太安樓車仔麵 (已結業)

行吓行吓, 見倒間車仔麵, 咦咁熟面口既!?好似啊蘇介紹過個個wor!fd話不如入去坐, 堂食啦.叫左咖哩齋, 鳳爪同埋冬菇, 共$16講真一d都唔平, 堂食真係熱到呢~.~我地要淨餸個店員即刻黑左面@@味道唔算真係驚為天人.我諗無下次啦.........

我係係西灣河某中學讀緊中一既，所以成日都會係放學後係大安樓都搵野食而呢間車仔麵真係值得一讚，我之前都係到食過幾次野啦，今次終於的起心肝去寫食評。5月4號係最後一日test，所以放早，差唔多係午飯時間，就食埋野先番屋企啦。首選當然係呢到因為佢價錢平(中學生冇乜錢架咋...)、水準當然比唔上高級餐廳但係以呢個價錢真係有中上既，不過最值得一提既唔係食物而係佢地既服務質素每次我去到個到既叔叔都會同我講：「你搵位坐低啦我幫你拎過去！」有時又會叫另一位嬸嬸幫我拎，呢樣已經攞晒分。如果冇好既服務態度就算野食有幾正都冇晒mood啦講番正題，當日我食左個咖哩魚蛋加雞翼加瀨粉，盛惠十六元。呢個價比我之前去食貴左一蚊，不過都可以接受，而加百物騰貴嘛。咖哩魚蛋：夠彈牙，可惜食唔到咖哩味，可能因為浸左太多汁，有少少美中不足雞翼:入味，D肉好滑，又唔會太熟，雖然只係得兩隻，不過夠大隻，好！瀨粉：食左幾次都一樣咁正呀XD不過有幾樣野要提提第一：我碗麵送上黎既時候多左幾舊蘿蔔同牛腩，真係好有驚喜，唔通因為我成日食所以加料比我？！哈哈(不過蘿蔔入味得黎唔會太林，又冇根，正！)第二：我叫佢多蔥就真係超多蔥呢餐食得好開心，

難得放假唔使出街，當然要做乖仔陪阿媽食午餐啦。唔想食茶餐廳，燒味飯又無咩特別，突然腦海閃起車仔麵，但又唔記得佢開幾點，要做乖仔當然就親自落去睇睇啦。Yeah！開咗鋪即係有得食啦，即打俾阿媽問佢食咩啦，佢要油麵，要豬皮、豬大腸同豬紅，還記得阿媽鍾意食辣，特登叫佢加少少辣油刺激下；我就要瀨粉，要鳳爪、辣齋同牛肚。全程都無理會佢俾幾多餸。返到屋企當然即刻開餐，打開先發現佢個碗差點唔能夠裝滿三餸一麵。兩母子當然好溫馨咁交換餸一齊食啦。豬皮都幾爽口，最緊要係無毛！豬大腸算粗身，仲要有少許肥膏，正呀！本人唔食豬紅，但見佢都幾實淨，唔容易散；雖然只得兩隻鳳爪，但保證一定比酒樓的為大，並且軟硬度適中；D辣齋都幾大舊，又唔算好辣，剛好可以暖下個身；係牛肚差少少，切得太幼身，相比於鳳爪辣齋，立刻比下去！還要一提嘅係佢會自動先俾一條生菜，唔使係咁食肉！

這裏是今晚掃街夜的尾站,當然要些飽肚的,更何況比它的傳統造型帶回了好些童年時片段尤記得小學時代,有位好友家長便是經營車仔麵:::手推車+火水爐!現時已經難得一見。每次幾位朋友去完游水、打波、之後我們便跟他往黃竹坑工廠區找伯毌,每次她都會親切的為這幾個小鬼做粉麵:紅腸牛腩,雞亦,魚旦牛丸,再跟瀨粉米粉、油麭,粗幼麵.....每次都能吃到不一樣的配搭,食過這碗愛心車仔麵之後,即時把體力提升到作戰級別!!!話説回來,這個車仔麵檔的陣容都頗鼎盛:粉麵至少8種。餸料更超過25款!我點了一碗淨四餸$20:有粉腸、豬皮、鳯爪她忽然吐出一句:腩肉!也好,甚麼都試試嘛。再加一碗淨粗加生菜$10。它左右兩旁放大細檯各一,我們坐在細檯邊吃邊渴氣水,人龍不斷,做唔切,原來收凌晨四點!潮洲人一貫的勤奮!這裏的食物不怎樣令人驚喜,不過遇上天時冷,坐在這裏吃碗熱氣騰騰車仔麵,亦有一種風味。

