63
23
10
所有分店 (1)
電話號碼
2662 6869
6993 4082
營業時間
星期一至五: 17:00-01:00 星期六.日及公眾假期: 13:30-01:00
付款方式
現金
座位數目
200
其他資料
酒精飲品
泊車 詳細介紹
電話訂座
室外座位
食評 (103)
望住靚景BBQ 焦點食評
入門食家 2016-06-27
2250 瀏覽
今日天氣非常好,同朋友入左去大尾督釣魚影相同BBQ.而我就揀左呢一間,因為巴希雅聽好多人講都話幾好味.一去到佢比我地自己揀位坐,最初都好驚會好熱架,但係佢地好好,每張枱都會有風扇,所以都唔會好熱.另外佢除左有風扇,仲會有專屬既垃圾筒比你,非常方便.我地今次就食任食,佢既款式都幾多,除左平時既肉類,佢仲有好多唔同種類既素食,我自己本身其實都好驚不停食肉,驚油得濟,好彩佢有好多菜類.仲有我地叫左個和牛,好似話係澳洲M7和牛,呢個真係不得了,價錢好底,平時係XX Market都無咁平,$115就已經有200g,咁樣燒既和牛真係好正,除左肉質鬆軟,只係加左小小鹽就已經好好味.非常有牛肉味,呢個真係好抵,推介大家食.另外我覺得好食既仲有煙肉番茄仔,番茄仔中和左煙肉既油同咸,十分夾.仲有佢呢到啲羊架同牛仔骨真係好正,我以為咁既價錢可能會將貨就價,估唔到都會有好食既野.佢肉質都係好冧,唔會好肥,加埋啲籽然粉,十分惹味.另外講講,佢呢到啲服務都幾好,會有人黎教你點燒先至好食,岩曬我呢啲燒野白痴既人,成日都燒到黑曬. 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-06-21
662 瀏覽
中學開始已經經常去巴希雅食野咁多年都保持到水準最鐘意佢既香料!有孜然粉同辣粉孜然粉加落差唔多燒好既肉類上面 再燒多10秒到就令到香氣爆發好正每個爐一煲蜆 蜆肉新鮮 有海水味放係爐上慢慢煲 就有得食啦燒大蝦係一人一隻好好食蝦好大隻 燒完肉質爽脆 入面仲有好多蝦膏好好食淨係一隻唔係好夠喉 店員教我地燒雞翼既秘訣原來就係要棟起佢 燒左個頭先幾work wor 雞翼都係大大隻燒到香噴噴再食揀去巴希雅食係因為有好多特色食物唔多食肉既朋友都有選擇燒腐皮好正燒完脆卜卜 好得意燒蕃茄 就再外層燒熱 令到蕃茄更甜不過我最鐘意係燒白果燒完既白果軟得黎又帶點煙un 好好食燒韭菜係必食每邊加水快燒幾秒再重覆 如果唔係就好易燒過頭韭菜燒完超香口芝士焗金菇每個爐都有既 滿滿既芝士配上金菇 真係好正燒豬頸肉 豬頸肉係燒之前已經俾店員細心𠝹開左 令到燒既時候唔會太難熟豬頸肉味道一流 十分肥美係不停再食之選我最期待既原隻燒茄子將外層燒熟後 𠝹開茄子 加蒜容同醬汁再燒茄子就變得可以用快子一絲絲夾起 加上被醬汁包圍 好好食甜品一燒菠蘿燒完既菠蘿冇咁酸 而且微熱加上陣陣香甜燒香蕉 自己燒好香蕉之後可以去服務台個邊加朱古力醬加埋好好食啊其實好少去燒烤唔係狂食肉好彩有好多特色蔬菜揀 唔洗食到太油 繼續閱讀
(以上食評乃用戶個人意見 , 並不代表OpenRice之觀點。)
郊遊日📢 焦點食評
新晉食家 2016-05-31
895 瀏覽
假期特登走入大埔BBQ,以我所知大埔BBQ場大大話話有5、6間,今次就揀左朋友介紹既巴希雅重慶燒。入座後員工就會過黎set枱之後我地就急不及待地去拎食物! 去到大門既右手邊有一間300尺左右既冷氣房,入面放有多達20幾種既串燒食物供應。食物種類方面實在有太多,基本上豬、牛、羊、雞樣樣齊 簡直花多眼亂。另有肉丸及蔬菜朋友太肚餓既關係見到有搽好既面包就拎左幾片返去燒,估吾到原來面包吾單止搽左牛油重有蒜蓉 燒完十分香,見到朋友食到lam lam利因為本人十分喜愛牛既關係,基本上牛既所有串燒都拎齊。牛肉十分juice,吾會難咬,牛既味道十分濃。另外羊扒1啲都吾會穌又吾會韌,十分建議怕左羊穌味既朋友試雞肉十分嫩,就算自己燒都拍得住出面餐廳BBQ燒丸是必然的,牛丸十分彈牙 點上蜜糖又係無得彈! 雞翼係預先醃好既,已經醃到十分入味,一啲雪藏味都無只要拎張單出去每一枱都會有一鍋硯同埋一包蒜蓉金茹。硯十分足料,味道喊喊地好有海水味就好似無添加咁。燒完既蒜蓉金茹一打開就聞到濃濃既蒜蓉味,食落十分juice。 繼續閱讀
(以上食評乃用戶個人意見 , 並不代表OpenRice之觀點。)