大源味

營業中

休息中

走過來西環一帶工作 ，正沿屈地街向香港大學站方向行，偶然發展在一條巷內有一家餃子小店「大源味」，鋪面寫著手工餃，就這點軀使我內進一試。踏入餐廳，左邊有多張四人枱，右邊則是廚房，整體而言，地方整潔，環境光猛。廚房可以說是半開放式，所以，看到師傅不斷在包餃子，所以，這裏吃到的餃子肯定是百分百新鮮製作，品質保證。餐牌就簡單一版A4紙全列了出來，除小食，就是手工餃、手工麵，還有汽水、豆漿供應。如果吃手工麵，可以以優惠價加配飲品，否則，散點一支「豆漿」收費為$11。豆漿入口夠冰涼 ，豆味頗濃郁，而且，是少甜版本，讓人覺得十分健康。餃子可以選湯餃或煎餃，想吃得香口一點當然選煎餃吧，份量上可選六隻或八隻。「京蔥牛肉煎餃 (八隻)」（$45）煎得式層甘脆香口，而由於連外皮都是由店家親手新鮮製作，所以，吃來十分軟熟，加上搓得薄，餡料多，味道鮮，還溢出很多湯汁，確實美味。還加多一客「蠔油時菜」（$18），翠綠的小棠菜切得工整，又灼得剛好，故此，口感仍然爽脆，很有菜味，而蠔油亦不是死鹹的貨色。雖然只是小店，店主都十分重視客人意見，不時問我覺得餃子怎樣？合口味嗎？

大源味😘😘😘包你餃掂西環石塘咀、大學地鐵站B出口屈地街、附近旁新開餃子麵店、店舖簡潔、除了門面招牌外、加設投射燈照亮地下、招牌生動影照住、不用花巧、🥟餃掂👏🏻👏🏻手切功餃子🥟韭菜鮮肉餃$45/8隻手工水鉸皮、自家手製、比較有彈性、更耐煮、口感也更加Q彈😋、免治豬肉調味後、加入濃郁韭菜碎末、混🈴️、手工餃子皮包裹着饀料、最喜歡煎至外皮金黃香脆、咬一口、鮮翠饀料爆汁、充塞口腔！非常美味！沾點自家袐製辣椒油、醋、更惹味👏🏻🥟🤩京蔥牛肉餃$45/8隻一般比較少做、京蒽、特別香口、配豐富蛋白質牛肉碎末、補鈣強健、簡單絕配、陣陣牛香味撲鼻、京蔥味辛、味道特別、配牛肉非常夾、帶出味蕾新口感！*以上均可選擇煎或湯底*小食滷水牛展$28⋯除了色、香、味之外、滷水汁底係靈魂、牛展炆至軟身入味、薄薄的一片片、紋理清澈、吃時淋上滷水汁、更滋味👏🏻令人回味無窮❤️滷水雞翼$18⋯入晒味、肉質嫩滑、小食佳品！飲品豆漿$11濃香黃豆味、不太甜、配餃子一流👀大源味西環石塘咀皇后大道西425號J號後座地舖港鐵香港大學站B1出口、步行約1分鐘

最近見到有Foodie分享呢間手工爆汁煎餃，本人立即Bookmark，今日抱着期待萬分嘅心情到臨小店，可惜餃子不似期待一般「爆汁」🥟🥟🥟蟹柳碗麵($55) — 確實好抵食，有家的味道。在場不乏嘅港大學生 😌 麵質地有韌度，食落有咬口，不錯。韭菜鮮肉餃 ($36/ 6pcs) — 價錢相宜，$6一隻確實好抵食，餃子皮屬於比較有韌力類別 😌 十分具飽足感。餃子水潤程度只有「流汁」，並沒有「爆汁」咁誇張 😅😅😅幾十蚊一餐其實就OK嘅。

機器出品同親手製作嘅水餃，真係大不同，就好似壽司咁，用手製作嘅會加添溫度同師傅嘅手藝。作為小店嘅西環大源味，唔賣花巧，賣點係老闆堅持親手製作手工餃子，口味選擇多打六款，以真材實料吸引街坊顧客。麻辣雞腎雞腎爽口彈牙，麻辣嘅辣度適中，非常惹味，作為開胃菜相當不錯。秘製青瓜雲耳青瓜爽脆多汁，雲耳新鮮彈牙，重點當然係店家嘅秘製醬汁，酸酸哋嘅調味，夠晒醒胃。湯白菜鮮肉餃好味嘅餃子，皮薄餡靚，缺一不可，而大源味絕對達標。豬肉半肥瘦，加上鮮甜爽脆嘅白菜，當咬開餃子皮後，會爆出湯汁，好好味。煎京蔥牛肉餃湯餃、煎餃各有捧場客，而香口嘅煎餃，更深得我心。京蔥香濃鮮甜，同牛肉絕對係最佳拍檔。咬開香脆微燶嘅外皮，肉汁四溢，驚喜十足。

