安娜餐廳

營業中

休息中

呢間成日要等位的嘅安娜餐廳，難得經過唔駛等，就入去進餐，睇下食唔食得番以前嘅味道👅點了免翁牛柳餐，有忌廉湯或羅宋湯選擇！多士有Anchor 牛油可以搽！免翁牛柳在十分熱的鐵板上，侍應幫手淋上免翁汁，免翁汁其實即係蘑菇汁，喳喳聲嘅鐵板牛柳，主角牛柳非常嫩滑😋但味道略為咸了一點。牛柳旁邊還有薯條🍟、雜豆、蕃茄🍅+$10 可加配意粉或白飯總括來講，牛柳質素與價錢成正比，侍應雖然一把年紀，但態度好殷勤☺️

元朗國的舊式扒房，餐廳裏裏外外都好懷舊，門口個大招牌，店內的舊瓷磚地板，員工個個著哂英倫風制服，有細細個九十年代去茶記的感覺，個個待應都講住純正廣東話，好有feel^^食物方面都大份夾抵食，牛柳餐($126)，德國咸豬手餐($117)，跟餐有西多士 有湯 有野飲手柳正正常常一般啦，德國咸豬手就正嘅，比想像中好食，仲要大份到根本食唔晒。總的來說安娜餐廳食個舊香港情懷，for飽肥一流，不過人地做生意唔好預可以坐喺到慢慢傾計慢慢jap。

#安娜餐廳 .元朗人應該無咩唔識安娜餐廳 是一間 #懷舊 #港式西餐廳 主打應該都係 #鐵板餐 .今日食 #洋蔥牛柳 配薯菜 $136 如果加飯或意粉要加$10🍽️🥩呢到 #羅宋湯 係好飲既 推薦💃🏻 另外有配多士至於扒 黎呢到大家都唔好期待係質素好高嘅扒 今晚牛柳唔錯 淋得來唔係揦得好緊要嗰種 另有薯條係底.另外每晚有 #是日晚餐 但不是鐵板的 是碟上平日晚上去到全場滿座同翻枱 係元朗黎講都係好生意既一間.推薦指數：💃🏻可以一戰💪🏻

食物份量十足，傳統既鐵板上枱先倒汁。✅鮮油多士烘到脆口配上牛油一流✅羅宋湯材料足又入味，推薦叫！❎磨菇湯就無料，味又淡，不推！✅牛柳餐$126最多人推真的極幼嫩，分別有三種醬汁簡，但扒下既薯條就淋曬。✅西冷牛扒餐$117厚實牛味濃有少少筋，適合陪白飯及意粉食。環境香港買少見少的懷舊老字號扒房，超過40年歷史，由1978年開業到依家，主打香港80年代裝修行懷舊風格。注意餐廳至收現金！有時人多需搭枱。

元朗人一定都識嘅舊式扒房。甫進餐廳，見座無虛席。有年輕情侶，有一家大細，也有銀髮老友… 呢間舊式扒房營業多年，依然深受歡迎。餐廳內裝潢富年代感，燈光偏黃稍暗；男女侍應服裝充一，西裝馬甲背心。我同我老公分別叫咗，牛柳餐同西冷牛扒餐一齊食，揀選咗黑椒汁。餐湯一致揀咗羅宋湯，湯料足，夠味！估唔到連餐湯都有嚿大大塊牛肉，個湯嘅底味幾重牛肉香 食完個湯唔口乾，應該無乜落到味精。牛柳接近全熟，大小和厚度與西冷相比，較為細塊同薄，肉質鬆軟，我幾中意個黑椒汁偏辣。西冷有筋比較難切。但做到七成熟呢個位值得一讚。地方空間頗窄，切牛扒要就住就住手踭打交。整體來講，都幾OK! 老公話耐唔耐嚟食一次都唔錯。順帶一提，只收現金，記得去食之前㩒定錢喺銀包。

