富臨漁港囍臨門皇宴 (已結業)

同mr週年紀念，突然想食中餐，就去食富臨，第一次去太子呢間，又幾好喎。兩個人叫左碟芝士龍蝦伊麵底，然後叫左個炒班片，同1隻乳鴿。龍蝦意想不到地新鮮，而質地亦爽口，真心正！芝士味濃，伊麵兩份食飽飽！炒班片火喉好夠，班片走油呢回事係屋企係做不到，而味道真一流，又不太咸，好野！隻乳鴿雖然味道夠，雖然味道夠可惜嘅係皮已不脆了。如果早d去食可能好d嘅。返食指數:4粒星 (最高5粒) 因為夾埋啤酒都不用400, 係抵食嫁！

仲衰過其他酒樓 仲衰過自己屋企打 五個人賣單600蚊 只係啲肥牛叫做新鮮啲 其他都可以不食 蝦要自己畀錢買 食物唔新鮮火鍋材料差冇下次 九時入席要等半粒鐘到先至 有火鍋送上 冇下次

友人舊曆生日 又想睇戲 又想buffet .....就揀食富臨 都已宵夜時段 人山人海 有任食邊爐 小菜 全包宴人流剛散 有枱 侍應招呼唔錯假日宵夜優惠冇加價 同平時一樣底食上星期食過豉油皇炒麵好正 今次點長壽伊麵波士頓龍虾伊麵 芝士煮 味濃汁傑 少少過咸 腻生菜魚肉湯豆腐煲 冇生菜轉用咗芥菜 仲正 呀媽解火湯布包豆腐滑 鯪魚肉丸鮮涼瓜菜莆肉碎炒疍 唔油煎旦餅 涼瓜仲係爽嘅 菜莆脆 家常餸口味 餸飯飲啤都合適壽飽大大個 熱辣辣 蓮蓉滑咸旦黃香 都好飽肚呢間乳鴿正㗎 可惜賣晒 冇得再回味會再去嘅

舊同事一圍食，唸住食物唔係最重要，環境先係最重要。去到book 13人，佢比將十人枱仲話可以坐14人，唔係呱！最後11人來，好迫。無乜睇菜單，叫了$2088，12人餐。食物碟頭細都算，12人餐得包6罐汽水？！條魚竟然唔係蒸，苦瓜煮。未試過咁囉。食食下，隔離枱好嘈，都算，仲有人食煙！無人埋？真好想揾控煙辦...可是最後都係快d埋單,走！以後都唔返來！

太子富臨 就街近地鐵 但都好少去友人宵夜 左試右探 見廣告底食 就呢間有任食火煱 炒小菜墩湯 海鮮燒味枱面冇放 “宵夜餐牌“ 叫攞都好快送到呢位女侍應 特別要提提 雖然係新人但好有禮貌 服務週到 啤酒轉款幾次都“冇“發脾氣黑面宵夜餐牌 嘅木桶雞 全隻28 凍滑雞 其怪雞頭特別黑色豉油皇炒麵 38元 平靚正 份量多豉油甜香 炒得夠乾身 碟底冇多餘嘅油燒乳鴿~ 即炸 皮香脆肉嫩滑 晚飯價28隻@底食 好食過好多貴價名店燒鵝蒸魚餐 198燒鵝~ 色黑 上莊 有啲煙勒 麻麻蒸魚~ 功夫夠 魚滑鮮 剛剛好XO醬海鮮豆腐~ 尤魚勒 豆腐唔滑唔香粉絲海虾煲58 上錯 粉絲虾干煲68同經理 話宵夜係咁出嘅 收番58不過想食海虾多啲囉啤酒 大支 18.8 飲飽食醉 友人食唔晒打包走 環保啲

已經嬲到唔影相, 信就信, 不信擺就, 之前親戚响到請過食飯覺得OK, 諗住再黎食, 但經過今晚, 以後都唔會再黎1. D椅子...大部份俾人界爛晒...咁都好意思俾人坐2.服務態度超級HEA, 超求其, 有罐汽水只開到個超微既口, 要求換罐, 個部長話唔好浪費, 幫我地倒, 但個口個加度仲弱過漏斗...佢企响到成分鐘都係倒左小小, 我地出聲話你唔係諗住企响到成晚下...佢先肯換番罐3.野食上得超快, 已經預左, 第一碟芝士焗龍蝦, 全部都係腳, 得一兩舊係肉4.套餐係蒸鮮帶子, 轉左聖子...講都無同我地講聲, 話轉就轉, 個服務員仲講有得食好食..5.碟蒽花走地雞仲唉過阿婆塊面, 食左一兩件已後無食6.碟桂花糕...只係啫喱加桂花先不論碟野好唔好食, 但咁樣既服務...我以後都唔會黎

