屯門咖喱屋

營業中

休息中

呢間咖哩屋聽就聽左好耐今日先第一次嚟試，個Lunch set抵到爆先嚟碗雞湯，仲真係有好多雞肉好夠味跟住果碟就超滿足喇, $55 羊肉咖喱印度薄餅、薯條、飯，仲有pat好嘔心既雜豆羊肉比較鞋口，要趙好耐先得簡單講，第一次嚟最好食set lunch可以試埋薄餅個咖哩唔算正宗，滲左d港或咖喱入去所以冇果陣好惡頂既香料味易入口，味道濃郁，唔太辣店內雖然見到係印度人多如果你驚講英文落單既可以放心用廣東話落單因為佢地d廣東話都相當流利我第一次嚟就全程照用英文嗌既最平$45已經有交易仲包凍熱野飲/汽水呢個價錢絕對靠得著，絕對可以翻兜

香港華洋雜處, 細細個入印度咖喱屋好驚言講英文, 而家區區有咖喱屋, 由侍應到廚師, 由廚師到食客統統印度人是晚豪食屯門老牌咖喱屋, 點了二人餐: 有香料雞, 喪加錢點了牛羊咖喱, 蒜蓉炒椰菜, 白飯轉了薄餅, 仲額外點份飯後甜品其實印度主理嚐不到太大分別, 香料雞紅紛緋緋確是惹味, 但並非特別嫩滑, kebab成日食到; 而椰菜更眾入鄉隨俗, 同屋企無分別; 不過在印度餐廳食咖喱風味零舍不同, 只是調味太重飯後口渴甜品Gulab jamun是三粒炸丸子浸蜜糖, 肥而不膩, 在印度有罐頭版, 是一整晚的小驚喜

私藏左好耐嘅咖哩店，住屯門嘅人應該都好熟悉啦🤪屹立左喺屯門咁耐當然係來頭不小👍🏻入面全部店員都係印度人，但操得一口流利嘅廣東話，點餐絕對無問題🥶當日我地四個人點左份四人餐，跟一份串燒雞同魚，四份咖哩，蒜蓉炒椰菜，印度黃飯白飯各一同兩份薄餅。份量睇落唔多，但食起嚟都好夠😚佢地最拿手嘅咖哩一向都無令人失望，配菜份量好足，我個人特別鍾意魚🤩配埋即叫即整嘅烤餅簡直係perfect match👍🏻餐飲方面我地叫左拉茶，叫完之後會有侍應即場沖比你睇，幾有娛樂性🤣味道方面幾豐富唔會好甜，而且幾重香料味，未試過嘅朋友可以一試呀🤤

一直想試吓呢間印度餐廳，今日一家大細去完黃金海岸游水，就喺附近搵嘢食。附近步行距離只有一間酒店，價錢略貴！所以選擇架車10分鐘，出返市中心搵嘢食。來到這間餐廳是剛好是下午五點,全場冇人，位置任揀。就試吓佢個二人餐，加多個蒜蓉nan。先來一個雞湯，幾濃郁惹味，入面仲有啲雞肉碎。跟住送咗個小食，似係炸薯，幾特別！接着送來我order咗嘅咖喱雞同咖喱牛, 咖喱雞香口唔辣，啱小朋友食，咖喱牛肉都唔錯，仲有兩舊大薯仔。要讚一讚係佢個nan,送餐過來時已聞到陣陣香味，食落熱辣辣脆卜卜。最後飲埋佢杯芒果特飲，三個人食咗$245，合理價錢。離座時六時半，餐廳已全場滿座，下次也要再來食個early dinner!

屯門咖喱屋屹立屯門應該有廿年以上, 細細個已經見間舖係到. 老闆應該真係印度人, 不過已經識講一口流利廣東話。屯門食野餐廳其實都多選擇, 但講到印度咖喱, 佢真係唯一選擇, 有時想食但又唔想出九龍, 屯門咖喱屋就最方便。味道正宗, 價格相宜 ! 不妨多去幾次~ 

