大瀛喜日本料理 (已結業)

好耐都冇食過放題啦，今日約咗朋友食飯但係又諗極都諗唔到食咩好，就決定咗去放縱一下食放題，咁就想食咩都得😎叫咗幾款壽司嚟試吓，佢哋有啲芝士鋪喺面，芝士味十分濃郁，同壽司嘅味道都好夾，啱晒我呢啲芝士迷😍芝士蟹柳壽司嘅蟹柳大大條，淨係望到都已經有種好滿足嘅感覺，食落味道當然都唔錯啦🤣🤣難得我同朋友兩個都食榴槤，又點少得榴槤炸彈，佢嘅炸粉唔算厚，上到嚟仲係熱熱地，咬開有香濃嘅榴槤蓉，好正😋😋天婦羅一樣炸得好香脆平時好少喺放題嗰度食甜品，今次想試吓佢嘅心太軟，細細粒咁好易入口，唔會阻住個胃，甜度適中，值得一試！最後就係雞翼，好入味！

今日同幾個朋友一齊嚟到旺角嘅分店食日本料理，整體來講佢嘅服務，同埋食物嘅質素都幾滿意，其實份量唔係話細， 宵夜來講大家都食到好滿足，而且佢啲刺身唔會話唔新鮮，叫做咁嘅價錢有返咁上下貨色，加上幾個朋友都係吹水為主，其實算係一個唔錯嘅地方俾朋友聚下。不過講到環境方面就有啲擠迫，佢所有嘅枱都好細，變到我哋幾個朋友都好逼咁樣坐喺度，享受呢一餐宵夜，所以如果要我比建議，我覺得最好改善一下個環境，改善一下張枱，咁樣就做到完美！

今次來到的是在旺角的日式放題大瀛喜。相信日式放題大家也不會陌生，旺角這間一走進去，已經座無虛席看來很是受歡迎。一坐下就馬上點上幾款燒物和刺身。上菜速度很快，過了一陣就已經陸陸續續有野食。一開始便另人眼前一亮的便是蒲燒鰻魚，牛柳粒和牛舌。經過第一輪熱身后，刺身到了，各種刺身例如油甘魚，三文魚，甜蝦，池魚王和北極貝真的不錯！至於希靈魚，我本身很怕腥，但是發現這裡的還可以接受。之後又再點了煮物，各類手卷。蘆筍和牛卷和花之戀無得彈！之後的煮物 黑豚響鈴辣酒鍋還要很貼心地把響鈴on side非常周到！湯底另到響鈴味道更上一層樓。至於飲料，分別有左右兩排雪櫃的飲品可以選擇。有啤酒有汽水種類繁多，我個人因為想留肚食多啲，所以選擇紙包飲品解渴又不會另到肚脹氣。最後甜品也要雪糕和奶凍，點都要留肚食下甜品。

一入到去就有服務員嚟帶位，服務幾好，上菜速度快，又無漏單，值得加分。環境都過得去，卡位坐滿四個人都唔會話好逼，只係燈光偏暗同偏黃，可能係因為格調而特登咁揀，但係食物油左一層黃色，有Ｄ影響食物外觀。至於食物質素，起碼食落無怪味，三文魚有返三文魚味，大部份食物都算符合預期。特別要讚嘅係佢地個燒鰻魚，平日食放題都唔係間間有鰻魚食，而呢間嘅鰻魚都做得唔錯，而且佢地仲有其他好食嘅海鮮可以揀，蒜香焗蝦，同藍青口都值得一試再試。當日食嘅野唯一就係燒牛脷可能燒得耐左，食落又乾又韌。食到最後都唔夠飽就叫左個黑豚響鈴辣酒鍋，食落有小小酒香，而且辣味都夠，食厭左普通牛肉鍋嘅話可以試下。整體呢講，雖然唔係物超所值，但比起出面其他放題就合格有餘。

雖然放題的選擇很多，我和朋友比較喜歡這一家，它位於旺角，朗豪坊附近，地理位置來說非常便利容易找。 這次與朋友都是去這一家。我們三個大概9點去到，外面的人龍已經消了，我們直接能進去了。我們一開始第一輪當然叫刺身為主啦，基本上本子上面有的刺身都全叫了，三文魚，吞拿魚，北寄貝，甜蝦都叫了挺多的。 然後比較偏門一點的也叫了一點，鯡魚啊等等。之後就到熟食了，羊架也很不錯，不過最愛是雞翼，無論是芝麻雞翼還是蜜糖雞翼無論是都覺得很好吃。 另外有一個牛油雜菇，很香很好吃呢！ 之後有點天婦羅海老，味道挺好的，蝦也很大一隻，不過論蝦，我最喜歡是黃金炸蝦！ 外面用蛋黃炸的，所以很香，鹹香味很出。不過這次刺身的帶子有一點軟，口感一般般，其他都好。總的來說，這家放題是我挺支持的一家哦～

