大家樂

營業中

休息中

【年年團圓飯推介養生滋補盆菜登場】黎緊新年又點少得同一家人食返餐盆滿缽滿嘅團圓飯，我每逢過節都心思思要訂盆菜，大家樂今年推出的「鮑魚花膠海參福袋盆菜」啱晒一大班人，真材實料，成座山咁高，有6隻原隻極品蠔皇扣鮑魚，3件挪威花膠及6件加拿大海參，所有食材都香濃鮮美，食到停唔到口，獨立包裝，夠曬貼心，盆菜配料超級足料😍材料有：、黃金福袋、茄汁中蝦、蠔鼓、花菇、南乳炆蓮藕、南乳炆腩仔、鴨掌、炸魚蛋、栗子、枝竹、芋頭、蘿蔔及西蘭花味道有驚喜〰️南乳炆腩仔帶少許鹹香😋仲有爽滑飽滿的花菇以及吸湯又易入味的蘿蔔 枝竹、芋頭🏻隨時隨地同家人分享鮮味，讓你暖笠笠過冬，一家人齊齊整整係屋企食飯就最溫馨。

好耐之前食過咋咋淋鐵板餐印象好好，今次咁啱經過就再食多次~最期待佢既酥皮湯，同埋一串薯片真係好吸引😍唔知係咪因為即整所以都等左一段時間...一上菜即刻將D醬倒落鐵板到，即刻咋咋聲超過癮！不過舊蕃茄比我咋燶左🤣🤣食左薯片先，嗯....唔脆既？！有啲失望😥唔緊要再試下個酥皮湯先！塊酥皮完全癡左係個碗到郁都郁唔到😥見到隔離枱拎左碗湯去換左個沙律，唔知係咪因為呢個原因呢🤣不過其實個湯都OK既，熱辣辣幾好飲。不過塊豬仔骨就都幾難切，雞扒就還可以，下次都係唔好叫呢個餐🤣

今日諗唔到去邊度食野，就簡簡單單係大家樂食算喇叫左一客咖喱牛腩飯連飲品，60幾蚊咖喱牛腩同飯係分開上，凍奶茶另外加$3咖喱牛腩放上番茄同紅椒，賣相ok牛腩份量都夠合理，汁都好豐富，不過就油膩左D牛腩比較硬同有少少鞋，應該係煮得唔夠時間，牛味都可以；牛筋就煮得夠時間又岩岩好，腍得黎仲保持有咬口咖喱味感覺重味左少少，食完有d 口乾白飯砲左少少蔬菜，感覺健康凍奶茶就正正常常，甜度高D整體黎講係正常水平，唔會難食

冬天就係要食鐵板燒啦！我今日去咗大家樂叫咗一個鐵板西冷牛扒。個牛扒用上鬆肉粉，所以好嫩滑，唔會太乾。我揀咗洋蔥汁，好惹味。埋邊仲有粟米同千島腸，增加咗風味。餐廳環境寬敞舒適，唔會太吵。而且個價錢都唔貴，適合一家大細食。我覺得呢個鐵板牛扒比起其他快餐店嘅質素高好多，牛扒又大塊又多汁，唔會有鞋口感。洋蔥汁又唔會太甜太膩，好岩我嘅口味。粟米同千島腸都好新鮮，唔會有雪藏味。總括黎講，呢個鐵板牛扒係我食過最好食嘅一個！

今天去政府部門，去錯地方，急急成功找到了，完成任務。胃部嗱住嗱住，疲憊的身軀，要立即相信器官既訴求，空肚食過早既午餐。大家樂既超值午餐連熱飲（$37），hea 既我，遇上hea既一碟炒飯。好彩那杯水準穩定既熱奶茶。冇期望，冇失望。

一向都係都係大家樂嘅粉絲，最中意食佢嘅鐵板扒餐，今次見到仲有酥皮湯！正！鐵板塊牛扒大大塊，不過配菜就小啲啦！ 酥皮好香脆但裡面嘅湯就唔喺咁好飲喇！杯楊枝甘露 OK 好味！整體黎講簡單一想食餐鐵板餐就大家樂啦！

去左荃灣去大家樂，霸個靚位据個靚扒，咁今期佢有幾款扒餐選擇，我記得有牛扒餐，我食呢個既雜扒餐啦。呢個餐有一塊豬扒、雞扒、仲有一條司華力腸&玉米。首先豬扒煎得幾好，外皮煎到金香可口夠哂脆口，D肉又唔會話韌。雞扒肉質好滑，份量好大塊，雞扒層皮亦都煎到金香可口。仲有條司華力腸都好好味，唔會話好重腸仔既味精味。今次就配左黑椒汁，個汁唔會好辣，但又夠味，加埋個玉米，成個套既份量都好充足好飽。但係佢個酥皮湯就真係唔得啦，個酥皮冇問題既都係好香酥好好味，但個湯就唔得啦，佢個所謂既羅宋湯係淡得黎得胡椒味，直情可以叫胡椒水。

