奇蹟拉麵 ミラクル

營業中

休息中

我是拉麵愛好者～個人認為「湯底」和「麵底」同樣是關鍵哦😌第一次認識「奇蹟拉麵」是在YouTube上的飲食頻道介紹說是平日還要排隊的呢今日late lunch剛好經過不用排隊，就請朋友和我一起來試試我點了烏賊濃味拉麵，$93/碗麵底：OK 湯底：一開始入口味道是蠻濃的，重口味如我是會喜歡的啊，但多喝兩三口的湯，即越見口渴～哎，要喝水那種程度，偏咸哦。這讓我有點保留，吃拉麵我一定會喝湯的，這湯底可能有下味精。叉燒偏瘦，心目中達標準的叉燒需要帶點脂肪。朋友吃原味的則覺得有點油整體而言是正常水準吧～同區拉麵店有表現更出色的說是奇蹟，有點過譽了是比普通好一點點的拉麵店～排隊是不會再吃

奇蹟拉麵一直都係拉麵關注組熱棒嘅拉麵店，所以一心諗住應該真係好好味，態度又唔錯。但入到店，先坐底一陣就聽到店員以惡劣嘅態度對待客人，完全呼呼學學嘅態度。客人都冇咩要求，亦好好態度，點解要對人？講到麵先最令人失望，話奇蹟拉麵，但其實係叫失望拉麵。當日同朋友分別叫左濃厚辣拉麵及清湯拉麵。清湯拉麵湯底係清新嘅，但麵底會唔會太似香港嘅幼麵？而叉燒更加離譜，食落好柴又薄，根本係豬肉片咁款。而濃厚辛辣拉麵根本個湯係食唔落，大佬，啲油仲多過我去食麻辣火鍋。

🌟 奇蹟拉麵 🌟地址: 旺角通菜街22號達明大廈地下🏪 坐落旺角市中心:位於熱鬧的旺角街頭,這家拉麵店吸引了源源不斷的客源,可見其在當地享有極高的口碑。🍜 烏賊拉麵 $93:這道獨特的烏賊拉麵,以濃郁醇厚的墨魚湯頭,別具一格。每一口都能感受到海鮮的鮮甜,令人連連稱讚。👍🍖 炸雞 $46:外酥內嫩的炸雞塊,極具誘惑力。搭配拉麵,無疑是絕妙的組合。🤤🍜 特製限定拉麵 $108:以煙燻鴨胸為主角的特製限定拉麵,口感獨特而醇厚。鴨肉軟嫩多汁,別具創意。😋🥟 餃子 $29:餃子皮薄餡多,內餡味美可口。作為拉麵套餐的配菜,無疑是絕佳的選擇。👌

#奇蹟拉麵 #屯門 #旺角 #拉麵 #烏賊拉麵 #鴨肉醬油拉麵 #餃子 #炸雞終於等到奇蹟拉麵在旺角開分店了！之前在屯門吃過他們家的拉麵，一直念念不忘。這次趁著旺角店新開張,今次就食咗佢哋嘅烏賊拉麵同限定鴨肉醬油拉麵，仲有煎餃子同炸雞！**第一道是招牌的烏賊拉麵。**呢碗拉麵真係好有特色！湯底是用墨魚汁熬製而成的，非常有誠意。湯頭濃郁鮮鮮甜, 不會過於鹹膩。拉麵用的是幼麵，口感是我喜歡的，不會過淋。叉燒肉軟嫩入味，溏心蛋軟熟流心，煮得恰到好處。-**第二道是限定的鴨肉醬油拉麵。**湯底比較清澈，夏天食很可以, 鴨胸肉咸香可口。--**除了拉麵之外，這裡的餃子和炸雞也都很不錯。**餃子煎得金黃酥脆，餃子餡料鮮美多汁。炸雞外酥里嫩，讓人一口接一口。*奇蹟拉麵的味道和品質都keep 到~，而且價格也很合理, 即使午餐時份可能要等位, 但ok la~~

之前屯門人氣拉面店轉開到去旺角，今日特登早D食，以免要排好耐隊。原味濃拉面湯底十分濃郁，好重豚骨味，係比較rich既湯底，有少許漿口既感覺，所以D湯汁完全可以掛係面到。面質係幼面，雖然冇得簡軟硬度，不過都好適中! 有2塊叉燒，溏心蛋，蔥同埋荀絲。食完都唔會口乾到要狂飲水。今期既限定拉面款係 - 鴨肉醬油拉面呢款湯底相對之下比較清澈，湯底冇咁稠，但係都好夠味。內餡最大分別就係多左鴨肉，鴨肉每塊都好厚，感覺好足料。另外加左餃子，煎到每邊香脆，餃子餡料多。

