太爺雞 (已結業)

自己唔煲湯，所以出去食飯見到有湯都會叫嚟飲哩碗川芎白芷魚頭湯，超級足料，非常濃味，濃到有啲苦，因為真系勁多藥材嚟太爺雞梗系試返主打嘅太爺雞，以為佢系豉油雞咁，但其實似瑞士汁多啲，因為個汁料帶甜雞肉質感唔會實，但未系最滑嘅，中上級數。雞皮有點分離，係軟林林的，但夠哂入味，為無吸上醬汁嘅雞肉提供足夠味道仲叫咗個小炒王同星州炒米。小炒王似炸多過炒，菜都乾哂身同吸哂油，好在有好多香香嘅魚仔。星州炒米炒得乾身香口，調味再多少少就應該完美了

I love no-English-menu food adventures and this restaurant is one of the better ones.They have food pictures on their menu and the waiter who assisted us spoke English and was very helpful in getting us what we want. We had crispy fried squid, Yang Chow fried rice, oyster omelette (which was pretty good, by the way), but the highlight of the evening was the soy chicken.It's probably the best soy chicken I've ever had. Really. Exquisitely juicy, tender and flavorsome; well-worth going out of your

黎得太爺雞 ，食完又食，寫完又寫。原因得一個 ，就係食雞上次同朋友去食過觀塘果間分店 ，完全奶哂野 ，一D都唔好食我同佢地講筲箕灣呢間真係好食好多，但朋友話無可能 ，所以又黎筲基灣試多次大家食完得3個字 ，無得輸 ！太爺雞，我淨係話筲箕灣呢間，真係名不空虛傳我地又叫左必食既口水雞 、太爺雞 、仲有其他野食 其中口水雞汁料一流 ，食完有少少麻， 但滋味非常 ，送飯一流，官塘果間就好一般。 太爺雞 ，味道唔錯 ，雞肉好滑 ，十分軟熟 ，都係好好味淨係呢兩個皇牌雞，同觀塘分店相比 ，簡直係天與地85蚊半隻貴唔貴 ，見仁見智 ，但味道真係出色最後儲夠6,7人 試埋佢另外幾款雞 都係口水雞同太爺雞最正！今個星期食完 ，已準備好約家人，下星期再去食多穫 。

筲箕灣呢間太爺雞係我幫襯左好幾次嘅心水餐廳。裝修一般，但係佢呢度嘅口水雞係吸引左我來食幾次嘅原因。呢間叫太爺雞，所以呢度都有招牌太爺雞，今日我就特登叫咗太爺雞同口水雞一齊試吓，順便比較睇下邊隻好味。太爺雞同口水雞都係半隻＄90。太爺雞有啲似豉油雞，但當然唔係一般豉油雞嘅味道。用咗自家秘製嘅醬汁，味道帶甜雞肉幾滑我鍾意嘅口水雞來啦！灑上芝麻。口水雞唔係太辣，就算唔識食物嘅朋友都應該接受到佢嘅辣度。最正就係食完個口會有啲麻麻哋，小麻辣既味道，令人百食不厭。送飯一流。最終我都係投票比口水雞，下個星期會再返嚟！

我一向都好鍾意食雞，去到各區既燒味部，都會買翻半隻雞翻試下。香港做雞嘅方法大致上分為兩種-咖啡色皮同黃色皮，當然味道嘅變化係各家有各家嘅特色。筲箕灣嘅太爺雞，係我目前食過最鍾意嘅雞店之一。我本身唔係甘食得辣，呢度嘅口水雞辣度啱啱好，辣得黎一般人都接受到，唔洗狂飲水，食完仲有啲雙唇麻痹嘅奇妙感覺。麻辣得來好香，雞肉亦算嫩滑，整體感覺滿意。＄80半隻既堂食價錢好化算。零一隻咖啡色嘅太爺雞都唔錯，佢唔係豉油雞，係有啲似瑞士雞翼咁甜甜地。肉質同口水雞一樣，應該係同一批貨，都係好食，但係相比口水雞，我會鍾意口水雞多啲。兩隻嘅價錢都係一樣＄80半隻，唔貴。今次我地三的男人各叫半隻，再加碟小炒，份量啱啱好。老實講就算係分店嘅技術都可以差天共地，我就試過貪近，去咗觀塘嘅太爺雞食佢嘅口水雞，可以用"唔好食"形容。去過一次，唔會再去第二次，但筲箕灣呢間我就嚟左三四次。同樣嘅分店，師傅嘅手勢就係致命嘅一擊！

