山葵日本料理 (已結業)

嗌左餃子拉麵同中華冷面等左半個鐘有多唔講啦，餃子拉麵啲餃子食到作嘔，有唔知點解會有芽菜。中華冷面就唔知點解係酸嘅，啲嘢又唔新鮮，真係唔敢相信佢以前係好食，冇下次！利申：男朋友返到屋企真係嘔左出嚟

第一次試這間日式料理，服務和環境普通。食物方面真的不需要再光顧第2次了。先說價錢，不是特別便宜。壽司點了火炙三文魚、帶子、魷魚和甜蝦，味道一般，還可以。可是，另外點了一碟芝士鰻魚壽司，一碟有8件，與其他店比較，上面那塊鰻魚太少了，芝士味又不突出，根本不值五十多元。接著再點了豬軟骨拉麵，先不說豬軟骨的質素，$60左右不會抱太大期望，拉麵完全像即食麵，太淋了，不值得花$60吃這個質素，比較其他平價日本料理店，這間是我吃過最差的。這餐總共花了二百，根據這個質素，略貴，太多平價日本料理比這間更便宜又好吃。

本來想去龍門居試食＜犇道＞，但因為已行到腳累，而＜犇道＞晚市6：30才開始。所以轉戰美樂尋食，一試＜山葵＞。🍽咖哩吉列豬排飯 定食配：前菜沙律及麵豉湯🥗前菜沙律生菜加少少魚子，非常細碟，味道普通🥘 麵豉湯配以少量豆腐和海帶，味道普通🍛 咖哩吉列豬扒飯咖哩偏甜，豬排新鮮炸夠香脆，豬排有豬肉味應該係自己炸，唔係攞貨除了咖哩真係偏甜，唔啱我胃口，都ok🍽三文魚甜蝦魚生飯配：前菜沙律及麵豉湯前菜同湯一般般 少少淡個飯個外觀好好 三文魚認真唔會hea 夠新鮮甜蝦就唔太好喇 可能我放最後食 個蝦頭有啲苦啲飯雖然壓得好實 質感唔多好 可惜 但有驚喜 佢落咗芝麻 有芝麻香 中和少少飯既醋酸🍽壽司🍣火炙三文魚壽司合乎標準，不過不失，壽司飯有少少硬身，應該擺嘅時間耐左🍣劍魚腩/油甘魚壽司刺身新鮮好味，油潤壽司飯始終差啲🍽香蒜軟殼蟹軟殼蟹不過不失，炸粉可更好，較硬身總結：家庭式小店經營，服務親切，食物不過不失

2人食，6點9落單，7點有魚生飯，7點4先有海鮮拉麵。魚生飯屬於定食套餐，有飯都未有麵豉湯、前菜，等咗半個鐘都未有海鮮拉麵其實，最嬲嘅係我地2個人落單先過8人枱，8人枱啲野食到曬，我地嗰海鮮拉麵都未到🖕🏻唔會再有第二次

本新由附近來想打邊爐，可惜無位，就轉食日本野。唔記得影大部分壽司，質素可以的。係海膽壽司女友說未試過咁差酥炸牛舌本人覺得很正！外脆內嫩金龍卷也不錯劍魚就正常雞串是我想多了，36元以為是日本燒雞肉

入去屯門諗住食韓燒，好可惜朋友話唔舒服，本人又係日本菜嘅fans, 咁樣一定又係食日本菜啦刺身拼盤大大份，抵食！鰻魚飯，好大碗，正！本人誠意推介烏冬，好彈牙，好好味~只是海胆， 比較細板~服務方面，上菜快，但係，啲食物我地食唔晒，想包走， 侍應面有難色，十分唔願意，不過，在屋邨地方，以呢個性價比來說，佢願意幫忙包好所有食物，而且有筷子已經好難得了，（題外話，呢位女侍應比中環某位高級餐廳嘅服務還要好呢）朋友話，下次一定要再來食烏冬