今日旺角經過呢間拉麵店，就決定入去試吓，佢哋嘅Menu上面有五款拉麵可以揀，原本諗住試吓佢哋而家限定嘅鴨肉醬油拉，不過已經賣晒😢原味濃拉麵🍜$86呢個係濃厚嘅豬骨湯拉麵，湯底濃郁，拉麵用上幼麵，食落好重膠質，真係幾足料清湯醬油拉麵🍜$79呢個就係比較清嘅醬油拉麵，食落清甜，面底都唔會太腍，醬油湯底比起豬骨湯底食落會冇咁膩另外仲叫咗餃子🥟同埋炸雞，煎餃子皮薄餡靚，入面好多汁，炸雞都炸得好香脆，肉質嫩滑🍖

呢間野係屯門個陣就好多人講 但屯門真係好遠 一路都冇去試 開到嚟旺角就嚟一嘗究竟 餐牌選擇唔多 得幾款我自己比較鐘意清啲嘅湯 叫咗醬油 朋友叫咗烏賊濃味 講返碗麵 質素唔錯 唔洗排隊嘅話會成日食湯底ok 飲得落麵質係冇得揀嘅 但上到嚟都軟硬適中蛋係溏心嘅 整得唔錯荀都正常叉燒都冇奇怪味 唔係滑捋捋個隻分量冇話好多 適中 女仔食啱啱好 男仔可能會覺得少但唯一唔好嘅係 我地坐入面 個廁所好臭….好大陣廁所味 我會話係影響食慾個隻 碗麵上到嚟先好啲…

於屯門曾紅極一時的奇蹟拉麵於2022年11月結業，2023年7月再次係旺角重開。今日又過嚟試吓其他口味。仍然做緊原味、烏賊、辣味、清湯醬油四種口味，以前係屯門試過烏賊濃拉麵，上次食過清湯醬油，今日就試吓原味濃湯拉麵。呢期仲有個限定係鴨拉麵，不過限定10碗今日就食唔到啦。叉燒今次食再咸少少，濃味啲啲，拉麵有咬勁。湯底用咗豬骨、雞骨熬到又濃又杰身，仲食到有啲魚介味，最啱重口味人仕。湯底膠質十足，好彩湯底嚟到時夠晒熱出晒煙。如果凍咗就可以加佢枱面嗰啲昆布醋，減低油膩感。午餐加$15就有汽水同埋小食。午餐嚟食就最抵。

睇咗啲YouTuber介紹，所以想試但間野好麻麻嗌咗原味拉麵套餐，拉麵正常發揮餃子賣晒，嗌咗炸雞，但係啲炸雞5熱😂整體嚟講真係好一般如果要排隊試，應該會好嬲😂😂

聞名已久嘅奇蹟拉麵 ミラクル 🍜由屯門發跡再搬去旺角開店，作為大西北人竟然喺旺角先第一次食 🙈🍜 原味濃味拉麵 💲86🍜 濃厚辣味拉麵 💲93以稠身濃郁的豬骨高湯為特色，味道較為鹹一啲 🧂拉麵選用幼身麵條，煙韌有口感 😋每碗配料均有叉燒肉、味付半熟蛋、蔥同荀，可以按個人喜好自由選擇配料叉燒薄切，肉質嫩滑粉嫩，口感順滑 😍味付半熟蛋稍微遜色，雖然有流心但香味唔夠濃郁😢辣味湯底配有芝士粉但整體未算特別，味道比較單一無層次 🥹價錢以拉麵嚟講算係物有所值嘅水平 😗 整體合格以上，同區仲有其他更好食嘅選擇，不過唔洗排隊又不妨一試嘅✨

我今日返下午更，早上便約同好友去旺角行街，順道去位於旺角通菜街22號達明大廈地舖的奇蹟拉麵食午餐，環境舒適，坐得舒服。我點左個特製限定拉麵（鴨肉醬油）$108，好友點左個烏賊拉麵$93，炸雞兩份$92。鴨肉醬油拉麵有鴨肉4片、叉燒肉2片、糖心蛋1隻及蒜子2條，鴨肉味濃好食，叉燒好味，糖心蛋的蛋黃流心好食；烏賊拉麵都是有义燒、糖心蛋、葱和筍，墨魚汁湯底好有特色；雞件炸得皮脆肉嫩，好有雞味又多汁，淋上檸檬汁，點沙律醬，好好味！