同一班同事行完山，便到這店食晚飯。人多好叫菜，一共叫了十道餸菜。首先每人一碗無花果粟米豬肺湯，個湯好甜，用料很足，有三塊豬肺在內，連豬肉都很稔和甜。招牌菜太爺雞很美味，雞肉嫩滑，醬汁惹味。黃金蝦十分好味，充滿鹹蛋黃味道，蝦嘅肉質彈牙。蘿蔔牛腩煲，牛腩夠稔，味道一般。椒鹽炸鮮魷炸得脆口，魷魚亦不錯。腰果西芹雞丁味道普通。炸豬大腸炸得鬆脆可口。豆豉鯪魚油麥菜味道不錯。最後叫了豉椒炒蜆，d蜆夠大隻，冇沙，炒得惹味可口。整體來說，這店食品有一定水準，個別餸菜較為美味。

見仲有位衝入去試下，掂！待應生好欣勤招待。似有平民反堂feel炒介蘭，嘩，一陣香味湧过來，好脆爽口。黃金蝦，薄薄既蛋黃包住蝦，香，夠味。川芎白芷燉魚頭，有半个魚头，好香藥材味，好好味既湯

同朋友行完山, 搭返車落筲箕灣唔知食咩好,行行下,誤打誤撞經過呢間店,朋友話想試, 於是拎左飛仔等位黎試下小菜。黎到當然要試佢店最出名既「太爺雞」其實就係「茶香雞」(同豉油雞有D似,但佢入味D香D)。呢到半年雞，雞滑而且好入味，正!豬肺湯，好足料夠清甜，而且好大盅，夠兩至三人share飲一盅。香得黎唔辣，岩晒食唔到辣既朋友～好香好好味，茄子好新鮮。土魷蒸肉餅。真係有一條條既鮮土魷！而且肉質地剛好，似乎沒有打膠，很正宗肉餅的做法。魚鯇煲，由於我不吃魚，加上有骨，所以沒試太多，但在少朋友個個話好味。洋蔥好甜好夠林！喜歡吃魚的要試下啊。食完每人都只係８０幾蚊，大份又抵食！下次飯聚會提議呢間，人多ｄ又能試多ｄ菜式嘛

如今的東大街，食肆林立。今次過嚟嘅主要目標喺近期被推介嘅小食 - 無骨雞翼。但雞翼不能當正餐，所以要搵間餐廳正正經經食個飯先。本來想去粥棧小廚，無奈佢生意太好，full book。見太爺雞仲未係好多人，遂坐低。舊式酒樓風格。雖然我哋坐低時全場仲有一半位吉住，姐姐都係好有禮貌咁安排我哋同另外兩位客人搭枱，笑盈盈地解釋話“禮拜五晚，體諒下”。對面搭枱嘅兩位客人似乎頗熟路，一坐低就即刻order半隻太爺雞。我哋亦效仿。傳統中式酒樓嘅份量通常比較大，我哋二人亦唔敢叫太多，驚會浪費，半隻太爺雞 + 一碟蒸勝瓜，搞掂。太爺雞嘅賣相都唔錯。醬汁應該係自己調製嘅，味道特別，仲食到陣陣陳皮香。其實齋醬汁已夠，薑蔥完全係多餘。至於喺香港食到嘅雞，你不能要求太多。蒸勝瓜賣相同我想象中有出入。呢度係將勝瓜切片，然後將所有材料 - 蝦米，粉絲，勝瓜撈埋一齊蒸。上碟時一片狼藉，所以無影佢張相，費事影響各位食家對呢道鎹嘅印象。勝在味道都OK。做法同味道都跟足傳統法則 - 多油先好味。埋單後姐姐俾返找續。我照舊攞返所有嘅找續，諗住已經加一，無需再多俾服務費。姐姐似乎三番四次想收回找續皮夾，好在我手快。走出店鋪，先知原

