大街餐廳由Coca-Cola®呈獻

營業中

休息中

超級無敵耐冇入迪士尼啦✨難得入園 順便嘆個港女下午茶～ 同嘆冷氣! (夏天呢個最重要呀!!!個人覺得大街餐廳下午茶係全個園區最抵食嘅！$398/2 出面普通cafe食個high tea可能都唔只呢個價! 餐廳分咗兩邊 玻璃房& vintage啲嘅房今次坐咗玻璃房 靚靚 坐窗邊仲會望到城堡! 不過會曬啲我今次係10:30am入園 一入就去餐廳門口登記拎籌然後會收到籌號短訊到3pm會按籌號碼安排入座～ 如超過5個號碼,需要重新登記輪候不過當日好好彩 過咗號碼都安排到入座✨但大家都係提早到穩陣啲！-🏰【大街餐廳下午茶】$398整體味道係幾高質 特別係鹹點！性價比高✨鹹點☞︎ 鮑魚蘑菇撻☞︎ 牛小排配雞肉慕斯☞︎ 芝士蘑菇釀雞翼☞︎ 香炸脆網南瓜春卷☞︎ 香炸蝦膠魷魚酥☞ 黑松露炒蛋蘆筍煙三文魚卷配粟米脆包☞ 蒲燒鰻魚配蘑菇脆包鹹點全部都幾好食 中上水準 設計配搭都有心思💕個人比較鍾意蝦膠魷魚酥 黑松露三文魚包 同牛肉😋甜點☞︎ 榛子朱古力撻及☞︎ 紅桑子朱古力蛋糕☞︎ 士多啤梨棉花糖夾心曲奇餅☞︎ 香橙泡芙☞︎ 馬卡龍及鮮雜果沙律☞︎ 即烘鬆餅甜點相對就正正常常 大部份都有迪士尼角色造型 好可愛！個人比較鍾意朱古

7:30pm收園，懶得出去搵食，用最後1%電嘟咗入大街餐廳，坐低發現部電話已經熄咗😂👍🏼本身想話去客服擺低電話叉電，食完飯先拎番走。點知去到話要俾證件佢登記先得喎🤷🏼‍♂️係咪驚bad boy拎賊贓嚟。行番去見d野食已經到哂，索性爽手食完野番歸算。大街精選套餐 $288唔同主菜唔同價錢，可以再加$30配一份甜品。今次Bad boy就揀咗：前菜海鮮大蝦沙巴翁配龍蝦汁🦐🦞其實bad boy唔係太識欣賞佢個擺盤，我只覺得一堆立雜野擺堆一齊……海鮮係一粒帶子同一粒青口，urm…普通囉😅bad boy完全無意慾食呢碟野主菜香烤西冷配西蘭花椰菜花芝士撻🥩🥦🥧Bad boy係食肉獸，見到大大舊肉就🤤。但佢咁好心機遮哂d肉，成功令bad boy無乜食慾，睇落都唔覺會好食。都係果句唔識欣賞個擺盤🤪叫咗5成熟，肉質偏實淨，偏乾唔juicy，有肉味，唔算難食，只係性價比低。🌟全場最好食嘅野係個芝士撻，芝士味濃郁🧀，撻皮都唔錯🤤另外叫咗兩杯野飲Duffy’s Chocolate Duet $62焦糖雪糕可樂 $30都係中規中矩都幾肯定食過一次唔會再食，呢個價錢食d好食少少嘅野好過😉#迪士尼美食 #香港美食 #h