🍜🍜🍜🍜鴨肉醬油拉麵 ($108) 🦆🍜鹹鹹地嘅鴨肉 再配上大蔥嘅味道 意外地夾啊🤙🏻湯底唔會好杰身 比較清一啲💧而拉麵唔會偏軟 或者偏硬 啱啱好啊👍🏻呢款拉麵係期間限定 如果想試就快啲去啦🏃🏻🏃🏻‍♀️💨💨厚味濃拉麵 ($86) 💦🍜叉燒好薄 好嫩 唔會有種好乾好韌咁啊😆湯底比起鴨肉醬油拉麵會杰身 夾拉麵嘅時候 都可以包住個湯啊😋而且相對會比較濃味🤤炸雞 + 飲品 ($15) 🍗🥤午市套餐只要加$15就有啦💵炸雞都幾大舊 唔會炸到好乾身🌵有時口癢想叫個小食都幾好啊🫦

奇蹟拉麵係一間以前喺屯門有名嘅小店，而家搬咗嚟旺角舖頭大咗，今日嚟嘅時候見到人唔算多，就決定一試下。首先，我試咗佢哋嘅清湯醬油拉麵$79。拉麵上面有叉燒肉、溏心蛋、竹筍同埋蔥花。拉麵麵條硬身彈牙有咬勁，湯底清淡而鮮美，唔會太鹹，好適合唔鍾意太重口味嘅人。叉燒肉腍身，溏心蛋熟度啱啱好，整體味道滿足。其次，原味濃拉麵$86。呢款拉麵有濃厚嘅湯底，湯底濃郁而有層次感。一樣配叉燒肉、溏心蛋、竹筍同蔥花。如果你鍾意重口味，呢款拉麵嘅湯底就夠晒濃厚。除咗拉麵，我仲叫咗炸雞$46。炸雞皮脆肉嫩，外層炸得金黃酥脆juicy。飲品我加一杯烏龍茶+$16。

奇蹟拉麵旺角通菜街22號達明大廈地舖經開旺角好多嘢食，老友想食拉麵，帶咗我去女人街嘅奇蹟拉麵，果然高汁。😉烏賊濃味拉麵🍜+原味濃拉麵🍜主要配料有叉燒肉、味付半熟蛋、蔥和筍，我哋追加咗叉燒肉和紫菜，我唔夠喉，一定要加麵。😂叉燒肉新鮮嫩滑，肉味香濃，入口即溶沒有筋，脂肪和肉的比例很好，大廚處理得恰到好處，必食。🤤味付半熟蛋蛋味濃郁，內層香滑，外層入味。😍蔥夠香，不辣口，筍夠爽，入味沒有渣，紫菜吸收了湯底的精華，好味道。😻原味濃拉麵的湯底，原汁原味，香氣四溢不油膩。烏賊濃味拉麵的湯底加了墨汁，層次提升了，湯底沒有味精，鹹度適中，我把湯底喝光了。😽拉麵口感煙韌，沒有鹼水味，處理得很好。炸雞即叫即炸，炸油新鮮，雞肉香滑juicy，加少少檸檬汁效果更佳。😋✨支裝津路烏龍茶，無糖，解渴，去油。😸奇蹟拉麵 環境舒適，食材新鮮，侍應服務態度好，還會再來。😎🤘🏻

店名——Mirakuru 原來係日文讀Miracle 的發音😂 諗左一陣點解唔係「きせき」。佢期間限定話有一日得10碗嘅鴨肉醬油拉麵，講到咁把炮🧨 就入左去食。原本以為頂多都係煙鴨胸肉嘅質素質，但鴨肉都出奇地林身，似新鮮肉咁款。此乃我眼中的小奇蹟。另一個就係隻半熟糖心蛋、有全隻蛋⋯⋯ 都唔孤寒。配料有兩塊好甜嘅小京蒽～ 其他元素，例如麵條，湯底、叉燒都係正常有水準應該要有嘅發揮。食咗一半之後加昆布醋係幾好嘅選擇，因為鴨肉湯會比較油，試過原汁原味之後嘅一半，剩低嘅一半可以加昆布醋，用酸味平衡同埋帶嚟啲新口感服務態度都幾好，細細間舖頭，但有兩個樓面，都會主動幫手斟水，俾個籃你裝書包🧺