富士山55 (拉麵沾麵專門店) (已結業)

今日行開銅鑼灣，見到間沾麵店係下午時段已經好多人，就入左去試下😍呢到嘅款式都幾多，我就嗌左碗海膽沾麵($198) ！另外可以揀個沾麵湯底要海膽湯定芝士湯☺️ 平時芝士湯比較常見，所以就叫左海膽濃湯！海膽份量好多，估計有大半板！另外仲有好多三文魚籽添！至於個湯底就好濃，可以食到粒粒海膽碎😍 拉麵麵質好正，我個人偏向食偏硬嘅，師傅控制個軟硬度啱啱好！餐廳仲推介我可以嗌碗雜炊，即係飯！可以撈埋落個湯底度做一碗芝士雜炊！聽落好吸引，但因為一碗麵份量已經好多，一個女仔真係食唔晒，下次有機會同朋友嚟再試😍

餐廳位置比較偏僻, 搵路的時候一個唔留神, 就好容易就走過龍🤦🏻‍♀️ 好唔容易到達鋪頭, 但入到店內卻發現一個客人都無👻, 我同同事都打左個突👀🤨(明明係平日的午飯時間, 應該好多人架?!) Anyway, 店內的裝修其實幾有日本feel，傢私基本上都係木製的，由門口直望亦可以見到廚師煮麵的過程, 同日本的小型拉麵店同出一轍。同其他拉麵店一樣, 客人直接係點餐紙上面圈出想食的食物, 然後交俾店員就可以了。我揀左櫻花蝦拉麵 (好似出面比較口呢個選擇 😛) , 標準軟硬度, 唔加其他配菜。櫻花蝦拉麵 ($93)拉麵的面頭放左好多櫻花蝦, 之後食的每一啖都可以食到櫻花蝦, 好足料, 好有驚喜。湯底好濃郁, 有少少咸, 不過係可接受的程度。食到最後的時候, 我都清左大半碗湯底, 雖然食到一半都要飲水。而果半隻流心蛋就正常, 不過不失啦!

#富士55沾麵 --小編成日諗：到底世界上鍾意食拉麵既人比較多定鍾意食沾麵既人比較多呢？香港食拉麵既鋪頭好似比較多但小編其實鍾情於沾麵多D🥰--呢間富士55都食過幾次見佢出左柚子味就過黎試下老實講，湯底係食得出淡淡既柚子味相對起其他口味，清新小小，冇甘油膩但重口味既小編都係比較鍾意豬骨濃湯

呢次來富士山55食拉麵應該喺我嘅第三次，前兩次都喺同朋友一齊來嘅，宜且都覺得好食，今次自己再來晚餐。點咗一個沒試過嘅特濃豚骨沾麵，面揀咗粗麵然後要煮軟ｄ嘅。飲啖湯先，豚骨味喺好足嘅好香濃，但係覺得有少少太鹹。跟住加埋拉麵加埋湯一齊食，拉麵有中和到豚骨湯裡邊，變得冇咁鹹，拉麵口感非常好，喺我希望嘅個種軟度，好好食。整碗食完之後就會覺得口裡邊好鹹，呢點唔係幾中意。

間舖頭雖然離地鐵站有一段距離，但係都唔太難搵。之前試過佢哋尖沙咀嘅分店，今次咁啱喺銅鑼灣附近，試一試呢一間嘅水準係咪一樣咁高啦。店舖面積唔大，不過都幾企理。拉麵可以揀走蔥、走芽菜、走椰菜、走蒜頭，麵嘅硬度有硬、中、軟三種。間舖好貼心咁，有poster教大家正宗嘅沾麵食法。特濃豚骨沾麵，湯同埋麵分開上，麵條夠曬彈牙，掛湯能力不俗，叉燒食落口亦唔覺太肥，半熟蛋做到流心嘅效果，只係味道唔夠濃，不過啲筍就唔太爽脆，整體而言，喺香港嚟講水準係唔錯。

一大早睇完戲就黎左附近食沾麵，叫左櫻花蝦子沾麵(其實我第一次食沾麵🙈)成碗麵份量都好大！因為好中意食蛋所以加左隻糖心蛋，隻蛋好香濃唔錯但叉燒略嫌太厚有d 難咬個湯底令我有d失望，因為好咸！雖然櫻花蝦好香好重料，但個湯底真係咸到我想就咁食啲麵

早排去完日本已經好掛住日本既沾麵,但係係香港好食既沾麵店好少,聽朋友講過依間既海膽沾麵好出色,所以專登黎左銅鑼灣試😋特濃雙色海膽沾麵($298)依碗海膽沾麵係用左加拿大海膽同韓國海膽,海膽味道鮮甜吾會覺得腥,而且份量好多,鍾意食海膽既一定覺得好滿足!!而三文魚籽粒粒晶瑩通透,咸鮮味重,而沾麵都係用海膽黎調製,湯底濃稠,配埋沾麵食每一啖都有海膽既鮮香,而沾麵口感彈牙,一啖海膽一啖沾麵食真係好治癒啊🥰

