夏雪 (已結業)

大概8:00左右到，平日晚上人不多，店內計埋我地只有3台客，可能時間尚早吧呢間店幾年前已食過，當時已經好鐘意，但因太大碟，所以好多時食完飯都食唔落，就沒再食今晚的晚餐比較輕盈，肚仔仲有好多位，就黎左食啦～～～綠茶窩夫，好正呀！未食已聞到好香好香，切落去已覺得好鬆化，夾餅入面仲有綠茶餡，一點都唔漏；綠茶雪糕甜度剛剛好，配上碟邊的紅豆和白玉，仲有綠茶啫喱和兩片柑？橙？，口感好豐富！細食的我，食下食下竟然食哂！男朋友食伯爵茶窩夫，佢仲犀利，極速食哂，我試左幾啖，茶味很香，令人忍不住一口接一口！很滿足的甜品，我地兩個都捧住個肚走。不過真係要肚仔有位先好黎食，因為真的很飽肚。

甜品，於我來說就是給生活的一點甜，下午茶想食、飯後想食、宵夜想食，其實無時無刻都想食😂與朋友到堅尼地城食晚飯，當然要食埋甜品先至完滿，想起上次吃過的綠茶窩夫，飯後立即帶朋友到「夏雪」。「夏雪」所在的橫街不太顯眼，與地鐵站亦有點距離，不過跟着地圖走，很容易便找到。店子小小，只有數張木枱，黑板牆上畫有窩夫及咖啡圖案，就知道這裡主打窩夫。餐牌除了甜點外，亦有牛角包、 all day breakfast等鹹食的選擇。由於剛剛吃飽飯，如果一人一份窩夫，難免吃不消，見餐牌有半份，詢問店員後知道仍有供應（估計是有時間性），於是點了兩份「半份甜品窩夫」。🔶 皇家伯爵茶窩夫（半份）伯爵茶味窩夫、伯爵茶味雪糕、燒菠蘿其實窩夫及雪糕都有很香的茶味，但雪糕的味道比較濃（若先吃雪糕，會覺得窩夫冇味），至於燒過的菠蘿很甜。🔶 紫薯窩夫（半份）紫薯味窩夫、真豆腐雪糕、紫薯粒、 哈蜜瓜窩夫味道不錯，但雪糕就很淡，完全唔甜（或許是豆腐本身就沒有味道），哈蜜瓜算甜，只是覺得紫薯配哈蜜瓜這個配搭有點怪。每款都附送美式咖啡或伯爵茶，食完甜食，嚐一口茶/咖啡，清清口腔蠻不錯。同場加映：上次點的綠茶窩夫（下午茶時段吃了一整份，結

本身見到啲評價好似唔錯行經附近所以過嚟先講 service - 係幾乎無樓面主要係個女仔，經常黑面... 問佢lunch set 同a la carte waffle 嘅份量有乜分別，佢又講得唔清楚淨係話1格2格... 最後我哋三個人叫咗兩份lunch sets - Irish Coffee waffle + Earl grey waffle大概$60份，再一個Baileys Affogato，三杯嘢飲嚟錯杯熱飲道歉又冇句就咁行咗去，仲有漏咗個Affogato 啲嘢食嚟到又唔畀餐具，我哋就問個女仔啦點知佢指住喺正佢隔離一桶嘅餐具話”自己拎吖”...💀好啦拎完發現所有刀叉都勁污糟有晒跡咁咁咪自己用水濕啲紙抹囉，點知有隻叉抹完張紙係啡黃色......污糟到咁！再講野食 - 味道超普通又硬唔明點解咁多好評？啲人未食過好食嘅waffle??? $60 得嗰一份仔waffle...不過焙茶latte 幾好飲總之呢間野看似小店，但其實唔係應該服務更加要有咩？仲收10% 但乜都 “自助” 野食真係一啲都唔好唔值咁多好評希望唔好咁多人中伏除非個女仔嘅態度好啲(下面有個人嘅經歷同我都幾似所以應該唔係一次

