季季紅風味酒家

營業中

休息中

多年來不定時到這屯門總店吃飯，上個月特意去，但是卻在裝修中 今日，難得入屯門，睇到重新開張，就去吃過下午茶 下午茶時段為下午1點半之後環境： 裝修後，個人感覺大不如前衛生： 以前衛生已經唔可以叫好，但係沒有最差只有更差，吃下吃下飯，有好多烏蠅飛黎飛去，食物質素： 食物味道比以前偏重口味，多油 服務員質素： 服務員年紀普遍偏老，溝通時候其反應相對地比較慢，會出現漏單的現象等候上菜時間： 落單後，等出菜的時間比裝修之前慢 評價： 如果大家係之前的期望來吃的話，失望的心情是大概率出現的， 去唔去食，就自己諗清諗楚啦

一班人一齊食飯最中意黎季季紅 張枱夠晒大可以坐得落十幾個人👍🏻👍🏻野食款式多 味道正正常常 其中最有特式係有米豬 打電話book位個陣要順便訂埋隻有米豬 到時先嗌未必有另外員工服務態度幾好 佢地會未切有米豬之前攞出黎比我地影左相先（由於食過幾次 冇咩興趣再影）我地人數都算多 隻豬轉完一個圈 比大家影晒相 都用唔少時間 但員工都冇催我地 仲同我地傾計講笑😂最後嗌員工幫手影相都好有耐性 影完仲叫我地睇下先 唔靚再影過 酒家黎講態度算好好

季季紅個個都諗起米米豬㗎啦到底係咪真係咁好食呢？又真係OK嘅不過真係一隻豬會食到好飽真係起碼八個人以上先可以 分享哂乳豬燒到嘅色水幾好 唔會話好肥真係食多幾舊就會好濟好飽🤫另外米米豬入面既飯 入面有芋頭臘腸等等嘅炒飯帶小小乳豬嘅豬油味 幾香👍🏼

同事last day真係R爆頭都諗唔到食咩好事關各位同事又唔想夾咁多錢食飯但又唔想咁寒酸於是我地決定去季季紅食有米豬話曬隻豬仔都叫做有d睇頭呀嘛我地去左屯門藍地既季季紅藍地係好似d村咁既地方四圍都係平房黎既而呢間季季紅就係一間兩層高既平房入邊相當有風味相信市區人黎到都會覺得好新鮮我地除左叫有米豬外都叫左d小菜不過我今日想focus返係隻豬道隻乳豬細細隻好得意個肚塞滿左炒飯然後用線聯埋左豬身豬皮燒得焦焦脆脆咁好吸引呀好想快d食好彩呀姐醒水叫我地影左相先幫我地剪開佢剪開左之後原來d炒飯都幾有份量我地一圍人都食得好夠飽飯炒得好乾身粒粒飯都沾到蛋而且好香口而乳豬都幾厚肉脂肪層唔算太厚食落唔油膩大家去屯門都可以去試下呢間咁有特色既季季紅

藍地季季紅位於屯門， 交通十分方便， 但卻保留著舊日香港的風貌， 既有士多小店， 更有傳統市集， 區內特色食店林立， 傳統食店與酒吧、特色咖啡店交集。前菜是酸菜豬肚，味道帶鹹，微辣，十分開胃。石爐燒金豬， 色香味俱全，夾起先來陣陣木炭香，皮燒得夠乾身，皮脆肉嫩带鹹香，無愧招牌之名。石爐金豬炆大鱔，先用油爆過大鳝，大鳝油香十足， 芡汁可口，也有火喉不足的問題，但由於用的是火腩，靠易入口。除了招牌菜石爐燒金豬外， 其他菜色水準實在欠佳，未知是否與假期人多， 照顧不暇有關。第－次到訪屯門店，之前試過沙田那間食物水準不錯，對這間總店抱有－定期望，可能有期望便更容易失望。]