週日晚上8時, 挺旺場的, 證明這家店應該不錯吧帶子刺身: 竟然有8大片, 亦不是薄切, 好抵啊, 亦好鮮甜, 正!三文魚刺身: 只有4片, 幸好是厚切, 普通貨色中華冷麵: 用的材料都是好普通的火腿, 蛋等等, 不過好大碟, 日式沙律汁好醒胃!海膽SUSHI: 其中一件有少少苦, 另一件OK, 都算鮮甜牡丹蝦SUSHI: 大隻, 鮮甜爽身, 幾好, 可惜我們不吃蝦頭, 蝦羔都浪費掉了鰻魚SUSHI: 鰻魚不太咸, SIZE 比別的店子算是大八爪魚SUSHI: 沒有吃,不知道他們的SUSHI算是中SIZE, 飯團比連鎖店大一點, 多吃兩件已經飽了, 而且米的酸味不足~WAITRESS 都是阿姨OR 小妹妹, 手腳較慢, 廚子數目應該不多, 上菜亦好慢,價錢以小店來說不便宜, 不過有COUPON送,下次可換食物用~

多年來每次行過都見到有人等位...但總不敢試...因覺得不會好食的....今日悶悶地...又諗唔到食乜....咁就即管試下...點知....真係...2個人食...叫咗炒飯同4舊sushi-　蒜蓉牛肉炒飯：好大碟....超少牛肉...少到差不多冇咁...飯就好多...用飯＂側＂飽你，仲有好多油....-　鰻魚壽司：一般....燒汁同平時有ｄ不同-　赤貝壽司：一般-　墨魚壽司：一般

天婦羅南瓜好薄皮.....南瓜夠甜好味~好似叫炸蝦反卷, 唔太記得個名~但好脆口, 幾特別可一試~圖中見既係大蟹子沙律, 好新鮮~好味道~另外再食左蟹棒壽司~無影~ok無咩特別~叫左個鰻魚炒飯...無咩特別無影~同埋最後甜品食左個半口芝士~推介~煙勒好味~值得一提, 鋪頭唔夠人手做樓面~得兩個侍應幫手遞餐及加茶, 都見佢地做到踢晒腳~希望老闆請多個人幫手啦~

雖然呢間餐廳離屋企只係步行範圍內, 網評見到有好有差, 多年來今日姑且一試, 但真係以後都唔會再食.....我和太太中午時候到, 現場只有2, 3枱人客, 靜過鬼, 叫了兩份定食, 一個肥牛拉麵, 另一個壽司定食, 各叫一杯菠蘿冰(餐加$3)都諗住事旦一餐心態, 但D"肥"牛真係好肥, 兼且好碎, 個湯有成寸油係上面, D拉麵好淋, 好似煮定咁既......到戲肉壽司定食......不過無緣一試, 事關食完個拉麵, 打左大半個鐘遊戲機都未見(前後50分鐘都有咯)乜壽司唔係快D咩, 漏單好平常姐, 點知個侍應吹哂水話"唔記得同我地講, D壽司飯未凍....未整得..."咁點解一早落單時唔早講, 到我捉個侍應問(成50分鐘)都唔講呀 早D講我咪轉order囉, 好過呆等呀之後憤然cancell個壽司定食啦, 但因杯菠蘿冰先到, 仲要收我正價$13/杯最後埋單時同個老闆娘反映呢件事同D野食服務態度時, 對方話"由佢啦, 唔好意思吓"Bullshit!!!! 好心你地唔係做生意就摺Q埋佢啦 "由佢"? 今時今日咁既食物質素, 咁既服務同做生意態度我衷心講句: 食蕉啦屯門區既餐廳真係好多好多,

10:20先去到趕到佢地山門前叫野食,叫左我同女友最鐘意食既蒲燒鰻魚飯, 仲有幾件壽司分別有三文魚, 玉子, 魚子, 甜蝦, 蟹棒.呢度既蒲燒鰻魚飯定食 (有一碗湯, 一細碟前菜)一向水準都唔錯, 但可能就快山門既關係,睇相都睇到條鰻魚睇落一D都唔吸引, 平時食脹卜卜, 咬落熱啦啦, 仲好香醬汁味.今次失準了, 下次如果晏左真係唔好叫鰻魚飯, 佢地會冇心機整,仲有D飯勁硬....呢度既壽司比起出面舖頭舊飯會大D, 其實都好架, 食得飽D.壽司味道都唔錯, 價錢都好合理所以好多街坊都黎食架

