大阪王将 (已結業)

一行四人來到city super吃晚餐,安頓好以後大家紛紛各自搵食其中一名友人捧了碟煎餃讓大家一起吃自己一向到日式煎餃有點感冒但環顧四周,發現煎餃的指名率還蠻高的,就即管試試吧~油光滿面的餃子外層被煎至微焦感覺應該蠻脆口的,吃下去卻不是這一回事餃子皮完全不脆口,正如樓下食友所言"餡的材料不分明"讓人吃不出個所以然,故亦沒有什麼好說的餃子,還是我們中式的好~~

上星期五兩點幾先食 Lunch唔想叫飯盒, 所以走咗去時代廣場 food court 揾食我本身鐘意食餃子, 而且記憶中食過大阪王將都好似唔差(約一年前) 所以叫咗個天津飯餐外賣, 即係天津飯 + 六隻餃子 + 湯返到公司即刻開餐開始就食隻餃子先, 一食個感覺完全似微波爐餃子餃子皮有燶但不脆, 小韌; 餡料係足, 但唔 juicy.天津飯仲慘, 可能係我未見識過天津飯, 不過呢個飯我真係唔啱食其實只係一大塊炒蛋 + 類似福建炒飯嘅芡汁 + 白飯底多而濃厚嘅芡汁會令你以為自己湯飯不過, 炒蛋入面係有好幾舊真蟹肉(係真因為我食到有殼...)總結成個餐我最滿意反而係個蛋花湯.四十幾蚊, 心諗低處未算低, 話哂算係足料, 但美味欠奉最後我要再提嘅係, 我呢一餐係外賣, 可能會對餃子嘅評語會唔公平(需然由 Food court 到我公司只有十分鐘, 而我記得唔差嗰次都係外賣)但起碼可以比買外賣嘅朋友作參考.

一早和朋友讚大阪王將的煎餃，空講不如行動！來這里食過咯。今次猛一點，叫了$65的set，內容就真是好豐富，有煎餃12只+炒飯+蛋花湯。主角當然還是煎餃了，今次的水準依舊，朋友都盛讚呢！三下五除二就把餃子們消滅掉了。不過炒飯都不甘示弱，油度適中，既保持香口又不至于過于油膩，又有不少我喜歡的蔥碎與蛋花，調和在一起是款簡約的美味。至于蛋花湯就意思不大，太細份，不過味道也不錯的。這樣的一餐真的是豐富又抵食呢，以后少吃些貴又不健康的西餐吧！當然咯，甜品除外！

之前未試過天津飯，本身也喜歡吃餃子，這店都叫可滿足我兩個願望啦。天津飯是濕身的「日式芋蓉蛋飯」，都是有隻蛋在飯上面，加上個厚兼杰的芡汁，吃落甚空范，有夠失望的。而餃子雖是即叫即煎，但本身餃子肉餡的村料不分明，實是不能分辨內有甚麼，更說不上皮薄餡靚，又失望。何來Encroe之理？

早幾日夜晚放工, 打算去維園行花市, 係時代廣場出左地鐵,就近近地係Times Squares City Super 個foodcourt叫個套餐\\\快快趣趣食完就行花市.行到去呢間食店, 見到個唔知什麼2號套餐\\\$58有個大湯麵, 有碗細size炒飯, 同有6隻餃子, 見好似好抵食, 於是就叫, 叫左咁就hi晒野.1. 首先個餃子都仲ok, 不過不失.2. 個炒飯就好麻麻, 免強可以接受.3. 果個湯麵簡直一文不值~!!!!!!!!!!!!!!!!!!!擺\\\出來個陳列同實際上係天淵之別(雖然都預左兩者都有分別, 不過完全想像唔到可以差得咁遠), 起初我仲以為佢\\\俾錯左, 於是我返去同佢\\\講係咪攪錯, 我叫果個係2號餐\\\, 點知果間野個職員話呢個係2號餐\\\呀, 係咁ga la, 都唔知係咩服務態度~果個湯麵, 面頭一大堆菜, 幾片魷魚同豬肉, 一隻咁大把既唔新鮮蝦仔; 成碗麵都唔知係咪就咁搵滾水煲熟就算, 湯底完全無湯底味.咁o岩坐係我隔離有位太太都同我一樣叫左呢間野既2號餐\\\, 我聽到佢\\\同佢\\\一齊個女仔(我諗係佢\\\個女)講話d麵好難食, 好

