帝樂 - 德國餐廳 (美麗華廣場) (已結業)

一年一度德國啤酒節又到喇🔥 估唔到香港都感受到德國嘅大節日，除咗𣈱飲各款啤酒之外，仲可以食到傳統德國美食同大玩攤位遊戲，氣氛超好🍻今年已經係帝樂-德國餐廳第20年搞德國啤酒節，三間分店包括尖沙咀、銅鑼灣、赤柱都有參與，仲未有機會去德國，不如係香港感受下德國嘅熱情先啦❤️𝗕𝘂𝗯𝘂推介🔥👍 脆皮燒豬肘配酸椰菜及脆炸薯仔 𝘾𝙧𝙞𝙨𝙥 𝙍𝙤𝙖𝙨𝙩 𝙋𝙤𝙘𝙠 𝙆𝙣𝙪𝙘𝙠𝙡𝙚 𝙬𝙞𝙩𝙝 𝙎𝙖𝙪𝙚𝙧𝙠𝙧𝙖𝙪𝙩 𝙖𝙣𝙙 𝘾𝙧𝙞𝙨𝙥 𝙁𝙧𝙞𝙚𝙙 𝙋𝙤𝙩𝙖𝙩𝙤𝙨食德國菜點可以唔食豬手，上枱已經見到大大隻豬手燒得好靚，餐廳仲好貼心咁俾我哋影完相再幫我哋切。豬手外皮超脆，唔會油膩，肉質有咬口，味道都好夠，送啤酒一流！另外酸椰菜亦係德國菜嘅特色伴碟，酸酸地令成個菜式唔會味道單一。溫馨提示，豬手份量都幾大，啱晒幾個朋友一齊分享。👍 意大利布袋芝士薄餅 𝘽𝙪𝙧𝙧𝙖𝙩𝙖 𝘾𝙝𝙚𝙚𝙨𝙚 𝙁𝙡𝙖𝙢𝙢𝙠𝙪𝙘𝙝𝙚𝙣估唔到德國菜都有得食薄餅，𝙁𝙡𝙖𝙢𝙢𝙠𝙪𝙘𝙝𝙚𝙣嘅主要toppings包括酸忌廉、洋蔥、芝士。今次就揀咗意大利布袋芝士，上枱見到大大粒布袋芝士，切開軟滑嘅芝士完美融入薄餅之上，配上煙肉、洋蔥等，成個味道好有層次感。值

早前在旅發局「夏日賞賞你」幸運地取了一張優惠券，以相宜的優惠價吃午市套餐，尤如半自助餐，即在午餐牌選一款食物，另可在如沙律吧嘅位置任選少吃。午餐還包一杯飲品及一客精選甜品。過往(無任何優惠)時曾惠顧，坐餐廳嘅室內。今日較多人，安排坐在室外，感覺幾好，別有一番風味，如秋涼感覺更好。職員友善有禮，就算我今次以上述的優惠券，店員的服務態度很好。之前見有人在留言寫到好似中晒大伏，但我可能因選咗午餐時段食，好抵食，可說是超值。

一行六人去咗呢間德國因為未黎過+未齊人, 我地睇得可能有d耐，加上我地想等齊人先，期間個待應係咁喺我地枱隔離行出行入，問咗好幾次需唔需要點餐，又係咁俾drink menu我地，想我地order drink嘅感覺好啦，齊人，我地已經傾到差唔多，待應又埋黎催，問我地要咩，我地點餐中間搵緊食咩時佢又係咁幫我地翻本menu, 真心煩，其實又唔full 有咁趕咩我地叫咗pizza *2 , 一個加火腿，一個加蝦 雞翼薯條籃，豬手，腸拼盤另外點咗啤酒，酒精飲品，橙汁 凍檸茶我飲嘅凍檸茶唔夠凍同冇糖漿食物ok, 雞翼勁香，剛好一人一隻pizza都唔錯，係太多洋葱，咁啱我又唔太食腸拼盤 我唔太分到佢拼緊d咩，但味道ok豬手最遲先到，都差唔多飽晒，佢會幫我地切埋再上枱，呢樣幾方便我地差唔多食完佢地又黎問我地要唔要再order drink, 同埋佢地都係咁sell我地$540/10杯 drink, 其實要我地會order ga la....唔洗成日係咁問呢間總括食物ok, 但連水都要order， 加上待應咁樣，真係扣晒分唔係一間會encore嘅店

