夏麵館 (始創中心)

營業中

休息中

吃到一半，睇到一隻小強系碗雲吞裡面………唔會再來。雖然店家del左尼個菜價，唔使我地埋單尼個雲吞。但真心好恐怖，因為已經食左一半撈起身。好得人驚，唔知佢地點做後廚。絕對唔會再去

朋友介紹嘅夏麵館我揀咗下午茶時段去食比我嘅感覺有d似去飲茶一枱一壺茶等緊上菜嘅時候可以飲茶主食我揀咗排骨菜飯個菜飯超正 好香 配排骨啱啱好🤤小食我揀咗涼拌茄子🤤超好食 鹹鹹地甜甜地 超開胃❤️❤️飲品我揀豆漿成個下午茶好抵就算要收服務費都唔貴原本係其他時段叫涼拌茄子都要幾十蚊下午茶超值👍🏻

特登帶媽咪嚟食上海菜，因為之前食過覺得唔錯，我最喜歡佢嘅熱爆燻魚，媽咪鍾意食蟹粉，所以就叫咗個係人氣必食既哆唻咪，哆唻咪個蟹粉味道好濃加埋蝦仁好好食，仲有叫咗鮮肉小籠包同埋瑤柱蛋白炒飯都係唔錯。我仲加咗哆唻咪落啲炒飯度變咗蟹粉炒飯覺得好好食😋

在這裏附近做完工作後，入去呢個商場搵嘢食，無意間經過行過門口，第一次都無入去，因為以為都係食一般嘅麵，再兜個圈睇吓食乜嘢嘅時候，就見到商場呢一間餐廳嘅廣告。原來係食一啲上海嘅嘢食，咁又好似幾吸引，所以就決定入去食，見到有下午茶餐，咁就叫咗個下午茶餐來吃了😋下午茶餐：烏金蟹粉拌麵：好多🦀肉，蟹粉湯麵食落真係好正😊夏伯伯酸梅湯：呢度嘅酸梅湯又真係好好飲鮮肉小籠包：加錢配咗個下午茶嘅小籠包，睇唔出呢度嘅食物原來係咁好味😋😋😋——————-肚仔就飽哂，但睇餐牌仲有好多好想食嘅嘢，一於外賣拎返屋企食……😝涼菜五寶：蒜香四季豆：鎮江水晶肉：美味海蜇頭：糖醋小排：醉香豬手：每款都是我愛吃的小食，味道適中又夠味，不咸不淡，每款都整得好好食😋無可挑剔👍👍😋送飲品🥤：夏伯伯酸梅湯🙏———————-看似簡單的食物🥘…. 好味道的一D都唔簡單🤣其實開心簡單就在你身邊❤️⋯⋯食….拍…寫.. 已經成為我生活中的一部份鍾意食..鍾意拍…鍾意寫..留下美好回憶————————-

總到太子辦事，她家也來過幾次，朋友請上海菜也來過。整體味道不錯，印象深刻的就是她家排骨擔擔麵，配料好足，透著芝麻醬的香氣，些許辣味，也可以加辣，換了淮山麵健康滴，小籠包一口爆汁，點薑醋送進嘴裡完美，裡糖醋蝦球的大蝦好大，一般酒樓咕咾肉的價格松鼠魚請客佳選，色香味俱全。那個涼菜五小碟很不錯，一次吃遍五個品種。這次來吃遇到在做活動，食100送100，挺划算，而且日常午餐下午茶套餐能用，大閘蟹的套餐竟然也能用。下午茶約上同時一起用券好划算。

聽朋友講尼間吾貴又好食咁我就試試佢啦，親民價錢，值得一試呀雞扒擔擔麵雞扒鮮嫩吾乾very juicy😋麵線彈牙，擔擔麵的湯汁濃厚帶有微辣的香氣和花生香氣，每一條麵都沾上湯汁，非常惹味小籠包湯汁清甜，皮厚薄適中，饀料鮮味多汁，配醋食另一種層次紅油抄手每一粒雲呑都好大粒，雲吞配上辣椒油，香麻好夠辣，餡料有肉香老上海炒麵風味濃郁，麵條彈牙，以醬油和蔥花為基底，加入豬肉絲、蔬菜和麵條炒煮而成，麵條煮熟後保持彈牙口感，每一口都能感受到麵條的滑嫩。豬肉絲的鮮香與蔬菜的脆爽相輔相成豆沙鍋餅香甜餡，酥脆皮，鍋餅外皮金黃酥脆，內裡裝滿綿密的豆沙餡，入口即化，豆沙餡香甜濃郁，帶有微微的豆香，與酥皮的口感完美融合

小籠包/味道尚可，但唔係隻隻都爆湯汁，扁塔的。上湯雲耳勝瓜/勝瓜爽脆，但上湯蔬菜來說屬於很油膩 。擔擔面配炸豬扒/炸豬扒偏乾硬；擔擔面條軟硬度適中、微辣，不過欠花生味 。花雕醉雞/雞肉滑溜，熟度剛好。鮮肉鍋貼/皮偏厚，肉汁豐富補救 。回鍋肉粗炒/

