大力神壽司 (已結業)

陪朋友影完相後決定在小西灣食晚飯，因為太熱嘅關係所以就決定食日本菜，不過小西灣邨就只有「大力神」一家獨事日式堂食店，而且都成夜晚9點幾，所以就快快手入座。今次點嘅就係 晚餐壽司定食 $148 ，二個人開心Share，而且環境算闊落，坐得舒服。先上嘅係 蟹籽前菜沙律 ，份量很少，味道一般不過不失。之後就係主食 餃子烏東 ，用嘅係手打烏東，不過味道沒太突出之處，感覺不太味精還好吧。不過餃子無另上就有點淋了。套餐仲有 壽司及卷物 ，雖然只係常見嘅款式，不過擺得幾靚，有花心意喺裝飾到。魚生料算新鮮，不過SIZE略細，而且飯味缺了點醋香，有點失色。因為同朋友成日無咩食嘢，所以另叫多個 野菌三文魚撈烏冬 ，雖然賣相有啲杰，不過味道都幾唔錯，除咗野菌同三文魚，上面仲有啲蟹籽係到。不過用嘅手打烏東有點Over Cook了，淋咗少少。套餐仲包一杯飲品，朋友辛苦咗一日所以就讓佢飲凍嘢慰勞一下佢整體嚟講算係不過不失，不過可能獨市關係，仲有唔少進步空間呢。

在小西灣真的很少日本餐廳~大部份都是不設堂食的小店。最近也要去到藍灣半島那邊的商場才有大集團式的日本餐廳~偶然也要來幫襯一下其他店吧 先點了一個套餐 - 有一個小小的沙律然後有一個餃子烏冬 ^^ 餃子如果是分開上比較好吧。另外烏冬的口感是軟身的那種。還有這些壽司~  都是普普通通的款式 =)不過看上去總算有放心機在擺放方面。壽司上的料都算新鮮，但飯的味道跟出面的壽司真的差了點除了壽司還有卷物  覺得飯不太夠，如果再握實一點，口感上應該會比較好。因為是和朋友分的~怕不夠吃就再加點了這個三文魚撈烏冬。碟子的外觀不錯！！除了三文魚外還有雜菇、蟹子。整體上的味道不錯 ^^ 就是不太喜歡這家烏冬太軟身了吧 

平時返工都係自己帶飯多，點知我個fd搵我今日下奏補返餐生日飯，於是就去左呢間日式餐廳食。我同我個fd分別叫左個拉麵同烏冬，等左唔算好耐，D野食都好快送到黎(可能係平日ge關係，我食個陣唔算好多人)我個fd個拉麵好大碗，D料都好多，特別係D帶子!! 真係好大粒。佢個餐set仲有跟兩件壽司，不過我個fd就話D壽司踭D，可能係碗麵同件壽司有出有ge關係。但整個餐都唔錯，算滿足。而在下個天婦羅烏冬就湯底淡左D，但都算可接受範圍內。D天婦羅就不得了! 好大件，而且食個陣唔會覺得好油，最重要ge係「Dau」天婦羅入面有3隻蝦!!平時出街食邊有3隻咁多，仲要大大隻，所以我自己就好滿足。最後就係個甜品(跟餐送)「芒果奶凍」，如果喜歡奶味ge人應該會好鍾意，因為真係好重奶味，但在下對奶味一般，不過加埋D芒果醬都算唔錯。我同我個fd加埋平均每人$60左右，間唔中食下都OK。

