園林藥膳雞煲 (已結業)

藥膳豬潤米線, 好足料，好濃嘅藥材同純雞湯煮成，鷄件索曬個湯、而且細細件，容易食。咁啱我朋友唔食牛，呢度就啱曬。鐘意湯面唔會一層油, 食完全身暖笠笠、好滋補。有時淨係想食個湯，我會唔加麫食，次次都清曬個湯。😋如果個豬膶唔好煮咁耐、依家太老身，爽身啲，咁整體就very good la!

勁鍾意食藥膳湯勁鍾意食藥膳湯要講十次係一碗可以飲晒佢嘅藥膳湯既雞米粉👻🤓鍾意食豬潤嘅一定要好似我咁叫雞潤米🤭豬膶好爽 吾粉🤭🤭🤭啲雞好滑好足料睇到晒佢用你煲嘅材料例如蟲草花紅棗等等 碗米粉一啲都唔Hea 真係要食一次食完一定掛住環境當然唔係話好好只係一個茶餐廳嘅格局嗰度都有得食藥膳雞煲🤭但如果你係一兩個人既時候 好想食藥膳呢度既雞米絕對係no1🤓🤓🤓🤓🤭🤭🤭如果食雞煲又飲唔到佢啲湯 雞米！雞米！信我😂如果多人嘅話都想食下佢個雞煲我望左下餐牌 不過啲配料都唔平要自己衡量一下👻 但雞米真係又好味又抵食😍😍雞同米既份量吾小 好正🤭🤭🤭

其實黎過講呢一間園林藥膳米線好多次㗎啦，一直都好食都唔記得影相寫食評。今次帶埋朋友嚟試佢都覺得好好食🥰我哋兩個晏晝食，50幾蚊雖然喺元朗來講有少少貴。但係物有所值㗎，無論係個雞定係個湯底都好好飲😛😛雞肉唔會鞋口仲好鮮嫩，至於個湯底入邊有龍眼肉甜甜地，蟲草花好好食。雖然話就話藥材湯，但係藥材味唔會好重。我都可以飲到一大碗啊！😃😃 但係唯一一樣野我覺得餐廳需要改進既係米線比較散，好難夾到一住一住咁食。聽講呢個藥膳雞煲火鍋都好好食，下次會搵晚去試吓再寫食評俾大家睇。希望都係咁高分數啦🤗🤗🤗

藥膳雞牛丸米($53)-司令一直都大愛藥膳系列既食物🤘🏻🤘🏻🤘🏻，黎到元朗就試試佢地既藥膳雞牛丸麵。-先講個牛丸，有牛丸呢碗麵會貴$6，但雞件比淨雞會少左好多😫，加上個牛丸真係勁一般，唔推薦叫🧐，食多兩舊雞好過。米粉太碎煮太耐，夾唔起食得好辛苦😂。-湯底足料，都有唔少紅棗、桂圓、仲有少少蟲草花，飲落偏甜口，藥材味唔重，如果酒味再重少少就更好🤘🏻。雞就真係算幾滑，入味，幫碗麵加返分🤣。

而家藥膳雞湯全日供應！☺️上一次黎食既時候！都要係晚市前趕過黎！又怕佢賣曬又怕自己太晏😌☝🏻好消息呀！😌☝🏻老細話而家全日都有得食啦！名乎其實係all day 雞米呀😹🤗價錢同餐牌都改變左！餐飲大概加左$1~2蚊🤔☝🏻餐牌都色彩豐富左😹作為元朗為食豬🤗緊係今次朋友黎！試試佢☝🏻😌三個！我地要食三個🤤大大舊既滑雞！ 湯已經入曬雞入面出曬味☺️🤤濃濃既湯底！成碗湯米都超足料🤤☝🏻有龍眼，蟲草，杞子，紅棗🤤🤤🤤🤤天氣轉涼既日子食藥膳補身的呢！個餐本身包熱飲！冷飲+$4蚊🤗再凍d 一定要黎打邊爐☝🏻🤗

