張公館

營業中

休息中

今晚約咗朋友食dinner,朋友帶我黎呢間中菜餐廳，估唔到有驚喜，佢地個境一流，望到勁靚嘅夜景，而野食都非常好食。紅燒乳鴿即叫即炸，外皮炸到脆卜卜，撕開d肉，勁多汁漏出黎，d肉好嫩滑，好好味。菌皇醬蜜豆甜椒炒蝦球d蝦球勁大隻，隻隻都非常爽口，個醬係有黑松露，所以食落勁香，蜜豆都好嫩，冇渣，唔錯。蜜汁西班牙叉燒拼燒腩仔叉燒肥瘦適中，仲要有燶邊，食落好淋滑，完全唔鞋，口感非常好，燒腩仔個皮脆卜卜，好鬆化，肥瘦一層層，唔會太肥，而d海蜇，口感爽口彈牙，幾清爽。秘制醬乾抄九肚魚河粉份量都幾多，勁多九肚魚，d魚炸到脆卜卜，入面軟淋淋，勁好食，而河粉抄得好乾身，d秘制醬都好惹味，而且唔會好油，正。生磨蛋白杏仁茶個杏仁茶勁香杏仁香味，佢地磨得好滑，好creamy,唔算太甜，入面仲有勁多蛋白，滑上加滑。豬仔出浴奶涷個賣相勁得意，打卡一流，好似豬仔浸緊牛奶浴咁，豬仔係用芒果布丁制成，好香芒果味，仲有芒果肉喺入面，加埋花奶一齊食，好滑好好味。

喺V Point 29 樓嘅張公館坐擁維港嘅無敵海景，唔少食客都會選擇坐近窗邊，邊欣賞景色邊嘆茶🥰🥰🤩🤩🤩😚😚紅燒乳鴿🐦‍⬛ $98表皮香脆，味鮮香甜，肉質嫩滑，上枱時非常熱，係即時炸起，亦都因為夠新鮮，撕開鴿肉時肉汁爆發，做得比唔少餐廳出色😁😁😊😊😚😚蝦醬骨🐷 $228豬脆骨帶蝦醬鹹香，味鮮香口同時炸得金黃香酥，表面炸粉好薄，好酥脆，豬脆骨醃得夠入味， 肉質鮮嫩，咬開時有肉汁滲出，火喉控制得宜🥰🥰😄😄🔥🔥🔥川式口水雲吞配糖心皮蛋🦐 $98雲吞鮮蝦鮮甜爽口，口水醬汁味香微辣，為雲吞提升上不只一個層次；同時有大量芫茜同皮蛋，鐘意呢道菜嘅朋友會非常鐘意😁😁😚😚🥳🥳野菌紅燒豆腐🍄 $168豆腐嫩滑有豆香，野菌爽脆有咬口，感覺好健康嘅一道菜，醬汁應該係用咗素蠔油烹煮，初一十五應該都適合食，有需要嘅可以向侍應再次確認🥰🥰😄😄😛😛生磨蛋白杏仁茶🥛 $48蛋白應該以燉嘅方式放入碗底，表面再加上生磨鮮杏仁，香甜味濃，足料之作♥️♥️😛😛😚橙絲清心丸綠豆爽🍵 $38清心丸Q彈，綠豆爽清新有咬口，不俗😁😁🥳🥳🥰🥰從張公館嘅角度望去維港，係可以睇到煙花嘅， 想食飯同時睇到live 煙花就要預先book定位啦♥️♥️

