川婆婆 (已結業)

尋晚行過長沙灣先至發現原來開咗間川婆婆，就緊係入去打一打邊爐啦。由於同行朋友唔太舒服，所以都無叫到川菜或者麻辣的食物。盡量食得清淡啲除咗豬骨鍋湯底外，我更叫咗牛牛大拼盤。果拼盤真係一個價錢多個享受，可以食到唔同牛的部份，份量更加岩曬兩個人食。所以如果你有選擇困難症，就可以直接order依個拼盤，唔洗煩。埋單時原本係600蚊左左，但老板見我地第一次黎，比左discount 我地，最後兩個人都係around 420。

重口味嘅我一直都好鍾意食川菜又好鍾意打邊爐 所以一見到川婆婆有團購優惠 即刻唔執輸買左我地揀左5點半果輪 可能因為時間尚早 所以去到嘅時候無咩人 啱哂同朋友靜靜地咁傾偈我地揀左重慶麻辣同埋番茄濃湯湯底 落完單之後 啲嘢食好快就到個重慶麻辣湯底好辣 但辣得黎又好過癮好有風味 食到我流哂汗 川婆婆嘅店員一見到就即刻開大個冷氣 好細心而且佢地一見到我地食哂啲嘢 就即刻幫我地清枱見到我地無湯又即刻加湯 反應好快又會同我地閒話家常 真係好溫馨好舒服我地原本只係可以食兩個鐘 但就算過左時 佢地都無趕我地走 仲同我地講話可以食埋先走 唔好嘥野 只係唔可以再加單同拎野飲 咁好嘅餐廳可以係邊到搵呢到嘅食材都好新鮮 好好味 我最鍾意嘅係墨魚汁墨魚丸同埋飛魚籽魚蛋腸墨魚汁墨魚丸好彈牙 好有口感 飛魚籽魚蛋腸好似我地平時食嘅魚肉腸零食咁樣 好得意總括而言 食物質素同埋環境一流 店員嘅服務更加係世界級 要keep住去

川婆婆成日聽，今次見openrice有優惠卷，就買泥試下$118任食，連加一同醬油費同時段附加費，最後大約每人160幾蚊。環境好闊落，播既歌都好正，全部都係黃偉文既歌食物方面，所有食材都好新鮮。鯇魚片好爽，鮮牛肉好重牛味，而且好稔，一啲都唔un，好好食。醉雞就冇乜酒味，正正常常，而肉質唔滑，但未到鞋。另外，會送一碟安格斯牛肉片😍丸類都好高質😍😍😍 特別推介手打魚丸，墨汁墨魚丸，雲呑。打邊爐最緊要係個爐😂 加三十蚊要鴛鴦鍋，係番茄濃湯，配四川麻辣。兩個都好正，好夠味，加左幾次清湯都唔會覺得湯底淡。最後要讚既係，服務態度！！笑容好好，好熱心照待客人，仲俾多左半個鐘我地食，想俾我地食埋枱上既食物。

由我第一次入黎呢間餐廳 就覺得佢同其他餐廳唔同 店員友友善對待客人 雖然店員唔多只有2個都努力服務客人 但店員都主動積極照顧客人需要 例如加水 點單 係一間服務黎講都算唔錯至於火煱料即叫即到 食品新鮮肥牛2排咁上 我特別推介丸類 大大粒又好食 我個次食嘅有金茹 生菜 肥牛 鯇魚 依價格黎講 價錢都算合理 200蚊樓下就賣單走人 如果你雙人食可以有1人鍋分2邊 慢慢打慢慢食如果你未試過可以黎試過 就要黎試一次呢間晚市火煱係火鍋店黎講係首屈一指火鍋餐廳

半夜三間唔知食咩好其實有冇嘅 2230到見到川婆婆有放題唔時都好貴㗎逐碟計出放題喎一於食盡佢而且都好多選擇架味道有好食如果食得辣嘅朋友記得要中辣先係皇道真係越食越興奮停唔到㗎不過記得唔好浪費食物如果唔係要罰錢㗎

坦白講有些失望，因為在面書話點好點好，約六點半去一枱客都冇都驚有少少中伏。問服務員有冇任食已經黑黑地面。叫了藥膳和四川麻辣湯底，因為鴛鴦要另加三十元，冇問題。其實湯底Ok嘅，不過食物一般過一般，叫了鯇魚片吃完再叫遲遲不來(當時只得我一枱客)問追下服務員話冇呀⋯⋯⋯至於肥牛算吧啦，前後叫了兩碟，每碟約6片，之後都費事再叫，好似同你乞咁全程只吃了約1時15分便埋單走人。可想我知的心情是怎樣，以後面書D野都係諗過先