某一星期六的晚上，十點鐘好多餐廳都準備關門～唯獨這一間依然有職員在門口招攬客人☺️雖然食過多次，但比佢嘅熱情吸引左入內用餐🙆🏻‍♀️-當日挑選左兩人套餐，老實講同一人套餐分別唔大🤭只不過多左個炸雞件和炒椰菜。-首先，一上枱就有新鮮嘅炸薯仔🥔配上傳統的薄荷醬及一個甜酸醬🥢當中最喜歡佢嘅質感，外脆內軟😍一個人食晒四件都仲得😆因為呢個我會回頭-去到主菜：咖哩雞及咖哩牛肉咖哩汁好易入口，味道濃郁，香味充足用來餸飯或是加在印度薄餅上都好正😋個人認真混合了港式的做法，令到顧客又容易接受咖哩的味道👍🏻正宗的咖哩反而令人會有種抗拒感☝🏻-咖哩中的肉類就沒有太大評價；反而對比以往分量反而少咗，不過都好明白基於現時嘅社會環境有影響，我覺得分量都仲可以接受到。-炸雞件會有少少意見，因為肉質較嚡🤢但整體用餐都尚算滿意的⭕️-特別推介：拉茶☕️當你接近完成用餐時，有職員會走到你身旁施展一番技術為你預備拉茶，如果第一次光顧的可以拍片留念📸那是一個不錯的體驗喔👌🏻

一直未試過，放假就嚟試下。大概12點幾去都仲有位，但大部分都已經坐滿。店舖內環境比較簡陋，有少少似細個港式西餐廳既佈局。中午去食會有set lunch,餐會有跟湯同飲品。嗌左個咖哩牛脷同咖哩雞，2個都加錢轉左手抓餅。因為會跟烤餅同飯，所以其實都好飽肚！強力推介咖哩牛脷！啲牛好淋好好食😋食完大概1點幾左右，餐廳外已經有幾個人等緊位！會建議早少少去比較唔洗排隊。

在讀中學的時候，這間餐廳我每星期至少品嚐一次，皆因它的咖喱午餐又便宜又美味不過自從中學畢業之後，我便很長時間沒有再來光顧了，所以襯著今天難得約到中學同學聚會，我們便選擇來到這裡好好「懷念」一下它的味道，可惜「回憶往往是最美好的」，我們今次已經嚐不到兒時的味道了...No.1【咖喱羊配手抓餅】$55還記得中學的時候，咖喱餐是可以選擇辣度的，分別是小辣，中辣和大辣，而我往往是選擇中辣，因為喜歡它惹味得來又香辣可口可惜現在卻沒有任何辣度可以選擇了，而今次這份咖喱，我覺得它只是小辣而已，所以並不夠惹味開胃正常的印度菜羊肉，膻味會比較濃郁一點，但是今次這份羊肉的肉質不單止有點堅韌和粗糙，更只是微膻而已，羊肉味一點也不濃郁，感覺上就好像正在吃牛肉一樣另外我們亦額外加$7由烤餅轉為煎手抓餅，由於是即叫即製的關係，手抓餅的質感煙煙韌韌之餘，口感更酥而不膩，最後配上咖哩汁之後，更立即變得五味俱全，有滋有味，讓人垂涎欲滴，食指大動No.2【咖喱雞配手抓餅】$45由於男友並不吃羊，所以便點了咖喱雞，可惜由於烹調時間太長了，雞肉的肉質一點也不嫩滑之餘，口感更有點粗糙，簡直味同嚼蠟，讓人難以下嚥，囓檗吞針另外大

好耐冇食過印度野，所以就同朋友去咗一間佢介紹喺屯門抵食嘅印度餐廳😃我哋大概一點入去食，嗰度比較受學生歡迎(因為有學生優惠)，而咁啱我哋去食嘅時候係佢哋放學嘅時候，所以座位幾乎滿曬~一入到去個侍應就比咗碗例湯我哋，原來係免費嘅！😍佢哋嘅lunch menu好簡單，除咗揀肉類之外其他配料都係一樣。我同我朋友都揀咗食羊肉(要加$10)，而配料方面有naan，飯，薯條，雜菜，野飲我就叫咗拉茶(都要加$10)！咖喱味香，唔會太辣😋，羊肉嘅份量適中，其餘嘅配料都不過不失，但係我覺得可以唔使咁多塊naan(4塊)，因為本身已經有飯，再加埋啲naan真係會食唔晒🤣🤣個拉茶上得比較遲(我諗佢哋好忙)，但係估唔到佢哋竟然會即場喺我面前拉我杯茶，感覺好新鮮😆拉茶上面比較多泡，飲落去個味道好特別，好鐘意呢種香料嘅味道😚整體嚟講，係平靚正嘅印度餐廳!!!👍🏼👍🏼👍🏼

