影片
阿一唔知點解冇開, 今日去左隔離既平記試下, 叫左3個煲仔飯+1個蠔仔泡飯, 煲仔飯等左15分鐘黎到, 味道和阿一都差唔多, 跟住即刻問個蠔仔泡飯點解仲未到, 伙記話佢跟跟, 我地食煲仔飯食到一半, 個泡飯都仲未黎, 我地都覺得唔對路, 再問佢話炒埋2碟菜就到個泡飯, 果陣大大話話都已經等左超過半個鐘有多喇! 跟住再過10分鐘見佢出左2碟菜, 我朋友忍唔住親自行去廚房門口問個伙記, 個伙記作晒狀嗌入廚房, "個蠔仔湯飯有未呀?" 廚房拎住張單遞隻手出黎話, 你剛剛入單渣喎... 跟住我地真係真係真係勁嬲, 跟住個伙記仲問我地咁仲要唔要呀? 完全冇道歉, 我地唯有話唔要, 即刻埋單走人!!!!!!! 呢間野真係太過份, 明明等左咁耐, 都仲話要炒埋碟菜先, 即係揀野黎做! 跟住明明未入單又扮入左, 仲要扮追過.... 超級離譜!!!!
繼續閱讀
以上資料只供參考, 請與餐廳確認詳情
食評 (2)
車仔麵材料少得可以個湯同水無分別..魚蛋唔彈牙蘿蔔仲要少少酸..雖則話19蚊有車仔麵+野飲之但係難食唔在講..要人等先大獲嘛杯凍啡吹完一次..都仲要唔記得前後等成三個字,都唔知係咪做生意..總之有今次無下次啦!!!!奉勸各位,如果係富健,龍門居食宵夜..不如去7仔買個公仔麵..都總好過食平記..食唔飽仲想嘔埋琴晚餐飯..晒氣!!!
繼續閱讀