這是小妹第一次打食評, 平時係Openrice睇既多, 但今次真係想分享下呢間餐廳.這間日本菜, 係小西灣都開左一段時間, 鐘意食日本菜既我, 於幾個月前剛開張之時, 已經幫襯過一次, 但當時食物水準及服務質素均一般, 出餐時間尤其慢. 性急的我真係無耐性等, 草草吃幾件刺身sushi就埋單走人. 心諗無下次.但事隔數月, 見這間舖有很多抵食既宣傳, 心想食得太多連鎖店, 就再試下呢間日本菜, 比多次機會佢. 一嘗就有意外驚喜.佢三文魚厚切刺身做招牌, $32蚊有4片厚切. 睇相唔可以話佢厚到不得了, 但味道很新鮮, 而魚質亦不會因冷藏而過凍. 那種三文魚的油香真係令人很有驚喜. 真係好抵食. 再者, 我亦試左佢個原隻活赤貝刺身, 每隻盛惠$42, 抵!! 質素亦不會將貨就價, 赤貝很爽口亦有鮮味. 真係激讚!!! 之後再order左個海膽刺身, 一黎到. 嘩.... 這間店真的很用心, 食物的賣相很精緻, 這個海膽真的令我有驚喜, 海膽的份量十足, 平時係連鎖店吃的海膽總有種苦澀味, 但這裡的海膽很鮮很肥美!!! 以$168既價錢有咁既質素, 可足見抵食既餐廳係仲存在既!!由於肚餓關

自娘胎已經住起小西灣,以的記憶所及,以前呢區係無日本餐廳的..最近都要去番柴灣先有壽司食..而家一落商場就有壽司食,正啊!! 第一次去大力神食野應該係八月度,個陣對呢間餐廳完全無乜期望,食完仲話唔會再去!今次再光臨算係叫俾多次機會佢地啦! 哇!大進步喎!19:30去到,無需等位,睇睇MENU諗食乜,估佢唔到夜晚無SET叫-3-嗌左五樣野,有飯有壽司,先講講個個炒飯,好香!好多料,有豬軟骨有鳴門卷有肉粒,第一啖食落去糊椒粉味好重,不過食食下又唔多覺!之後就係豬軟骨,食落去唔係醬油味,係滷水味,不過好入味!三文魚好肥美好新鮮,3件$15抵食!!如果係住小西灣,入會做會員都幾著數!$100入會即送你$100COUPON,好抵!會員仲有其他優惠添!相比起第一次食,今次的確令我改觀不少!希望會有更多優惠同進步啦!

這段時間經常要去小西灣做野,之前去過這間新店試過,但食物質素一般,價錢貴左D,昨天經過見到有人排隊,好!俾機會佢再試多次,果然食物質素有進步,價錢亦實惠左,食滿一百元仲有獎抽(生意難做),下次去小西灣唔使再捱快餐店了.

明天, 是主日學的畢業營。所以我就過了嫲嫲家。我們去吃大力神 , 哇~~~大力神佔以前的三個鋪位啊我們叫了親子一番前菜有中華沙津, 很多味精, 但都幾好味之後, 就是三文魚昆布豆腐湯烏冬。三文魚肉很少, 豆腐多, 但沒有豆味, 烏冬味道帶酸吉列炸蝦(2隻)。蝦很細隻, 吃到有蝦殼到我期待巳久的---親子壽司盛, 有, 柚子鴨胸壽司, 火灸醋鯖魚壽司, 玉子壽司, 北海道蟹肉手卷, 芝味青瓜細卷。 柚子鴨胸壽司的鴨胸很咸, 一點柚子味也沒有。 火灸醋鯖魚壽司的鯖魚很腥。 玉子壽司的玉子很甜 芝味青瓜細卷我估是青瓜上./下有芝士,但我吃下去一點芝士味也沒有。北海道蟹肉手卷的蟹肉較少, 北海道的意思我不太明白, 但我知只是沙律醬加蟹肉, 菜和蟹籽。我覺這樣的價錢, 我覺得超唔抵食, 因為親子壽司盛每種壽司只有一件(芝味青瓜細卷除外), 所以超唔抵食

屋邨生意，但旺角銅鑼灣價錢。湯偏酸，麻麻地雜錦魚生飯，料都算多。海膽算新鮮，刺身也不錯。唯一係醋飯一舊舊，都偏硬同酸。包嘢飲，但係飲品落錯單、又黎得慢。係因為新開張0既關係？希望會有進步。