東大街係東區一個搵食熱點。無他既。雖然多車但係搵位唔難。食店會通知抄牌。同時中西日韓咖哩糖水甜品都有總會搵到想食既野。而太爺雞係其中一間常去既。而每次總會叫呢三樣。黎太爺雞梗係要食太爺雞啦。同傳統既太爺雞唔同。呢到既SKIP左SMOKE既過程。所以建議大家用豉油雞黎去感受呢隻雞。水準係極穩定的好。色水十足。皮滑中帶爽。肉腍滑得黎肉質依然。冰鮮雞係在所難免嫁啦。不過唔係冰到雞肉唔似雞肉既貨色。脾位當然最搶手。而我亦愛雞背果層薄薄既肉。最入味。就算雞胸都好。都一樣汁豐肉嫩唔會又乾又鞋。不枉我由百二蚊隻食到八十蚊半隻都繼續捧場。另一個必點既係涼拌豬手。有趣既係呢到個豬手係十件先得一件趾尖亦唔見有大塊肉。以皮筋同骨為主。豬手皮筋俱爽。沾滿以蔥蒜醬醋調成既涼伴汁。真係一件一件咁送入個口唔停。嗜辣既朋友可要求多加麻辣油。味香帶麻勁卻唔太辣。正常版只有數滴。增加食趣已而。同時基本上枱枱都點上燉湯。四十有找既一盅夠兩人一人一碗。湯怪如我當然一人獨自享受一盅。最愛龍脷葉海底椰燉豬肺。龍脷葉份量剛好。飲得出香味又唔會太搶。花旗參螺咀雞腳亦都足料夠味。有五六個人不妨叫鮑魚花膠。真係見得到食得到又夠曬味。黎東

筲箕灣一向出名多野食，日式﹑泰菜﹑甜品店﹑上海舖等乜都有，小炒更唔駛講，其中一家出名既就係太爺雞。我地一行8人嚟晚飯，男女參半，唔算食太多野，但就前後點左7碟餸。包括招牌菜太爺雞﹑椒鹽鮮魷﹑沙嗲金菇肥牛粉絲煲﹑豆豉鯪魚油麥菜﹑魚腩煲﹑生炸大腸同埋驚喜小炒薯仔牛柳粒呀！太爺雞其實就係玫瑰豉油雞，隻雞都幾大隻吓，好好肉，用冰鮮雞就梗架嘞！勝在豉油加了糖﹑玫瑰露等調味好好，送飯相當不錯。因為想食菜，唔係逢菜都食既我就點了最易入口既豆豉鯪魚油麥菜，諗番起食得最多呢個餸係以前住宿舍落街市食飯既時候，不過而家啲豆豉鯪魚彷彿冇以前咁好味，所以都點少左了。這裡做得不過不失，唔過油也不過鹹，可以。椒鹽鮮魷顏色金黃，粉漿已加鹽了，不點喼汁也可，但我仍然較愛帶少少酸既口味呢！魷魚爽彈得嚟唔會像趙香口膠，咬得開易吞既，調味﹑炸功俱佳，好好味！此時已將膽固醇拋諸腦後，連吃數件呢！估唔到薯仔牛柳粒這家常小炒竟然可以喺呢度食到，看似簡單但呢度做得相當不錯，先將薯仔同牛柳切粒，用油泡過才加豉油﹑糖﹑鹽等基本調料快炒，食得倒薯仔有炸過既香氣，係稍為鹹左一點，但送飯就剛剛好。跟住兩個煲仔菜都嚟了，不嬲唔食魚，所以冇試魚腩