在香港大學牙科睇完牙醫，看到open rice附近有自家手工製手餃子店，很想去試，因學生時期認識一位北京同學，她常常自己做餃子吃,剩下的 餃子皮麵團，會用來做埋麵底，一試難忘。只可惜當時沒學會她的手藝. 但也因此喜愛了自家製餃子. 店舖其實十分就腳，就在地鐵站附近, 很容易找到了。因為在早上11時剛剛開門，只有我們一枱客人, 我們點了兩個麵餐, 一個是水煮餃子，另一個是煎餃子，等了大約5分鐘，便上餐！餃子很足料，也很香口，餃子皮吃得出來是自己做的，真的不錯！他們還灑上了蒜油, 是畫龍點睛👍🏻提升了整碗麵的香口. 期間還看見老闆拿着麵團，去打麵條出來，真的是自家手工麵團 ！老闆很好人，解釋麵團真的是自己搓出來, 健康一點, 沒有添加，希望客人食得健康。另,其實未到午餐時間, 但照送飲料給我們。若果喜歡餃子的朋友，很建議去試吓。

有朋友來港大這邊玩，😉作為住在附近的我，當然要帶她來嘗嘗手工餃子啦！這裡的裝修明亮乾淨，傳統的餃子店好溫馨，而且，店內的用餐座位都好寬松，💖舒適感滿滿！湯餃子，🥬白菜鮮肉餃子，簡直鮮甜到爆！滿滿的爽口的白菜，搭配著鮮肉餡。🥟口感豐富之余，還能盡情享受餃子的美味。鹵水牛展，🐮鹵得鹹香入味，牛展的紋路清晰好看，而膠原位，更是口感爽口彈牙，🥢每一口都能感受到滿滿的幸福感。✨#餃子店 #香港大學

大源味 地址: 西環石塘咀皇后大道西425J號後座地舖電話: 平民小店，餃子麵食很有家的味道，就像食媽媽親手包製的心意一樣！不論口味$36 6隻 $45 8隻餃，有湯餃/煎餃，湯餃小油健康，要了白菜鮮肉餃同韭菜鮮肉。餡料豐富，多韭菜食得出韭菜薪味。皮是手揸，所以食得出厚身點，很實在。再叫了小食，才十來元起，$25 雞腎爽口帶辣勁，$18 滷水雞翼每人點了主食小食加飲品，才70來元！食得健康飽肚！$11 一支豆漿，大大支好抵飲，雪到涼快

位於西環的港式餃子麵食店，食物主要是手工湯麵及多款口味的餃子，還有小食。一步出香港大學，過了馬路，走幾步就到了這家小店，入面位置不多，只有幾張枱，所以也有不少客人、附近街坊選擇外賣。小食：秘製青瓜 涼拌青瓜爽脆，雲耳爽口，味道清新，帶蒜蓉香，微酸辣，十分開胃。純手工麵：蟹柳碗麵店員推介的手工麵是自家手工製，麵質彈牙，掛湯。湯底清淡、鮮甜。這碗配料有帶子裙邊、蟹柳、甜腐皮、雞蛋及芫茜，還有可愛造型的魚片。食材跟平時常吃到的與別不同，更加健康。麵餐可以優惠價加添飲品，一支冰凍的豆漿健康又解渴。

位於西環石塘咀的「大源味」，係一間新開的手工餃子麵店，餐廳主打自家製餃子及手工麵，款式選擇頗多元化，價錢經濟實惠秘製青瓜雲耳青瓜雲耳口感爽脆，醃得幾入味，酸酸的，頗開胃源味腩麵湯底以鮮雞熬製而成，鮮甜味美。配料有雞蛋、豆卜、竹笙及腩肉，幾足料！麵條係餐廳手工自家製，口感彈牙，頗吸湯，勁好味芝士粟米鮮肉煎餃餃子可以選擇湯或煎或走湯。餃子煎得金黃香脆，外皮厚薄適中，咬開後充滿粟米及芝士香，好好食哦椰菜麻辣鮮肉湯餃餃子皮帶點嚼勁，內餡係麻辣的椰菜豬肉，整體唔會太辣，滿載豬肉鮮香雙拼煎餃：韭菜鮮肉餃及京蔥牛肉餃另外試咗兩款雙拼煎餃，一咬開充滿肉汁，韭菜豬肉味好香濃！京蔥牛肉餃都好好食