假日不用開工，和母親二口子去飲茶，因優惠時段剛過，所以比較容易找到坐位，也因時間比較早，只叫了㸃心一起食。鮮蝦菜苗餃 ～ 皮太厚，蝦只有爽口，菜苗完全無味。上海菜肉包 ～ 包太厚，肉太小，菜肉餡又沒有什麼味道。脆皮叉燒包 ～ 脆皮？可能真係曾經脆皮，可惜現在好像放了二日一樣，食不了半個便放棄了。蜜汁叉燒腸 ～ 皮厚過棉胎，叉燒又太瘦，豉油都無味。 皮蛋瘦肉粥 ～ 皮蛋切粒又少，瘦肉真係好瘦，咬到口軟，粥淡又水。白灼西生菜 ～ 只有西生菜最新鮮，爽脆有咬口。點心這樣差，實在不明怎麼可以這樣多人來，冷氣又唔夠，真係不想再來。

適逄我細舅父生日,剛好朋友推介做緊優惠星期一至五需HKD1980 (10-12位用)而且係全包宴超級抵食最終決定訂這個全包宴主題係極品燒鵝海鮮宴當然先來個極品燒鵝皇(1隻)全隻上,極度大隻,皮夠脆,肉唔會韌十分好吃法式焗美國龍蝦(伊麵底,約3斤)份量十足芝士汁香濃唔稀配上啖啖龍蝦肉食濃郁鮮甜,龍蝦本身的味道反而更出伊麵亦煮得恰到好處,唔會腍金銀蒜蒸鮮帶子(12只)單看像朵花!鮮帶子十分鮮味,蒜香完全滲透,蒜香四溢粒粒帶子還十分彈牙夠入味!果皮蒸十二頭大連鮑魚(18隻)果皮更能帶出鮑魚的鮮甜味而且充滿果皮香氣煙韌彈牙,極度好食!!!清蒸珍珠龍躉魚肉嫩又鮮雖然大大條,肉質仍保持鮮味滑溜油鹽水浸本灣肥蜆想不到呢度食到既海鮮都十分鮮味新鮮,而且絕不欺場求其是但呢碟肥蜆,真的好肥美鹹度適中,不錯海鮮菇浸翡翠苗翡翠苗夠爽脆鮮綠味道清新唔會膩海鮮菇則爽口,很好食鮑魚仔福建炒飯整個飯口感豐富鮑魚仔有嚼勁,飯的味十分夠又香軟糯大大粒蝦仁加切粒蔬菜同炒味美無窮西蘭花炒珊瑚蝦球老實說,個人最愛呢款,因有我愛吃的爽脆西蘭花珊瑚蚌:好爽口,帶點煙韌蝦球新鮮又大粒多肉整體味道亦十分鮮又清淡,唔會做到過鹹,反而來得

就到母節節, 預早慶祝最化算, 富臨向來有信心保證, 一家大大細細剛好一圍, 就大家方便去太子富臨, 有三層, 預早平日食, 有間獨立房, 勁正, 又有電視睇添, 點了 「極品燒鵝龍躉海鮮宴」 12人餐，都係$1980，抵食, 每人都唔洗$200.先上燒鵝皇, 好吸引, 燒鵝肉質結實, 外脆好油香, 跟住有法式焗美國龍蝦, 龍蝦肉好彈牙, 芝士醬沾住肉身同伊麵 , 不會太溜, 剛好, 至愛,再上西蘭花蝦球珊瑚蚌, 色彩斑斕, 珊瑚蚌好脆口, 蝦球爽到痺,西蘭花不會太硬向來出面多做扇貝, 呢度做了蒜蓉蒸帶子, 真材實料的大帶子, 好有鮮味, 勁大隻, 果皮蒸鮑魚, 果皮剛好, 不會太重味, 郤帶出鮑魚鮮味, 肉質好厚, 好淋, 好有海產鮮味，沙巴龍躉, 超大條，肉質有啲部位幼嫩, 有的郤有點韌，之後有粉絲花甲 ,花甲肉質飽滿, 索晒湯水鮮甜味,粉絲襯托不錯, 濃湯絶配 上湯菜心海鮮菇, 鮮菇清香, 清甜蔬菜。將剛才食過濃味東西清清口腔, 小鮑魚海皇炒飯, 有小鮑魚的名貴福建炒飯，濕濕地, 好味喎。最後還有甜品, 椰汁紅棗糕, 超軟滑, 尤其紅棗糕 , 有紅棗清香味，還有西瓜, 為呢餐劃上

