影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
朋友約係呢度食飯，一班朋友一齊竟然都可以坐得落我哋10個人。原本心理以為只係普通茶餐廳。點知原來咁好味。呢度嘅炭燒雞扒，炭燒豬扒真係好Juicy，一啖咬落去啖啖肉，唔肥膩，但係又唔乾唔柴。炭燒味道好濃郁。
繼續閱讀
食物質素正常，但落單女侍應服務態度極度惡劣，令人反感。第一，入座後多次要求下單，但未有適當回應，客人被無視。第二，點餐叫飲品時，客人問有冇心儀飲品類型時，被該名女侍應辱罵。（情況如下： 客人問：想問有冇阿華田或朱古力。女侍應大聲高叫：喂！你要尼d就去出面隔尼惠康買啦！邊到有尼d!） 想問尼d究竟係咩回應，其實餐廳冇供應都唔應該咁回應，客人都唔應該出錢食飯被人當出氣袋同得到咁既待遇。
繼續閱讀
中午4點左右到店，諗住食個下午茶。見阿姐係店入面企櫈痴緊揮春，我諗住你見到我，等你攪掂先。等左幾分鐘行入去我無諗到比人鬧，話我企係度你唔知我想點，難道我係欣賞你貼揮春既身手？真係唔阻你。係好小事，但我覺得一個人既耐心同禮貌唔應該被侮辱，唔會幫襯。
繼續閱讀
一個人去食午餐，坐張四人枱，有另外兩個人撘枱。食咗五分鐘，就周圍行著講：「出面好多人排隊呀，快啲飲埋呀吓。」另外兩個人食完就走左，我未食完，個呀嬸就叫四個人入嚟走低，另外個人就企喺我側邊。（我仲食緊）等位個人都話唔好意思，叫我慢慢食。明白午市唔好阻住做生意，但係好似唔係咁？
繼續閱讀
食物質素一般，叫走蔥無走蔥，冷氣機滴水我明，咁都要搵辦法解決架，唔開冷氣唔係解決辦法黎架喎，仲要開大後門，啲熱風吹哂入黎，三十幾度食麵無冷氣，叫人點食？之後烏蠅飛蚊飛黎飛去，店員都無反應，飛得入鋪面即係廚房都有機會啦，食物品質同衛生可想而知！成餐飯過程又熱又焗，然後碗麵既賣相又差，鋪面員工又唔會站係食客角度諗！鋪內食同係街邊食完全好似無分別，以第一次去依間食肆黎講，印象其差，令到我之後都唔會想再去佢其實分店消費同時亦對依間食肆品牌形象感覺差勁！
繼續閱讀