小巴黎越南餐廳 (已結業)

早幾年曾經在這間小巴黎試過，當年的確是不錯的，但今天實在麻麻，搬了後，差了。生牛肉河好韌根本係好次等的食物，而且勉強叫做暖，溫度０分。香茅豬扒飯香茅豬扒河香茅豬扒好香下，而且好鬆軟，ｄ蔥好香！沙嗲牛肉米不過不失。服務就真的可以改善一下的了．．．

又是另一間見證興衰的店子，之前在荃昌中心，小巴黎的人龍長到經常都要等，但搬左大鋪後，地點好左，但人龍好似無以前咁長，是因為乜原因呢？雖然依家人氣依然，不知都不會在荃豐貴租又地方大左既情況之下仲做得住，但人流少左是事實，我覺得同以前抵食夾大件唔同左有關。以前小巴黎，中午有特價飯，餸又多，經常是我的飯堂。不知從何時開始，叫一個香茅雞翼飯，一碟三隻雞翼，仲細過麥當勞雞翼，就係由果一刻開始，我好一段時間無幫襯了。今天，因為唔想去太遠食，所以去左小巴黎。老婆已經食左飯，所以只有我一個人食。叫完一個香茅豬扒雞翼飯後，發覺原來每人有最低消費，馬上問一下侍應，侍應既答案係原來「人多先係咁，人少無所謂」啦。人出左名自然多規條，這，是否捉蟲入米缸？在我記憶中，香茅豬扒飯是一碟兩塊豬扒，香茅雞翼飯是一碟三隻雞翼，所以，貴一兩蚊的香茅豬扒雞翼飯有一塊豬扒兩隻雞翼是相對地抵食。下單時叫了多蔥，全因蔥是這一碟飯的靈魂，沒汁的飯，全都靠這些蔥來提供味道。豬扒和雞翼都很夠味，豬扒很大塊，已事先剪左少少，雞翼最得我心，炸得香脆，雞肉還嫩，而且雞翼比以前大隻，雖還不到全盛時期，但已經比以前「麥當勞雞翼」年代好了。要比較的

記得讀中學時，便已經有食小巴黎的習慣，時至今日，在荃灣區，小巴黎便只餘這謹謹的一間。這裏不得不提便是香茅豬扒飯，由最初我第一次食時的19蚊加至現在28塊錢。見證著通貨膨漲。點了兩個香茅豬扒飯，要知道如果叫湯麵，豬扒便會由兩塊變到得一塊，完全不夠喉。香茅豬扒飯內的豬扒算是做得不錯，我尤其喜愛食近骨位的肉，特別香和軟。近來食過幾次香茅豬扒飯，但也發覺店東的豬扒一出便已變得涼涼的。吃久了，直頭是冷冰冰的。希望可以下次來的時候，食到暖暖的香茅豬扒飯。

下午4時,來到此店,呢間我食過好多次喇,由佢之前在隔離商場2樓的小店,食到而家佢成間大快活咁大間,我都係有來幫襯佢,一般來講我1個多月都會回來幫襯一次,味道都可以,不過我覺得,如果還在懷念這餐廳在2樓時期的味道和風味,也就應該不能再吃到了,任何餐廳開始量產化,首先都犧牲它的食物質量,風味人情味,講到呢度,我相信有去過2樓小巴黎的朋友,都應該明我講乜啦,哈往事只能回味,夢發完喇,回到現實,吃一吃量產化的出品吧咖哩豬扒飯,其實我覺得,咖哩汁幾香,味道有層次感,份量也夠,不錯咖哩牛腩飯,一樣唔錯,牛腩也算多,哩腩同飯分開上,我最鐘意豬肉矇粉手捲,交貨之選,不過不失總結,成餐食左$110,有2杯凍飲,同埋頭先講過的食品,覺得貴嗎?那你先去看看副食物和糖,生粉,雞旦,肉類的最新價格,薑.蔥.蒜.等等的香料價錢,好,我不是說便宜就能亂來,而我覺得,這餐廳要和之前它左2樓的時代去比,完全沒得比,但要和今時今日其它的店鋪比,老實講,秒殺好多茶仔或小店啦,本人吃過這小巴黎無數次,我覺得飯類的選擇算是一般水平之上的,其它炒面類我就覺得是油太多,所以我一般來講都唔會叫炒面類,矇粉類我覺得都在75分之上,有時