Been here multple times and will be back soon.One of the better 小炒王 around, with it's unique dish of 太爷鸡.  Must try!!!  suprised that we were told that the chicken contains zero soy sauce...but when you taste it, it's super nice.can't expect too much from service, there never is any at these type of places, but the quality of food have not let me down yet (and i've been here more than 5 times in the past two months already)The soups that you can get are authentic, can actually taste all the herb

記得之前天氣晴朗時，我地約咗朋友去行龍脊，須要到筲箕灣搭9號巴士，所以順道睇下有咩好野食。喺OpenRice見到呢間無劣評的餐廳，老公就提議去試下。去到東大街好多人排隊，排的都是好出名嗰間粉麵，反而太爺雞有大把位。其實當時都有窒一窒，點解差幾個舖位食客人數差咁遠。我地當然叫招牌菜，我點了太爺雞拼叉燒飯，老公叫太爺雞肶飯，附送中湯。兩碟飯一上枱，我地不禁覺得，“嘩，好大碟呀！”。食落真係幾好味，太爺雞肉嫩，豉油汁味與雞的配搭很好。吃完呢餐，覺得就算奇貌不揚的餐廳也有好味道，真的希望在外面排隊排到汗流浹背的人可以俾機會試試呢間餐廳。

於怡景群記吃得滿不是味兒, 正在尋找填補心靈空虛的下一站時, 便看見對面的三個大字: 「太爺雞」, 從食評中看到一面倒的好評而沒有劣評, 也是一個正面的到訪理由。店子是一般平民菜館格局, 週末兩時多來到, 只有小量顧客, 環境稱得上舒適。二話不說點選了太爺雞髀飯 ($43), 賣相是想不到的吸引。雞皮呈鮮明的深色, 雞肉是看得出的嫩滑, 生熟度剛好, 味道更比賣相為佳, 帶濃濃的酒香, 又沒有很多豉油雞過鹹的弊病, 屬幾近完美的質素。論最驚喜的, 則是皮與肉之間那層厚厚的「啫喱」, 實屬坊間罕見。嫌「太爺汁」份量不夠嗎? 可以要求額外的, 無任歡迎, 送飯一流。附送的例湯也屬誠意之作, 是日款式是冬瓜薏米煲瘦肉, 湯料極多, 味道濃郁, 還很有住家菜那邊的水準。---吃完這頓驚喜的下半場, 不只能夠填補剛才心靈上的空虛, 更感到相當滿足啊！

昨天和同事到筲箕灣工作，很耐無去筲箕灣了，估吾到東大街多了那麼多食店，我同事問我不如今天去食雞，聽講這裡的太爺雞不錯，我都不太熟，所以我們便去食太爺雞食午餐，去到門口，可能由於是十二點左右，門口沒有人排隊，走進舖頭，大約有8成客人，裝修沒有什麼特別，和一般平民飯店差不多。開始點餐，店員問我們想食什麼，我們叫她介紹一下，當然她是主力推介太爺雞啦，OK. 無問題，我們都是想試招牌菜太爺雞而已，於是我點了一個太爺雞套餐。不久，太爺雞送到，一個套餐有例湯、白飯、太爺雞、葱油，賣相不錯，很新鮮的感覺，急不及待食一口太爺雞，有雞味，滑口，加上鼓油味濃郁，不會太肥，真的很有質素。30分鐘食完，埋單，嘩﹗每人才40元左右，很平，40幾元有這樣的質素，真是估吾到。另外，有一點要提提的，這碗例湯也不錯的，西洋菜煲豬骨，味道濃、份量夠，是可以的。