Happy Friday !! 今日同左同食去食川婆婆，本身book 左位，但去到發覺都無乜人，等都唔洗等。我地點左個鴛鴦湯底，麻辣湯同豬骨湯底，個人覺得麻辣湯底OK好食，但唔夠油香，反而豬骨湯底就好濃郁，所以唔食辣嘅朋友強烈推薦你地去食豬骨湯底。本身見佢有六五折嘅優惠， 所以先黎一試，都點左幾多嘢食，推薦嘅墨魚滑，手切牛肉，炸魚皮，薯粉同午餐肉，都幾好味。我哋仲叫咗個桶蠔，但味道麻麻，唔鮮味，所以大家唔使叫！人均消費大概＄200，又冇想像中咁平，但都接受到嘅！

平時食尖沙咀川婆婆嘅辣魚蛋就食得多，想食佢嘅麻辣火鍋好耐，之前係咁聽友人係咁力推，見到佢有任食（＄188/位另加一）就心動去試下。因為平時如果唔係任食單點嘅話，以我和朋友的食量每人＄500都應該落唔到樓😂。湯底加＄30可轉鴛鴦湯底，我們揀了重慶麻辣湯底和阿婆豬骨湯底，重慶麻辣湯底果然係好正，辣得來非常過癮，而且食完唔會覺得口渴，我唔算話十分食得辣都忍唔住長期食紅湯呢邊，忽略咗白色嘅豬骨湯底。豬骨湯底都唔錯不過相比起出色的麻辣湯底就比較遜色。因為任食嘅關係部份海鮮和高級嘅食材都唔會有，部份材料有點將貨就價，例如供應的肥牛比較老，但大部份基本嘅丸類肉類蔬菜金菇響鈴等等全部都應有盡有，而且整體比一般打邊爐和雞煲嘅材料新鮮，而且有一啲自家特色嘅食材例如招牌粉條，墨魚汁墨魚丸等等。呢個價錢來講都算OK！因為佢每枱會送一碟安格斯牛，我發覺用安格斯牛放落去紅湯真係正到爆，完全唔想再掂嗰啲肥牛。可以嘅話下次都建議試吓佢嘅單點模式，點一啲海鮮或者高級嘅食材例如生蠔帶子田雞等等放落去嗰個湯底應該仲正👍環境：6/10服務：7/10 （長沙灣呢間嘅服務都算殷 勤友善，聽朋友講第間分店

冬天特別想食辣野，聽人講川婆婆幾抵食，所以同friend諗住黎呢到試下個麻辣火鍋放題。呢到有9格火鍋，每格個味一樣，不過個人唔知咁多格有咩用⋯⋯湯底辣得黎幾過癮，但隻牛油味有少少怪怪地。但幾抵食，配料放題但又唔差～

一直都想食試既九宮格火鍋，終於等到朋友生日有人同我食。星期四8:30去到已經勁多人，勸大家想食記得book 位 唔係有排等。入到去店員即刻好好咁問我地要咩鍋，唔夠5分鐘個鍋已經上到檯面。點菜時，店員都好好咁同我地講當晚火鍋料有5.8折，真係抵到爛啊😍😍😍咁我地當然狂點啦見OpenRice 大家都話要點既鬼馬蝦滑，個人感覺相當麻麻，油炸鬼吸左湯底反而覺得相當怪。唔推薦。安格斯牛肉係必必點既食物，牛肉係麻辣湯中浸過牛味都依然相當濃，好味到我地叫多碟。其他火鍋配料都不錯，個人推廣食麻辣湯底一定要加個薯仔片，吸晒啲辣湯加上粉粉地既口感，相當開胃。另外，麻辣魚皮都係必點，夠香夠麻食唔停。店員都相當有禮，不時都主動幫忙加湯唔洗叫。

喺屋企附近開左間川婆婆，一向無辣不歡既我當然唔會放過依個機會啦！ 去食啦！ 去到環境都不錯！大大既木枱 可以放好多野食！坐底就嗌野野食啦！個湯就嗌左醉雞同麻辣！ 醉雞啲雞好滑好好食啊！兩個人好快就搞掂哂啲雞！ 跟住到其他野食啦！ 個牛牛大拼盤先經典 大大份有驚喜！！ 入面有好多野食啊！每樣都有十舊八舊！名就唔記得哂啦！但睇個樣都知新鮮好食啦！嗌左幾樣野食！價錢就唔算平架啦！但樣樣都新鮮好食！ 月頭有錢絕對可以一戰！

