大家樂

營業中

休息中

今日難得聖誕節,七點半早起就想食野突然想試下好耐冇食既大家樂就去買來試試點知買完個36.5元既餐,拎起果陣覺得好輕(發現連通粉都冇)個餐原來得個包/雞排/炒蛋,同埋杯熱飲緊住就問話有冇果醬(佢話現家冇果醬架啦)死死地氣離開,出到門口愈諗愈覺得唔對路覺得一定唔夠食,就去老吉到買個飯(廢事唔夠飽)返到去食完個餐真就發覺得根本唔可能去幫襯D野又唔係好食,個套餐比起1-2年前仲要少個通粉/米粉評分3.5/10 難怪平時同朋友話去試大家樂,佢都只係去食大家樂不如去食老吉又平又化算啦最後平時去荃灣食早餐,35蚊有粉麵(蕃茄湯底)/炒滑蛋/包/野飲(樓X冰室)D食物水平根本同大家樂冇得比,至少嬴幾條街可惜佢只有一間做早餐一堆人去,連隔離果間餐廳都係超多人食下次有機會寫下樓X冰室食評(個人覺得真心好食)一個月至少去食好幾次

又中伏喇，見宣傳海報咁吸引，又飲過佢D鴛鴦都幾好，一心以為係鴛鴦再加埋有咖啡味嘅爆珠， 咁應該好好飲呀 ，滿心期待去買，都唔係間間有供應㗎 ，點知一飲 🤪咩嚟㗎？飲緊咩呀 ?再飲多啖 ，真係唔得喎，好甜 ，好甜 ， 有D奶精味，冇咖啡味，冇茶味，唔怪得收銀姐姐話唔可以減甜啦，原來係用粉開嘅，估唔到大家樂有真嘅鴛鴦賣，會整啲咁嘅嘢嚟賣 😔真係又失望，😡 又激氣 !

大家樂多數外賣個個一哥焗豬扒飯快靚正唔洗煩而且好多時都整定好多個係度唔洗等呢個飯一直最維持到水準👍🏻不過有時會多d芝士有時會直頭冇但揀佢都係貪方便同快所以唔係突然好難食都可以接受了

真不滿意！我要投訴女員工！因為買外賣叉燒飯，我問吓要兩杯熱茶，點解兩杯熱茶要1元？因為荃灣大家樂，免費兩杯熱茶，對嗎？我要投訴她！真無禮！但大快活，美心店沒問題！

平時唔食大家樂，想嘗試一下鐵板燒西冷牛扒。這個價錢本不應抱太大有期望，但是真的出乎意料的難吃。這個扒讓我覺得隻是在嚼東西，一點味都沒有，全靠汁吃下去，吃到一半腦袋放空了，堅持肉不可浪費的原則，後果就如同嚼蠟。下底是份量少少的粟米飯，大口扒飯的人估計幾口就没了，然後粟米飯味道是真的好怪，一股難以形容的味，跟粟米味完全不同，並且飯還是硬硬的，更加下不了口。這根腸我愿意稱為是餐裹好吃之最！隻有腸，才讓我覺得吃得下去這一餐是有希望的。最後是甜品，自稱特濃牛乳奶凍的甜品，一口下去，無味…細細地努力品嘗，終於吃到一股淡淡的牛奶味，而口感太膠了，完全不是想像的…還是吃不下。大家記住不要點這個牛扒吃…

大家樂最好味既一定係一哥焗豬排飯呢個焗豬排飯真係由細就食到大D豬排已經幫你CUT好左,不過唔會好油佢會有D番茄,食落幾好味,叫做有D蔬菜咁有點雜豆 茹茹咁一個女仔食一定好FULL 好滿足好好好飽

邪惡的軸心, 近期大家樂推出下午茶新產品, 鹹蛋黃流心西多士, 十分邪惡的食品.切開西多士流心即刻湧曬出來,香,甜,滑,共冶一爐, 再拈上煉奶食,超級好味, 亦超級邪惡。

今早心血來潮，想吃一頓豐富的早餐，於是就到了這間連鎖的快餐店，點了一個早餐回公司吃。早餐有餐肉炒蛋包，雪菜肉絲米粉及熱阿華田。麵包很軟熟，炒蛋炒得不錯，不太鹹，味道很好。 雪菜肉絲米粉也很夠味道，只是覺得餸少了一點。阿華田普普通通，味道不太濃，但還可接受。這個早餐最吸引的地方，就是夠抵食及豐富，間中吃一下滿足自己是很開心的。