天氣終於正常轉涼女仔最適合食滋補野 為冬天做好準備 今日午餐就揀咗鳳攸南街嘅藥膳雞米粉以前只限日間供應 依家全日都有得食啦碗米粉一上碟就聞到藥膳湯嘅甘香味材料方面有蟲草花 龍眼肉 紅棗 杞子當然唔少得主角大大件嫩滑雞件 先試湯後試米粉湯一入口先會飲到淡淡藥味 唔油膩逐漸滲出香甜味 如果可以我想無限添飲🤤藥膳湯滲入雞件同米粉令到你每一口都食到藥膳嘅功效如果想達到養肝排毒 補氣養血 滋補腎陰嘅功效就一定要食埋配料到最後我係連湯都飲晒 正宗食到見底

天氣開始涼d打邊爐就最適合不過，記得之前有報導介紹，有日就同朋友特登去左le間小店試下。我地得兩個人，唔叫得多，淨係點左個藥膳雞煲，牛拼盤，潮汕牛丸，菜，其他唔記得了。講下主角藥膳雞煲先，個湯底真係好正，又甜又足料，有好多蟲草花同圓肉，而d雞都幾好食，又滑又有雞味。其他邊爐配料都有質素，唔錯!除左打邊爐我見重有藥膳雞湯米粉，都係用一樣既湯底，晚餐都有供應。唔想打邊爐可以叫le個試下。如果我住元朗應該會成日幫襯😋

小妹鐘情於藥膳湯，知道元朗有一間就唸住同老公試下不過上網既人話佢夜晚只做雞煲咁我當然要打去問下先啦。店主太太話藥膳湯飯面餐全日都有係全日都有喔不過夜晚就午市餐牌加$1同埋無餐，再望望手錶已經10點反到元朗都10點30，人地收11點耶，於是博一博啦。入到去店主對我們好有禮貌，問店主太太收爐未（我希望佢未收）店主太太話未，叫我地隨便坐，已經感受到少少人情味，不會因為要煮埋您而黑您面，而且我個人覺得份量好多（女仔食會覺得夠）老公叫左藥膳雞湯豬潤鳥冬，佢地既鳥冬不是細個食好平酸酸地果種，係薄身既稻庭烏冬（sorry老公太肚餓已經食左無影相)之後連本身店入面最後一台客人都走埋，得反我地，店主夫婦就開始清潔，佢地不會有種想趕您走既感覺仲叫我地慢慢食，人情味就係咁黎啦俾我感覺係一定會回頭食，至少夜晚訓覺唔口渴無乜味精就夠了 真材實料無得頂

緊係黎試佢既藥膳系列👀👀其實佢夜晚係做打邊撈既！我都好想試下佢既雞煲🤔🤔🤔不過今次係試左午餐既藥膳雞湯米粉先🤤🤤🤤啖啖雞肉😍🤤🤤份量多！個湯真係好香bro!一放低就已經聞到！個湯聽講係用一隻雞去慢煮🤔d 湯入面有唔少既杞子同紅棗粒粒👀成件事好健康😎一啖米粉加上個好既湯底😍我消滅左一大半個湯🤤🤤🤤🤤午餐係送野飲既！係茶餐廳風味既凍奶茶👌🏻👌🏻搵日真係要試下佢既招牌雞煲🤤🤤🤤

之前睇了條片後，覺得好感動，所以專程嚟食藥膳雞和人情味，見午餐餐牌非常多選擇，有二十多個餐。藥膳雞湯配白飯，飲啖湯有少少藥膳甘味湯好滑甜，而雞都算好嫩滑，開頭見碗飯咁大碗都驚食唔晒，點知撈湯撈下一啖又一啖食了大半碗，很滿足好得。凍檸檬茶，檸檬非常新鮮，檸檬味好清香，茶味啱啱好不太濃或太淡，唔係好多食肆用新鮮檸檬，通常切定一大盤喺度hea咗好耐冇晒檸檬味，凍檸茶都值得推介 ^ ^ 😋😀👍👍下次嚟要試下醉心豬扒先得。