在銅鑼灣有很多高品質且具有水準的中菜餐廳，但並不是間間餐廳都能提供海景視野。這家主打高品質的中餐廳，位於市中心且高層，大部分座位都面對著落地大窗，讓客人能夠欣賞到維港海景。有小包廂是相當適合親友聚會或招待商務客戶，但房間不多，要提早預約！入座後，他們會送上香茶和小食，還用用小蠟燭來維持茶的溫度。臘味炒芥蘭：這道菜絕對有別於在家住的味道，中式才會有的芥蘭的臘肉，鹹香將清爽的芥蘭調出中式的臘味香，是一道可以作為主菜的佳餚，如果喜歡吃臘味的話，再配上一碗飯，絕對有滿足感。焗脆蝦多士超多蝦肉，而且外脆內香，金黃香脆再配蝦肉的鮮甜彈牙，讚！川式口水雲吞配糖心皮蛋(4粒)：新鮮煮熟的雲吞不是在湯中，而是跟皮蛋組合，再根據個人喜好添加川式口水辣汁，自由搭配成紅油抄手！XO醬黃金淮山麵：淮山麵是不少人的新歡，因為口感爽口，而且非常健康。用XO醬炒出了獨特風味，再配上大量的蝦肉，每一啖都好爽。養顏紅棗糕：最後是這款糕點，紅棗味醇厚，有滋潤養顏作用，非常喜歡。服務員上菜都好細心，確保客人需要，除了美食，環境及服務都很講究和注重。

🐟 Recently, I had the pleasure of dining at Cheung Kung Koon in Causeway Bay. Situated on the 29th floor of V Point, this restaurant offers breathtaking views of Victoria Harbour, creating the perfect backdrop for a delightful ‘yum cha’ experience. From the moment I entered, I was captivated by the stunning scenery and the warm ambiance of the restaurant.1️⃣ 魚湯鮮竹卷 (Fish Soup with Fresh Bamboo Shoot Roll) - $58This dish featured a combination of tangy pickled vegetables wrapped in tender fish, crea

銅鑼灣食中菜既地方有好多，夠高質又有質素，仲要有海景既就唔係咁多餐廳景觀開揚，大部份既座位都對住落地大玻璃，打卡一流店內環境古典雅緻，環境寬敞舒適，適合親友聚會及招待商務客戶茶壼上枱仲用會小蠟燭保持溫度，讓大家無時無刻都可以飲到熱茶，非常細心食物方面:蟹粉小籠包 : 小籠包一籠一客，皮薄餡靚，餡料豐富，入便仲有大量蟹粉蟹肉，相當足料，仲爆曬汁蜜汁西班牙叉燒燒腩仔 : 叉燒用上西班牙豬肉煮得輕淋，再用蜜汁調味夠曬入味，一口燒腩仔外皮超香脆，肉質肥瘦相間夠曬香口，再加埋爽彈既海蜇做配料，美味既燒味拼盤臘味炒芥蘭 : 芥蘭翠綠清爽，配埋大量既臘腸、潤腸、臘肉一齊炒，相當惹味，配埋白飯就頂呱呱楊州炒飯 (半份) : 炒飯炒得粒粒分明，加入蝦仁、叉燒、蛋、菜粒、葱粒去炒，夠曬乾身金黃色，鑊氣十足，簡單既炒飯，炒到有高級既質素杏汁豬肺湯 : 杏汁味道濃郁，配埋柔軟嫩滑既豬肺、瘦肉、雞肉及杏仁，夠曬滋潤養生羊肚菌松茸竹笙花菇燉湯 : 採用上乘珍貴羊肚菌，配以松茸、竹笙、花菇、瑤柱，味道濃郁鮮味薑茶湯丸 : 用小黃薑濾出薑汁製成薑茶，再配上黑芝麻丸，食粒湯圓飲啖薑湯，成個人暖笠笠，岩曬秋冬季節既品生磨

今日同朋友到銅鑼灣行街，黎到呢間位於登龍街既高級中餐廳飲下午茶，餐廳望住維多利亞海港，未食先有靚景望住等點心上✌🏻蟹籽麻辣燒賣 （$68）燒賣大大粒，入面有好多蝦肉，爽脆新鮮，蟹籽舖滿成粒燒賣，第一次食辣既燒賣，都真係幾好食，食落有少少麻，鍾意食辣既朋友仔一定要試試🌶️櫻花蝦蘿蔔糕 （$98）蘿蔔糕兩面都煎得好焦香，成件舖滿左櫻花蝦，食落外脆內暖🦐酥皮菠蘿叉燒包 （$58）叉燒包表皮好酥脆，叉燒醬味道調得剛剛好，叉燒食落新鮮無豬臊味，趁熱食更加好味，個人幾鍾意呢個叉燒包😋香煎黃金糕 （$48）一份有四大件，煎到兩邊焦香，食落煙煙韌韌又唔會太甜，配上鐵觀音，消滯岩岩好😄清心丸綠豆爽 （$38）清心丸非常煙靭，綠豆一粒粒粒口感香甜，糖水好清潤，好岩依家夏天食💦呢間茶樓可以坐係窗邊一邊嘆茶食點心，一邊欣賞海景，好寫意，環境舒服之外，佢地既點心都係有水準😃

