大眾麵家

營業中

休息中

置身店中彷似遊歷大陸山川中的食肆，無論門面及舖內的裝修擺設、以至肥佬老板的一身做型都形成一種和城市格格不入的氣氛。至於由肥老細烹調出來的担担麵亦是實而不華，充滿濃濃的鄉村味道，雖然不是我食過的担担麵中最好，不過久不久感受下農家小菜的風味都令人感到愜意！😋

我今日午餐外賣叫左呢間鋪一個套餐，套餐有：鮮豬潤麵、拍青瓜、水餃和滷水蛋，另外再加了一支豆漿，總共61元。首先，鮮豬潤好厚大塊，入口爽口，味道也很好！不過，麵的份量有點多，我就食極都食唔完（笑），淨係食麵都飽了😀。一碗裡面的麵有很多，相對地水餃只有兩隻。個人而言，我更希望麵的份量少一些，水餃的份量多一些。另在看菜單的時候，我沒有預料到小食是一個細碗裝曬全部小食，以為一個餐有咁多配菜，貌似豐富。當外賣送到後才知道這碗裡面已包含了三款小食。滷水蛋的味道很普通，沒有什麼特別之處。至於拍青瓜，切得比較細粒，份量比較少做啲咩。整體呢個套餐：鮮豬潤口感很好，但麵的份量可能有些過多。希望水餃的份量能多一些，而拍青瓜的份量也可以增加。當然，這些評論是根據個人口味和偏好，不同的人可能有不同的喜好。

香港這類型舊式小店買少見少，所以如果遇見真的要支持一下。老實說這家店的環境略為簡陋，風味卻不會令你失望，點了F餐，有北京炸醬麵一碗，再加涼拌土豆絲再加水餃和雞翼，因雞翼售罄，所以改成水餃因禍得福。土豆絲和水餃都好味道，其實水餃值得點一碗，可惜最少也有7個，現在的3個剛剛好。北京炸醬麵跟廣東的一樣是拌麵，是肉燥不是肉絲，深啡色的醬汁帶點甜味，芽菜清爽，加上麻醬和蔥粒，好味道。跟一碗湯，淡淡的。

想平平地食餐 呢度啲嘢幾平、聽講水餃係主打 ,即刻入去坐吓先E餐四川擔擔麵+拍青瓜同雞亦+兩粒無味精水餃🥟 拍青瓜食落爽口仲有啲蒜蓉味好清爽 天時熱食啱嗮水餃個餡好味 不虧係招牌炸雞翼唔脆都預咗 呢個價錢唔可以要求太高😂 個麵就正正常常啦 小辣程度 ,如果下次再嚟我會嗌返淨水餃個餐/或者試吓炸醬麵、牛肉麵因為我鐘意周圍去試酸辣米線 所以嗌咗個酸辣紅薯粉 ,呢個比擔擔麵仲要辣啲 唔太食得辣唔建議嗌 ,湯唔酸無咩味 ,唔係幾鐘意有蒜頭出現喺酸辣湯裡面 好似有啲格格不入咁😅 味道擔擔麵比呢個好啲

油麻地區嘅平民價錢老麵店，店內裝修都比較殘舊，當然係唔太衛生，但係呢啲價錢好難要求，裝修靚嘅又要加價攤分裝修費白菜豬肉水餃10隻 $ 36湯清香，餃子質素保持水準，片煙韌餡料足四川擔擔麵 $25因為買外賣，所以我睇住佢點樣撞出呢個湯底，原來都有唔少醬料同配料，花生醬、醬油、青瓜絲、炒肉碎、蒜茸等等，我都唔太記得，只知足料其實小店老店，我都希望支持到一次得一次💪，唔係以後就只有食集團食店架喇

