好易記甜品 (已結業)

食完晚飯，再來個甜品做宵夜走咗去買呢個椰皇雪耳馬蹄爽好易記除咗椰皇雪耳馬蹄爽外仲有好多款中式甜品同糕點。價錢合理。我喺到都試過十幾款糖水、糕點，不過試過後個人覺得椰皇雪耳馬蹄爽最好食加上我本人食過幾家店嘅馬蹄爽，個人覺得佢哋呢間真心係好食嘅。雪耳爽口，甜度又剛剛好。好清甜亦都好足料。價錢都ok。外賣都唔駛加一蚊但係佢哋舖頭比較細，感覺比較逼。我唔係好鍾意咁逼嘅感覺。所以我偏好買外賣返屋企食。喜歡食馬蹄爽嘅，可以試下好易記

想知老闆自己有冇試食過😅西瓜布甸西米露 西瓜酸到喊出嚟 成舊西瓜都係核 西米露同水一樣 完全冇味😪😪 最底層啲布甸都係冇乜味 🤮🤮🤮完全唔夾😓😓超失望 大家不要去試

今日係foodpand嗌甜品見呢間野個menu都幾多野食咁就嗌黎試下啦點知一嗌就中伏芒果西米露稀過水雜果西米露個底都係無味既水黎既啲生果又無味🤷🏻‍♀️全部野都係無味既😂唯一可以接受既係個雪糕球雪糕都食唔落真係搞唔掂😂呢間野真係一個大伏可一不可再大家食甜品都係去返其他啦😂

叫左個雜果蜜瓜底西米露同埋芒果小丸子加雪糕個蜜瓜西米露 水都好飲過佢，極度不建議嗌 叻外芒果小丸子味道都好一般，唯一正常既係個曲奇雪糕，極之失望。總括而言，極之不建議大家去試伏

十年都唔黎一次屯門，一入黎就係去朋友屋企，到九點幾十點就緊係要嗌個甜品收尾啦。由於佢真係住得太遠😂，唔係好多選擇。我地用左外賣平台叫左十幾樣甜品，因為好多都係重複，同埋唔係大部分都好食，所以我無每樣甜唔都影下🤧。花生湯圓（Apps價$26）正常發揮偏好食，湯圓皮薄，裏面嘅餡料係花生，唔會過甜，幾好食💕！另外我諗佢係用左薑+糖水煮湯圓，所以食落都好暖胃，好舒服。另外湯圓嘅數量唔算少，一個女仔岩岩好食得晒。係我地嗌既咁多款甜品裡面佢算係比較好😚。另外佢有加送埋小丸子，又唔錯喎！花生糖不甩（Apps價$20）（無圖，因為好食，一開大家就搶晒）個糖不甩嚟到嘅時候都仲係暖既，唔會結到一嚿嚿，仲係好好食。另外糖不甩嘅配料都係來來去去個啲——花生，冇話好唔好食，花生粒唔會太大粒，算佢真係有磨碎粒花生😂😂😂！雪糕楊枝甘露（Apps價$38）我地嗌楊枝甘露佢送埋雪糕，只有綠茶雪糕唔洗加錢😂，咁唔加啦是但啦。估唔到黎到之後成件事好怪。雪糕係唔差既，但佢既綠色同楊枝甘露既黃色加埋一齊實在奇怪，食落仲怪，啲味都唔夾既🤧🤧。雪糕問題唔算大，因為係我地唔加錢轉雪糕口味，哇個楊枝甘露先係最大問題，到底我地食緊甜品定

係附近食飽飽，經過依間多年老字號，當然要去回味一下懷舊糖水。講到懷舊，一定會諗起黑牛。而家大部分人都吾知黑牛係咩黎，其實係朱古力雪糕加冰加可樂。食材簡單，但係味道好夾，依個配搭係我心中一直都係no.1。提提大家，先飲少少可樂再食雪糕，否則雪糕同可樂混合會起泡，好易滿瀉。*一個人或者朋友家人聚餐都非常適合。*喜歡既請關注我：VictoriaChan1008*ig:sumsummiyu#foodie #foodporn #Openrice #instalikesandfollowers4u #tbt #rocket_hastags #l4l #instadaily #commentforcomment #picoftheday #takeaway #photo #demo

同朋友係元朗行完一個大運，然後落左屯門揾野食。其中一人想食糖水，就隨意去了一間。 唔食唔知咁好食，簡單平平無奇既食物，點知老闆好用心制作，又好味。我地叫左陳皮魚蛋，蘿蔔糕， 魚肉燒賣， 好好食。桑寄生蛋茶，榴槤/芒果班戟，最後推介既海皇雪耳馬蹄，超清甜。