突然之間好想食擔擔麵⋯叫咗個午市套餐，有前菜主菜飲品，入座就要比$5茶位，仲有服務費⋯今餐食咗80幾蚊叫咗個雞扒擔擔麵，個碗勁大囉⋯呢間嘅面都幾爽口，湯底就比辣味遮蓋左花生醬味，我個人比較喜歡醬味濃郁，所以我淨係食到辣味！前菜揀咗雞絲粉皮，呢個好好食！麻醬夠晒多～粉皮彈牙爽口，配埋青瓜條非常開胃！份量都幾多下，炸雞扒好脆卜卜，份量好大！最後配咗熱豆漿，真係飽到上心口！本身想試埋佢哋嘅榴槤窩餅，不過嗰日冇貨～

一直想幫襯始創中心哩間夏麵館，但樓下行過幾步路，有間更出色收費更平嘅上海菜餐廳，叫滬小館! 所以久久無嚟幫襯，今次因為三人同行想坐得舒服D，而且係始創出咗部電話，想坐底等手機過完 data 唔想行太遠，於是就有機會嚟夏麵館.點咗份二人餐，有酸辣湯，花雕醉雞，海蜇頭，獅子頭，蟹炒拌麵，高力豆沙，另外再點一份蟹粉小籠包.枱頭有份簡介，介紹什麼 "哆唻咪"，又叫咗半份.優點:1, 相比起滬小餉，夏麵館座位更闊落.2, 酸辣湯有齊酸味同辣味，無話偏重一方，而且又足料.3, 花雕醉雞酒味香濃雞肉嫩滑.4, 海蜇頭極爽脆，哩點有驚喜.5, 獅子頭豬肉肉嫩又Juicy, 味道適中無話特別鹹.6, 心目中蟹粉拌麵嘅麵條係淡黃色，估唔到上枱嘅麵條係黑色，即時打個突! 但麵身彈牙，連同蟹黃蟹粉一同入口更惹味!7, 哆唻咪其實係蟹黃加蝦仁，我地點份半份但份量好似一份咁多! 而且蟹黃味香濃! 蟹粉拌麵總係感覺唔夠蟹黃蟹粉，再加埋哩個哆唻咪就正!8, 成餐晚飯最正係高力豆沙，夠甜又鬆軟! 推介!缺點:1, 冷氣不足.2, 點咗飲品係西洋菜蜜, 味道淡.3, 蟹粉小籠包質素唔錯，夠熱湯汁又足，但蟹黃味比滬小館嘅蟹

食過幾次呢間既酸辣湯拉面，豬手，係好食既。而小龍包就好麻麻，皮太厚。同埋完全無服務，太差，食物等候時間又耐。是日2個人去食，但只開一個位，同佢地員工要求左開多個位，勁耐都無開，再叫多次，又係齋應唔做。直到食物上埋枱都仲未有餐具食。

食物：味道好鹹。 我點了蔥爆牛肉，味道好鹹，也好服務員願意幫我取消。但我不好意思再取消點了的雲吞雞。所以我決定將雲吞雞放在陽春麵的清湯裡一起吃。這樣也算可以接受，但雲吞雞的湯一口都喝不到！服務：雖然餐廳人員很多，但他們很快安排了我坐下。點完餐後才知道他們只有45分鐘就關門，但點餐流程迅速，上菜也很快，非常配合我肚子餓的狀況。然而，到了9:20，一個體型較大的服務員走過來告訴我一句話："我們關門啦"。以上這些問題在其他餐廳也偶爾會發生，並不算特別，但整個過程中沒有聽到一句"不好意思"，這讓我有些不習慣。

第一次叫戶戶送 選擇相好靚既 夏麵館，5人晚餐 選擇四至五人餐598，再另加三小食。1 .美味海蜇72蚊2. 虎皮 素鵝61蚊.3. 最 醉香豬手75蚊（三樣小食係用迷你膠盒）4.90蚊 賽螃蟹3份1 透明外賣盒。全部迷你份量，正常食量人士，都不用幫襯， 一次都唔洗試

有一天同朋友在太子食飯，朋友話想食上海菜，見經過始創中心，我入咗去食！印象記得這間上海菜館已經開咗好耐！雖然未曾食過，但覺得開咗咁耐，應該都 ok ！最後結果真係只剩下「ok」啦！平無奇，無特別！

今日放假，下午茶時間入到去，啲枱都未執既，好不容易搵到張吉枱坐下，坐咗十分鐘，完全無人理你。 位又唔開，單又唔落，當我嚟乞食咁？！ 喺咪真係咁好生意，唔憂做呀？ 所以啲食肆執笠，完全唔洗可憐！

途經太子，想食上海野，到夏麵館試一試。一入鋪已覺得混亂，中年女侍應叫等陣，自己行左去，跟住大叫：「又話4位，去咗邊？過嚟喇！」坐低，中年女侍應擺餐具，一邊擺一邊發脾氣，話做唔切。其實你做唔切關我咩事？做咩搵我出氣⋯⋯之後發覺無茶水，搵個男經理攞壺水，佢轉頭攞嚟，「嘭」一聲擺低個茶壺，啲水飛哂出嚟，之後走左去…我同老婆真係呆一呆。之後老婆話唔怪之得啲員工咁無禮貌，經理員工完全係同一個tone，超無禮。食物問心係ok，但係未食都一肚氣。奉勸大家揀呢間嘢前諗一諗，附近大把選擇！