呢間中菜環境好優美,仲可以眺望到維港海景,入面仲有房可以預訂客人可以有私人既空間慶祝或者搞宴會都幾岩,我地叫左一份紅燒豆腐,呢碟餸既豆腐份量好多,而且豆腐係炸至外脆內軟口感好滑溜,軟熟,加埋醬汁食好夾仲有配青菜同草菇類一齊炒,我地仲叫左一份小食沙薑豬手凍食既,豬手彈牙而且最正既係師傅將豬手骨切晒岩晒唔鐘意咬骨既朋友,甜品小編最愛有綠豆爽清甜不膩,同埋必食推介蛋白杏仁茶,蛋白好多同埋好滑,加埋杏仁味既香濃,好養顏。

上湯金銀蛋浸時蔬✨時菜喺莧菜，鮮嫩入味加上金銀蛋同湯汁，惹味提鮮脆皮燒腩仔✨大推! 皮脆到有聲🤣沙薑豬手✨前菜食住好開胃啖啖骨膠原好有心思地去咗骨剩下嘅都係軟骨瑤柱蝦仁蛋白炒飯✨炒飯粒粒分明，蝦仁爽彈彈牙蛋白同瑤柱，配搭得宜不過凍得好快，要盡快食香煎黄金糕✨軟糯，但外層煎度有啲焦香口味道淡淡普洱✨好喜歡茶係會座熱沖多幾次都唔會淡而無味香醇易入口下次想嚟呢度飲茶🫖一試佢哋馳名嘅點心❤️

我愛粵菜！近日食了幾次烤魚、麻辣等外省菜後，今晚終於有朋友約我去中式酒家了。經典粵菜，加兩碗老火湯，好味呀。餐廳在29樓，居高臨下，環境雅致，良友共聚，不亦樂乎。兩碗燉湯超級正，飲完好舒服。🏅杏汁豬肺湯：滋潤美顏，口感香濃幼滑。🏅羊肚菌姬松茸竹笙北菇燉湯：所有菇菌都爽甜，証明用料上乘，而湯味更是清澈鮮甜。🏅野菌紅燒豆腐：老友知我喜歡食菇菌，所以選了這個用野菌來配豆腐的菜色。花菇肉既厚且爽，菇味香濃；其它新鮮菇菌也全數爽口入味。豆腐吸滿醬汁卻不太鹹，質地也不會杰撻撻，超好吃！又超下飯！🏅蝦醬骨：蝦醬味有但不是好濃，不過我反而喜歡這種味道，不鹹才可以食多兩件嘛。至於那排骨，用的是腩排，更是鬆化甘香，外酥香裏軟嫩，骨肉可分離，100分。🏅紅燒乳鴿：汁多味鮮，皮脆肉嫩。

趁著母親節跟媽媽去嘆茶想有靚景和有質素的潮州菜這裡是不二之選 🛎️ 蟹籽麻辣燒賣 😍麻辣味香氣四溢 麻而不辣燒賣亦相當足料 很好吃🛎️ 櫻花蝦蘿蔔糕滿滿的櫻花蝦很鮮味蘿蔔糕結實 煎得很白🛎️ 香茜叉燒腸腸粉皮薄且幼滑叉燒入味 份量均勻🛎️ 生磨蛋白杏仁茶杏仁味香濃 如果可以完全沒粉未會更好🛎️清心丸綠豆爽媽媽說這是潮州食品綠豆爽煙韌滑溜 質感挺有趣很兔綠豆 味道較甜...環境🏡 有海景 環境光猛開揚 座位舒適 服務👨🏻‍🍳 態度殷勤 回應快 會幫客人斟茶衛生🛁 感覺乾淨 沒發現明顯污糟...🛎️ 蟹籽麻辣燒賣 $68🛎️ 櫻花蝦蘿蔔糕 $98🛎️ 香茜叉燒腸 $68🛎️ 生磨蛋白杏仁茶 $48🛎️清心丸綠豆 $38