路經富豪酒店，見有間的的骰骰拉麵店就入去試試。在餐牌有我喜愛嘅海膽拉麵，諗都唔使諗即試。、加多隻糖心蛋。碗嘅size唔大，我選咗普通濃湯同普通軟硬嘅麵，湯底同麵都剛剛好係我期望嘅濃度同口感。講返配料，叉燒都算大塊，味道口感唔錯。糖心蛋好柔軟，有蛋香嘅味道。海膽嘞，好似有三四瓣，味道唔腥都幾香，值得一試。唔好睇好似唔係好大碗，其實都好夠飽嘅。到叉燒拉麵，多咗爽口嘅木耳做配料，選擇走咗唔愛吃嘅筍同蔥，就成為一碗自家喜愛嘅拉麵嘞！ 湯底同口感都係你所選擇嘅一樣，所以碗麵特別唔錯。呢間餐廳只有支裝同罐裝飲品，而另外有D小食，所以加咗個章魚小丸子，$32得四粒，超的骰細粒，口感、味道都一般，試唔試自己諗。兩碗麵兩支飲品一個小食三百蚊埋單，係銅鑼灣呢個價錢有呢個質素算係好好啦！有機會再食👍🏻

好鐘意食沾麵既我會四出試唔同餐廳 呢到令我印象深刻既 除咗有得加熱 保持温度外 就係佢個飯 將淨低既沾麵湯撈埋芝士飯一齊食 雖然簡單但味道一流 個人認為 正過沾麵🥺🥺🥺😛

#富士山55沾麵拉麵 --🔆特濃豚肉沾麵超級香濃既豚骨拉麵湯底（個人認為咸左少少）湯底用石頭窩飯既煲裝，保持熱度沾麵麵條比較粗、厚身，更加容易掛湯同軟身豚肉輕輕甘煎香過溏心蛋唔單止做到流心既效果😋外面都食到陣餣過既醬油味-🔆特濃櫻花蝦豚肉拉麵拉麵用比較幼同硬既麵條，食落爽同彈牙櫻花蝦味道同豚肉唔多Match蝦米好細粒同好乾身冇想像中甘好食評分：8.4 / 10

之前有幾次想食沾麵，但最後都冇機會，今次終於有機會係銅鑼灣一試其味。原來係將麵同湯分開上，再自己根據需要將麵放入又滾又熱既湯度食。豬骨濃湯好似石鍋飯咁係個好熱既石碗度，叉燒係用火槍燒過，好味。

今日同朋友嚟今日同朋友嚟到銅鑼灣食沾麵，其實呢間都已經嚟咗好多次，味道依然咁好食！我叫咗個特濃湯底，再叫多咗個芝士波。首先講吓個湯底，濃郁之餘亦都唔會太咸，啱晒我呢啲鍾意食重口味嘅嘢嘅人！拉麵亦都十分之恰到好處，唔會太林或者太硬，糖心蛋亦都十分之出色！最特別嘅係，食完麵之後，可以加飯，比廚房煮出類似意大利飯既質感。個飯會落大量芝士，岩哂一眾鍾意食芝士嘅食客！如果你覺得湯底唔夠熱，你都可以自己自行加熱！

銅鑼灣既拉麵沾麵舖頭真係多不勝數，在云云既舖頭中，聽說富士山55沾麵都幾有名氣同幾好食的，今次咁岩係附近就揀左佢黎醫肚其實自己都食過好多間出名沾麵店，但都係覺得好鬼咸，掙扎左一輪，最後都係淆底叫左拉麵😅揀了季節限定的柚子拉麵，湯底真係好香柚子味，酸酸地幾清新幾開胃，完全沒有過咸既感覺，食完都唔算好口渴，麵既軟硬度揀了普通，加埋兩塊薄薄的叉燒，成碗麵都真係不錯因為呢碗拉麵都唔算好咸，令我對佢沾麵有返不少既信心，下次一定會試試佢既沾麵

好耐冇食拉麵喇！咁岩黎開銅鑼灣睇戲決定要黎富士山55填飽個肚先！上次黎已經係3 4年前🤔6點黎到冇咩人 唔洗迫唔洗等但岩岩miss左下午茶tim🥺睇睇下餐牌又想食沾麵多d😂所以叫左豚骨沾麵 加木耳如果可以多蔥就好喇><等左10分鐘左右終於有得食兩片叉燒薄薄地 勝在燒得夠香！溏心蛋非常有水準😝木耳爽脆 荀我唔食既 俾左朋友🤣麵既軟硬度揀左普通沾完豚骨湯食 軟硬適中但食到尾個湯有點咸🤔朋友既拉麵 配料都差不多佢話下次會點硬麵因為揀左普通 食到最後個麵好淋俾大家參考😊另外我食完係唔飽既@@之後又去左買野食😂

来自名古屋的沾面店，在尖东和铜锣湾都有分店，铜锣湾店店面小小的，在游客众多的富豪酒店对面，不过从外到内的装修还是挺不错的，细节上做的不错，浓浓的日本风。海胆沾面是他家的特色，味道还是很不错的，在香港众多的日本拉面店里有自己的特色，沾面的分量还不错，海胆也挺多的，配料丰富，口感也还行。陪着奶味猪骨汤吃的很舒服。其他的烧烤，小菜之类的味道也还可以吧。章鱼小丸子和炸鸡骨棒可以点点。服务也还可以吧，上菜速度不算慢，就是坐的有点拥挤。总体而言还是不错的一家店。