在我人生中.經過西灣河我就試過,去行街第一次..我在電車上仲要見到太安樓3個字先識跑落車.我去到太安樓行左一個圏.只得呢間車仔麵 有人排隊.環境不是太差的,但裏面有種黑沉沉的感覺....我佩服阿姐..熱到門都紅埋.仲有禮地介紹食物.我點左三個菜加米粉.20元....豬腸.個SIZE似介指,中間全部係肥膏.個鹵水味入味,肥膏甘香...雞翼炸過的.香口...但比較細隻.要肉質偏鹹.牛膀我見到呢個食物.仲估有牛什食.只係賣牛膀好怪..哈.我跟前面個男人叫的...我覺得香口.煮得好林....的餸絕對係多,多到的米粉吃完.我仲末吃完的餸...湯底我冒險咁飲埋佢.我覺得係煮車仔餸的味加熱水,不過做到個湯好清,飲完不會口渴.黑仔的我...去到無位坐.走左去公園對住個海食...不過旁人都投以好怪的目光...個種感覺,的街坊好似覺得食完後,會做傻事......哈哈....我邊有咁傻....

琴晚ot.. 放工搭地鐵.. 心思思去太安樓買車仔麵一定要認住li個阿姐先好買皆因佢當野黃昏晚飯同宵夜會擺不同位置.... 叫左大腸+午餐肉+咖哩雞尖粗麵 拎到返屋企都唔會糊哂! 好夠味, 唔駛加任何醬(平時like + 沙x醬)conclusion: 好味! 阿姐服務態度又好~~ (有d會無啦啦好鬼死勞氣..)

下午往港島辦些事, 回家時要在西灣河轉車, 忽然記起這間給阿蘇讚至天上有地下無的車仔麵檔.走進商場內, 只有三數人輪候, 等了約莫十分鐘便到.因為不太餓, 只叫了豬皮, 牛腩, 和豬手三樣, 十六大元. 站在一旁便吃.牛腩不夠腍, 是雪貨, 沒有味, 沒有牛腩的質感.豬皮不夠腍, 沒有味道, 只得三數片.豬手有兩件, 也不夠腍, 味道嘛, 當然欠奉, 只有皮, 又硬, 沒有肉的豬手, 沒吃頭.湯底是豉油加味精水, 當然不敢飲, 但也中招, 在搭車回家時, 口渴到爆炸以後也不會再幫襯.

我放假多數食車仔麵了。呢檔同另一檔都係首選。 我通常只叫 冬菇、蘿白 、豬紅, 廿蚊一碗, 幾大碗, 冬菇好食, 蘿白都係 。我近排少泥左，寧願行遠D去另一檔，唔係佢唔好食，而係成日排長龍，個度又鬼死咁熱同埋，佢D發泡膠碗好臭，一來影響D味，二來對身體冇益！

我一向都鐘意食餸~所以今次只係叫左淨餸冬菇,蘿蔔,齋,鳳爪~四個餸都係$20冬菇~嘩~呢個好滑好味道呀~雖然細細粒~但真係冬菇有冬菇味呀~蘿蔔~几清甜無漬~齋~煮得淋淋地几好呀~最怕有D好似煮唔熟硬硬地咁~鳳爪~一般...下次可以試其他~