2019年 4月 23日 我和老公去 搭西鐵去屯門逛街，想起吃石爐燒豬，便到藍地 季季紅 吃午飯。當日酒樓已差不多滿座，好彩在一角有一張2人細枱，正合我們可舒適坐下嘆茶。酒樓午市有點心吃，但我們按落單的嬸嬸介紹點了一份例牌燒腩仔 ，並叫了午市特價套餐金銀菜煲蝴蝶猪肺湯及半條秘醬蒸烏頭。湯煲得足夠火候，可連喝多碗。白菜夠軟，蝴蝶肺較少有，但煲得軟滑，湯渣已是另一味餸了。冒名而來吃燒腩仔，入口皮脆肉嫩，有股炭香氣，好吃，名不虛傳。店員服務態度好，洗手間也算乾淨企理，有空再來試吃其他菜式。

2019年4月18日（星期四） 四個老友一齊食晏，吹水食好嘢，招牌菜乾豬肺湯，足料 冇味精好味道，冇幾何晏晝飲得到！👍煎釀尖椒賣相雖然唔靚仔但超惹味，最快食晒！炸靚魚餅個樣一樣唔吸引，不過外脆內軟，鮮甜多汁，下次必食飲茶冇得訂位，要搭枱，不過都無所謂啦！我哋係大戶，無阻高漲嘅吹水情緒，反而搭枱嗰位顧客，鴉雀無聲，其實我哋叫嗰籠鵪鶉蛋燒賣都好應景㗎 ！佢匆匆食完就走啦！其實，都無所謂啦！懷舊點心一流，鵪鶉蛋燒賣、不折不扣鬆糕，今時今日都好難食得到！懷舊式飲茶，平靚正

季季紅 始終藍地最傳統正宗環境: 要説環境位置，多家分店中最家必定是最偏僻最舊最破舊。基本上不是元朗屯門人，亦不會打算到此進膳，但為了食最正宗的菜餚，當然愈傳統愈好！食物: 訂了一個可供至少14人吃的套餐。小小貼示: 他們有兩三個不同套餐供選擇，建議不要選 (鮑参翅) 這類的餐了，來這𥚃，當然吃地道的。有米豬個人覺得乳豬油脂有點多，但整體都非常香口，米亦非常入味，是季季紅必試名菜之一。大勝雞豬肺頂蝴蝶腩燉菜膽湯必試名菜之選！聲稱無味精，夠火喉，非常好飲蜜桃拔絲咕嚕肉有別於其他地方吃過的咕嚕肉，這家咕嚕肉皮非常脆，粉漿不多，加上蜜桃拔絲，真心好食到blink blink 眼總結，一班人到此聚餐吃飯，非常抵食！而且食物有相當水準！

2點到 2個人 叫左8樣野 有5樣都無 有10個樓面呀姐 9個吹緊水 仲有個好似得罪佢全家咁 黎左壺茶 又唔黎壺水 要壺水 又要等呀姐吹完水先過黎黑口黑面裝比你 野食都未黎已經一定無下次 ps.野食水準相當好！

之前都聽過人哋講過季季紅味道唔錯，今次就專登同朋友過嚟食季季紅，去到坐下見到餐牌餸的款式比心目中多，今次叫咗湯同埋幾個餸，食完覺得都好飽，而且味道都唔錯。這裡飲湯竟然有豬肺湯，湯的味道都唔錯，唔會好多味精，而且豬肺幾淋身。冬菇鵝掌，鵝掌口感都唔錯，但份量唔算十分之多。冬菇都夠入味，蒸鱔醬汁偏鹹咗少少，豆豉十分之惹味，整體來講份量剛剛好，蠔煲好就感覺唔夠淋身，而且唔夠入味。朋友想吃燒鵝就來到，燒鵝味道不錯，皮帶微脆肉不錯，最後仲要嚟碗白飯呢。