去ＰＡＧＥＯＮＥ睇書，睇到悶落黎食個ＴＥＡ，係ＦＯＯＤＣＯＵＲＴ行黎行去都唔知食咩好，望到呢度既餃子好似幾吸引，就要一碟試下.其實一個人食都幾多，不過唔緊要，餃子唔太熱，個皮有Ｄ硬，入面個豬肉就ＯＫＡＹ，不過未叫好好，味道叫合格，不過就油左Ｄ整體叫合格，如果要再黎，就要考慮下

記得當年第一次踏足東洋的第一餐，就是吃天津飯。吃畢，心裡暗忖，原來日本人吃的東西是這樣難吃的！當然之後已知，日本料理不等如這個天津飯，但這個飯也不是浪得虛名的，因為就正是日本人最喜歡的三種中華料理之一。是日極忙，又去美食廣場吃午飯，上次吃了最不懂欣賞的日式咖哩，是日一於「再斬幾兩」，再吃吃同是不喜歡的日式餃子，加個天津飯。煎餃子即叫即煎，還是即場包製的，都不可以說是沒有誠意。但皮薄而韌，肉餡不鬆又沒有肉香，此乃日本餃子的特色，當然我還是那個意見，就是我們的窩貼是好吃多了；天津飯其實是將蟹肉加入蛋，加上大量芽菜及王，幾粒蝦仁，放上飯面，再打個厚厚的芡汁便成，而那個厚芡，就是其中一個我不喜歡天洋飯的原因。這裡的天洋飯，只有蛋，沒有多少蟹肉，蟹柳也沒有，亦沒有蝦，只有那個厚厚的芡汁，真的不知算是什麼勞什子的天津飯。加一罐汽水，盛惠五十多元，實在是物非所值。不愧為我最不喜愛的日本料理的其中兩味。

坐底已經發現附近檯啲人好多都係食佢架喎~~ (啲碗有名)去到揀咗好耐先落到單, 因為佢啲套餐好大份喎!! 又湯麵又炒飯又餃子...一係就個配撘好古怪喎~~ 如湯麵配一碟咕嚕肉加六隻餃子....... 最後由於我哋兩個都想食湯麵, 但如果一個餐又好似唔夠食咁,所以一人叫咗一個「王將套餐」, 即係一大碗海洋湯麵, 一碗炒飯, 加六隻餃子!嘩! 真係好大份量喎, 再搞搞個湯底, 原來仲要有少少湯羹咁樣架!!睇到都已經半飽啦... 一定食唔晒!! 唉... 玩大咗添..................我諗佢咗餐都係預人兩份食, 但唔明點解佢唔將個份量減細, 係要迫人兩份食囉!!!有啲人唔鍾意同人share 食嘢架嘛!最後食淨半碗湯麵, 不過老老實實, 呢間嘢都冇食評度寫得咁好食咋喎~~啲餃子凍晒既! 啲炒飯好普通, 我個碗暖暖哋, 朋友話佢個碗直頭熱都唔熱下!三樣嘢最好係個麵, 不過個湯底真係杰咗少少, 啲料嘛嘛哋好食, 啲麵又係嘛嘛哋...食完後雖然已經一人飲咗杯半水, 但都係好口渴, 即係味精嘢啦!!唉... 可能對呢間嘢既期望太大, 所以好失望......

24/12(一) 3pm平安夜的下午,兼職後丁丁到群情洶湧的銅鑼灣,先解決生理需要方攻陷工展會.到時代廣場內的food court應可稍得坐得安樂點.我倆點了一個$52set:煎餃子,野菜拉麵,炒什菜.男友瞥見我端著的全是菜菜菜,面口自然不甚好看!煎餃子--質素保持一流水流,外皮焦脆,餃子爆汁肉餡鮮嫩.炒什菜--椰菜,蘿蔔,青椒,鮮菇,木耳等素材同炒,味道對辦.野菜拉麵--湯底略為稠身;味帶點梘水.至於拉麵著實彈牙有勁;野菜跟炒野菜的材料及味道相近.一人餐二人份量,$52,價錢合理!