當日樂園Offical關閉時間為19:30，餐廳的Last Order時間為20:00，可以用餐至20:30。平日呢間時間幾full，需要企定定嚮餐廳門口等位。當晚可以即時入座，所以就決定小試一次。筆者大約係19:00入座。。總括嚟講，餐廳主要係賣氛圍同賣相，食物質素正正常常，價錢係偏貴。餐廳環境係乾淨衛生嘅，而且一貫係迪士尼作風，服務態度誠懇有禮。。點咗一個大街精選套餐 - Corner Cafe Set Menu，係下午五時後供應。套餐係根據主菜而定價，包前菜、主菜同樽裝汽水。。🍲前菜或湯 - Appetizers or Soup海鮮忌廉湯 - Seafood Cream Soup呢款湯感覺係最穩陣嘅一款前菜，而且筆者想試下熱食。上枱時，湯嘅熱度係足夠嘅。忌廉湯質感十分幼滑，滑不溜口，味道香甜。。海鮮配料包括有帶子、小蝦仁、魚柳塊。面頭嘅係香草橄欖油，橄欖油增添咗少少herbs嘅香氣，味道都豐富咗。。主菜 - Main Course大街特式龍蝦包 配蟹籽、生菜、西芹、洋蔥、番薯條及咖哩沙律醬Corner Cafe Lobster Rollwith crab roe, lettuce

星期日同個女去迪士尼,見到間幾好餐廳,行入去試下,一坐底,樓面係甘推介一個下午茶餐(2位用)$398.都幾貴,唔緊要預左,叫一個餐加一個兒童餐。下午茶餐足足等左45分鐘先到,一般甜品,都等甘耐,樓面所有野即做,所以要甘耐。兒童餐好快到左,蛋包飯加布甸,生果,多謝$118終於等到,第一時間試下,酥餅(樓面話即做)個心凍甜品好甜,好多 蒼蠅 嬲來嬲去 。落咗我哋碟嘢食到,跟住找個經理,經理話即時換過送一碟嗰啲朱古力畀我哋話唔需要喇,我哋只是想你正視嗰個餐廳衛生。

好高興呢，已經好難引發我，沒有邀請底下寫食評了。今日來到迪士尼做一下米奇老豆，去到呢間大街餐廳，事實呢間餐廳都OK貴…不過就腳冇辦法啦。睇我食評嘅人都知會講吓揸車先，泊車$260.1日。如果你屋企附近有地鐵去方便當然搭地鐵。冇得輸。還有一點很有趣嘅，我睇到樂園其中寫住平板車可以進入樂園，但現實係唔俾㗎。呢點係要留意番。順便講吓迪士尼啦，好玩的，不過價呢，就OK搶。原本以為迪士尼冇乜刺激嘢，後來未來世界嗰個過山車我直程感覺有危險😂😂，其他都係OK冇問題放心。玩完去到五點幾，就食嘢啦。去到呢間嘢，又問我哋有冇book枱，我話冇佢就話要排隊，排隊冇問題。但係餐廳裏面明顯好多空枱，你學蘋果節牙膏，都做得好啲唔好俾人排隊嘅時候睇到🙏🏻入到去叫嘢食啦哎呀我都唔講，自己睇相…..$400一個人唔係問題，真係用可憐來形容。可以的話改進一下。你可以設定每人最低消費，咁我嗌多幾樣嘢食怕咗你唯一可以讚就係嗰碟「芥辣」有老竇個樣😄😄

每次入到迪士尼都掛住玩機動遊戲🤣今次朋友提議話不如試下個tea set所以先有機會去食😂😂😂睇左攻略見到啲人話好快會full所以一入員就先去拎飛😆好方便 職員會sd番個sms俾你到時你2點幾過番去餐廳等一等就可以入啦👍🏻下午茶時段基本上每一枱都係叫Tea Set而家係Duffy做主題有幾款食物都有佢個造型好似係朱古力🍫 凍飲🥤生果🍉好靚好得意🥰🥰🥰打卡一流😍影左好耐先食當然味道認真係一般既😗甜點方便真係每一樣都超甜😳反而鹹點係好味嘅😚不過入得黎樂園食呢啲都係為左影相📸️$398 可以2個人食👭🏻係樂園黎講絕對唔算貴🤣傾下計影下靚相叉足電又可以出去玩過啦😆