Tea-time見肚餓, 就落葵涌廣場搵食。突然想食西多, 第一時間諗起大家樂!原來大家樂轉左餐牌, 當中既西多亦轉左做流沙奶黃,望個名又幾吸引, 就order呢個外賣返屋企食啦!$25 西多連野飲, 價錢可接受買左飛之後行去取餐部等顯示屏show no.取餐見到自己張飛個no., 就行去比入面個丫姐, 點知佢一句話 “睇no.啦!” 隨即掉返張飛比我就走開左,我意為自己睇錯, 我就再對多次! 個no. 明明岩! 我就再比另一個男職員, 佢又係好冇禮貌叫我自己對no.!我就反駁話你地咪禁左show我個no. 出黎囉! 如事者, 又係冇理我轉身搞其他野我就望下個櫃面, 根本我個餐都未出, 就show個NO.誤導人!正當我嬲嬲地時, 有個客又係好勞氣咁同我講 “呢度冇服務GA!!! 頭先我問個丫姐, 仲答我宜家我食飯時間! 做咩問我?!!!”跟住個客自己PACK外賣,嬲嬲地真係要影低相出POST!!!食物方面, 個流沙奶黃西多 賣相算係咁啦, 中心位都做到半流沙, 另外有練奶可以自行再調甜度,食物方面還可以, 但呢度既服務態度真係要多多改善! 

今日想食豐富一點的早餐，於是就到了這間連鎖快餐店買外賣回公司吃。這間連鎖式快餐店永遠都很多人排隊，但門口有兩部自助點餐機，所以會快很多。這個早餐有腿蛋治，小碗炸菜肉絲米及熱華田。腿蛋治普普通通，但都幾好食，味道剛好，不會太鹹。另外這個米粉配料都算多，味道都可以，中規中矩，應該有的味道都有，米粉又不會過淋。熱華田味道不夠濃，很淡。這個早餐價錢都很抵食，25蚊早餐全餐，味道不差。想食豐富早餐的話，可以再來。

行完街離食個下午茶 叫左2個餐🥳1.碎豬包/米粉/紅豆冰 $27米粉味好淡 紅豆冰正常好飲👍🏻2.沙嗲牛肉面/雞翼/奶茶 $31.5牛肉面都係好淡 但雞翼入味 好食😛

阿媽無煮飯，晚餐一個人食，咁啱喺大家樂揾到位，就叫咗個咖哩厚切吉列豬扒飯，加杯鴛鴦，是日晚餐承惠$54。豬扒唔算厚，但非常脆，肉質可以，咖哩味濃，幾辣幾開胃，撈飯一流，以快餐店嚟講及格，間中食下都無坊。

好耐冇食大家樂，今晚見到大家樂唔多人就入去食。睇來睇去都冇咩好食，都係食返佢哋嘅一哥焗豬扒飯，另外加咗一個楊枝甘露冰。焗豬扒飯好足料，豬扒好厚，醬汁也很惹味。楊枝甘露冰好大杯，濃濃嘅芒果味分量十足。堂餐約$60

諗住試下新野，點知試完好伏呀！豬扒咸到不得了，椰汁飯完全無椰汁味，得少少黃其地色，唔似雞油，我估係黃薑粉。個咖哩汁，又無本日啲咖哩咁香，冬陰公湯，好淡味，大家樂原盅燉湯好過佢！

葵涌廣場，已經有幾間連鎖式快餐店 ，其中一間係為人熟悉的大家樂 ，今日我哋就嚟大家樂食晏晝 一到食飯時間， 無論咩時段都排長龍 ，但係無可否認 ，他的品質十分 平均。台灣滷肉飯加煎魚餅 ，和南亞 咖哩魚柳飯。滷肉飯大大碗 加鹵水蛋一隻， 炸魚餅 十分大牙，有魚肉味，新鮮打出嚟，好脆口。南亞咖哩魚柳飯， 咖哩辣而不香， 薯仔十分硬， 唔入味 ，又唔諗， 相反大快活就出色得多總括嚟講 ，呢間由細陪到我哋大嘅快餐店， 品質保證 ，不同時段有不 同食品 ，足以滿足你所有要求