夏麵館 (寶石大廈) (已結業)

出黎荃灣夜晚忽然想食上海野係openrice就揀左呢間夏麵館黎試雞絲粉皮酸辣湯 (例)材料好豐富美中不足既係唔夠酸建議食之前可以自己再加少少醋涼拌小木耳都係唔夠酸可能本人食得比較酸紅油抄手個汁甜甜地又幾得意喎生煎包無汁 麻麻地家常煎餅皮脆 又唔油膩食完又再嗌多左份鮮肉小籠包皮比較厚身但都有肉汁鮮肉鍋貼又係皮太厚有少少肉汁鱔糊擔擔麵鱔糊味道可以但鱔肉真係比較少筍絲比較多擔擔麵花生味唔太足夠辣度適合唔食辣既人排骨擔擔麵排骨炸到好黑 貼埋梳打粉味好西利豆沙鍋餅皮勁硬勁乾完全唔建議食

睇食評寫這店上海食品幾好食⋯⋯今日中午去試吓，點左個半份蟹粉（哆唻咪），韭黃炒鱔糊，涼菜（五小碟），回鍋肉粗炒，其中個兩款不能接受超級鹹！1-蟹粉味道超鹹🤭，叫男經理試吓他試過都話好鹹馬上幫我換過，點知換回來的只是加多了水蟹粉！2-韭黃炒炒鳝湖又係鹹到苦，再叫個男經理問D鱔糊超鹹到苦…點知佢發晦氣話我哋個廚房整野係重口味㗎啦⋯⋯咁你下次提早出聲叫廚房小油小鹽囉⋯⋯😡 原本想換過給我都係算啦，點知個經理咁嘅態度我馬上叫佢取消這兩餸😡以後唔會再幫襯呢間店舖。

母親一向喜歡食小籠包，所以今日中午就搵間上海菜黎食。見夏麵館有蟹粉系嘅菜式，甘就試下好唔好食。最後我地叫左個小籠包，蟹粉豆腐煲，白飯，上湯雲耳勝瓜同夏味燻蛋。夏味燻蛋($13)：個蛋幾入味，而且個心係有小小流心，凍凍地幾好食。蟹粉豆腐煲($98)：個汁好濃味，蟹粉味唔算好出，但係見到有蟹粉嘅。豆腐好滑，用黎拌飯食都可以。上湯雲耳勝瓜($52)：好普通，而且油勁多，係見到有一層油係面，啲瓜食落口有一陣麻油味而唔係雞湯味。除左份量足同埋比茶餐廳平之外，諗唔到優點。食完兩個餸，都已經半個鐘，都未見小籠包上，甘我就同侍應講話差個小籠包未上。佢竟然立即應我：哦，仲差個蟹粉小籠包a ma，好快上。我心諗有無搞錯呀，我係叫小籠包，你查都唔查單就會應，擺明漏單啦。甘我就立即話剩係小籠包，我叫左之後5分鐘後立即上。個小籠包($38)係幾好食，皮夠薄，入面啲湯好甜，係有啲脂肪咬唔爛要吐返出黎。總結黎講，中規中矩啦！

因為疫情關係人流唔算太多，所以都坐得好鬆動，心情上亦都放鬆d，店員好有禮貌同埋好勤力，見到茶壺無哂茶會主要加茶，想要隻外賣碗仲拎左兩個size出黎俾我地揀，態度亦都好好，希望呢間餐廳同班員工都可以捱得過呢個難關💪🏻擔擔麵，湯底好香好濃郁，而且仲好大碗拼盤，可以自選5個冷盤，烤夫酸酸甜甜好索汁，蒜蓉炒四季豆好惹味，水晶肉就同平時個d差唔多，雞絲粉皮好足料但個麻醬就唔夠香，涼拌海節好爽口但就唔夠酸，不過整體都唔錯水煮牛肉，牛肉係滑牛，底下亦有好多粉皮同芽菜吸哂d湯汁，辣度屬於適中，唔太食得辣個d都可以食到少少水煮桂花魚，魚肉已經起哂做魚片，食落好方便，不過唔夠滑，而個頭同尾就炸左好香口，同樣地底下亦有好多粉皮同芽菜吸哂d湯汁，辣度都係屬於適中糖醋魚塊，呢個係即炸，所以食落去脆口得黎仲有層醬包住，好好食豆沙鍋餅，呢個就普普通通，豆沙正常甜甜地，但外面層皮無乜味，所以食落去都寡寡地食物質素都屬於中上，服務態度就真係加左好多分！

我好少喺度留言，但今日忍唔住要寫食評。經網上外賣平台叫咗個炸醬牛肉撈麵同酒釀丸子，個撈麵比想像中辣，不過都仲可以食得落。我想話嗰個酒釀丸子真係垃圾!!!!!! 望落已經覺得好杰，食落口根本就係生粉水，一舊舊透明漿糊咁，而果啲丸子咬落去 完全冇煙韌嘅感覺，只覺得好粉!!好粉!!