同男友係上環食飽左後坐電車黎左西環 醒起有間waffles一直好想試！終於黎左 舖面不大 咁岩5-6點冇乜人 即刻有位 雖然我麻麻地紫薯 但係又對個紫薯waffles有興趣😂覺得賣相幾吸引！一黎到 相機食先waffles外脆內軟 熱辣辣 混合埋紫薯雪糕！成個覺得好match 估吾到唔食紫薯既我都比呢款甜品吸引到🤩🤩 隔離枱仲配埋紫薯特飲Tim!見到仲有抹茶waffles 一樣好吸引 唔太肚餓既話 兩人share一份窩夫就岩岩好！

西環而家真係多野食，各式各樣的小店開到成行成市。我老友係西環街坊，帶我去食好野，話呢間甜品店好正好精緻，食完飯好飽都要去食下。我地8點幾去到，唔洗等位。環境都舒適，三張大枱，一張BAR枱。 BAR 枱坐得辛苦啲。最低消費每人$65，所以每人都要嗌一樣野，唔可以兩個人share一份甜品。我地嗌左「紫薯心太軟」同「綠茶窩夫」，兩種招牌菜都食齊哂。落左單等15分鐘就到～「綠茶窩夫」一上到枱真係好靚，真係要相機食先。窩夫熱辣辣，外面脆，內裡好軟熟，有濃郁的蛋香同綠茶香。可是，個綠茶JELLY唔好吃，有陣怪怪的藥水味「紫薯心太軟」個心真係流心的，有超濃紫薯味，配上豆腐雪糕，有淡淡清香的豆腐香，可以中和味道。配菜有兩粒小紫薯同埋蜜瓜，咁就無咁漏啦總括而言，今次飯後甜品非常滿足。之後都想再來食～

同朋友係西環食完正餐想食甜品,就醒起以前讀書食過既依間甜品店,難得過左海緊係要再黎食👻魔鬼窩夫($108)係兩個窩夫上面分別有朱古力雪糕香蕉同朱古力心太軟,暖烘烘既窩夫配埋又凍又濃滑既朱古力雪糕一冷一熱真係好正啊!香蕉同朱古力真係最好既配搭😝而另一邊既心太軟一切開,濃郁熱騰騰既朱古力醬餡流哂落個朱古力窩夫到,咬落去簡直係雙重既享受,雖然好邪惡但係朱古力控一定會好鍾意!抹茶特盛($108)上面有抹茶心太軟,抹茶雪糕,啫喱,蕨餅,紅豆白玉同銅鑼燒,抹茶味道好甘香濃郁,心太軟中熱烘烘既抹茶醬配銅鑼燒同紅豆好夾好好食🥰蕨餅有滿滿既抹茶粉而且咬落去好煙韌,佢仲配送埋玄米茶,中和番甜膩既感覺☺️雜莓窩夫($58)外脆內軟既窩夫配埋甜甜酸酸既莓果醬感覺好開胃啊,雖然都好食,但我都係覺得朱古力同抹茶出色d😝

呢班人好日唔見，一見就要晚餐雞煲宵夜甜品直落😂聽講呢間夏雪係西環係好出名既甜品舖，大家都慕名而來。五條友，嗌左4個甜品share食，另加一杯野飲。呢度好似係waffle最出名，我地叫左兩種口味，mixed berries waffles同埋purple waffles。purple waffles原來係紫薯味窩夫配豆腐味雪糕，再有哈蜜瓜配。好特別亦都好夾👍🏻另外既心太軟不過不失。不過我最愛既始終係affogato 😍香港比較少甜品舖有呢個選擇。呢間既咖啡濃香剛剛好，同雲呢嗱雪糕相配合，唔太苦唔太甜😍

點解叫魔鬼窩夫？因為原本佢個配搭係朱古力心太軟加朱古力脆窩夫，配多舊比利時朱古力雪糕球，真係聽落都夠哂邪惡😈但皆因我實在有一份無名既執著，就係食心太軟一定要配雲尼拿雪糕🍦所以最後我係加錢($5)轉左口味再加多左球雪糕($18)食，都算係另一種邪惡..🤤心太軟一切開好流心，熱辣辣既朱古力熔岩配凍冰冰既雲尼拿雪糕絕對係一剛一柔咁夾，個窩夫又係好香好脆😍簡直係一個甜品滿足哂三個願望，三種口感阿！

