好景食堂

營業中

休息中

依間餐廳真係一個飯堂，好多選擇，而且啲嘢嘅質素都唔錯，份量又好多，又有湯又有煮食又有嘢飲，又有甜品😍😍😍🥰好支持佢哋嘅煲仔麵，有好幾款揀，但我會一次會叫韓式泡菜煲仔麵，因為佢真係用韓國辛辣麵整，而且入邊仲要好多材料。又有白蘿蔔、紅蘿蔔、豆卜、豬扒、粟米🌽同埋泡菜👍🏻👍🏻👍🏻我已經回頭食咗好多次，仲介紹咗好多朋友去食🙈🙈🙈雖然佢環境係有啲嘈，同埋比較地道啲！但係食物質素真係好好👍🏻👍🏻👍🏻😆

工廠區裏面嘅一間餐廳，雖然冇華麗嘅裝修，只有最普通嘅茶餐廳裝橫，但係食物質素有驚喜，價錢亦都相當抵食，員工服務更加有人情味。招牌口水雞髀飯雞髀肉十分之大隻，肉質夠淋夠嫩滑，一啲都唔柴，麻辣未夠重，亦有足夠嘅香蒜同芫茜，夠曬惹味可口，令人食上癮。益力多雜果蜂蜜飲品其實都幾特別，有各種創意嘅特色飲品，跟餐送，完全唔使加錢。我呢杯雜果蜂蜜夠曬甜，主要係益力多嘅味道，淨係飲落都唔錯。有機會想再試下其他特色飲品。喳咋糖水都係隨餐附送嘅，佢真係好足料，亦都加咗一隻蛋，甜度適中，食哂佢啲嘢真係飽到上心口。叻外會送上是日靚湯，一個餐包咁多嘢食，大約$50一個午餐，唔怪得佢個場爆滿，相信回頭率應該會好高。

今日叫左個是日午餐，瑤柱叉粒炒飯，叫咗一杯冰鎮奶茶，堂食可以有埋冰薦底真係好好味杯嘢飲，而家炒飯中規中矩啦！最重要就係佢好大份好抵食😆😆最後因為都飽了。叫咗個豆腐花做甜品拎走之後再食👍🏻👍🏻十分推介！

之前都係堂食多，今次趕時間外賣返去食都好正！叫左個口水雞飯，$49+$1外賣費，有湯、有飲品，外賣既糖水會轉紙包飲品。真係好抵食！不過佢個醬汁係有少少油，但依個價錢都ok!👍🏻👍🏻👍🏻

香港除左有煲仔飯，仲有佢地既芝士牛肉煲麵！要餐廳老闆特登為客人整，佢仲要好有心思用心心牙籤嚟裝飾，串住左車厘子。另外個芝士濃湯麵冇得彈！入面除左牛肉同麵，仲有蘿蔔、豆卜、紅蘿蔔同粟米，食完真係好滿足！最開心係60幾蚊，仲有特色凍飲、甜品同餐湯，真係無得輸！👍🏻👍🏻👍🏻

好景食堂位於屯門工廠區，無論環境定裝修都係一貫嘅工業區食堂。但呢間食堂嘅特別之處，就係佢竟然有類似Cafe嘅all day breakfast，所以今日就過嚟試一試😋。🌟蕃茄濃湯雞扒煲仔麵成個面值得一讚嘅係餸菜都頗足料。而作為番茄控，蕃茄湯底是最重要的！濃湯底嘅甜酸程度適中，亦唔會太稀，湯汁可以掛響麵條上面，味道開胃易入口。如果入面有更多蔬菜、菇類等等，吸收咗蕃茄湯汁後，成個煲仔面會再升一級！🌟窩夫套餐成個套餐有蜜糖雞扒、火腿蕃茄仔、炒滑蛋、雜果沙律、窩夫餅仔、同埋茄汁豆。外形上的確頗為精致。特別之處係佢額外有一盤仔嘅甘菊蜜糖俾食客自己點。食物味道方面就冇咩特別之處，當然亦難以與其他坊間嘅Cafe 相比，但份量的確幾大份。🌟公司三文治套餐呢個公司三文治的確係我見到最多層同最足料之一。呢個套餐亦都配埋雜果沙律。公司三文治嘅配料，佢都應有盡有 (蕃茄、蛋、午餐肉、火腿…）配埋千島醬亦相當夾。不論材料份量、味道配搭等等，呢個公司三文治套餐都係驚喜之選！總括而言，呢間飯堂熱食係會比較穩陣，我下次黎會試多啲佢嘅小炒熱食。另外，試完佢嘅公司三文治套餐後，我都對於佢茶餐嘅水準有所期待。至於佢嘅性價比

地方雖小，但種類繁多，樣樣野都大碟大杯又有甜品，下午茶無諗過會咁多款揀，花多眼亂邪惡芝士牛肉麵鍋真係好邪惡～～蝴蝶酥手快有手慢無～～凍飲或特色飲品都係加$2重要大大杯～～堂食送甜品，有中式糖水或啫喱布甸～～同時叫左兩個下午茶回家：邪惡西多士（芝士西多士，朱古力西多士，原味西多士），芝士火腿奄列拼窩夫，外賣雖然無送甜品，但除了跟餐飲品外，重會送多盒檸檬茶，唔知係咪每次都唔同，但感覺真係抵食，食物質數，唔好同市中心啲cafe比，成舊水既食物同半價價錢食到既野，係工廠大廈飯堂食到都已經真心覺得唔差，可以推介