✿╮❤╭✿✿雜感女生 好味日記✿˚*•✰。富臨漁港囍臨門．抵食海鮮大餐。✰•*˚✿✿舌尖上的太子✿✿❤餓底飯聚❤❤富臨漁港囍臨門 慶祝朋友升職，今次她請到富臨食飯點了「燒鵝龍躉燕窩豪華宴」12人吃，才$1980，每人180元有找，真是超抵！燒鵝皇：大件肉厚，賣相抵食皮香口，肉質結實法式龍蝦：全台人秒殺之作，蝦肉厚而充滿芝士香氣伊麵也吸收了芝士，好快清晒西蘭花蝦球珊瑚蚌：正常水準，珊瑚蚌好脆身蒜蓉蒸帶子：賣相好，大大隻，份量亦多，鮮香味香，最讚！果皮蒸鮑魚：份量多，肉質有咬口，但有些位置則比較硬沙巴龍躉：大條抵食，味道屬正常水準之作粉絲花甲：花甲肉夠甜，粉絲有海鮮香氣，不錯！上湯菜心：菜心鮮甜夠嫩又健康，非常讚海皇炒飯：太飽了，小鮑魚濕炒飯，朋友繼續作戰，連吃了兩碗，應該不錯甜品：椰汁糕香軟，紅棗糕比較有黑糖味，OK

就黎母親節，梗係要同母親大人食餐好。我地一家十幾人，阿爸口味又保守，最啱就係去中式酒樓食中菜，叫一圍，啱啱好。阿妹gup到富臨有個燒鵝海鮮宴，閒日食會比周末平$1000，10至12人全包價$1980，仲有海鮮添，好似唔錯喎，一於周一全家出動！第一味係燒鵝，堅係鵝黎，勁大隻，好多肉，我地人多又肚餓，唔駛三兩下手勢就搶晒！講番個味道，鵝皮保持香脆，而且唔會肥騰騰，鵝肉好腍好入味，食多幾舊都唔會爆quota。第二味係焗美國龍蝦，餐牌寫法式，我唔知法蘭西有無呢D野食，只知佢其實=芝士焗，哈哈。龍蝦多肉爽甜，芝士鹹香，當然唔好錯過個伊底，索晒D汁勁美味！西蘭花炒珊瑚蝦球，無論珊瑚蚌同蝦球都好爽口，點埋醬汁食一流；我係食肉獸，平時麻麻地食菜，不過呢個西蘭花都做得幾腍，而且索左湯汁，所以我都幾鍾意！跟住到我既飛佛 -- 金銀蒜蒸鮮帶子。師傅將火候控制得好好，帶子鮮甜又唔靭，蒜蓉唔駛講夠晒香，記得食埋墊底既粉絲，入晒味。另一重點即刻又出場 -- 果皮蒸十二頭大連鮑魚，有成18隻咁多，可以好食好味再encore。鮑魚好香陳皮味，絕對無蒸過火，我手快，連食兩隻！去飲最鍾意食魚，所以呢條清蒸珍珠龍躉又係好啱

由於母親大人月頭不在香港幾天，因此是夜提早預祝媽媽節。上一次到來，是上年媽媽生日，一家去慶祝，那時也是叫了很多個菜的套餐後另點了其他小菜，全部都挺有水準，所以今夜都挑了這邊。燒鵝龍躉燕窩豪華宴1980燒鵝皇上桌的件頭十分大隻，分起來有幾十件，很是足料，皮不太肥，外脆內嫩，肉質結實帶軟糯，足夠全家吃飽，滿足的滋味。法式龍蝦龍蝦亦大隻，但殼有點難分開，不會除殼就難點去吃，進食時不太方便，肉不是多到啖啖肉，但也不少，伊面底感覺飽足。西蘭花蝦球珊瑚蚌蝦球足調味，彈牙可口，珊瑚蚌也是挺爽口，西蘭花好脆身，軟硬適中，酒席裏常見的項目。果皮蒸鮑魚有點不好起肉，肉質淋軟，果皮不過火，沒有下太多，不會太咸，沒有掩蓋鮮鮑的海產味，而份量更多過一打，真是真材實料了，相當抵呢。蒜蓉蒸帶子切得好美麗，開好邊的帶子，賣相很好，易起肉，肉質細嫩，新鮮度不俗，粉絲不會太濃味，索滿香蒜，令淡味的海鮮，增添滋味。沙巴龍躉份量真大條呀，樣子像桂花魚，因不吃大魚，主力就靠了媽媽，她說有點過淋，蒸得有點過火。粉絲花甲好清甜的花甲肉，質地飽滿，高湯令粉絲不單調清寡，不會好濃，清淡點的味道令海鮮鮮味更突出，加上了香芹，令湯頭更美味