♡̴ 𝐂𝐨𝐫𝐧𝐞𝐫 𝐂𝐚𝐟𝐞 𝐒𝐞𝐭 𝐌𝐞𝐧𝐮 $𝟐𝟖𝟖𝐀𝐩𝐩𝐞𝐭𝐢𝐳𝐞𝐫𝐬 𝐨𝐫 𝐒𝐨𝐮𝐩𓄼 𝙲𝚑𝚒𝚕𝚕𝚎𝚍 𝚂𝚎𝚊𝚏𝚘𝚘𝚍 𝚊𝚗𝚍 𝙿𝚛𝚊𝚠𝚗 𝚂𝚊𝚋𝚊𝚢𝚘𝚗 𝚠𝚒𝚝𝚑 𝚌𝚛𝚞𝚜𝚝𝚊𝚌𝚎𝚊𝚗 𝚜𝚊𝚞𝚌𝚎海鮮大蝦沙巴翁配龍蝦汁其實係凍盤黎 連啲菇菌同蔬菜都係凍好搞笑😂 大蝦正常發揮冇乜特別🦐 反而個汁整得幾有有鮮味🦞𝐌𝐚𝐢𝐧 𝐂𝐨𝐮𝐫𝐬𝐞𓄼 𝙶𝚛𝚒𝚕𝚕𝚎𝚍 𝚂𝚒𝚛𝚕𝚘𝚒𝚗 𝚂𝚝𝚎𝚊𝚔 𝚠𝚒𝚝𝚑 𝙱𝚛𝚘𝚌𝚌𝚘𝚕𝚒, 𝙲𝚊𝚞𝚕𝚒𝚏𝚕𝚘𝚠𝚎𝚛 𝙲𝚑𝚎𝚎𝚜𝚎 𝚃𝚊𝚛𝚝, 𝚁𝚎𝚍 𝚆𝚒𝚗𝚎 𝚂𝚑𝚊𝚕𝚕𝚘𝚝 𝚒𝚗 𝙲𝚘𝚌𝚊-𝙲𝚘𝚕𝚊®️ 𝙼𝚞𝚜𝚑𝚛𝚘𝚘𝚖 𝙶𝚛𝚊𝚟𝚢香烤西冷肉味ok👌🏻 生熟度剛好但就有根位 比較難咬🥩 紅酒乾蔥可口可樂白菌燒汁有助提升肉味🍷 而西蘭花椰菜花芝士撻撻皮夠脆 芝士味較濃 不過不失🥦評分: 7/10🌟‪♡̴ 𝐂𝐨𝐫𝐧𝐞𝐫 𝐂𝐚𝐟𝐞 𝐒𝐞𝐭 𝐌𝐞𝐧𝐮 $𝟐𝟔𝟖𝐀𝐩𝐩𝐞𝐭𝐢𝐳𝐞𝐫𝐬 𝐨𝐫 𝐒𝐨𝐮𝐩𓄼 𝙿𝚞𝚖𝚙𝚔𝚒𝚗 𝚂𝚘𝚞𝚙 𝚠𝚒𝚝𝚑 𝚌𝚛𝚊𝚋 𝚌𝚕𝚊𝚠南瓜湯飲落幾濃郁同重南瓜味🎃 質地亦唔會太稀🤞🏻 蟹鉗都夠新鮮🦀 奉送既餐包同多士最啱點湯食🥖 最特別係多士上面既𝚍𝚞𝚏𝚏𝚢牛

去迪士尼玩，想坐得舒服又有冷氣，就要去Corner Cafe. 但要一早去拎籌，12點鐘先返黎食lunch.餐牌選擇唔算多，但睇圖片就幾精緻嘅。前菜係海鮮大蝦沙巴翁，雖然唔知係咩，但有少量海鮮，仲有龍蝦汁，涼涼的，夏天食係幾開胃。但份量太少了。大街特色龍蝦包，龍蝦肉有兩件，都算啖啖肉，但味道較淡，要加埋醬汁食會好啲。麵包唔夠鬆軟，又較乾身。配菜蕃薯條好好食，又香又脆又夠甜，食唔停口。小食拼盤，炸雞幾好，唔會好乾，雞肉頗滑，春卷幾香脆，唔會油淋淋。 整體黎講，食物唔錯，價錢略貴，份量太少，但如果想炎炎夏日，坐得舒服，又有侍應服務，呢度係唔錯選擇。

