影片
港鐵朗屏站 B2 出口, 步行約3分鐘
繼續閱讀
電話號碼
60611448
營業時間
今日營業
全日休息
星期一至六
09:00 - 21:00
星期日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
一間唔起眼嘅小店，大成麵館睇名子以為只食麵，事實係內有乾坤😋除了有車仔麵外，仲好多款魚清蒸或香煎😍鐘意食魚嘅朋友大喜訊👍 小店沒有華麗裝修，平民貼地做街坊生意😊 連價錢都很貼地👍蕃茄豆腐魚頭湯飯餐$67湯底有魚味😋 成大大個魚頭煎完滾湯，內有豆腐，蕃茄，小白菜配埋碗一大碗白飯飽晒😋 另上一碟秘制豉油給點魚食😋用熱油爆過薑絲蔥粒👍鮮百合西芹炒雞丁套餐 $53有鑊氣得嚟唔會好油👍 跟一大碗白飯好飽😝 煎餃子4隻 $20即叫即煎， 香口熱辣辣😊是日例湯：五指毛桃湯，足料有家的感覺😊套餐加$2可配熱飲一杯😃
繼續閱讀
大成麵館名字雖然叫麵館,但店內亦有提供很多不同類型的餸菜美食,尤其係魚類料理,不同種類的魚,煎、蒸煮法樣樣有,而且價錢不貴,絕對是主打街坊生意的好店。小店鋪仔細細,檯面很整潔企理,店員阿姐亦很親切。套餐飯量充足,而且送足料湯水,性價比很高!!
繼續閱讀
上年網上社交媒體群組介紹食魚馳名，同朋友食咗幾次，因上枱太好食太正唔記得影相，所以冇寫食評。今日去屯門醫院覆診完，約下午一點半左右，坐輕鐵到兆康站轉西鐵到元朗，到朗屏站落車步行去到約兩點。本身想食魚，但又想試下佢其他廚房嘢質素，諗住留待下次兩個人再去時，叫兩款魚餐時撈亂食仲正。入到去除咗我之外，只有兩枱食客堂食，及一啲外賣自取熟客。比平時我夜晚去人少，生意確係難做 ! 我叫咗韮菜蝦仁炒蛋飯，先有碗熱辣辣中式例湯飲，應該係白、紅蘿蔔煲豬骨，唔錯幾好飲唔頸渴。凍奶茶同時上味道偏淡，但淡奶係非常足夠滑。等咗約 8 分鐘碟飯上枱，廚房加咗甜豉油好開胃，但我都係嫌啖加咗幾滴、枱面擺放嘅李錦記鮮味生抽，加完更加惹味成碟食哂 ! 之後慢慢飲埋杯凍奶茶，慢慢坐到員工午飯擺枱前，我識做要求先埋單唔好阻佢咃食飯，我就用八達通消費劵埋單，再坐多一陣就離去，到附近買全元朗最便宜蔬菜。 之前食過香煎馬友，煎得好均勻唔油好乾身香脆，但用筷子夾落肉好鮮嫩，加上碟邊伴有香蔥、蒜片、蔥花、芫茜，及甜豉油熟油，倒小匙羹伴碟甜豉油落白飯，超級開胃好食。另外又食過豉汁蒸鯧魚、果皮蒸泥鯭、及香煎牙帶魚都非常好食，價錢大約六十幾近七十蚊起。去開街市睇冰鮮牙帶魚，短過手掌最平都約 $30~35元一條。呢度煎得好靚屋企傢生煎唔到，加上例沙及飲品，現場堂食空間雖然唔大，但枱櫈唔淺窄坐得好舒服，仲有各類電子收費相當方便。絕對推介中意食魚人士，相信元朗區最抵食、及整得唔錯之一，絕對值得推薦 !
繼續閱讀
平時經過唔多起眼既鋪頭，冇華麗裝修，細細間咁，唔多留意，但今日天氣好熱，冇乜胃口，突然之間好想食湯飯，見佢門口寫住有wor，即管叫個鴨腿湯飯返家食！嘩。。。返到家一開盒，聞到濃郁既味，入味之餘仲要好好食，鴨夠軟，冬瓜入曬味，湯底一流，仲送埋老火湯，冇咪精，白飯超大盒，真係冇得輸！！仲要送埋野飲，咁既價錢係邊到搵！！家庭式經營，有人情味之餘又足料，真係怪自己發現得太遲！之後都要多多幫襯下，支持小店！！！
繼續閱讀