鴛鴦鍋 ($128) +1 雖然店內的‘普洱茶九宮格麻辣火鍋’相當出名，不過由於吾食辣的關係，我就揀左藥膳醉雞鍋&豬骨鍋～醉雞的酒香味揮發的香氣好香，而且雞肉又嫰又滑😌先上蔥、芫荽、胡蔴醬、辣椒等配料🤓店內的手切本地牛頸脊&頂級手切霜降安格斯牛肉相當之吸引，肉身嫰口，煮到熟都係粉紅色～雪花分佈相當平均🤤牛頸脊就牛味重D，相對上有咬口～而且仲有好多火鍋料可以食😍每款火鍋料都有自己的價格，但比起D火鍋任食質素真係好好多🤗Taste: 8.5/10

早前聽家人講長沙灣的川婆婆是以招牌麻辣湯鍋、火鍋、雞煲、川菜盛名，自己遲遲未有機會試，這天同爸爸和媽咪經過附近，我立即想到這店，就入去川婆婆吃個火鍋吧，滿足我的好奇心呀！餐廳內的環境寛濶，見到牆上貼滿了食物圖案及風趣幽默的海報，令人食指帶動，而座位之間不會擠迫，感覺舒適。餐牌裡不只是麻辣菜式，還有很多其他種類，火鍋湯底、火鍋配料、刁鑽牛系列、手打丸、粉麵及特色飲品等，加上還有大量海鮮和其他配菜選擇，很吸引！有多款醬料配搭使用，每位 $10，不同版本吃出不一樣的味道。爸爸和媽咪都喜歡鴛鴦鍋  $128選了藥膳醉雞鍋和好味道豬骨鍋，可以有不同口味。藥膳醉雞鍋鍾意藥材味不會過濃，有當歸片、川弓、紅革棗等材料熬製而成的湯底，然後再加入整碟醉雞，酒味覺太濃，亦是我最喜歡的，味道適中，而鮮雞份量多，肉鮮嫩甜美，混合所有藥材、好酒及鮮雞肉一起，的確份外鮮甜，當湯滾起後我們已經急不及待飲了一碗，大家都異口同聲讚太清甜美味 ; 到吃完所有火煱料後，我們每人又飲了兩碗，真的實在太清香的藥材湯，現在想起來令我再三回味呢！好味道豬骨鍋大大件的豬骨、紅蘿蔔、粟米及白蘿蔔在湯裏，材料十足，味道鮮甜無比，好飲呀！墨

朋友在團購買左幾張卷，但係長期book唔到，因為每次打電話時都要同佢講係咪團購，如果係團購買就無位，非團購的就有位。因走店員就會叫你book尖沙咀嗰間分店，但係時間係夜晚10點後。最後我哋要話唔係團購,book完先至補返團購飛編號。講返食物方面，有好多湯底揀，因為我朋友唔食辣，所以去麻辣燙但係食藥膳湯底😆。食材其實都好新鮮好多選擇，連杞子雞，鮮魚片都有。一張紙點好多送都唔漏單👍🏻 飲品都過十款！最得意係枱面有個小紅罐，成罐旺仔小牛奶咁，汽水蓋掩，原來係麻油嚟架。係佢自己鋪頭嘅麻油，造型幾特別，真係想攞罐返屋企呀。其實整體只係訂位比較難，如果平時唔係團購相信冇呢個問題。因為當晚晚飯時間去到都仍然有好多座位。

友人最近突然愛上吃辣，便相約一起去吃川婆婆。長沙灣分店新開張，所有配料也有76折。本身價錢已經不算貴，再加上有折扣，點菜不用手軟。選了招牌普洱茶九宮格麻辣火鍋，可選大、中、小辣。因友人說要跟隨我吃辣的步履，所以毫不尤疑對店員說要大辣，怎知友人卻臨時退縮，改了要中辣。鍋子被分成九格，每一格放不同的食材，那就再也不用怕食物放進去後不見了。這裡有火鍋店不太常見的玉子豆腐，很久沒有吃，所以點了一份。總覺得，比起其他豆腐，玉子豆腐配麻辣火鍋是最合適，它不會像豆卜般吸入大量麻辣湯，而且不管在鍋裡滾多久也不會散開。大部份人打邊爐均喜歡吃肥牛，但我卻喜歡滑牛，所以點了鮮滑牛肉拼麻辣牛肉。滑牛比肥牛厚，口感較好，而且牛肉味重，不會被麻辣火鍋完全蓋過。這裡的牛肉挺新鮮，顏色鮮艷，就算不煮全熟也不用怕。所有蔬菜類也可選半份，所以我們唐生菜、蓮藕和鮮淮山均選了半份，那就不用怕吃太飽了。其實半份的分量也挺多，足夠3個女仔吃。很多丸類也想吃，耐何我們只有兩人，因此只點了非一般手打牛丸。大部份丸類均有半份供選擇，但這牛丸沒有，它上桌的時侯把我們嚇了一跳，竟然有12粒，也太多了吧！雖然是沒有夾心的，但咬開時會有少量油