呢排啲學生考緊試，星期三入樂園，遊人唔多，大部份機動遊戲都係排5-10分鐘，仲預約到3pm去大街餐廳試佢個Duffy tea set (之前次次嚟到都話full booking) ⋯⋯ 準時3pm去到餐廳，我哋no.21，個姐姐順冧巴叫，大概10分鐘就叫到我哋⋯⋯ 講真呢個tea set味道一般啦，但個賣相都幾靚嘅，如果有小朋友或者同女朋友去吓打卡都唔錯嘅😏

夏天去迪士尼次次去都熱到溶左，次次去迪士尼都想試下Corner Cafe 既Tea set，所以專登樂園一開門就入黎book 定位先。Corner Cafe 既Tea set 係無得提早幾日book 既，一係就walkin 排隊，一係就一開園無耐去餐廳門口排隊去book 定想要既timeslot。 我呢日就一開園就行入去book 下午茶時段，收到確認sms 之後，餐廳同事就提我記得1500 翻黎餐廳等叫我個預約號入座我1500hrs 就翻到去餐廳門口等同事安排我入座，今次同事安排左我地坐窗口位。 一set 下午茶就398 加一。成個set 性價比都好高，除左打卡able 之外d 野食都不過不失～下午茶set成個set 主要分左左鹹點同甜點連兩杯野飲飲品Duffy 熱朱古力Cookie Ann 烏龍芒芒甜點個人覺得甜點比鹹點遜色小小，但係d 甜點都好得意，都係Duffy and Friends 既主題Duffy榛子朱古力撻Shellie May紅桑子蛋糕CookieAnn 香橙泡芙及鬆餅士多啤梨棉花糖夾心餅Duffy 雜果沙律馬卡龍鹹點我覺得d 鹹點都好好味，相比起甜點來說。鮑魚蘑菇撻牛

上次萬聖節去買Duffy雪糕果陣見到隔離有間好靚既童話式建築餐廳即刻心心眼😍🍴係大街隔離既餐廳食飯好似好正，有格仔窗望出去好chill又好打卡able🤪所以今次聖誕節🎄有機會再黎就好想體驗下啦，佢嘅食物有迪士尼Signature所以如果喺聖誕節食嘅話一定會好有氣氛佢既價錢都唔平，都288未加一🥲ww一副死港女既樣望著我👶🏻由於佢無得book位大家都係walk in，我地一黎就排左半個鐘先入到去，好好彩咁有得坐靚靚格仔窗隔離😍⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫$288 for Each Set🍄野菌忌廉湯配松露牛油多士 (7/10)佢一黎我地都呆左，因為無諗過佢個樣一d都唔似湯而係似Cappuccino☕️上面有舊Duffy樣既牛油，丟左舊牛油落個湯度之後好Creamy👍🏻真係更加香濃同埋香滑🙈不過成舊牛油咁丟落去感覺真係少肥～🦀米奇蟹餅配蜜糖青檸沙律醬 (8/10)除左個樣係米奇，佢個味道都幾有驚喜，真係有一梳梳蟹肉，外面既餅脆脆地，有d沙律醬咁都幾好食🥰🥩香烤西冷配西蘭花椰菜花芝士撻配紅酒乾蔥白菌燒汁 (8/10)主菜就係西冷椰菜花薯蓉，呢份都好有驚喜，本身我地

迪士尼園內餐廳基本上係又貴又唔算好食，唯獨係喺大街餐廳有個限量嘅下午茶性價比算係幾高！呢個下午茶其實推出嘅時候都有好一段時間，但一向都幾難排到隊食，餐廳會一開園就派不同時段嘅籌。今次入園為咗可以食到，晨早流流一開園就喺美國小鎮大街飛奔到大街餐廳攞籌，留個電話號碼收到SMS confirm booking，服務員都會提醒你2點45就可以翻餐廳門口等嗌飛！果然無令人失望，下午茶性價比好高（當然要考慮翻畢竟係園內餐廳消費），相比起甜點嚟講，咸點更加出色，味道比起其他園內餐廳更好味！Duffy & Friends 主題適合打卡之餘又夠飽肚，二人份量加特色飲品盛惠$398 + 10%off，完全不枉朝早就入園訂位！

