炒公仔麵，仲打埋包做宵夜都係每人百五，真係超抵食，仲有個炸燒賣都要encore！

我同男朋友每逢週末就會去呢間食宵夜，已經算係宵夜飯堂了！價格稍貴，但可接受，最緊要係好食！每晚都好多人係店外排枱食，地道！我地最愛點的係蒜香抄雞軟骨，非常味美！而燒茄子也是原條上，夠濃味😍😍秋刀魚同墨魚咀係少見的食物，呢間就有呢！幾欣賞佢地好多菜色，總有你愛的！不過，味道偏濃，咩都有蒜😂😂😂而且要睇果日果煮ge係邊個，味道都會有分別！比較多人食煙，呢點係我比較不喜的

串燒就有好多種嘅，乾淨企理加七味粉就日式啲，少少求其加大量淮鹽就港式啲。估唔到將軍澳（冇咩野食既地方）都有咁地道嘅小店。由於係街邊檔，環境認真麻麻，不過都係風味啦！亦可以行兩步去7仔買飲品，好自助架。串燒必食五花腩，脂肪多到不得了，燒到燶燶地油香四溢，咬落去脂肪即溶，邪惡！煙肉車厘茄係最佳配搭，啱啱中和肥膩感。串燒燒賣都係第一次食！原來燒到香、燒賣皮脆卜卜好好食！茄子就等咗好耐，但蒜香味真係一流。