原本抱住CP值好高屯門抵食飯堂嘅心情去試但點知無論食物定係環境都好差無論係餐具定係都係好油 同埋座位都幾逼真心 $49一個下午茶真係算平咩？我食咗呢個好多人推既下午茶餐雞扒👉🏻好油 食咗兩舊頂唔順炒蛋👉🏻明顯溝咗水 唔滑 更加唔好講有蛋香味火腿👉🏻仲係冰咖 雜果沙律👉🏻 平價沙律醬加罐頭雜果窩夫餅👉🏻明顯係即食窩夫餅甜品嗌咗布甸👉🏻化學味既布甸 食咗兩啖真係放棄 呢間嘢試過一次就算了如果唔係喺個頭工業區返工既人唔需要去食

餐廳位於好景工廠大廈3樓， 午市好旺，但係都唔使點排隊🙌🏼真係第一次食咁平都乜都包嘅午餐🤣 $49一個價有齊曬例湯+特飲+甜品/糖水👏碗例湯都幾好飲，特飲都係大大杯，我叫左杯龍凰檸樂、朋友們就叫左杯涼粉冰同兩杯熱飲。金銀蛋肉片豆腐湯飯 $49 個湯味道鮮甜，唔會太咸，但肉片無咩肉味咖哩牛肉公仔面 見到嘩左聲😝 食個午餐又會咁有儀式感🥢 朋友表示夠晒邪惡，味道都唔錯。 粟米肉粒飯$49大大碗，味道不過不失涼瓜斑腩飯，份量太多女仔可能食唔晒

呢間餐廳好多年前已經上網/ 朋友講過今日終於有機會試一試佢一入到去已經見到人山人海坐低之後見到有隻小店長 貓仔🐱一擺低隻手 隻貓仔就會過黎嗲你 幫佢R痕望落應該幾個月大左右🤣🤣餐廳款式超多選擇基本上一般茶餐廳有既野佢都有得叫我地二個人叫左二個餐招牌梅菜扣肉飯🐷🐷🐷係我食過既其中一個好食既梅菜扣肉飯XO醬炒肉片河依個係每日午餐精選色水差dd 但係味道份量一流好景食堂另一個特色就係堂食有大杯野飲+ 甜品送真係大件夾抵食

之前一路都睇啲關注組講呢間舖頭下午茶好抵食，但一路冇機會食。今日有機會就去試吓佢嘅早餐先，點知一樣咁抵食！早餐靚得來又可以打卡，茶餐廳嚟講，竟然用啲咁少女心嘅杯講返早餐真係黐咗線咁多款咁多配搭睇到我O晒嘴，費事太飽，所以叫咗$49秘醬沙牛奄列。一上枱真係驚喜，成個餐咁多野食，仲送甜品🍮北海道牛奶布甸！奄列入面仲加埋芝士！！真係好邪惡但伴碟嘅芝士蛋糕有啲失望，係現成蛋糕吱上芝士醬朋友叫嘅$47窩夫套餐一樣用現成窩夫，並非即製，但勝在成個餐都好多嘢食

今日去咗工廠大廈附近做啲嘢，忽然發現咗一間穩世餐廳，上到見到好多人，就諗住試下啦～叫咗個下午茶，豬扒炒公仔麵，加一杯熱檸水都只係$41😱好平快吖個公仔麵仲好大碟，我一個女仔都食唔哂（我已經好肚餓架啦）杯熱檸水都好足檸檬🍋環境就好似平時嘅茶餐廳咁，唔係好多特別嘅裝修，有一個露天位，可以吸煙的。我食到好飽嘅時間，老闆娘問我要唔要糖水🫢話送比我食，好大碗西米露吖～佢仲問我係咪响附近返工，佢話外賣就無糖水送，不過，會再送盒裝飲品🧃真係好平吖🤗

難得果位同事搵返我，便再約於此共聚...今日帶埋老婆黎食，照舊都係3個沙嗲煲仔麵餐！其他飲品 糖水 湯 味道依舊...唯獨沙嗲煲仔麵汁醬真係太濃！對比上次果碗真係差好遠....開到食覺得好咸...我地3個都係食到一半，就發覺d汁醬似漿糊狀態完全放唔到入口便放棄了我明白廚師係要撞運氣，時好時壞，由天決定況且女老闆娘好好傾 瞬間便忘記難食的味道不過以呢個價錢咁多野食，實在冇野可以挑剔期待下次再光臨時質素會轉好

與一位 保安新牌仔同事聚餐慶祝小弟特別帶佢去此飯堂進食因為佢胃口太大，此飯堂能滿足佢需求56蚊一個套餐，有沙嗲煲仔麵，一碗湯，糖水及一杯飲品！就算轉凍檸樂都唔需要加錢！沙嗲煲仔麵真係要盡快食，因為麵耐左會淋！例湯都夠味，飲完會口渴！糖水就好奇怪，紅豆沙無厘頭加隻蛋落去....不過整體黎講係幾好食本人係食哂成個餐，但最後因為一個套餐內有兩隻烚蛋，被迫放棄一隻！完全唔明點解要加蛋落糖水請左呢位新牌保安同事食飯後，佢話佢係越南果邊開賭場撈唔掂偷渡返黎香港，乜都冇，比左1大堆食物同新皮鞋比佢！結果呢餐係最後的午餐，佢轉左做地盤佬後從此失去聯繫，明白既，富貴左就自然唔識人我係傻仔，我認命！希望李x鴻Simon 身體健康，生活愉快