小學同學生日，一行12人訂左太子富臨同佢慶祝。 12人叫左7個餸，2個炒粉麵同壽包。椒鹽魷魚鬚：炸到金香可口，咬落去好脆卜卜，送酒一流。西蘭花炒雙蚌：珊瑚蚌同貴花蚌大大件好抵食炸乳鴿：乳鴿炸得剛剛好，咬落去仲有肉汁，不會太乾身。熱辣辣脆卜卜，好味道燒味拼盆：叉燒略嚴太硬，其他都系中中挺挺啦。西芹炒斑塊：師父功力好，鑊氣好夠鼓油蒸鮑魚：鮑魚夠曬大隻又新鮮無厄磅。魚湯浸時蔬：正正常常無特別唔夠飽再叫多個炒飯炒麵。呢間富臨炒野唔錯，個人喜歡炒到一粒粒較乾身既炒飯最後，有人生日梗系要叫壽包

今日行程真丰富，適逢休息，全家提早同我今晚預早去食媽子既生日飯咁多年以來，去過唔少次富臨，最有記憶的是位於上環那家，那邊的叉燒王是一絕，熱辣辣肥膏溶於肉上超肥美，大滿足！！又幾年無踏足過富臨，住在太子，是夜卻是首次到太子分店去用膳               今夜共點了六個菜，全由先到達的準妹夫發“木反“，有龍躉兩食，木桶雞，金裝拼盤，魚香茄子煲和海味銀絲煲！            由於是夜有點飽，故沒有嚐試所有菜式，龍躉等中式魚塊亦非我心頭好，所以沒吃，但見愛吃魚的家人把兩道菜全部清碟，那應該不俗吧！     金裝拼盤內容主要有燒肉、炸豆腐、齋燒鵝和鴨胸！！發現鴨胸肉很有咸香而且肉質鬆軟挺好吃，於是狂吃了一半鴨胸！6個人可點1蚊雞優惠，不過不失，但比大路平時做開優惠的那間酒家來得鮮！雖也不是用上什麼新鮮雞！！！但一蚊雞，還求什麼？？最欣賞的是魚香茄子煲，咸魚和豬肉碎匹配，茄子和油份量剛好，小炒之中這個佳作。  海味銀絲煲實為蝦干粉絲煲，粉絲炒得沒有很油膩，蝦干肉香挺飽滿，簡單但合格的一個粉絲煲！味道整體不過不失，價性比挺高，賣單全家盛惠500，此刻親情卻無價

早上下班，超肚餓，又因有事要辦等一個多小時，到茶樓最好，太子店本人覺得質素冇屯門店好，但勝在位多近地鐵，故也幫襯。特價點心選擇多，各類也有特價(粥粉飯包餃煎炸甜點也有)，並不是某些酒樓只得數樣特價。不過要留意平日特價點心只到11點30。皮旦咸骨粥(6.5/10) : 不夠熱，粥底綿。$6.8底吃蝦腸(6.5/10) : 每條腸粉有兩隻蝦，蝦有鮮味，粉皮太韌，澄麵太多冇米香。雞包仔(8/10) : 一籠三個，夠熱，餡好足有馬蒂，東菇，雞肉，還有香芹及莞茜，所以特別香。雞扎(7/10) : 大點，不是特價，內有冬菇，魚肚，炸芋頭及雞肉，可惜腐皮好少及炸不透，"索"不到汁。其實我一人是吃不完的，剩了半碗粥及兩個包拿走。正常人不貪心叫粥及腸粉$30巳可，平過快歺店又可任坐。埋單$57