入到屯門又想食咖哩 一定要試屯門咖哩屋! $45 lunch set 包湯、咖哩(有牛🐄、雞🐥、羊🐑、魚🐟同蛋🥚揀)、飯🍚、印度簿餅、薯條🍟、雜豆、飲品一杯🥤。今時今日呢個價仲有咁多野食，真係抵！🤩👍🏼雖然佢個湯有啲鹹，但係咖哩就正🥰！完全解釋到點解店外有咁多人排隊等候🙈雖然多人等，但等候時間唔算耐（5-15分鐘）因為客人多數食完都急急腳走人。我地食完無耐，d staff都即刻走過黎收野，所以都唔好意思坐咁耐🤭。佢個lunch set 可以+$10 升級做拉茶，但個人覺得怪怪的，唔會再叫。杯拉茶小甜，有d herbs既味，所以不太鐘意，當比$10當睇佢表演拉茶算😂😂總結黎講都係抵食同值得一試既。聽聞附近仲有點行山，所以可以考慮係屯門行完山黎置呢邊試試佢👻

今日同朋友仔黎到屯門搵食，突然好想食咖哩，要食正宗既咖哩，唔一定出旺角既，黎到屯門一樣都有印度咖哩🤩入到餐廳坐定定，就有南亞裔靚仔侍應為我地遞上前菜❤️前菜係一份炸雞粒，入口夠香口，有兩隻味道既醬汁選擇，個人比較鍾意左手邊青綠色呢款，略帶酸+青草味，清新得黎又無草腥味，中和左炸物既油膩感3/5。❤️隨後奉上原味咖哩角，咖哩角入面主要材料係薯仔🥔+咖哩，外脆內軟，口感一流4/5。❤️終於到主角咖哩出場，我地叫左咖哩魚&咖喱雞各一份，咖哩味唔算好辣，相信唔食得太辣既朋友都食到講到食咖哩，我最愛配烤餅食法，今次我揀左烤麥餅Tandoori Roti , 一碟有4塊，份量岩岩好食哂一份咖喱咖哩 4/5。烤麥餅 3/5。❤️朋友仔就揀左牛油烤餅BUTTER NANN, 牛油份量好足，陣陣牛油香飄入鼻，好味到停唔到口5/5。呢晚我地兩個都食到肚仔飽飽，滿足地離開估唔到屯門都有正宗印度咖哩食，絕對值得推薦比身邊人呀

「香港篇 - 屯門」“屯門咖喱屋 🥘” 🌟🌟🌟🌟/5屯門🐮一講起想食咖哩 一定會諗起依間😉好耐冇食 近排去食番 發覺有進步👍🏻🔸$295 3人餐🔸🔻前菜：炸雞塊 🍗 (free)食落有少少似麥樂雞 但冇麥樂雞外皮咁硬🤔比較軟身d☺️有埋個似係香草醬同甜酸醬點😚最重要係唔理你點咩餐都計番人頭比足你🤩🔻雞湯🥣(free)🌟🌟🌟🌟超好飲雞湯🤤係有dd似清雞湯mix忌廉湯😙🔻咖喱牛脷🐮牛脷好大舊 好軟稔😋佢以前d咖喱好辣 果日食發覺少辣左好多😳但一樣咁好味😋😋🔻咖喱雞 🐥雞都好嫩滑入味😋🥔都好淋吸哂汁🤤🔻咖喱魚 🐟 🌟🌟🌟炸過既魚柳 唔鞋 三款咖喱中最好食🤤🔻烤雞件用香料醃過之後再烤 再吱d🍋汁 都幾fresh🌿以前食落超鞋 果日食又冇咁鞋😀🔻蒜茸炒雜菜 🥬 🌟🌟🌟🌟唔知點解又炒得好好食🤤好夠鑊氣🔥🔻白飯或烤餅 🌮 🌟🌟🌟🌟烤餅煙煙韌韌🥰唔會太油🥳🔻拉茶 ☕️ (單點$20) 🌟🌟🌟🌟必點🤩🤩師傅會即場拉 好似睇表演咁🥳拉茶表面好多泡好fluffy☁️唔太甜 好多香料🤤好似chai tea latte咁🤔💁🏻‍♀️5個女仔叫3人餐食到反艇🤰🏻先係每人～$60 性價比超高🤩🤩🤩