住咗元朗三四年都未試過呢間歷史悠久嘅扒房，今年就趁聖誕節前後同老公試吓😅我叫咗個午餐，老公叫咗個全餐～❤️羅宋湯好足料👍 每碗都有一兩件牛肉，質地偏稀，係舊式羅宋湯嘅味⭐️火腿奄列裏面除咗火腿仲有啲白汁加三色豆，可能傳統係咁，但係我同老公都唔啱食😂⭐️粟米石斑飯石斑煎香過嚟，個汁好稠，味道正常⭐️鮮茄雞扒意粉鮮茄真係好raw嘅味道，都幾酸😅汁係以前好假嗰種😂雞扒好淋😅 意粉正常尚算彈牙～人手非常充足，環境有feel，服務都唔錯，送餐快速，但我諗試一次都夠😂😂 因為如果要鋸扒我同老公都唔會揀啲醃到好腍嘅扒😂😂

洋蔥汁牛柳同羅宋湯，感覺非常唔錯。洋蔥汁牛柳係一款經典嘅西式菜式，牛柳配上洋蔥汁，口感豐富，味道濃郁。餐廳嘅洋蔥汁牛柳牛柳嫩滑，牛柳嘅口感亦都非常有彈性。牛柳嘅肉質非常有口感。洋蔥汁嘅味道非常濃郁，洋蔥嘅甜味同牛柳嘅鮮味完美融合，Good。羅宋湯有番茄、洋蔥、胡蘿蔔、香草等食材熬製而成，口感濃郁，味道鮮甜。湯非常濃郁，番茄嘅酸甜味同洋蔥嘅甘甜味完美融合，非常美味。湯嘅口感亦都非常順滑，非常好飲。

安娜餐廳，懷舊風主題扒房，除咗扒之外，每晚有個是日晚餐，$68，抵食。第一次嚟食，19:15嚟到，門口有人等位，我哋3位唔洗等，不過呢啲預咗坐得逼，差唔多背脊貼背脊，卡位以外嘅枱都係擺得好密，同埋唔坐得耐，唔會出聲趕你走，但會收野收得好快，同埋搵人過嚟搭枱。人人都有嘅餐包，唔熱亦唔脆餐湯羅宋湯，好足料，幾濃餐湯忌廉湯唔算太稀洋蔥汁牛柳夠淋夠軟熟，幾香5成熟洋蔥汁西冷牛扒夠淋，少少筋7成熟扒餐+$10有意粉，本身個底有薯菜薯菜好香，飽滿，就算浸左汁都好食意粉唔係白雪雪冇汁，有啲茄汁，所以唔會乾晒咁上枱是日晚餐，洋蔥豬扒意粉+吉列石斑個名同個樣都似茶餐廳，但$68嚟講算唔錯，算好抵食豬扒唔會有好勁梳打粉味吉列石斑，幾大塊，唔算厚粉，脆，但石斑係彈牙口感唔係軟熟是日晚餐嘅甜品，可揀啫喱或者雪糕，兩樣都冇得揀口味，咁岩今日啫喱係最鍾意嘅青檸味，可以揀要唔要花奶餐飲凍檸茶走甜好夠酸

今日收工後同屋企人黎元朗安娜餐廳食晚餐，主要食番以前中學既感覺。今次叫左一份黑椒牛柳餐，五成熟。咬落去feel到用過好多鬆肉粉。紅湯幾好飲。屋企人叫左份雜扒，都後足料，有牛扒、豬扒、雞翼、煙肉、腸仔，幾抵食。

經過上次同小絲食"燒肉一番"後，先至知道小絲都很愛吃肉。而曾經在元朗讀書的我當然要介紹好野比小絲啦。這間安娜餐廳是"真．懷舊扒房"，因為他由店外的門面以至內裡的裝修都一等一的懷舊，不是刻意懷舊，而是多年沒有翻修，原汁原味的懷舊。這裡食物選擇不多，不過來扒房就是吃鋸扒啦。我們點了：黑椒牛柳$116，西冷牛扒$107，飲品，意粉+$6和雪糕+ $5。每個餐都會有餐湯和餐包。餐包是多士。牛扒和牛柳份量都很多，因為份量太多，所以我就加了意粉，一次過吃埋晚餐，又慳了一餐。我點的牛柳是7成熟，來到都保持到7成熟。口感很鬆軟，肉味不算很突出。以我過往經驗，去這些扒房食牛扒都是食醬汁的味道，牛扒的牛味只能期盼，不能強求。小絲的西冷牛扒點了7成熟，來到已經9成熟。她很慷慨切了些給我試，我覺得牛柳味道會啱我些。因為我吃得比較快，等小絲吃完途中我又點了一客雪糕給自己。扒房的雪糕最特別不是雪糕，而是裝住雪糕，銀色杯器皿。他們會預先連杯一起放入雪櫃雪凍。出到客人枱時，雪糕杯就有保凍的效果，是來扒房必點的食物之一。但小絲好像吃牛扒就夠，所以見她吃完我就取單去收銀處埋單了。而收銀姐姐見我手上有一部相機還叫我幫她身後