煙三文魚及煙肉洋葱薄餅，*麵包餅底*超級極度鹹，全檯客人飲大量餐廳飲品及清水都難以解渴，接受唔到！ 鹹的程度：搭車離開，口腔依然好像缺水。離譜！餐廳究竟除了落鹽，還加了什麼導致客人覺得又鹹又口乾？我明白德國食物偏鹹偏濃味，但這個薄餅非一般的鹹，我覺得自己就好像食到腎都痛埋！ 希望餐廳注意一下，請落少d鹽！！！另外，豬手的肉有點硬，厚皮但有少脆。有酸菜，有薯角。薯角好味！餐廳環境好！接待員服務態度好！氣氛有少少嘈！

🇩🇪朋友介紹話尼間既豬手好好食，舊舖氣氛好好，好岩坐低喝杯野傾下，因為舊舖已經執左，所以去所新舖試下，氣氛都唔錯🍖脆皮燒豬肘配酸椰菜德國餐廳豬手係必點，豬手去左骨啲肉切好一件件，對於女仔黎講，食起黎真係方便好多🤤豬手外皮脆卜卜，超香口，味道亦唔會好咸，加埋酸椰菜一齊食，簡直一流🫣🍝卡邦尼意粉配溫泉蛋賣相幾好，望落去好色彩豐富，意粉軟硬適中，忌廉汁好香濃，個汁唔會太杰身，除左意粉入面既煙肉皮，伴碟仲有塊煎到脆卡卡既，撈埋一齊食口感更豐富😍🌟餐廳另設室外位置，食物份量多，適合聚餐

每次諗起想食德國嘢呢度係必然其中之一個選擇 比起之前Sheraton隔離嗰間舊舖嘅傳統裝修 呢間分店就比較細小小 裝修呢度就年青啲😅每次嚟呢度都會order 出面唔係度度有嘅draught黑啤 夠凍正🍻🍻🤤🤤🤤食德國嘢有點少得德國豬手 每次order都會要求店員唔使切 咁樣就可以一路食到熱辣辣唔會切開曬凍冰冰 呢度個豬手都有保證大大隻皮薄薄脆一邊肉又唔會太鹹唔乾好味道😋😋😋😋😋今次三個人一隻豬手唔夠飽所以嗌多個意粉 意粉質素就真係差 意粉係淋曬D汁都好水 加埋一差唔多成二百蚊 不過真係仲衰過茶餐廳嘅質素👎🏻👎🏻👎🏻👎🏻👎🏻下次都係唔好咁睇唔開🫣🫣🫣 食返豬手同腸算😂😂😂

係旅發局「夏日賞賞你」個website，搶咗張呢間餐廳薄餅減$120既卷，點知中哂大伏🥲🥲🥲🥲🥲。餐廳位於美麗華一期，裝修其實都幾靚，有德國風情。薄餅有4款topping 可以選擇：火腿煙、三文魚、火箭菜、中蝦，估唔到食物令人咁失望。德式脆烤薄餅 (中蝦) $205之前冇食過德式pizza ，不過，喺德法交界 Alsace 食過flammable pizza好薄好creamy正，但依款餐廳叫Dennete 既薄餅，好硬好乾，一啲都唔脆，😡😡🤢🤢，唔知點解要落極大量洋蔥......啲蝦超級唔新鮮既feel🦐👎，用雪蝦都算啦，仲要好似雪咗好耐咁和小小梅梅地😑😑，一定唔會再來食。

The food was not tasty and really overpriced-> that’s the shortest description I can give you. Not authentic German food and actually even not tasty. For this price you have thousands better places around…

一早已經有人排隊咁誇張，因為叫個主菜，包出面沙律吧，而沙律吧當然仲要有熱葷嘅。沙津款式甚多，一般菜嘅沙律，粟米，德國酸菜，可惜唔夠酸。啤梨沙律超爽。花生一定要落，一定唔後悔。仲有好值得食多幾件嘅pizza超正。蛋餅也不錯，洋蔥圈我就一般嘅，如鍾意嘅，可以食半碟因為好脆，唔油。仲有得國餐廳最應該食嘅得國腸，有法蘭克福,黑胡椒腸等。雞翼都夠入味。個南瓜湯好濃，唔膩，飲左2少碗。每款試幾舊，都好夠。沙律吧其實都好值得。坦白講主菜唔係重點，不過幾好味嘅。芝士味好濃，不過飽食唔晒。包飲品，這個semi-buffet好飽。最尾，仲有甜品，一件咖啡奶凍，同一件淡cheese cake，呢2個都不錯，完美的一餐。