佐敦近油麻地的一間小店如果唔係有人介紹應該都唔會入去，加上疫情之下呢d殘殘舊舊嘅舖頭真係唔係咁敢入去，但係食過佢嘅麵就知道真係值得一試。兩個人叫咗兩碗麵，一碗係牛肉麵，另一碗係北京炸醬麵，之後再叫咗個韭菜豬肉餃同埋一碟土豆絲。北京炸醬麵最出色，同我哋食開嘅廣東炸醬麵好唔同，佢嘅炸醬係肉茉，配上青瓜絲，好fresh好好味。牛肉麵嘅牛肉比想像中嫩，份量都幾足。土豆絲酸酸辣辣好有風味，個韭菜豬肉餃應該係自家製，餡嘅豬肉同韭菜嘅比例幾好，所以整體黎講都真係幾好食。

老實講，如果唔係朋友介紹，我一定唔會入呢一間麵店，亦都唔會知原來呢間小店嘅麵食咁正。我叫咗北京炸醬麵同埋白菜豬肉餃，北京炸醬麵嘅炸醬同我哋廣東炸醬麵嘅炸醬好唔同，北京炸醬麵嘅炸醬係用一啲肉碎撈咗類似驚悉甜醬(即係有少少似食北京田鴨嗰種甜醬，不過就唔會太甜)，再配上青瓜絲，另外都有一碗湯跟埋，我覺得呢個面夏天食好啱，因為好清爽，而且係拌麵，入面冇湯，所以唔會熱辣辣食到成身汗。白菜豬肉餃都好食，我鍾意佢係人手包唔係出面工場交貨黎。呢一間小店非常舊式，如果鍾意懷舊口味嘅朋友就唔好錯過。

呢間鋪好低調，裝修好一般，入鋪內只會覺得好唔衛生，因為佢好多食物都係攤開晒，而且開放式廚房，不過都只係價錢同味道吸引我擔擔麵 $25湯底濃厚，香氣十足，肉碎，青瓜絲足，味道唔過濃，唔辣，麵底掂浸左15分鐘都冇變淋，如果堂食應該好煙韌水餃麵 $28水餃五隻，麵底一樣，不過湯底就太清淡，冇乜味道，不過呢個價錢冇投訴佢地唔少款式嘅麵食，就算幫襯佢一個禮拜都唔會厭，而且價錢實惠合理，大食者仲有套餐可以叫，有小食雞翼跟埋都係$4x，抵

路過小店 無咩裝修但有自家水餃款式多 分量大 抵食 $36！無味精外賣只需加一蚊擔擔面 配料多 面多炸雞翼 夠大隻水餃有兩大粒 無味精手拍青瓜份糧都多 如果小食計這個餐物超所值！

一間油麻地超唔起眼嘅麵家，冇裝飾，冇廣告，只有一大張餐牌貼係店外，去到買外賣時都係冇客人。。。。水餃麵 $28呢個價錢有 5 粒水餃，我覺得抵食，湯底清清地，餡料好足好有味，皮薄有咬勁，另外係麵質煙韌，就算啲麵浸住湯咁拎返去食都有淋爛四川擔擔麵 $25雖然冇配菜，只有肉碎同青瓜絲，但係成碗麵精髓係個湯底，真係濃稠度剛好，辣度對我就唔夠，不過適中，仲有少酸少甜，不得了兩碗麵價位都唔洗$30，但係份量係可以食到飽，真係堅高性價比，而且堂食仲有個套餐餐牌，麵配水餃同小食都係 $36-$40 左右，正餐真係可以考慮。唯一係廳面衛生環境一般，始終係舊式麵舖，但係無加一，加上即叫即煮，5分鐘已經搞掂兩碗外賣麵，我覺得超有效率希望未來仲見到呢類舊式食店嘅存在