蒜蓉雞扒配薯菜（$108）✨薯條淋晒🥲✨雞扒只係暖洋蔥汁西冷牛扒配薯菜（$117)✨點了5成熟但肉質都有點韌-✨服務態度一般 不停有待應問食完未？ 幫你收一收？✨環境十分懷舊 很有特色

我睇唔透點解好地地一份免翁牛柳加凍檸茶可以咁難食。多士：仲脆過我屋企啲曲奇餅，仲話係麵包，加埋溶曬嘅牛油淋上面，點解多士都可以咁難食。2/10羅宋湯：全晚亮點，夠熱，大碗，多料，唯一可以放落口嘅嘢食。8/10鐵板免翁牛柳：一塊仲衰過佳寶僵屍肉嘅肉狀物體，躺平響啲淋到冇得再淋嘅薯條上面，再一齊放響塊唔熱嘅板上面。唔好話好唔好食，就連會唔會食壞人都唔知。1/10凍檸茶：少甜少冰，換嚟嘅仲甜過泰國奶茶嘅甜同啲冰應該係唔駛錢嘅量嘅冰，加極水都有浸揮之不去嘅死甜響條脷。再加埋冇茶味嘅茶，成件事變咗凍檸糖，癡孖筋。0.5/10服務態度：紙巾都未開就淋汁彈到一身都係，知佢咩料。總結：啲排隊入去食嘅人都唔知咩心態，簡稱貼錢買難受，亦刷新咗咩叫浪費食物嘅答案：食唔曬啲嘢叫浪費食物，定係個廚將啲食物糟蹋先叫浪費食物呢？今日之後，我肯定係後者，亦唔會為我食咗一啖而全部放棄而道歉。

歷史悠久，由細食到大安娜餐廳食咗佢哋嘅鐵板免翁牛柳，真係好好味啊！牛肉煮得好嫩，啲汁都好野味，同埋煮得剛剛好，唔會太硬或者太腍。啲薯條炸得香口，加上啲黑椒醬汁，味道真係好出色。啲份量亦都算係豐富，一份足夠食兩個人，而且價錢亦都好實惠。不過，啲服務員態度有啲冷淡，但係食物嘅質素真係好高，值得一試。總括黎講，安娜餐廳嘅鐵板免翁牛柳係一款非常出色嘅菜式，味道好得意，份量豐富，價錢實惠，值得一試。如果你鍾意西餐，一定要嚟呢間餐廳試下，唔會失望！

又食元朗安娜餐廳，西冷牛扒七成熟配洋蔥汁，再加$7意粉，意粉ok，洋蔥汁入味味道可接受，牛扒大塊但沒有七成熟，羅宋湯不熱，服務態度不太好，又要加一，$137，85/100

本想極快鋸個扒但實在嚇親第一杯飛左隻蛾落去好啦換左佢，因為我未飲但換番黎個杯先最恐怖督完檸檬之後我以為冇乜野直接飲落去點知之後浮隻小小強出嚟個阿姨仲同我講應該係啲冰入面啲冰係外購番黎唔關餐廳事我問佢，啲冰你外置入仲大鑊即在場所有凍飲啲冰都比佢爬過嗎？！我唔期係期望你比個好乾淨嘅環境我但最少都唔好加料個阿姨最尾再行過嚟講「免左加一」我同佢講你照加我一，但唔好加料得唔得飲完成個人好崩潰冇野好講完