麻辣雞腎 ❤️雞腎夠晒爽口，麻辣醬汁非常之好入口，唔使擔心好spicy，夠晒惹味秘製青瓜 ❤️青瓜好爽口配埋酸酸小辣嘅醬汁同蒜蓉粒嘅香味非常之開胃滷水雞翼 ❤️好入味，雞肉夠晒嫩滑，雖然唔算好大隻，但雞肉食起上嚟都唔油膩白菜鮮肉餃 ❤️ 韭菜鮮肉餃米線 ❤️ 兩隻餃子嘅餡料都非常之充足，咬落去仲有本身佢哋嘅湯汁！食起上嚟好惹味，餃子皮係較為厚身。記得一定要試佢哋啲自家製嘅調味料，特別係個餃子醋，真係非常之清爽可口，勁好味！而且成餐飯食完一啲都唔口渴，大推！

香港大學站附近新開了一間小店，主打麵類和餃子。碰巧今日經過，喜歡吃餃子的我無理由唔試吓。品味素麵一碗平平無奇嘅湯麵，竟然有大大驚喜。湯底非常鮮甜，聽講湯底採用了老雞和豬骨餚成，有心之作。材料有竹笙，腐皮，豆卜，半熟蛋…………..十分豐富，喜歡食素必選。芝士栗米鮮肉餃餃子皮原來自家製作，厚薄適中。餡料飽滿，肉汁滿溢，味道濃香。煎到外脆內軟，不覺油膩。喜歡的話，可加入餃子醋和辣椒醬，也是自家品牌，正。

聽聞有間新開嘅舖頭口碑唔錯，佢哋嘅餃子、麵同湯都係餐廳自家製，毫無味精。好似咁吸引咁，今日就過嚟試下先～位置喺HKU站B1附近，lunch time嚟到都坐得幾滿，深受大學生歡迎。價錢合理，餃子可以揀煎餃、湯餃或走湯都得；亦都有手工麵餐配餃子套餐。韮菜鮮肉餃（$45/8隻）餃子係即叫即煎，個皮煎至啱啱好，香脆得嚟又唔會燶。哇！一咬落去仲爆咗汁🤭 勁juicy呀！餡料喺滿滿嘅豬肉同埋韭菜，好真材實料！真係好好食，一定要嗌餃子🥟真味雲耳（$22）爽口嘅涼拌雲耳帶蒜香味，令人開胃😋下次過嚟一定試下佢哋嘅手工湯麵先得～

一向喜歡吃手工水餃🥟前幾天過來品嘗下。味道還算不錯的。主要店家現包，看起來乾淨衛生。這樣的餃子店有別於連鎖餃子店，感覺更有市井煙火的氣息…🥰個人比較推薦，韭菜肉餃，韭菜清香，下次應該還會來品嘗下。也許我見識少，但我真覺得這家都餃子好好吃呀！特別的芝士粟米鮮肉餃，✨餃子好大個！肉餡飽滿。咬一口爆汁！吃起來超過癮。還有那個餃子皮，🫶🏻手工擀的，有嚼勁，不是軟塌塌的！#dumplings #手工餃子

餃子隻隻爆汁 好危險😂爆到成枱成衫建議小心咬開 否則整到成件衫都係餃子$36@6 $45@8韭菜鮮肉餃 食得出韭菜好新鮮 好多汁 爆汁京蔥牛肉餃 好香洋蔥味 比較惹味 好多汁 牛肉好似食漢堡扒椰菜麻辣鮮肉餃少少辣 好特別 好多汁 芝士粟米鮮肉餃芝士會拉絲 無違和感青瓜雲耳幾入味開胃滷水雞翼$18大推 好入味 吾會太咸 食完即刻追加😋餃子手工麵$45麵質彈牙 豬骨湯底 可自由配搭加餸加左芝心丸 鮮腩仔 滷水蛋 竹笙滷水蛋好入味蠔油時菜$18