自從灣仔軒尼詩道個間摺左.....我就無食過小巴黎啦!! 好掛住佢既香茅豬扒飯呀!!!重有d凍檬!!因為探BB所以有機會食到!!! 好開心呀!!!同屋企人一齊探完表姐個BB女就一齊落小巴黎食野啦表姐個BB女真係好可愛~!!!好鬼得意!!! 勁似表姐囉個樣!! 歲幾眼碌碌~!!叫左個香茅豬扒飯 串燒拼盤 扎肉凍檬 燒牛肉米卷香茅豬扒飯 x2 叫左多蔥!! 正!! 不過相對真係好油...........串燒拼盤 一人食dd~好好味~扎肉凍檬 檬粉呀!!!!!!! 又可以食到小小檬粉又唔會太飽!!燒牛肉米卷 呢個~一般啦~ d 牛肉好鞋..因為轉頭反上表姐屋企~放低左個袋.....唔記得帶相機落來...手機都無...T^T..搞到無得影相...T^T...

返到屋企見到有廿個喊面...唉我今日好明顯係鬼掩眼先入咗小巴黎囉奉勸好耐無去既朋友仔千祈唔好去!點咗香茅豬扒湯檬($27)+凍菠蘿冰($5)+粉皮($25)賣相無乜特別,唔算差...但一飲/食落就出事杯菠蘿冰完全係藥水味,塊香茅豬扒外腍內un碟粉皮仲有朕怪味(我覺得臭臭地,但阿媽話可能係啲咖哩撈咗落去=.=)總之我係抱著食得唔好徙既心態先食埋佢地!三十幾蚊我寧願食格離嗰間荃豐撈麵,或者行遠啲去滿越/越棧好過!

尋日(15-7-2010 Thur)爸爸入院,傍晚我o地去睇佢,睇完佢後,大嫂建議二哥車我o地去荃灣食飯,大哥提議去小巴黎,我o地冇異議.o黎到時大約8:15pm黃金時間滿座,我o地四個加埋我男友共五人,等o左一陣就有位喇.我o地坐o係最入o既枱,最埋邊都感受到冷氣,我就感覺到有啲微風,但二哥話冇冷氣.冇辦法,已經冇位.我o地一人叫一樣自己食之餘,都叫啲小食一齊食.大哥,二哥都要$23.00o既鮮(生)牛肉湯河,我要$24.00o既烤牛肉湯河,大嫂要$25.00o既香茅豬扒湯河,男友要$30.00o既茄汁牛腩飯.一齊食o既小食有:$25.00o既春卷,$30.00o既馬拉盞炒通菜,同$33.00o既沙爹(豬,雞)串燒半打.大嫂同大哥分別要$17.00o既檸七同$15.00o既椰汁紅豆冰.等o左一陣,兩碗鮮(生)牛肉湯河到o黎,然後就其他o野都到喇.我o既烤牛肉湯河o既牛肉竟然係肉碎,有冇攪錯?二哥o個啲係一片片o架,離譜.食落,味道唔太突出,河粉普通,份量唔太多,但啲湯就好飲.春卷,一碟六小件,熱辣辣,生菜等o左一陣至上,春卷味道都係一般.男友o既茄汁牛腩飯,飯就大大碟,牛腩得三件,佢

上篇食評提到在悅來酒店看球賽，故第二天起床仍在荃灣，到荃豐中心看看那些閃石說計的IPHONE殼後，由於打算趕到沙灘曬太陽，故隨意找間食市，見到小巴黎也有很多人，心想也該可以吧﹖！故便到店內一試。先說服務，衣著似經理的男仕知道我們兩位後，便安排我們到一張檯坐下，可是那張檯卻是被左右的檯夾得很逼呢！當我問他有沒有其他空位時，他的回答是「呢度唔坐得咩﹖」友人見他如此的服務，便二話不說自己找座位去~坐下後隨便點了生牛肉湯河，心想這個也頗安全吧﹖很難不好吃的，故也沒太擔心~等候時看到廚房用托盤托數碟飯出來的姐姐，她身穿黑色圍裙，有點像負責清潔的，很大意地將其中一碟飯的餸掉了在托盤上，心想她該會拿回廚房弄吧﹖至少也會用餐具處理，畢竟我們也很多客坐在附近... 怎料我還未想完之際，便見她以音速徒手將餸「拿」起，然後堆在飯面上！很嘔心啊！此時我便很留意自己的河粉會否有同樣遭遇... 幸好，送過來是是安全抵步~看到牛肉還有一半是生的，有點沾沾自喜，覺得自己選對了，於是加完隻倍辣椒後便趁牛肉還半生，夾一片牛肉來吃。很可惜，我花了數分鐘還未能將該片牛肉咀嚼完！天啊！為什麼半生的牛肉仍可以這麼UN﹖還好，河粉