11.28，是葛福臨佈道會的奉獻禮：先將一眾事奉人員潔淨、奉獻給衪，然後才開始佈道會。很好的意念!　早放的我與day-off的細佬一起先出發，時間關係，我們去時代廣場Citysuper food court食飯。原來CWB店的食物選擇比TST店略少，ban了咖哩、薄餅等熱氣食物後，由我拍版選擇重溫大阪王將。　招牌煎餃-上次在尖咀店吃過覺得驚為天人，怕不夠喉今次要了一打，卻有點失望。其實煎餃皮仍然薄脆，煎的火侯也掌握得好十分香口，不過餡料似乎過咸，加上醬汁頗油，所以感覺頗膩。尖咀店做得較好吃!　咕嚕肉-沒有咕嚕肉應有的甜酸味，十分之一般，好處是明顯食用色素也少，應該會較健康吧!　豚肉拉麵-傻展，豚肉即是豬肉呀~拉麵湯底淡淡的，加上大量蔬菜是十分之清淡與健康，不過就與美味有好遠的距離了。　沒法，大阪王將的招牌就是煎餃，其他食物都是麻麻。明天去隔壁的元八吃拉麵吧~

「迷你天津飯」其實不算迷你，上面的滑蛋亦確實很滑，雖然沒有什麼材料，不過撈飯食都不錯，況且對我來說，餃子才是主角。餃子底部煎得夠脆而不厚實，面頭的皮則仍然又軟又薄，內裏餡料不多但算軟滑且有肉汁，food court中已是幾好的選擇。

去時代廣場food court醫肚。想要個輕便午餐，見到有檔賣日本野食，包括餃子。就呢一間喇。叫了一客餃子。廿蚊六隻，“送”杯水。我自己買咗支十五大圓嘅西瓜汁，解解熱氣。哈，無諗過啲餃子又幾好味噃。皮薄，裏面啲豬肉唔會實duk duk，加埋些少生菜，唔會好膩，點埋佢地啲醬油，真係幾唔錯。

見到禁多好評! 咪特登去試下餃子囉! 好普通料炸! 20蚊6隻! CITYSUPER急凍櫃內有20蚊12隻, 不過要自己煮.沒有下次了, 都唔抵食!

今日同女朋友睇完戲,去左Times Square Food Court,諗左好耐我地決定都係食呢間:我: 6隻餃子+半份湯面+咕嚕肉$ 58女朋友: 6隻餃子+芝士天津飯+海苔湯$ 62D餃子keep到呀, 又薄,又juicy,餡又ok芝士天津飯雖然d料好簡單,但整得好好味,汁吾會太salty.咕嚕肉有d失望,色太深,雖然幾好味,但係得5舊仔..反而勁多洋蔥=.=整體黎講都ok呀,係碼吾太貴,吾駛點等位,又食到幾好味既野

上次食過apm果間,試過覺得都幾好味...於是尋日o係cwb"搵食"都諗住食呢個...見佢有幾個set,d餸基本上一樣,分別只係在於配飯定係面...咁我地見到有2個set好似wor...但價錢唔同...咪問下個阿姐有咩分別law...點知佢一開口就好唔耐煩咁話..."一個係飯一個係面"...咁我地就話la..."唔係wor...li個係面我地知吖...但呢2個都係飯wor.."跟住個阿姐就好似唔想答咁...再repeat多次..."咩ar?都話一個係面唔係飯咯..."我地見佢唔知我地講乜,就諗住是但la...求其叫一個la...都係差幾蚊jei...點知好衰唔衰佢呢個時候終於明我地問乜...佢就話啦..."你地有無睇ga?...一個係半份黎ga..."睇我地係有睇,但個"半"字係寫o係日文果行...中文翻譯果行係無個"半"字...咁我地唔識睇日文,無留意到日文果行,咁邊睇到有個半字jei...同埋都係一個問題,你答左咪算law...唔洗話我地ma...嬲嬲地即時調頭走...