影片
港鐵奧運站 C1 出口, 步行約6分鐘
繼續閱讀
營業時間
星期一至五
12:00 - 15:00
18:00 - 03:00
星期六至日
18:00 - 03:00
以上資料只供參考, 請與餐廳確認詳情
食家推介
位置都幾隔涉，離開地鐵站兜兜轉轉，長長路路程終於到步。舖面較細，屋企式既佈置，感覺親切，只係對正廁所又聞到香晶味，硬係有啲唔自然囉。餐牌也不少，種類繁多，還有些另類食材添。除海鮮同湯底比較吸引外，其他都無咩興趣，我想食蟹呀！賣晒無供應，非常失望食神無照住呢。老闆同職員都耐心介紹食材，服務有禮，滿意！咸菜黑白胡椒豬肚湯，大大鍋要十足的耐性等待滾開。時機成熟，滾得如火如荼，被香氣完全包圍，殺呀！看似水汪汪的湯汁入口清甜咸味動人，足料勁濃郁，好多綿滑豬肚及爽脆咸菜，比大埔翠榮更好味，好事成雙飲多碗先！海鮮船，索價 $400 蚊價錢合理，份量兩位物有所值。青龍蝦、九孔鮑、海中蝦、蟶子皇、貴妃蚌、廣島蠔。九孔鮑，仍在激烈舞動歡迎著我呢！實在太熱情喇，不要著急，立即掉您落湯度游游水。看準時機 5 分鐘不要過時，起錨！熟度剛剛好，一刮殼肉分離白煙即飄，去掉嘴巴食道，連我致愛肥美甘香內臟全部一齊掉入口。內臟爆開甜美多汁甘香無比混在充滿彈性鮑肉之間，鮮味十足沒有不好吃的理由。海中蝦，時間最重要，不要過火，嫩紅實色即食！游水活蝦爽甜多汁，蝦膏甘甜大力啜，食得津津有味。3 吋廣島蠔，未見過咁大隻廣島蠔架！肥美爆汁，嫩滑水潤完全無渣。比我食開既更甜更鮮，想添食呢。超美味特大廣島蠔，必食！脆肉鯇魚腩，平平庸庸蘇蘇囉。偏瘦油脂不足，爽脆帶淡淡甜味，厚返少少口感會更好！本地手切牛肩脊，賣相討好，整整齊齊深紅的肉片。知道師傅刀功出神入化，但片得太薄影響口感。無想像中那麼香濃甜美，微弱牛味，淡淡然的肉甜。最正只有肥美牛頸脊，牛味濃郁，軟棉有咬口。美國雪花肥牛，反而美國雪花肥牛有驚喜喎！雖然半點雪花都見唔到，賣相麻麻，成條煙肉肥騰騰模樣，油光立立令，不過牛味勁濃勁香，而且脂肪位爽彈，好食好食。迷你墨魚丸，貌似台灣品種，非常平凡無特別，小小彈咸咸地有墨魚味，我只鍾情新鮮手打墨魚丸。長城牌午餐肉，寫明長城牌？老闆似乎對長城牌情有獨鍾喎。我食開梅林牌、日本御田或者韓國餐肉，長城牌係第一次。有肉絲其實係火腿午餐肉來的，烚到透徹軟塾濕濕品嚐，肥美鬆軟咸香動人，真的食得下。蟹柳棒，我愛蟹棒因爲非常索汁。真日本蟹棒烚得耐都唔會散晒，清甜彈牙充滿湯汁。青龍蝦，蝦肉通透水潤，明顯即劏閃閃發光。爽爽實淨的肉質，清爽蝦味甜甜的，十分新鮮美味。蟶子皇，洗得乾淨滿意，大條到放唔落個煲仔，唯有用匙羹拖湯灼熟去啦！烚多左幾秒，好采仍然鮮甜爽彈，非常好。貴妃蚌，依種貴妃蚌未見過，清甜肥美帶海水咸香，肉質非常有彈性，好味道。
繼續閱讀
Tai Kok Tsui is a hidden gem in the Kowloon side. Not as crowded as Mong Kok, so it guarantees you a way shorter queue up period! I love this hot pot place, the design is hip, and i highly recommend the foie gras stuffed shrimp ball and uni stuffed squid balls, I usually hate fusion stuff but these ones are unique And yunny, kinda classy too hahaa Lets not forget the thick ass scallops as well!推介 鵝肝蝦丸、 海膽花枝丸
繼續閱讀
睇得出好用心經營既一間火鍋店經朋友介紹，提前一星期預約，去堅火鍋睇下係味真係咁堅，叫左豬骨湯底，老細推薦我地直接飲黎試下，個湯底真材實料既，好清，冇味精，飲落好似屋企煲既老火湯。我地叫左既墨魚滑，魷魚，都十分之新鮮，而且黎得好快手，一次過到齊，唔洗食住一樣等下一樣。特別推薦既係芝士丸同bbq肥牛，味道一流，一定要叫。 最窩心既係店員會擺樽水係枱，唔洗飲黎飲去都係啤酒咁單調，同埋最後送左個薑茶，天氣凍用黎暖暖身，十分貼心！6個人埋單2千1，價錢合理，我會再返黎食
繼續閱讀
已經係第四次幫襯呢間火鍋店。先介紹湯底，今次係材料十足的香濃蔬菜湯未有野食又肚餓時，淨係飲個湯都好滿足唔使驚飲哂，因為湯底係會加番（原湯底，唔係水或者雞湯）講明足料，湯底的牛腩仲可以當餐前小食，讚！除左湯底，當然火鍋料都非常新鮮。肉質很好的牛肩肉，仲有特別的薑汁皮蛋貢丸、泡菜豬肉丸當然其他材料都很好，不過因為太美味，忘記拍照了！店內環境很舒適，下次一定會再來
繼續閱讀
朋友領軍,拉隊來到大角咀打邊爐;若然不是他帶路,憑我一己之力,找到此店有點困難..堅火鍋位於鐵樹街,屬於街坊小店,據悉店主每天親自市場入貨,因此海鮮很是新鮮云云.店子是兩舗相連,我們入座的右邊舖,裝潢頗具個性,紅色主調牆上漆上graffiti,又飾以各地旅行小手信,很有一種態度似的.可能是日天氣不佳,下起狂風暴雨,因此客人不多..未見平日爆満的埸面出現.我們雖然只得四人,不過倒想嚐嚐兩種湯底,點了牛腩V8什菜鍋及魚湯鍋,朋友説這𥚃湯底純天然不加味精,大可放心食用.個人而言,牛肉湯底材料充足相較魚湯更見天然..魚湯有些人工味道不知何解..首次打邊爐用Staub鑄鐵鍋,店方很豪氣!我們點了本地手切肥牛,牛味香濃不過頗多肥油;樹記響玲,蔬菜拼盤,韮菜豬肉餃,潮州魚蛋和兩份海鮮船等..食物原材料質素不用置疑,海鮮新鮮,除了廣島𧐢是frozen完全未解凍;餃子即叫即包,材料充足飽滿,腐皮製品和蔬菜沒有什麼可説..反而魚蛋有點兒一般,帶甜欠了些風味.我們是夜平均每人消費$360,包括四杯啤酒..大家一般飽,餐後因為很口渴,去了吃糖水;而我個人甫踏出店舗隨即起了風疹..湯底真的沒有味精嗎??
繼續閱讀