叫外賣湯牛河，打開發現是蝦河，都算！但d蝦一d都唔新鮮，d肉死實實，好彩d河粉還ok，下次一定唔要蝦

工友食評呢日既lunch就係來左呢間小巴黎。入到來打左個突先，因為地下真係好dirty，0的待應執碗是將0的垃圾推落地下，我仲見到一兩隻小小強在地下橫行，真係唔開胃﹗唔開胃都要食，點左個生熟牛河。先試湯頭，睇落尚算清澈，有牛香但未見鮮甜，應該有師傅幫手﹗牛肉向兩三片，肉質不腍，牛肉味卻濃，幾好吃，呢度值得一讚。河粉一夾就斷，淥得耐了點腍鬼哂﹗同我在越南吃到的彈牙爽滑差很遠﹗只能給一個合格，如計埋地方環境，我給她一個喊﹗

剛剛在大陸夜機返港, 乘坐直通巴士到達荃灣已經十點有多... 在飛機上沒吃那看到都已經食慾大減的飛機餐, (內陸機的飛機餐一向都是比較差, 即使有時機票價錢比直飛香港更貴), 所以一落車已經跟兩個同事拖着5個行李箱一同搵食去!這餐廳就在巴士站的斜對面, 以前曾經幫襯過一次, 記憶裡感覺OK, 而且上桌速度也快, 所以我就提議來這裡醫肚!是夜餐單好似是越式)蝦沙律不錯~ 味道清清的, 很適合在國內吃得太多油膩東西的我們清清味蕾, 而且蝦肉很爽也很有蝦味, 比我預期中好.越南春卷剛剛炸起熱氣騰騰的, 不過不失, 合格水準!清炒通菜味道沒問題, 問題在於太油... 尤其是吃到底的時候... 青菜很少會吃剩, 但看到那油令令的... 已經不想吃了...扎肉雞絲金邊粉去到那間越南菜館差不多都是吃這個麵食的, 人生裡肯定吃超過100碗!!! 這裡的也是合格以上, 個人覺得她們的湯底做得不錯, 料也夠多~咸檸梳打很多越南餐廳都只有青檸梳打, 所以見到餐牌上有咸檸梳打很驚喜! 而且原支梳打水上給你, 喝也喝不完呢!我的同事們分別點了越式炒河和牛肉炒金邊粉, 他們都說覺得味道不錯.其實看到其他食家

小巴黎我食過好多次,從來都覺得佢平,質素唔差,但今日我徹底改觀啦.今日同左d同事過來食晏,叫左個越式炒河,細碟左好多law,而且要成$35一碟,都算貴啦,水準完全係差,可能個廚房換曬人啦,以前好快就出到d菜,但依家要等一段時間先有....唉,價錢貴左,d野差咁多,跟本完全唔抵食!!

日日做到無停手，仲有休息既時候．唉．．緊係又到左食既時候啦．今次同事簡左呢間小巴黎．LunchSet就走唔甩啦．叫左個"咖哩羊腩飯"跟"鹹檸七"．鹹檸七鹹就鹹啦．不過甜左D，唔得呀．下次要叫少甜．咖哩羊腩飯一般咖哩味同白飯，羊腩都幾好，無"蘇"味，Ok啦．簡簡單單既一餐，算可以接受啦．

點左醬汁豬頸肉,,烤雞翼檬...前者知有出入應該,,一心黎到諗住食返之前沙田同一分店既豬頸肉,,不過個名係炭燒字頭..今次呢個有d失色..得個甜字..口感就爭些少,,雖然都勝過出面好多食肆既豬頸肉..但都係炭燒正好多..之後個檬就哇一聲..得兩隻雞翼,,小左d..味道就ok/...但整體配料都唔及以往沙田..黎返openrice先知呢間本身貶多過笑...難怪..再發現原來荃灣共有兩間..下次試下個間至得... 由於係同朋友share..所以一人一檬粉後再叫碟小菜..為起每人40$

唔太肚餓之下, 去呢間食野,2個人order 左2個雞亦撈檬 & 一客春卷.雞亦煎得幾好味,外皮脆脆的,不過得兩隻,檬粉都幾掂,份量好多, 而春卷係俾埋生菜卷住食, 冇咁油, 幾清新,不錯. 下次都會再去食檬粉.