呢間餐廳離屋企只係步行範圍內, 所以久不久都會幫襯, 同屋企人又好, 朋友又好, 但真係以後都唔會再食了...唉前題係, 呢道係住戶區, 街坊生意, 當然唔會同出邊九龍香港島比較啦, 不過都唔好咁離譜啦, 唉....夀司...D 飯一夾就散, 味道亦似白飯; 我地5個人叫咗個雜錦盤, 真係冇一件得, 如果誇張D 講, 根本覺得D壽司只係"魚片加白飯"! 最愛食既鰻魚壽司, 奇怪每一舊都係帶住黑色部份既"根部", 咬落去硬既, 即係只可以呢塊既一半 叫咗費事浪費, 咁梗係照食啦.....輪到食舊墨魚壽司, 鹽到不得了, 真係未試過咁既"野", 加埋D 所謂既壽司飯我真係食咗一半冇食了! 如果要比較, 我情願會選擇本地某超市賣既壽司, 呢間真係請都唔會再食!雞肉炒飯冇味既炒飯, 隨咗D 粒粒雞肉之外; 雞肉都FEEL 唔到有乜野特別味道, 唔通日本炒飯係咁 =="冷烏冬我成晚唯一覺得冇問題既野, 雖我D 朋友話D 汁又係過份濃魚生雜錦盤唉....痛苦的經驗, 唔明點解魚生都可以搞到咁?三文魚味道冇乜問題 但係呢區收咁既價錢, 係唔係需要薄到咁呢....要點係, 點解全部魚生都有冰水味?

山葵係屯門碼頭黎講質素算最高,價錢當然貴喇晚飯黎食叫飯餐果D抵食..都好大碗大碟燒鯖魚飯$44燒得幾好食壽司就普遍9蚊件,而家做緊鱆紅魚7蚊特價,我覺得幾好食基本上所有壽司都好新鮮,服務都好好,經常幫你斟茶

晚餐如下:三文魚壽司@$9:長得黎厚度又okay喎玉子壽司@$6:普通鰻魚壽司@$9:散左少少甜蝦壽司@$9:都算幾大隻八爪魚壽司@$9好新鮮海膽壽司@$14 :驚喜!!!好味又抵食肥牛海鮮鍋@$63:大鍋又夠足料雞肉蛋飯@$36:好大碗呀,搞到要打包

那天他很好，刻意從旺角走進屯門和我玩。和他去美樂懷勉一下往日情懷，我見食評不俗，便指明要吃山葵。兩名女侍應，一個年輕，一個中年，態度不錯。一看菜單，貴。三文魚壽司＄９，一件！所有夀司的價錢都以一件計算，壽司和手卷的價錢比外面的迴轉壽司店（e.g. 板前) 還要貴。料理，拉麵和定食都比同類日本料理店貴1-2 成，實在令我等貧民叫唔落手。最後壞蛋叫了個三文魚魚生飯($38)，我叫了壽司定食($40)。壞蛋的飯賣相不俗，一大片一大片的魚生把飯完全地覆蓋，可惜魚生太簿，看似很多的魚生其實不多。我的壽司定食只有一小碟蟹子沙拉，一碗麵豉湯，和六件壽司。蟹子沙拉的蟹子少得可憐，比較似是青瓜沙拉。壽司數量少得可憐，原先很懷疑這只有六件壽司的定食如何令人飽肚，原來只要壽司的飯夠多便可！果然聰明。這裡的壽司的飯比一般的要多５０－８０％，而上面的刺身雖不短卻偏薄，刺身和飯的比例完全不對，無口感可言。而且６件壽司中有３件都是三文魚，其餘是八爪魚，鰻魚和不知明的魚，全是些平價壽司，未免太吝嗇了吧。感覺這店很孤寒，付了錢也不讓人吃東西，食物質數也非常普通，以後也不會去。希望老闆有機會看到的話可以反省一下。