好耐無食過放題，琴日考完final，終於有時間同friend去食返次放題! 每次放題都係揀返呢幾間，因為真係比其他放題（eg. 兆萬果堆）好食好多。我地今次去咗旺角呢間大瀛喜，地鐵站C3一出就係，真係好方便。一嚟到拎返支忌廉溝鮮奶先。我覺得刺身選擇都幾多。刺身嚟講，最好食一定係甜蝦同帶子。大大隻新鮮嘅甜蝦，第1 round我一個人已經旋風式吸入咗7-8隻。平時唔係好食帶子，今次發現原來帶子新鮮嘅話係幾正，厚切帶子真係好鮮甜！食完刺身之嚟咗一堆卷物同壽司，灼燒壽司好香，size啱啱好可以一啖過。手卷我地只係叫咗海膽手卷，無叫到其他，因為驚食大太多飯會好快飽咗。海膽又香又新甜，我地忍唔住encore咗次。我d friend唔係好鐘意生冷野，所以都叫咗好多熟食。不得不提，鐘意食榴連嘅我覺得榴連炸蛋真係好正！甜品都有好多花款，我地每樣都找拎左一舊試下。

呢間放題食物嘅選擇好多，放題紙去到有11頁咁多，仲有一個甜品櫃同雪糕，嘢飲方面由熱維他奶去到各類嘅啤酒都有，總有嘢啱你心水。食放題最重要係刺身，呢度嘅刺身好新鮮，三文魚仲有好厚身，同其他放題又薄又細一塊嘅完全唔同！壽司方面嗌咗啲炙燒壽司同卷物，最特別有個蘆筍和牛卷，好似其他地方係食唔到，幾好味😋仲有最好嘅係呢度有海膽手卷食，海膽都算鮮甜，食咗幾份覺得回返啲本！熱食方面，必食嘅有炸生蠔同雞軟骨，榴槤控嘅話可以揀埋超級榴槤炸彈，榴槤味好夠，真係可以臭親隔嚟唔食榴槤嘅朋友😂燒物個度有得揀個q版心太軟，係呢度最推介嘅甜品，個心太軟細細份唔會好heavy,趁熱食真係會流心，朱古力味都好濃。除咗食物方面，呢度嘅服務都好抵讚。冇放題餐廳一貫漏單嘅情況，上菜嘅速度亦都好快，餓住個肚嚟唔洗驚，基本上一交單就可以開筷了！呢間放題真係值得再嚟！

同朋友係旺角行完街 決定要食番個放題 呢間放題係旺角店附近都好易搵 黎到呢到環境都唔錯既 係有少少逼 出入有少少唔方便一入門口就係飲品甜品櫃 呢到飲品有兩個雪櫃 好多選擇！呢到點餐方法都仲係用點單紙 選擇都唔少 一黎到就叫左好多刺身 好豐富 不過我自己就麻麻地刺身 主要都係朋友負責食 呢到既壽司都唔錯 然後再叫左海膽手卷 不過海膽份量唔夠多 唔係好食到個鮮甜味 所以即再叫多份！熟食方面叫左個蟹粥 蟹粥好食！有蟹既鮮甜味 我地咁多人分黎食唔係好夠啊 如果大家想叫熟食推介大家黎食 炸物果到炸牛奶波波同埋香芋波波都好食 我地叫完再叫 呢到既雪糕係雀巢 感覺就唔算好吸引 所以我地都係轉戰甜品部 到個比教好食既係焦糖布丁 最後我地叫左心太軟甜品 呢個係呢到最好食既甜品 建議大家黎食一定要試啊

放工後同朋友食放題，呢間放題喺旺角，約朋友食身好適合。一黎到就叫左一盤刺身，每樣食材都好新鮮，其中最鍾意嘅係三文魚，好厚肉，另外甜蝦嘅口感都好滑。美中不足嘅係吞拿魚暫停供應。跟住我地亦叫左幾款壽司，有三文魚腩，火炙三文魚，左口魚等等。火炙三文魚燒得岩岩好，有火炙嘅香味又唔會太熟。其他亦不過不失。除左刺身壽司外，我地都叫左幾款熟食，其中最推介嘅就係蟹粥，今次係第一次食，味道好香，好鮮味。另外值得推介嘅係天婦羅紫心香芋丸，一咬落去有好香嘅紫薯味。最後，我地都叫左好多甜品，甜品係自助式嘅。心太軟好好食，外面係熱，一吉落去就會有濃郁嘅朱古力流心，十分好味。呢到嘅店員服務好好，清潔得好快，所以啲野都唔會堆到成枱都係。