上個禮拜二，又同我朋友來吃甜品！我地都來過幾次啦⋯⋯感覺D甜品都OK！個糖不甩好好味但係我朋友個芝麻糊就麻麻而且果度有兩個女店員其中一個頭髮較長的女店員服務態度十分差果隻 幾次都係黑面相反另外一個店員就好好多

11點幾食返個糖水做宵夜，呢間通常唔洗等，有時會坐滿，天氣涼都可以坐店出面個幾張枱。其實唔係差只係普通糖水，宵夜食返碗都無妨。今次食左熱木瓜雪耳，微甜，木瓜生熟剛好，雪耳唔膠，味道正正常常朋友食熱杏汁白果海底椰，無劣評但又稱唔上好味

原本想食隔幾間既Crépe店，不過佢哋今、明兩日放假，所以就嚟咗好易記甜品，求其叫咗兩樣甜品，「楊枝甘露」同埋「芝麻糊加芝麻湯圓」餐牌1餐牌2餐牌3 - 冬日時令熱食甜品店內一個客都冇單味道非常普通，唔係難食，但又唔係好食嘅楊技甘露$30，可以唔試。芝麻糊（$25）質地好稠，咩事先？ 啲湯圓個賣相係灰色都好嚇人吓～芝麻糊味道唔夠，湯圓餡太甜同埋餡係冰涷嘅（好似冰箱拿出嚟嘅雪糕咁），我肯定你比隔夜湯圓我啦，超級甜，超級涷，超級難食！另外一進店，女服務員一啲笑容都冇（西面），服務態度0分，WHY? 唔想客人入嚟幫襯等你要做多啲嘢咪唔好返工，做乜野要咁對食客？ 其次是食物質素同新鮮度，希望可以改善一下！！我唔推介咧間甜品店！！！

今日諗住同個朋友仔開開心心食間又未食過個名又咁得意嘅糖水舖，叫咗兩樣好難做得唔好食嘅糖水，1：芝麻糊加湯圓2：紅豆沙1：芝麻糊水過飲水，又無芝麻味，湯圓皮又厚過粉果皮，一句講晒差。2:紅豆沙啲豆係唔熟，而且又甜到爆炸，仲衰過我去超級市場買包即食紅豆沙自己煲黎食，真係慘過去廁所搵野食。總括黎講，以上兩款，送到台上已經唔係熱，都算數，但係完全估唔到可以做得咁差。食品都係題外話，服務態度仲衰到加零一，叫姐姐比幾張紙巾理都唔理你，真係比錢買難受！

今晚突然想食糖水，咁就去咗好易記買啦， 叫咗一個小丸子撈， 一個楊枝甘露， 一個紅豆沙。講真紅豆沙真係冇得難食嘅但真心一般， 至於嗰兩碗有芒果既糖水就有如清水一杯咁，只係佢畀水好少少嘅呢就佢有少少味， 但老實講如果要我用60蚊去買兩碗咁既糖水返嚟呢我真係接受唔到， 諗住打返去舖頭同佢反映下啦，居然得到個係非常令人失望既答案（不嬲都係咁，冇改變過喎） 聽完之後個人真係火都嚟，我以後都吾會去食

The worst sweet soup I have ever had夜晚食完飯想食個糖水 專登出去買未食過咁難食既芝麻糊首先texture係杰到一舊舊完全無芝麻香味食落都無芝麻味 只得個甜字好似仲差過波仔果d

呢到啲裝修舊舊地咁, 幾似以前啲懷舊冰室。連啲甜品都似! 有黑牛果啲。我中意食冰, 但呢到冇雪花冰呢D咁IN既野, 得刨冰, 即係一小粒一小粒冰堆成雪山, 再淋上果汁, 加球雪糕, 我要左芒果味, 芒味幾重, 又有芒果粒, 全部都好大粒好甜, 雪糕係一般雪糕。食到最尾, 份量太大, D冰溶晒咁濟。 同埋一個人食有啲HEAVY, 因為太凍, 食到後面唔知食緊咩, 同人SHARE最好。好抵食! 咁大碗$30!

講到屯門既甜品一定要講呢間,好易記既沙冰真係無得頂。佢有唔同生果口味既沙冰,我就叫左個波羅沙冰啦,原來個沙冰底仲有得揀益力多沙冰底。呢杯波羅益力多沙冰真係得,又有益力多味,又唔會蓋過個波羅味,仲要夠晒平tim。