今次同公司同事飯聚當做節入屯門開餐 見藍地最出名係季季紅 當然試下隻有米豬 由於是做節食飯關係廢事諗食咩所以點左個10人套餐先黎個菜膽豬肺湯 清肺 止咳 下火湯 而湯渣見到有蝴蝶腩 我地太肚餓 所以連湯渣都清晒 呢類舊式湯特別好飲 好有家既感覺即烤有米豬 冇記錯係十幾周大乳豬仔 抬住原隻烤好既乳豬進場 我都不客氣 相機食先成隻烤豬切碎擺得靚靚豬形爬在飯面上 原來豬入面聞到碗飯 飯吸收晒隻烤豬既油香味 仲加左芋頭去炒 師傅切開一條條方便食用 隻豬無咩肥膏 有肉 有口感 咬落去唔會成口油 無肥膩感覺 之後叫小菜 西芹腰果蝦仁 西芹爽脆 腰果酥脆 蝦仁好新鮮

-因為我喺季季紅風味酒家買咗套票 （一套共3張）有優惠， 畀散賣嘅平好多。所以為返起來每隻有米豬都係五百蚊左右。 因為係take away 嘅關係，所以要預早一至兩日打定電話落訂。 會好窩心咁有個外賣袋包住，預埋把較剪畀大家剪。隻豬仔脹卜卜、好脆好脆！！ 剪開個肚喇！！ 入邊有好豐富嘅炒糯米。因為有乳豬嘅味包喺啲米入面， 超香吖 ~~ 一剪開乳豬仔嘅肚腩， 香味即時爆發曬出嚟呀！！超香！！__________地址：屯門藍地大街1號

前幾次係呢度買燒味外賣，都只係特別對佢既蔥油(咸到苦)作出意見。當然，作出咁多次意見後，依然係意見接受，態度照舊...但今次真係好無奈夾覺得離晒譜！ 離譜在都係叫返平時叫既叉雞飯，只係等既時候行開左去買其他野無望住佢斬姐，點知拎到返屋企開黎食時，我見到既係佢將一隻雞翼斬左開成六舊，我無睇錯～係一隻雞翼斬六舊，唔知係佢間鋪無曬雞，嗰隻係佢鋪頭既最後一隻定係我孤漏寡聞，如果咁樣做生意法，仲有邊個會去比錢去食！？

賣相個樣好得，但係......砂鍋鮑魚雞，ｄ雞仲係有冰鮮味，鮑魚無乜味！酥炸生蠔，侍應話ｄ蠔呢係由台山返黎，甘我諗相比起美國桶蠔真係細ｄ都ok，不過食落ｄ炸粉有件臭油味........梅菜扣肉，ｄ扣肉太厚又唔入味又咸，又硬，失敗！

由於好耐之前食過覺得相當唔錯，所以我們今日就特意去咗屯門藍地大街嘅「季季紅風味酒家」食晚飯！一開始我們當然叫咗呢度嘅招牌，原煲豬肺頂蝴蝶腩菜膽湯，但當時店員同我們講話啲湯已經賣晒，我們就諗著叫另一啲湯羹，點知隔咗唔夠一分鐘，另一個店員走出嚟同我們講話仲有湯，所以我們就叫咗嚟飲，點知一飲就覺得極之失望，因味道係淡而無味，感覺係唔夠數量，但為咗要賺多啲錢，所以就將剩返嗰煲「溝水」嚟賣多一煲，真係令到我們覺得非常失望同氣憤！枝竹烤原條鯉魚嘅鯉魚雖然都幾大條肥美，但味道係超級鹹，鹹到係完全無辦法食到！瑤柱勝瓜燜魚鰾一開始我們以為好似以前咁係用新鮮嘅魚鰾，但出嚟竟然變咗係炸過魚肚，而且有好濃烈嘅「油膱味」，真係超想嘔呀！本來已經食到成肚氣，諗著最尾食返碗糖水可以順返條氣，點知店員話要留返畀叫套餐嘅人客，我們唔係叫餐，所以無得食，另外坐喺我們隔離幾檯嘅人客都有問，店員都係話無，喺我們諗著以為真係無糖水食嗰陣，突然見到三至四個所謂係店內嘅高級職員攞咗共十碗糖水出嚟，大啖大啖咁食，其中一個仲要係一人食咗三至四碗，當時有好多檯曾經要求過要糖水嘅人客都見到，大家都感到極之氣憤！原來呢間酒家出品嘅糖水，唔係