好耐冇去食大家樂，琴日食咗個牛扒餐，真係影真嫲嫲，牛肉好明顯用粉醃過，完全冇乜牛味，我發覺大家樂嘅嘢做得越嚟越差，而家市面上好多新開嘅茶餐廳好食過佢好多，仲要個牛扒餐唔係平

估唔到大家樂都出咗一款咁高質嘅飯！係日式嘅流心溫泉雞蛋🥚♨️再加台式嘅肉燥 肉燥唔會太肥太乾 仲有啲冬菇粒粒 撈飯一流🐷🍚再加埋大家樂嘅招牌港式燒味 非常之豐富✨

大家樂出左個趣脆三文治盒，睇poster勁吸引，擇日不如撞日，就今日tea time去左附近間大家樂買黎試下。落完單搵位坐果陣，眼見有8成的食客都嗌左尼個三文治盒。搞到我等緊既時候好期待。 ⦁趣脆三文治 $31今期是芥末蜜糖汁吉列豬扒三文治，入面塊豬扒炸得好香脆，仲要係熱辣辣，差少少辣親果咀。仲有塊豬扒肉質唔乾啖啖都勁juicy。例外芥末蜜糖汁令到成個包冇咁乾身，整體配搭好fresh。 今期果口味我都幾鍾意，唔知下期出咩口味呢？好期待⋯

嗰日去咗食餐包+煎牛扒+ 牛尾通，普普通通，價錢算合理，奶茶夠熱，係牛扒有少少凍左另外加咗個炒麵，份量比較細希望下次個牛扒可以熱返少少，餐具有少少污糟但都仲接受到😂

一個人悶悶地又想慳下錢就最適合去食快餐店，而愉景嘅大家樂就係一個好選擇。通常黎呢到我都食燒味飯，貪佢平啲同可以食雞(冇咁肥)，而呢邊大家樂都做得唔錯嘅。今次寫食評係特別想讚下佢地嘅BB鴨，佢要4:30先有得賣，而且係限量嘅，但真係排隊都物超所值。首先$69一份都幾大，夠我地一家人食兩餐，而且佢都煮得幾好，啲皮係脆脆地之如，因為係bb鴨，鴨肉肉係質好嫩，完全唔酥，食落去真係覺得好正！ 推介呀，有時間去買隻黎試下！

最鍾意食大家樂既早餐 銀針粉系列好吸引出面比較少餐廳有得食銀針粉 所以成日一諗早餐 都會諗到大家樂先銀針粉有埋蝦米 菜脯係入面 非常香 絕不馬虎！其次 大家樂既下午茶都好吸引！

最近lunch都會外賣自取，尤其係喺連鎖快餐店。有啲精選餐價錢都幾相宜，份量又足，味道唔差，CP值頗高。而且落單方便，網上或手機app落單，計啱時間去攞，完全唔洗等。加上總有一間喺左近，所以真係窮人恩物嚟。呢間快餐店同同樣係大字頭嘅對手比，價錢上有啲輸蝕，因為冇外賣自取九折。但佢嘅燒味系列真心係唔錯。好似呢個叉燒滷香肉燥飯$42，飯同餸嘅份量都好多，仲有大大杯檸樂送。叉燒腍甜，肉燥好香嘅八角肉桂冬菇味，肉汁好惹味，送飯一流，仲有爽甜嘅菜心，好滿足。

之前睇過YouTube一個Channel。咁啱嗰個Channel嗰集係介紹大家樂。從來都唔知道大家樂原來係靠一哥焗豬扒飯起家。自從樓下間大家樂執咗之後。好耐都冇食過大家樂啦。行開荃灣心郁郁就去咗食一哥焗豬扒飯。港式快餐嘅好處就係。佢夠快之餘亦都可以食到中式嘅菜式。好啦去完收銀比完錢排完隊拎埋個焗豬飯，拎埋餐具就搵位坐低。一個人食嘅關係少不免同人搭枱。但係好彩而家有限最令極其量都係同一個陌生人搭枱姐。先講個焗豬扒飯。茄味濃郁，豬扒唔算太大舊。但係亦都食唔到浸雪味。飯底亦都非常好食。最後加埋罐可樂。簡直係滿足左一整日。