大瀛喜本身都好有名氣，係朗豪坊對面，好易搵。食物款式都係有刺身、壽司、炸物、串燒、鍋類等等。除左飲品櫃既飲品，仲有好多酒店，仲有熱茶供應，同埋有熱櫃，可以飲熱維他奶！ 甜品櫃有cheesecake、布甸等，有一款甜品可以係紙到落單，係迷你心太軟，入面係有流心效果，要襯熱一上台即刻食就好正！ 鍋類叫左蟹粥，入面有一隻蟹，一隻蝦，d粥煮到好入面。另外，叫左牛乳湯，入面有好多菜，感覺上放題可以都食下菜平衡番。有個鍋係響鈴豚肉鍋，湯頭酸酸辣辣，響鈴分出，自己決定淋同硬既程度。刺身件件都係厚切，上菜個陣仲有燈，用黎打卡不錯。雪糕區有雀巢牌子的雪糕同有幾款雪條。不過最後已經好飽，食左乳酷冇咁heavy。走個陣個時段未食夠2個鐘，店員話仲享可有85折，即刻抵左。

上周與友人聚會，想到價平的日料，就去了大瀛喜，失望至極，其中一位個子較高的，戴眼鏡的服務生態度極差，甚至沖我們驚叫，不明白是誰給你這麼大權利，食物一般，服務極差，絕不會再去

搵緊附近會唔會有一啲平靚正嘅放題好食，因為都好耐冇食過啦。結果發現呢一間鋪頭八點半之後會有八五折，所以見到好多人排隊，似乎好正喎。咁就唯有餓下個肚，留一留到八點半先入嚟食啦。不過因為咁多人等，所以其實都等左一段時間先入到黎。入到黎當然即刻嗌嘢食，但係發現呢度嘢食嘅選擇唔係太多，雖然有成本menu但係每一張紙其實都分咗一類型嘅食物而且每一類嘅食物都唔係太多選擇。不過我覺得有幾驚喜，佢竟然有紐西蘭羊鞍，燒得都幾好味肉汁都保留到。至於呢一個芝士蝦我就覺得麻麻地，佢面頭層芝士同入邊啲蝦擺落口其實仍然係分開嘅，嗰蝦無吸到芝士嘅味道入去🤥🤥然後我見到有芋頭丸，所以好開心咁叫咗。點知黎錯咗做榴槤丸但係我唔識榴槤㗎😟不過都難怪嘅兩種嘢食都係一粒丸又真係會搞錯。

與中學同學吃飯，這家可算是回憶咯。與中學同學一同6人去旺角大瀛喜放題，雖然提前一天訂位了，但人實在是太多，還是乖乖等一下唄～ 大概等了20分鐘，終於可以進去了。進去後嫻熟的抄起點單簿寫啊寫，還有弄好芥末豉油，然後拿好飲料，靜靜的等食物來咯～先來的是壽司啊還有部分燒物：燒甜薯，牛油粟米，芝士扇貝～ 都不錯哦。芝麻雞翼是很出色，皮脆肉嫩，不過有1隻不熟哈哈。一大盤魚生來咯，三文魚，鯖魚刺身是我的最愛。 三文魚夠厚，鯖魚很清新。另外羊架也很好吃，不過會容易飽，建議分享食用。飲品種類也多，任意拿～總的來說這家放題真不錯。

突然好想食放題，旺角區日式放題都食得唔少，今日第一次決定一個人食，位於MPM文華商場5樓，環境大，枱與枱之間唔會太迫，服務員個個有禮，勤快，部份仲經常面帶笑容，令食客食到食得開心d，主打當然係刺身，三文魚大件厚身，帶子鮮味，少見的櫻花魷魚都有得食，食物種類多，手巻，壽司新鮮細細件，唔怕食得太飽食唔落其他野，推介羊鞍，芝麻雞翼，榴蓮炸彈，流心架，大致所有食物都好味，仲有甜品水果自助區，多款雪條雪糕選擇，順帶一提，如果就到時間的話，提早離座及夜d入座仲有折架。下次要約埋朋友一齊再試，先可以再食多d唔同的種類。

今日返左成日工冇點食過野，非常肚餓，帶埋班friends就入左黎食放題，因爲近地鐵站就腳又諗唔到食咩，其他朋友都成日會黎呢到食。咁我同朋友一黎就係咁嗌刺身先，我地加埋嗌左近超過10樣，同其他放題相比,佢有一個優點係佢冇漏單。跟住我地就嗌燒物。我地嗌左牛舌、炸蠔、炸芝士奶、雞軟骨同埋燒雞脾菇等等。我地覺得雞脾菇係最好食既，大大舊得黎仲鎖到水份！我地加埋食左成8隻😂😂同埋刺身小食甜品種類都好多,可以唔同口味都有得揀。