食左屯門咖哩屋好幾年，終於的起心肝黎寫食評店永遠都係咁多人幫襯，不過就算要等位都好快到。雖然店員全都是印度人，但同佢地講英文又得，講廣東話都得，佢地都聽得明，所以溝通無難度！**餐牌**套餐價係$45，食左幾年都無加過價，我諗應該係自己舖先可以咁平。入面包括：湯，蔬菜 (紅蘿蔔+粟米+青豆)，薯條，飯，烤餅(Naan)，飲品。雞，牛脷，蔬菜，蛋都係$45。牛，魚要加$8。羊就要加$10。如果唔想要Naan，亦可以加$7轉Roti。**隨餐附送的雞湯** (3.5/5分)有啲似金寶既忌廉雞湯，好飲。**咖哩雞 ($45) + Roti ($7)** (4.5/5分)咖哩少少辣，食得出係香料調出黎，而唔係現盛調味包。雞肉軟滑，Roti點咖哩汁食簡直一流。**咖哩羊 ($55) ** (5/5分)我自己本身中意食羊，所以點左咖哩羊。呢個咖哩汁又唔同咖哩雞嗰個，呢個比較濃同辣，可能因為咁先可以蓋過羊原有既膻味。但其實羊肉唔膻，肉唔會好實，用叉就可以分開啲肉，方便易食。Naan同Roti分別在於前者似麵包，可以吸收更多醬汁。後者則係酥餅，口感比較香脆。得閒會再去光顧，因為真係好好味總括:1) 食

呢排疫情嚴重，個個都留喺屋企 返工，又唔使返學😒想去做運動你健身房都唔開🙄唯有出去行下跑下步 🏃就畀我哋發現有呢間屯門咖哩屋!!!間間餐廳都冇人，但係呢間食飯時間就全院滿坐好奇心驅使之下今晚一於去試下1） 咖哩角：其實我從來都未食過,今次係第一次。裏面主要係薯仔同埋豆+咖哩味,剛剛炸起非常香口2） 咖哩羊：來到時候非常細兜，收80蚊即刻個心唔高興😑不過食咗一啖之後就覺得好值得！真係幾好食,一啲都唔騷。裏面大概有十粒八粒羊粒3)咖哩牛脷： 當你以為咖哩牛脷同咖哩羊是同一種咖哩味，你錯了！顏色都有點不同,咖哩牛脷比較辣,牛脷非常厚，呢個好好食4）Tandoori chicken : 又鹹又乾！如果我下次去會食chicken masala5）Roti : 用好多牛油整嘅，點咖哩相當好食，呢度做得唔錯。6) Garlic naan: 一盒有四片，做得唔錯又係點咖哩一流7） 蒜蓉炒椰菜：正常水準，撈飯好食啲8) Saffron rice 印度飯： 見到saffron呢隻字就好想試，因為係好珍貴嘅香料。來到之後同預期有少少出入，印度米長而且一粒粒乾身，撈飯都可以接受。

作為屯門牛，基本上都一定聽過屯門咖哩屋，個個食過都話好食，今日終於有機會試下。8點左右嚟到，可能地點唔算就腳，所以人數唔多，都有一兩張吉枱。第一次嚟食，梗係想盡量試多d野食，咁啱佢哋有個精選晚餐，乜都有，有小食、烤雞、咖哩、烤餅、飯，仲有野飲，胃口細d一定食唔晒。小食係一落order就有，係炸薯仔球，點d辣醬食幾開胃。之後係烤雞，鐵板熱住上，少少香料味，係略嫌乾左d 。跟住係咖哩牛腩，超林超入味，咖哩入面放左番茄，少少酸辣，勁好味，果然係調教過，啱香港人口味！最後係印度烤餅，好香ge油騷味，點咖哩食一流！依間餐廳仲有拉茶出名，不過因為套餐太大份，食完都已經飽到上心口，所以冇試到，下次一定要試埋。