德興餐廳 (已結業)

平常多去早餐或午餐，今次特來试下火鍋。雖然只有牛肉蕃茄餐及滑雞胡椒餐，總覺得愈簡單愈好味;先說湯底，蕃茄湯底有切件蕃茄，夠蕃茄味，夠濃度，而胡椒湯底夠香夠濃郁夠辣，就算食到中途楼面姐姐會加滚水，味道不會冲淡，其他快餐店愈溝愈淡，沒有香味。主菜有牛肉，普通，反而鸡肉不錯，很滑，份量算多，有四份一隻雞，其他指定套餐配料都魚蛋，肉丸，菜，烏冬等，配汽水一杯，吾夠饱可加錢再落单。建議可以加豬皮，豬紅，多些丸類，整體没有失望。其實馬鞍山區餐廳中，定價不算貴，合理，食物份量足夠。

大開眼界。佢出面貼咗紙，話換左廚師，入去試就中哂伏。首先豬手麵呢，豬手就有毛既。另外撈麵呢，就唔乾身，而且痴埋成舊，夾都困難。再者間餐廳衛生環境唔好，餐具枱面全部有油。呢間野，簡直係美食沙漠既霸者。

13蚊加個菠蘿油 比到我的時候，個皮完全係"林"嘅 完全係濕濕地"林"的樣。拎返去問廚師，佢拎住一袋膠袋入面淋曬嘅菠蘿包， 同我講個個都係食，我個個都係咁煮，唔覺得有乜問題 。如果佢拎個菠蘿包去焗一焗，我唔覺得啲菠蘿包個皮會濕咁的樣。我個包放左係枱到，睇住個凍嘅包 夾住啲牛油唔會溶 睇到已經唔想食。菠蘿包又唔熱 已經係失敗個皮仲要係濕 ，重要話冇問題，係失敗中嘅失敗。不過是失敗都係我 竟然去咗呢間嘢度食 sorry冇下次

第一次寫食評，這家餐廳實在太差了，實在忍唔住！1-咖喱牛腩飯：青椒全生，硬的，完全冇煮過！問佢點解生既？佢話係咁既！O晒嘴！2-乾炒肉片河：味道怪！永不再去！！！

比之别家茶餐厅，鱼是特色，用料新鲜，日常种类较多，总有2-3种蒸或炒的小菜套餐。食物品种繁多，在茶餐厅中属于味道稳定，较好。唯一缺点就是等待时间较长，但小炒都是随叫随做，可以理解。

lunch time，叫左雲吞麵，買完拎票去，再等叫號碼取食物，比較唔方便。雲吞有5粒，一般，有蝦仔，味道普通，無特別。麵夠爽口，比預期好，算是驚喜，好味！湯有味，但飲多幾啖就覺得偏咸。價錢大眾，27蚊一碗，算係抵食。

第一次食呢間野，一心想試試佢，結果食物質素可以接受，其味道，份量都唔會有太大的負評，價錢唔算平，不過佢個餐廳環境真係一般，d餐具都油淋淋，所有野既整潔度都好差。如果有其他餐廳選擇，應該都唔會再揀佢👎🏿當晚叫左兩個菜，一個魚香茄子，一個椒鹽豬扒，兩個味道都唔錯，有獲氣，不過都比較多油。

平時見都幾多人食, 又會排曬隊, 諗住試下啦.叫左2個"美食":星州炒米, 色就夠曬, 味就十分不足. 十分淡口的, 材料都叫收貨, 有蝦/火腿/叉燒等等. 炒得太過乾身, 亦無鑊氣, 吃了一半已經放棄!炸醬撈麵, 賣相又好似唔錯, 另外有一碗上湯. 一吃炸醬, OH!!!! 唔係一般的, 肉絲係瘦肉, 真係一D肥膏都無既. 味道係酸酸的 =.=有一次, 無下次....

三寶河粉，一個簡單而直接的麵食，3種不同的丸在河粉湯麵上浮游着，踏實而不花巧，跟茶餐廳與人實而不華的感覺一樣。3寶，包括墨魚丸，魚蛋，和肉丸，墨魚丸質感冧中帶靱，雖然沒有粒粒墨魚粒，但是味道都好; 魚蛋鮮甜好味，跟其他店舖的魚蛋是有分別的。肉丸一向都是我喜愛的，因此3丸中較喜歡這個，很爽口，肉的鮮甜在口內徘徊。河粉亦很qq彈牙，雖然這碗河粉份量不算大，但是剛好是女生適中的份量，而且下午茶餐是有飲品附送，食完後飽飽。