小妹呢排瘋狂去迪迪尼…今次又去另一餐廳🍴試食吓🤗 呢間餐廳位於大街，菜式加入獨特Coca-Cola®特色元素🔥但呢度冇港式可口可樂雞翼/可樂骨，而係其他食物，加上以迪士尼樂園餐飲價錢算得上合理。餐廳環境佈置以維多利亞式風格為主，陳列一系列經典Coca-Cola的仿製珍藏✨主食：🫕南瓜湯配蟹鉗香濃滑南瓜味道非常香濃，且有隻足料蟹鉗🦀湯上更有塊長多士+Duffy凍朱古力🍫冷熱配搭正🥳🍝香煎帶子大蝦闊條麵配蟹籽本菇香茅汁 帶子口感不錯且鮮甜，大蝦彈牙爽口，闊條麵口感不錯，唔會覺得太硬/太淋，小妹最欣賞係個汁，非常出色，感覺清新，好creamy😋惟一份量唔多～甜品：🐻🧇Duffy and Friend窩夫配雜錦草莓及雲尼拿雪糕與普通窩夫味道一樣，但呢個窩夫係即叫即便，做到熱既感覺，配埋凍冰冰雪糕🍦，冷熱交替好正😍😍😍 潮聖打卡絕對一流🐒🥭🥤特色飲品：烏龍芒芒茶Cookie Ann's Mango Lagoon 芒果同茶味都濃🥭口感不錯，重點係打卡好靚😚呢間餐廳環境好舒適又有職員serve😚 最正係食物都以迪士尼🏰卡通人物Duffy 🐻造型，可愛之餘，仲打卡📸絕對值得一試😆特別一提係可以對住城堡

晚上去到Corner Café醫肚。睇星夢光影之旅之前係最近位置食晚飯。點咗個Set Dinner，個餐包括香煎鮮蝦蒸魷魚卷、帶子大蝦闊條麵及個Duffy & Friends 窩夫。個香煎鮮蝦蒸魷魚卷，海鮮好新鮮。屬上等食材。食到蒸魷鮮甜味。個帶子大蝦闊條麵賣相好精緻。闊條麵彈牙，爽口。白汁好鮮甜。入口好開胃。正中意大利闊條麵口味。海鮮食材彈牙。鮮蝦好甜。最後個Duffy & Friends 窩夫好精美。個雪糕份量太細粒。雲尼拿雪糕好正。間餐廳橫裝好似仿古式美國西餐廳。高級橫裝，好重浪漫氣氛。建議情侶一早訂枱，同戀人一齊進餐，就好滋味。Set Dinner 係煎鮮蝦蒸魷魚卷加帶子大蝦闊條麵總價$288+10%。如要加多個甜品，要補水$30。總價加10% = $349.8。

今次已經係第五六次入去食嘢，每一次都令人十分失望，食物煮得唔好食都已經不是重點了，真係唔明白點解食物一啲都唔熱，完全唔似啱啱煮出嚟，似放喺廚房入邊暖住佢，只可以用微暖嚟形容，大概5、6成左右，本身食物味道已經一般，仲要唔係新鮮熱辣，這樣令食物更加覺得唔好食，我哋叫嘅係套餐，但竟然唔包飲品，加錢都算，仲要冇得加，要用正價，因為飲品係每餐飯必須，好似要逼人用正價買杯飲品，到最後用正價買咗杯特飲，但沖出嚟嘅質素仲差過茶餐廳杯凍檸茶，都係要講返啲食物質素，雖然唔係重點，但都係一個問題，我叫咗一份牛，侍應問我要幾成熟，我話要七成，出到嚟係全熟，咁其實使乜問我要幾成熟，餐廳價錢不是平，但食物味道質素十分失望，入樂園都預咗使錢，但洗得唔開心唔值得會令人失望，食完出嚟仲要一啲飽肚嘅感覺都冇,非常誇張