之前看見網上力推這間的藥膳雞煲，見今天放假，便決定帶肥爸一起過來用午餐～（肥爸最愛吃藥膳餐XD）午膳只有藥膳雞湯選，雞煲要晚市才有。我點了藥膳雞湯米粉，肥爸則要藥膳雞豬潤湯配白飯。原來跟餐有熱餐飲送～等了一會兒便上菜～肥爸的白飯是另上～湯底帶有淡淡的藥材味，沒有台灣的那般濃郁。雖然是$46，但都有6至7件細雞件。肥爸說這間店應該用冰鮮雞，所以沒有雞味，而且雞腳不腍，會黏牙；豬潤就一般，有點硬，不夠嫩。我覺得大致上雞肉肉質都嫩滑多汁，而米線吸收藥膳味道，挺好吃😋整體來說，味道一般，如果經過附近，不妨過來一嚐。

一直都好想試吓~終於都搵到朋一齊嚟試~揀咗lunch之後嘅時間去,諗住唔多人嘛~但都係要等位~不過都好快~入到去,我就即刻叫咗個 藥膳雞湯米~幾靚仔~幾濃味~鐘意食藥膳湯嘅人一定冧死啦~而朋友就揀咗....好似係口水雞飯朋友都無講乜,但食晒我亦都無食到...因為我碗湯米好大碗我諗應該好食嘅~唔係都唔會食晒啦整體嚟講都OK好味嘅~其實佢係雞煲出名但lunch食雞煲太誇張喇~下次再嚟的話~試吓佢個雞煲先~

睇到土炮介紹, 知道店子的小故事, 特地支持一下外賣了半隻雞的藥膳湯返到屋企一開, 嘩, 足足比左3大碗湯 (倒入鍋真係成鍋滿) 雞半隻, 真係比足半隻. 湯好足料, 有蟲草花, 黨參等等, 一飲已經知道煲得好夠火喉雞肉有驚喜, 是新鮮雞沒有雪味! 肉質仲好彈牙, 可能是走地雞. $198 坦白說真係好超值, 你係街市買隻新鮮雞都唔得. 你諗下人地仲要燈油火立人工,  $198 我覺得已是良心價 (而且料的確靚)本來只是一心支持一下小店, 但有驚喜

之前見fb有人推介呢道既藥膳雞煲,就同媽子黎試下！我地叫左個普通藥膳雞煲，雞份量大概有半隻，唔算太多！食既時候老闆表示可以先飲雞湯同食雞先，雞煮得岩岩好，湯有大量蟲草花，杞子，圓肉和紅棗！飲落都幾滋補!食完啲雞，就可以開始加湯打邊爐，呢度嘅火鍋配料選擇唔太多，但基本嘅都有。有手切牛肉，菇類，菜，海鮮同丸類等等我哋叫咗墨魚滑，什菇，菜，大蜆同什丸！火鍋配料份量唔大份，價錢都偏貴！最後兩個人食咗＄6xx埋單！唔知係個火鍋豉油定係個湯，食完個晚勁口渴

現已踏入冬季，元朗附近有間以藥膳主打，難得入黎就要去進補一下。因不熟路關係，在這範圍也轉了圈才找到。三點多過了午飯時段，人流已不多，一人午飯確很輕鬆。藥膳雞併豬潤米 $48 +3進入店內已聞到很香的藥湯味，原來這裡晚市是藥膳火鍋，下次一定要來試點了藥膳雞併豬潤米 配了凍檸茶， 雖然人不多但亦等上了十多分鐘，因聞到陣陣藥膳湯，所以特別肚餓，香港人還是有心急的特徵端出來的湯米特別熱，且是滿滿的雞件跟豬潤。 湯十分香濃帶甜，藥材甚豐富，雞很嫩滑，也有雞味，豬潤烹調剛到位。平時也很少機會可品嚐藥膳湯，難得今日遇到，也要好好進補一番