本來以前呢間野甘好評價實無問題啦，特登揸車去食，點知一坐低簡直吾掂囉，首先服務差，收費仲要加一仲要每人要最低消費 咩都要自助，問個職員有無刀叉，佢禁住電話hea答話自助架，我地兩個人佢最後拎一隻碟仔俾我地都算啦，自助 fine我自己拎喇，叫一個甜品一杯野飲加埋一收百六蚊，真係吾值囉，咖啡吾好飲都算喇，甜品都只係好普通無咩特別，簡直可一不可再呀！！！！！！！！心諗叫人自助仲要加一服務費，請問服務左我啲咩？餐牌都係我自己拎架囉🤷🏻‍♀️🤷🏻‍♀️🤷🏻‍♀️🙄🙄🙄🙄🙄

呢間嘢係一條小街入邊位置比較偏比較難搵 但係入到嚟都非常之多人基本上係坐滿 叫咗佢嘅三文魚牛油果炒蛋窩夫 每一樣食物都好出色三文魚好香好新鮮 牛油果好滑 炒蛋亦都好滑蛋香味好重 至於窩夫係佢嘅招牌 同喺出麵食到嘅唔同佢嘅麵粉味好重 口感亦都好好唔會太遠或者太硬

天氣好熱 自從第一次試過呢道啲野食 我個朋友得閒就話要黎食事實上啲野食口味係特別，出面食唔到今次我想介紹呢兩款affogato,一個叫左雪糕加espresso ，另一個係特別口味-姜味首先要好鐘意或者唔拒絕姜味既先好食佢地間中會意啲新口味 唔怕既大家可以試下 如果怕既大家都係食返窩夫

今日入堅尼地城，行行下見到夏雪，好似好多人咁，咁岩又行到腳軟想休息，就入左去。其實我唔好甜品，都係朋友發板。呢個係earl grey waffle，朋友話好好味，好脆，話下次要試其他味（佢有麻婆豆腐味😂😂😂）呢杯choco latte就，真係好一般，好明顯佢係主打waffle另外佢有free一杯black coffee或者earl grey tea，所以就叫左杯earl grey（另外唔記得影，佢舖門口可以免費拎咖啡渣，環保，好好！）

咖啡窩夫有咖啡味，窩夫香脆，雪糕配合得幾好紫薯窩夫紫薯夾心窩夫好好味，紫薯味濃，有咬口抹茶特盛抹茶心太軟，牛油味有點羶，蓋過抹茶，吾好食，蕨餅滑，抹茶凍正常，丸子煙韌，紅荳蓉正常，班㦸淡，吾好食

食窩夫都係最愛夏雪係出面花心完都係會返黎食佢始終鍾愛佢既紫薯窩夫♥︎晚餐後大約8點半黎到, 唔洗等位~叫左紫薯窩夫同魔鬼窩夫✨紫薯窩夫有真紫薯做內餡, 閒落已經有好香既紫薯味, 加上窩夫外脆內軟個2粒小紫薯都係精髓, 仲有球香濃豆腐味雪糕✨魔鬼窩夫真係名附其實既邪惡😈每一啖都係朱古力切開心太軟由佢既朱古力餡流落窩夫度, 加埋就係極濃既朱古力窩夫, 佢既心太軟都好高質, 有濃郁朱古力既味道另一邊有球朱古力雪糕, 冰冰既雪糕同熱辣辣既窩夫好配

一直都好想吃「夏雪」的窩夫，今晚吃過後，我還會再來吃對於伯爵茶情有獨鍾的我，當然要一嘗這裡的「皇家伯爵茶窩夫」整個窩夫都是佈滿伯爵茶茶葉，未吃已聞到濃濃的茶香，吃下去更是柔柔的、淡淡的味道。窩夫配以伯爵茶的糖醬，不是很黏的那種，有點稀。糖醬是用伯爵茶煮的，所以不太甜，配上窩夫，吃完，滿口都是伯爵茶的茶香。另外，還有伯爵茶雪糕。窩夫一向都會配上雪糕，吃下去會有冰火交溶的感覺。然而，伯爵茶雪糕味道較甜，但配上窩夫則則好，沒有搶走伯爵茶的香氣。這個窩夫原是配以火炙菠蘿，但是本人不太好菠蘿，因此加錢轉了哈蜜瓜。水果的配搭，用作解膩，非常好你們看窩夫都佈滿伯爵茶茶葉最後，喝杯熱熱的洋甘菊茶，為這個晚上畫上一個完美的句號。