又係出街做嘢嘅時候，見客之前就好鬼肚餓，行過見到有人喺餐廳度食炒飯，個肚即刻打晒鼓，時間關係見客先，見面先至再食，眨吓眼已經過咗三個鐘，唔影響我食炒飯嘅心情，再行返過嚟食炒飯，望吓餐牌原來已經到咗下午茶時間，價錢平多少少，加多兩隻煎鍋貼，上次食過好好食，最記得似生煎包但薄好多嘅外皮，肉汁保留得非常好，juicy至極，瑤柱蛋白炒飯出現，瑤柱份量唔少，正確應該話成碟飯份量都唔少，飯粒分明唔油膩，食完之後，飲埋酸梅湯幫助消化

Winter always the best season for eat CrabLet’s chill難得星期五 仲要蟹季見到夏麵館有蟹既菜式 所以決定去佢到食晚飯點左蟹粉小龍包 哆唻咪 擔擔麵 蒜泥白肉 豆沙鍋餅 桂花拉糕推介:哆唻咪:個名夠哂特別 其實佢係一份蟹粉蟹膏蟹肉同蝦仁煮埋一齊既菜式 佢未食已經有好香好濃既蟹味 入口真係有啖啖蟹香係口嚨 配埋饅頭食岩岩好 唔會太流蒜泥白肉:好有驚喜佢係用真蒜去整 唔係用蒜醬好用心去煮 有好香既蒜味 同埋食落口 啲蒜唔會好攻喉豆沙鍋餅:出面市面比較小見 好開心係夏麵館食到 皮薄餡靚 食落口 個薄皮好脆 配埋豆沙蓉 真係有上海既味道Remark:食物份量方面都偏大份同好足料@xiamianguanLocation: Tsuen WanPrice (5 is max): 3/5Yummy (5 is max): 3/5

諗住簡簡單單食一餐，點知有意外驚喜聽到個名以為係一間麵館 睇到餐牌先知原來係一間咁高水準嘅上海菜先叫咗隻燻蛋 溏心嘅蛋黃加上煙燻嘅香味齒頰留香跟著點咗一碗酸辣湯酸辣比例恰到好處 水份比例不太稀亦不太結好耐冇飲過日本咁高水準嘅酸辣湯黑醋話梅骨酸酸甜甜嘅排骨 配上醒胃嘅話梅食起來特別開胃火腿津白濃烈嘅火腿味配上清淡嘅津白兩個極端嘅味道簡直係絕配跟住一個蟹粉小籠包呢一味就比較普通冇乜特別唔係佢難食 而係其他太好味相比之下略為普通之後叫番個澱粉飽肚瑤柱蛋白炒飯飯粒水份比例 蛋白同味道都剛剛好 不太鹹不太淡唔會太少配料亦都唔會太多跟住驚唔夠飽 點咗菜肉雲吞麵不過佢嚟到嘅時候已經飽咗味道唔作評論因為對佢唔公平雖然已經好飽但係都要叫返個甜品嚟收尾高力豆沙整體嘅評論 好耐未試過一間有咁多驚喜餐廳本來諗住一間麵檔 點知食到一間咁正宗嘅上海菜值得推介朋友嚟試下嘅餐廳

又落到去荃灣做嘢，做完嘢之後望一望，已經三點幾唔知食乜好，臨走之前攞車出去兜一兜，見到女朋友上次介紹呢一間，原本我好抗拒嘅魚湯，經過去強行要我飲一啖，令到我從此對魚湯改觀，而家見到就叫嚟食下，原來有做下午茶餐，價錢比平時平啲，仲可以加小食，我加咗一個煎鍋貼，鍋貼皮同平時嘅有啲唔同，比較厚身應該係麵粉做，餡料比較juicy，特別又好食，到主角黃魚煨麵出場，入面有少少雪菜帶嚟魚湯少少吊味，我再加多少少胡椒粉落去，鮮味更加突出

喺荃灣附近行完街，隨便搵咗間上海餐廳食飯！味道唔錯，性價比幾高不過我哋週末嘅晚上去，餐廳入面都人頭湧湧，要等一陣位。食上海野梗係要叫啲包點。叫咗香口嘅炸饅頭，小朋友好鍾意食！小籠包都幾好味，不過就厚皮左少少之後要咗醉雞，份量都唔少雞肉都幾滑，酒味就唔係好重～我覺得燻蛋係必食推介，非常之流心，好味食肉獸最後仲要咗個炸豬扒，豬扒都炸得幾乾身，小小辣，香口惹味，送飯一流甜品叫咗一碗湯圓，食完薑茶湯圓成個人暖哂

