太興 (已結業)

自從美心執咗之後，喺麗港城想食燒味就只可以去太興。其實佢嘅叉燒好睇彩數，上次買外賣返屋企，佢嘅叉燒又肥又多汁，而且好鬆軟，好味過灣仔米芝蓮嘅燒味。今日突然之間想食燒味，晏晝3:00去咗太興，當時冇乜人。下午茶叫咗一個叉燒燒肉雙拼飯，雖然包一杯嘢飲，但係64蚊下午茶來講有啲貴。今次舊叉燒稍為鹹咗啲同埋偏瘦咗啲，下次都係講明要半肥瘦好過。上菜呀姐仲好窩心驚我唔夠飽，問我使唔使加多啲飯。燒肉個皮爆唔起，唔夠鬆脆，而且有啲鹹。之後見到原來下午茶餐仲有叉燒紅腸飯，都係雙拼不過平$20，下次叫佢好過

今日中午到麗港城太興買外賣，當我等外賣時有問題要問職員，得到不禮貌對待，好似我無付款，要來討食物，為何有這樣的職員在太興存在。回家後打開已買的燒味飯一共三盒，全是頭頭尾尾，為何太興退步到這個地步，太失望了，不會再幫襯。

叫咗外買成粒鐘，都未出到。話人手唔夠，又話搵唔到張單。試過堂食都係一樣。所有野一個字形容：「等」，重攪咩外賣，多啲單就handle 唔到。太興點train 啲員工。

呢間太興員工啲態度差到冇得形容我同隔離枱舉哂手大嗌啲部長都可以扮聽唔到有個聽到見到仲即刻扮野掉頭走到上小菜又唔上埋白飯要專登自己去問上野飲問有冇少甜就扮聽唔到唔答你態度仲差過四五十蚊既茶記簡直貼錢買難受

太興平時都好少食，今次嚟到晚餐時段想試吓啲新嘢，於是就試太興了。通常俾人嘅感覺都係要食叉燒或者燒味飯，但係今次就想試吓佢哋嘅小菜。叫咗一個只係$58嘅德國豬手，仲有魚香茄子煲，咕嚕肉，覺得要食依類小菜先可以試到佢哋嘅真功夫。咕嚕肉方面，佢哋係切做一條條嘅形狀，酸甜味十足，只係略嫌份量較少。魚香茄子煲好正，有鹹魚嘅鹹香味，而且熱辣辣，仲有唔少配料，好似榨菜等等。佢哋嘅德國豬手真係好大隻，兩個人食要兩碗白飯都夠晒了！

一直都很少機會來幫襯這間太興， 今日星期天因為落大雨，懶得走咁遠， 就到附近這間太興用膳，叫了一個蠔仔粥，一個燒鵝飯， 東西不一會就來了， 可惜燒鵝飯的燒鵝真的很少啊， 不過食物的味道還算可以。

今日返工見天氣幾好， 所以自己决定行去麗城嗰邊食午餐。 一路行一路諗邊間食肆中午比較少人又唔使等位， 因為觀塘工廠區一般食肆都要等位。 最後想起去食乳豬，所以去咗麗城間太興。到太興門口望落去都有很多人，但係就唔使等位，所以我決定入去食午餐。我連餐牌都冇睇，一坐下就叫咗個乳豬飯同埋一杯冰凍奶茶。 大約等咗五分鐘，冰凍奶茶同埋乳豬飯都一齊送到。 我影相嘅時候就發現有一兩塊乳豬燒燶咗， 周圍有雜菜同埋碗碟飯就比較細， 乳豬醬係分開一包上的 。 乳豬食落唔鹹又入味， 加埋點乳豬醬就真係一流。 不過份量就細咗一點，可能一陣肚餓要食下午茶。下次如果唔係趕時間，都會選擇再嚟呢度食午餐， 最緊要係唔使等位 同埋有五個兩個人嘅 單邊座位。

嗰日去開藍田做嘢，做嘢之前咪食個早餐先啦。一入到去見到早餐有好多選擇，真係花多眼亂。之後叫咗個早餐，個餐有通粉炒蛋同多士，仲叫咗杯咖啡添，炒蛋好滑。買單都唔使＄30好抵

見今日天氣好，又冇咩做，同個女來食下午茶餐，點知食到一肚氣！ 紅豆冰竟然冇冰，水加紅豆再加忌廉，好難飲！waiter將條飲管離枱兩呎掉上枱俾你！下午茶等咗廿幾分鐘至到！服務態度差！唔怪之得越來越少人幫襯！

我今日 叫咗三個餸一個就係蠔餅一個係叉雞飯一個係粟米魚塊平視我成日都嚟呢度食因為佢哋嘅粟米魚塊好好味不過唔知點解好似換咗廚師所以變到一嚿嚿一啲都唔好味同埋佢個叉雞飯都唔知點解要等到超級耐同埋佢個蠔餅簡直就唔係食物竟然成塊都係炸炸成條油炸鬼咁我一定會比負評👎👎👎

今天來吃下午茶，太興燒味最出名，我點了叉油雞飯，唸住唔會踩地雷，叉燒色水好似中左毒咁，好鞋口，一咬仲有碎骨攝左入牙逢😪，雞好少少但都係鞋口。老實講，$58一份下午茶，我寧願去大家樂、大快活食仲平仲好味。同行的朋友點了牛𦟌麵，友人說好一般。我們的結論是，不會再來吃

剛開張既太興，住麗港城既居民期待已久，所以每次有新食肆開張都客似雲來。太興個名對我來燒味講可以話係冇得輸，有次收工晏咗諗住可以同老公食燒味飯。我食個叉雞飯，老公食燒肉燒鵝飯。放係我張檯既叉雞飯叉燒瘦到呢，乾真真，切雞又鞋。老公個燒肉鵝飯等咗成15分鐘先食到，以為好正，點知上檯骨多過肉。諗住今日又比多次機會佢喇，唔食燒味，食小菜。叫咗個蒸肉餅及通菜炒牛肉，碟肉餅上檯後我同老公都愕咗然！點解碟肉餅可以薄得咁緊要，太過分，幾啖食哂了！通菜牛肉好咸，碟頭一般但偏細碟。我地一對夫婦都唔夠食，更何況有小朋友家庭。屋村食肆係做街坊生意，仲要佢地收並非一般茶餐廳價錢，收得貴又唔好食仲要咁細碟，遲早玩完。我寧願幫親隔離新景象，兩個人一百蚊有找有，湯有飯有嘢飲！