搬左寫字樓之後都冇黎過，難得經過要再食返🤤帶埋朋友一齊黎食，佢嘅comment 係家嘅味道😂唔錯啊，冇味精。水餃味道啱啱好，不過啲餡料好似冇印象中咁多，但都啱啱好。佢啲餐嘅小食其實可以轉嘅，但如果係個伯伯落單（我估係老闆），佢可能唔記得你話要轉咩，或者講多幾次先明。但老闆娘（我估係啦，姐係煮嘢食嗰個）就好醒嘅，一講就明，收錢仲可以心算（我加減數都會計錯😂），老闆就要㩒計數機。今晚都闆唔喺度，老闆娘落單再煮埋，我鷄翼轉左鷄蛋☺️鍾意食佢啲水餃，跟餐嘅水餃其實都可以揀白菜定其他。之前食水餃餐真係太飽，所以都係叫擔擔麵，好似少啲餸應該冇咁飽。但有少少辣咁好開胃，飽左都忍唔住食晒🙈 個手拍青瓜係蒜同醋，唔辣嫁。薯仔絲印象中都好味，鷄翼係炸嘅，所以冇咩興趣🙈咁樣一個麵有埋小食$36，仲要午餐晚餐一樣價，抵！仲要冇味精，家的味道🤤 唔係以前同事介紹都唔會入去食，因為門面唔太吸引，真係好簡陋😂 戴返頭盔先，食極都係食水餃面同擔擔麵，好滿意，冇試過其他🙈

《第二次介紹》原因真係好好味🤭💓我次次來都係食一樣。(淨水餃)香芹豬肉水餃涼拌土豆絲+鹵水蛋炸雞翼仲有碗魚湯/雞湯講緊都係$38真係唔推介都唔得😋。小插曲：當我就快食完心裡好驚突然醒起未㩒錢打開銀包真係得一張$20頓時內心無限句pk諗左一陣決定問下隔離枱個叔叔有無電子錢包我過數俾佢請佢幫我俾現金(因為小店只收現金)點知叔叔好好人叫我放低就得尾數佢幫我找我真係超級感動😭#人間有愛。我走左之後醒起附近有ok便利店衝去買左包紙巾順便㩒埋錢之後再衝番去舖頭叔叔第一句係：咁都有嘅？🤭我真係覺得唔好意思🤣成件事我真心感到…錢，真係唔係最重要人同人之間嘅信任同愛先係重點！

去開單車店🚴🏻‍♀️🚴🏻‍♂️ 要等朋友 又有d餓 是但搵間野食 附近都有很多野食 但見到呢間店 食個淨餃都唔錯左 雖然間店有點舊 坐低叫左個九菜豬🐷🐷肉餃 味道都唔錯 食食下老板 每個客人都私人整多3隻 🥰 正 勝價比都👌🏻👌🏻

行開油麻地又想食下粉麵無意中喺google map見到呢間麵店，又上OpenRice 見到D評價不錯，就黎試一試呢間街坊小店了。一入到去一如所料，好地道舊式裝修，環境唔算乾淨，好多單棍黎食麵。呢度D餐其實好抵，平均$40一個餐有麵同兩款小食，唔包飲品。平時喜愛食辣嘅我今日想食得清啲，所以見到餐牌有番茄蛋面，又好似健康啲咁就鎖定目標了個蛋算嫩滑，都不錯。湯底就冇乜味，主要係鹽味。但係個麵幾好味，爽口得來有啲彈牙最後我同老公冇叫套餐，因為想食水餃同面多過啲小食白菜豬肉水餃，正正常常。老公叫咗擔擔麵。湯底正常，唔算辣，冇乜麻辣味。 都係主要個麵好味拉高啲分數整體係一間可以一試嘅餐廳，但係未必會專登re-visit （除非住附近）

門口睇落舊而不起眼, 係大衆小菜隔離, 一入門見到老闆娘包緊餃子, 好溫馨,感覺啲餃子應該幾新鮮!叫左10隻白菜餃, 等左唔洗10分鐘就到. 餃子size唔太大, 食落冇味精,好味 湯係淡淡地既素湯(雞湯定唔知咩) 如果湯再熱啲就好! 食完隔左成個中都唔太口渴, 應該係真無味精!店內環境就係類似舊式麵店,得十幾個位,屬於速食之地,夜晚8點去到3-4個客仔,可以坐低慢慢食.途中有遊客黎堂食/外賣,聽到老闆娘好nice咁傾計