今日係聖誕假期第二晚當然要同屋企人食埋嗰晚飯先結束完美嘅假期今晚就去咗位於荃灣嘅夏面館食上海菜畢竟聖誕party食得太多西餐，要食下中式餐廳荃灣呢間上海菜距離地鐵站有一段路人流唔算係太旺我大概6:30入座餐廳坐滿一半客人菜式都係一般上海餐廳必有嘅食物 生煎包同小籠包當然唔可以唔叫啦生煎包味道不錯但如果可以煎得更鬆脆就更好小籠包入面嘅湯好好味，不過比其他上海舖不夠多湯另外仲叫咗醉雞，好重酒味，好香，本餐最愛，讚!回鍋肉同糖醋小排都很香口配白飯食 不經不覺食咗一碗半飯比較鍾意佢冇傳統上海舖咁油膩 感覺輕盈一點 再配餐廳提供嘅熱茶飲 食完都唔會話覺得太多味精，唔會太渴總括來講，係一間貼地上海舖，價錢合理，味道中上，會再次光顧

今次又黎到荃灣夏麪館食上海野，好食嘅上海菜館荃灣其實都唔少，呢間係其中一間，而且仲有加錢甜品任食，有驚喜！所以緊係要約朋友去食返餐勁啦。鮮肉小龍包一定係必點，皮雖然唔算薄，但入面有勁多湯汁，湯汁滋味濃郁，仲超級熱辣辣架，所以記得要好小心咬！唔係會辣到個咀架。一人有兩粒，超滋味。煎餅煎得薄薄脆脆，好惹味。回鍋肉香噴噴，有肉片有菜有紅椒綠椒，少少辣勁有鑊氣，勁惹味，用來送飯一流。擔擔上海麵份量好足，味道又正宗同好味，濃濃嘅麻醬味，嗅覺味覺都好享受，而且係上海幼麵，非常掛湯，令每啖都會有麻醬又食到肉碎粒粒嘅香口口感，熱辣辣真係好好食。食左咁多邪惡美食梗要叫個菜，火腿津白清清地而且又有幾片咸肉，同津白一齊食互相提鮮，又唔會覺得火腿太咸，而津白又唔會淡而無味！正另外加左20蚊任食甜品同夏味熏蛋。熏蛋煙熏味濃，而內入面流心黏住咀，很香。甜品方面我地叫左豆沙鍋餅，擂沙湯圓，薑茶湯丸，仲有仲有，非常cross over 嘅貓山王榴槤高力，一次過試晒咁多甜點，咁樣以甜點作結真係太滿足。最正係任食，鍾意食的，可以狂點。太多太多款甜食了，不能盡錄，又正又好抵食。

Anyone who knows me knows that I love Shanghainese food, and especially dumplings! So when I found out that there was a resturant so close to my house that served this I just had to go and give it a try!We ordered three different types of dumplings this time, the soup dumplings, pan fried dumplings and the chili steamed dumplings. Usually my fav is the soup dumplings but this time the chili dumplings was a stand out for me. I think it’s because the sauce had a little bit of sweetness to it which

我本人和媽媽非常喜歡食上海野，搭巴士成日經過一間叫「夏麵館」的食店，店面頗大，又成日有人排隊，於是趁星期一放假，請爸爸媽媽去食晚飯，等佢哋開心下😘店內有卡位，方便小家庭坐👍頭盤叫了五小碟涼茶，雞絲粉皮好滑，芝麻醬又香，糖醋小排骨，骨肉均稱，味道正😋，手拍青瓜夠爽😘水晶肉及素鵝高質素🤤，單單頭盤已經👍經典小籠包，湯汁肉汁鎖住，好味😋至於必先的擔擔麵，賣相已贏得最多，但味道更濃，很美呀🥰再叫了回鍋肉粗炒，肉香麵滑，無得頂🆙再加個酸辣湯，絕👍媽媽中意的紅油炒手，做得很出色，不太辣，皮又滑！每碟份量頗大，已經容納不到甜品，下次再試

天氣入秋，就想吃小籠包！ 想到上海菜當然是夏麵館啦！ 荃灣店寬敞舒適，復古裝修很雅致 鮮肉小籠包 皮薄餡靚 咬一小口，濃濃的湯汁爆出來， 湯汁肉味濃很好味。炸銀絲卷 很像炸饅頭， 但內面卻是一絲絲的的口感， 沾上煉奶外甜內軟， 很好吃的小食。干扁四季豆 四季豆很新嫩 炒得很有大排檔的鑊氣， 乾身又一點點焦， 加上用豉油調過的醬汁很惹味， 用來配白飯也很是好的選擇！老上海炒飯 看似普通的蝦仁炒蛋飯， 但絕不簡單 炒飯的火候夠， 蝦仁仍保持鮮甜爽脆， 蛋包好米飯， 還充滿著蛋的香氣 老上海炒麵 其實就是上海粗炒， 麵質Q彈， 醬汁調得微微甜很好入口， 配料有很多，香菇片、肉絲、白菜仔等等， 炒得很不錯！香煎南瓜餅 今晚的甜品， 炸得剛好， 有保留淡淡的南瓜香， 也有煙韌QQ的餅芯， 再加上一點點糖霜， 真是喜出望外的甜品。