入門口既reception 好似人地得罪佢咁 黑口黑面態度又差有coupon 唔用得都好 唔洗大嗌叫 話唔用得 點解態度要咁差呢其他服務員態度都是一般 唔會再去😤😤😤😤

餐廳位於登龍街都幾容易去～ 仲有位於高層，可以望見維港景色。食物質素高，價錢夠貼地親民🖖🏻沙薑豬手豬手件件都差唔多無骨，啖啖肉。口感嫩滑Q彈，又夠入味。酸酸甜甜感覺，香而不膩，幾開胃。🥢蝦醬骨功夫菜之一～ 蝦醬味濃又入味，味道遍佈每一寸豬扒，最值得讚嘅係味道唔會太過死鹹。外層鬆脆，但又能保持豬扒肉唔會太乾🥢野菌紅燒豆腐素菜系列首選。芡汁黏稠道剛好。菇味都算濃香。豆腐每邊煎到金黃，同時入面夠滑嫩。朋友都幾鍾意🐦紅燒乳鴿預先切好嘅乳鴿賣相立立令～ 上枱時熱辣辣感覺，每件都皮脆肉嫩～ 咬落冇乜渣，整體幾好🥣橙絲清心丸綠豆爽味道不太甜，非常合適我口味。清心丸細細粒，口感比較軟彈。綠豆爽反而見到好多粒，好味🥣養顏紅棗糕紅棗味同紅糖味道突出

銅鑼灣高質中菜店內寬敞開陽 仲望到維港夜景好適合同家人或者朋友聚餐💯🌟沙薑豬手整得非常入味 沙薑味濃豬手皮又夠爽 呢個冷盤好啱夏天食夠哂開胃🌟紅燒乳鴿表皮炸到金黃酥脆肉質軟嫩且肉汁豐盈🌟野菌紅燒豆腐紅燒豆腐香嫩入味配上鮮甜既野菌 送飯一流🌟椒鹽九肚魚炸漿唔會太厚 魚肉亦好腍滑加上椒鹽整夠香口🌟生磨蛋白杏仁茶蛋白口感順滑 杏仁質地細膩且香氣味濃郁撲鼻👍🏻🌟清心丸綠豆爽潮汕特色甜品味道清甜爽口💯

中午銅鑼灣飲茶要找好地方可以一盎兩件又舒服都唔喺咁易，喺張公館就可以滿足我的要求，呢度可以望住維港靚景，環境優美又寧靜，可以一邊欣賞美景，一邊嘆茶食點心😋 先叫個菊花茶，茶味清香蟹籽麻辣燒賣舖滿了蟹籽燒賣，麻辣味道好吸引 百花釀竹笙好清新竹笙，入面充滿露筍香味 酥皮菠蘿叉燒包秘製菠蘿包，叉燒餡料，叉燒醬汁好惹味，菠蘿包好鬆軟 香茜叉燒腸叉燒腸粉醬汁美味，叉燒鬆軟，腸粉幼滑 香煎黃金糕黃金糕甜品煙煙韌韌，煎香後更出色

今天去了銅鑼灣一間高级酒樓叫張公館，環境一流，望到成個維多利亞港，睇住靚景嘆茶😛蟹籽麻辣燒賣 $68具有香辣的口感，蟹籽放賣上面，啖啖肉😝百花釀竹笙 $58竹笙口感鲜嫩，形成獨特的風味和口感😚櫻花蝦蘿蔔糕 $98蘿蔔的甜味和櫻花蝦的鮮味交織，搭配米粉的煙韌口感，帶有一種獨特的風味😝香茜叉燒腸 $68香茜叉燒腸粉以鮮美的叉燒, 再加上香茜的清香，搭配上軟熟的腸粉，口感不錯😚香煎黃金糕$48擁有酥脆金黃的外皮，內裡則是甜香的糯米香味🤗