今天因趕時間補習，所以便在學生的家附近隨意找一檔快餐吃。很快便選定這間了。其實平時都常常經過，但因肚子不餓而沒有吃。但光看他放出來的餸多達20款，便叫人忍不住口。一去到要排隊，大概有10人，排大概7分鐘便到。叫了油麵拼四餸:雞中翼 : 我吃過的車仔麵中最好吃的雞翼! 入味得很，很濃很夠味雞腎 : 都ok好食，最緊要夠多，有大概4粒雞腎，原粒上魷魚 : 好多! 十幾cm長既魷魚穌有成8-10粒。味道就無乜 ( 用野 lar 到白野無哂味) 但口感一流，好爽。好在無乜化學野既味豬手 : 一般，要加$2 無乜特別環境真係很差，只是隨便放數張枱，給你吃完便要走。旁邊更有很多路人經過，可能會撞到你。但來得這裡，便一早預左，都無失望=]車仔麵中這檔也算是一流，雖然價錢不算平，但勝在量夠多，一定食得你好滿足。物超所值!

聖誕節車仔麵都係第一次今晚太安樓搵食, 行左數個圍也沒有心頭好, 於是想起 "菜蘭"介紹過呢到既車仔麵，於是就跟其他食客排隊等點麵　對於車仔麵沒有喜好，只會去銅鑼灣榮記，味道是okay, 但其實只是求方便居多　今日排隊手指指，好處是見到有賣相討好既餸可以即點,這裡餸多到十隻數唔晒, 24 蚊有4 個餸加埋麵已極具睇頭 都唔知去邊到搵, 味道則可以接受, 但食完後超口渴街坊生意都算係咁了不過太安樓內都幾焗下, 冬天也食到汗流浹背

11月1日（星期日）晚，是晚和女友剛去完美酒佳餚節，是次活動給我們的感覺很差，地方雖大卻有點不方便，儘管已安排很多人手和接駁車，而且攤位分佈有點雜亂無章，最令我費解的是竟然有不少人扶老攜幼的來，看來這祇是個可以喝酒的美食博覽而已。雖然已吃了不少小食，但女友想吃點澱粉質，所以就來食車仔麵。來到太安樓行了一圈，祇有這檔麵檔營業，我先排隊而女友就去搵位，輪到我時就跟阿姐講：魚餅、蘿蔔、咖哩齋卜、粗麵，不消一分鐘麵就可以拿了。我和女友兩人吃一碗，魚餅頗鮮味，蘿蔔爽滑無渣，咖哩香而不太辣，齋卜軟腍，粗麵有嚼勁，我倆很快就吃掉整碗麵了！吃完也不久留，慢慢散步送女友回家。

很久沒有吃車仔麵了！在太安樓見到一檔車仔麵有着長長的人龍，看樣子食物都幾好，於是我和老公叫了以下東西： 牛腩： 牛腩和牛筋都好入味和好淋，只是份量不多‧蘿蔔： 蘿蔔有甜味，亦都好淋，唔錯‧魷魚： 魷魚很有咬口，味道ok‧咖哩雞翼尖： 翼尖浸在湯中仍然充滿咖哩味，好味又好淋，十分好‧豬粉腸：ok，夠淋夠味。東菇：東菇夠淋亦入味，幾好‧油麵： 油麵味道ok‧米粉： 米粉較少，ok‧

今日早左成粒鐘放學, 一於再再太安樓搵食, 但亦都係早左成個鐘既關係, 撞正lunch time, 差d無得eat in.五香肉丁、魚蛋、紅腸油麵上次黎食見到有人叫魚蛋, 雖然細細粒但份量極多, 我都要試試五香肉丁將本來已經濃濃既湯底染成血紅色, 亦增添幾分辣味令本來熱辣辣既我再升溫, 過癮過癮雞腳、牛柏葉、雲吞油麵雞腳好惹味, 可惜得兩隻腳, 好快"損"曬六隻腳趾雲吞有四粒, 算多, 不過俾其他材料比下去下次經過呢頭可再考慮

This noodle place has been mentioned for a while and I had a chance to visit that this evening. There was a little queue at the front of this stall and a photo was hung there showing the celebrity Mr. Choi's visit back in 2005. I ordered a lot of stuff as we wanted to try out the key items as many as possible. The chicken feet, vegi dumplings and tunip were good, but not the beef brisket, not the fishballs and cuttlefish. You may not sit here for your bowl of noodle as this place was not design