位於美麗華商場內有一間食德國菜的餐廳，餐廳用上較柔和的燈光和類似工業風的裝修，配以強勁的音樂，座位之間保持距離。既然食德國菜，當然要試德國鹹豬手，首先來了一杯醒胃的特飲，味道帶甜帶酸，使人暑氣盡消。我們叫了匈牙利牛肉湯，湯內有牛肉粒，蕃茄等材料，湯味算濃。接著便是主菜德國鹹豬手，豬手很大件，用刀一切便聽到脆卜卜的聲，豬手皮的確烤得很香脆，放入口咀嚼也聽到聲音，肉質香滑多汁，而且不太鹹，蘸以配菜或芥末可將味道更提升，由於豬手很大件，我們3個人吃也足夠，吃過了豬手，大家都覺得飽肚了，所以沒有再叫其他食物。這一餐德國菜吃得滿意。

一個聚會唔錯嘅聚腳點，可選擇坐室內或室外，由11：30至14：30分，不急不趕一路吃一路傾，可以選擇吃套餐或者淨係吃沙律吧也可以。我們選擇了一隻德國豬手套餐和西冷牛扒套餐，另外兩位選擇了沙律吧。沙律款式選擇多，小食也有數款輪住出，湯也有兩款輪住出，豬手新鮮焗出皮脆肉嫩滑不乾，好味！不過西冷牛扒就一般，可能切得比較薄所以就算order了五成出來的效果都比較熟，最後附上甜品，芒果布甸唔錯另外一款蛋糕就比較甜。

今天先補回用餐的評價，係YouTube見到介紹，就試一下但因紅雨出唔到露天地方，室內坐位不是太迫，今天坐近窗門，两邊枱都沒人所以覺得很正，主食叫了扒澳洲西冷牛肉配燒薯角及時菜及香煎鯛魚柳配柚子牛油汁，另外自助沙律及餐湯雖比其他食自助餐款式少，但覺得已經可以，尤其鐘意德國腸仔及火腿（有幾款），麵包都好食及如果餐湯再有中式更好，另外當天係whatsapp儲存佢地電話為聯络人可以送了黑森林蛋糕一件（幾好食），最後有甜品及一杯飲品，下次要再試下其他主菜。

為朋友慶祝生日，揀選帝樂德國餐廳，因可試下半自助餐，悠悠閒閒地談天說地，很快過了 2,5小時，非常滿意的一餐。Book咗12點，我哋兩人約 12:06分到，已經約有超過一半人入座，我哋被安排坐了一張四人枱，非常寬闊，餐廳環境非常好，光線柔和，而且餐廳都有室外，天然光線亦照到室內。我哋坐下後，有位叫阿 Ling的侍應很有禮貌地為我哋介紹用餐選擇，原來可選擇＋HKD20.00 將原本的主食外帶，餐廳這個安排很貼心，等客人品嚐多啲半自助餐的食物，例如小食，沙律，餐湯！大飽口福！用餐時間差不多尾聲，親切的阿 Ling 來到介紹我哋餐飲選擇並將外帶的主食送過來，並放在桌上，溫馨提示～別忘記帶走啊！現在很少這樣有禮貌，敬業樂業的人員了！使我們今次用餐體驗非常滿意，除了食品豐富好味，多選擇，服務亦一流！

朋友生日想食徳國野，就揀咗呢間餐廳！係一個幾好呢位置，miramall，好方便大家聚會😝入到去幾舒服，裝修都幾有特色~因為今次去都多人，所以好開心可以叫多d野食🤪前菜有: Ham n cheese! 好正，cheese have blue cheese! 中意食呢人可以試下！重有小食拼盤，好多唔同款嘅炸物！新鮮炸，幾好食！沙律梗係要試吓啦！幾鍾意佢嘅醬汁，沙律菜都好新鮮😍😍主菜:德國豬手係必叫嘅！！超級好食，外皮好脆！佢仲會幫我哋切埋，好貼心🫢❤️腸煲，好多款腸仔，可以乜都試下！德國嘢梗係要食腸啦😋最後仲有一個Pizza！Salmon pizza, 見到後面啲師傅喺度即場製作呢個Pizza，好有風味！pizza都好好食，即叫即製嘅感覺好好🤣🤣🤣🤣另外，我地自己買咗蛋糕，按人頭比切餅費，每人十蚊，都算平過其他餐廳🙈餐廳重會播歌，氣氛不錯🥳 笑死，格嚟桌又有人生日，之後播左”恭祝你福壽…”個首，好正😂

Prost in Mira Place is a nice place to chill for happy hour. They have an outdoor area with Bavarian decorations which is prefect for big groups of people to hang out.The pork knuckle is bigger than many other German restaurants in Hong Kong. Very crispy skin, can't say it's juicy but at least not tough and dry. Fair price. Not too salty but still goes well with beer. Seems I've lowered my standards because of the poor choices in Hong Kong.