嘉豪酒家 (已結業)

10號風球諗住近近地喺屋企樓下食晚飯，華富邨嘉豪酒家啱晒。飛天雞$58非常超值，外脆內軟，非常大隻。油浸筍殼魚大大條非常香脆，魚肉嫩滑。雜菌浸時菜蕃茄酸酸地非常開胃，蔬菜鮮嫩翠綠。炒伊麵伊麵彈牙，非常惹味。

呢間酒樓，根本唔係酒樓，係只招待有派錢既客人，離哂譜。伙記見到客人當見唔到，派錢個幾個老人家更離譜。客人坐低叫開茶，當睇唔到，要客人自己開茶，攞茶杯等等。一見到有派錢既老人家過黎，就即刻幾個人過去，一個開茶，一過就幫叫點心，連酒樓經理都一樣，一個個伙記好似哈巴狗甘。一間酒樓係唔係甘樣經營。希望酒樓老板能夠管理一下。

未去過咁差既酒樓.... 想交張點心紙，十分鐘都無人理，個個都話‘等陣先’，等半個鐘都無野食到，服務差，態度超差，呀姐話等陣啦！行過黎都要時間架！飲茶飲到腦沖血！極想反枱走人！

我尋日去酒樓飲茶嘅時候， 突然見到地下有曱甴，跟住我哋就搵職員幫手整死隻曱甴。但係個職員就話咁又點啫！跟住隻曱甴走咗去第二張枱嗰度，要我走過去踹死佢。跟住佢寫點心紙，寫完之後就係個張枱度跌咗落地下冇埶就走左去。原本我哋都想等佢翻返嚟再執，但係當佢返嚟嘅時候，搞到我地要自己執，真係超級懶囉。去飲茶真係要走過去香港仔先至得。其實之前去咗幾次都係已經有問題啦！有冇人會整跌咗人哋啲嘢仲執嘅呢？做乜服務員呢？要我服務佢好過啦！10次有九次都漏單，漏單就真係發神經啦！

同親戚食tea就返親戚住果頭所以來左呢度飲茶之前來過覺得都ok但今次來真係好鬼火🔥話說下午茶時間來但原來酒樓staff無比到下午茶紙我地我地畫左果張點心紙係正價紙來後來隔離台有人問點解無下午茶紙我地先爲意原來有下午茶紙但無比我地入單時都無人提到跟住問職員我地已入紙下午茶時間入係咪照計返下午茶價個男職員話畫左正單就當正價計我地即刻問佢攞返張下午茶紙來望下發現我地叫d野得雞扎有下午茶優惠反映返話佢地都無比到下午茶紙我地佢話我地坐果個位係唔會放下午茶紙wor咁我地再問咁下午茶時間係咪無下午茶優惠？佢無答我地呢個問題只係好無禮貌咁話「差一蚊咋嘛！」仲話正價大隻d但我地發現下午茶紙雞扎係$16.8正價唔係差一蚊wor係差差唔多四蚊之後搵返果個職員講返佢先死狗咁款話幫我地改返個價錢其實我地唔係志在果幾蚊而係你tea time唔比tea time張點心紙我地係少左個選擇仲要tea time叫左有特價野又唔計人特價博人唔知收貴人仲要話特價雞扎細份d但來到唔覺細份wor同平時無咩分別仲有叫左燒鴨瀨淨來燒鴨無比瀨粉話轉頭補返等到燒鴨凍曬但比錯飯之後等多輪先有瀨粉服務超差食到一肚氣以後都唔來野食整體一般講真

間野出左明 服務態度差 系人都知    下午同朋友赶时間 谷住去食   （被逼陪人）  結果 買後悔藥都買唔翻   野食得 3個字 ，油，食生粉，  感覺上就系将生粉捞油 搞埋其它野热一热就上台   服務態度差到無朋友  食唔食罢就  無落單既野都屈你要！~  服務生10問9唔答  面上寫住  不耐煩 3個字   杯杯碟碟D 污迹 大到有老花眼都睇得清清楚楚  要佢地换又唔换  要自己 走去問部長搞     話去酒樓食野  感覺衰過輪米等派飯    ，我永世都唔會再去尼間野做乞衣！！  野食唔算貴  但難食到爆   ，   就算最后朋友埋單  都比我鬧到暈   以后唔會再就佢 去埋D甘既地方 ！   ~花錢買氣受！~真唔知周圍台D街坊 點忍到尼D 垃圾酒樓   聽聞仲裝修過無耐 ！  就算裝修得再靚都無人鍾意食D 同米田共  同一層次既野  真悲哀！~~ 最后忍唔住急急脚埋單走！~~  間野仲生存到真系奇迹！~   由路口經過想起當日D野都可以胃口减4成！！

嗰日打8號風球，冇得四圍去唔係喺附近飲茶囉。點心拼盤有豆苗餃、粉果、馬拉糕、叉燒包。腸粉粉皮嫩滑，餡料充足。雞扎魚肚好味，餡料大嚿。炸雲吞炸得好脆。雞絲粉卷好大件，加左豉油好好味。蒸魚飯魚鮮甜，飯好大碗。

見屋企附近間酒樓裝修完都未去過，又放假咪去下午茶囉一去到，發現到同裝修前一樣咁平，一樣咁多選擇。之後咪叫咗幾款點心同埋個叉燒飯。炸雲吞絕對係我嘅最愛，所以一定會叫，啲炸雲吞揸得好鬆脆，個餡隻蝦都仲好大隻添。因為得兩個人食所以叫咗個點心拼盤，有叉燒包，馬拉盞，鮮蝦豆苗餃同粉果。雞扎絕對建議要叫黎食，如果你鍾意食魚肚，更加要嗌，因為個魚肚真係好大嚿好林好好味，絕對係雞扎嘅精髓。叉燒飯我個人就鍾意食半肥瘦嘅，所以嫌佢有啲唔夠肥，不過啲叉燒肉都好林，飯就有啲硬啦。可能係舊式酒樓啦，所以不停留單，係咁追佢係咁追佢先至上得齊晒啲嘢囉。不過如果住喺附近都真係要落去試吓嘅，咪叫咗咁多野都唔使＄100

好多人每逢星期日都去同屋企人飲茶，我都唔例外🤗，今次我就入左去華富邨家豪因為唔洗我揾位丫嘛，去到侍應招呼都唔錯，不過d野食就麻麻，價錢都幾經濟。睇到點心紙自選孖寶，38蚊有碗粉或者炒碟野再加一龍特定點心真係幾抵咁喎。雪菜鴨絲湯麵都唔錯，夠晒料同清甜不過分糧真係好細碗鳳瓜就夠晒味，無乜特別楊州炒飯賣相都唔錯，不過好細碗唔夠熱，有d失色蛋黃麻蓉包都唔錯最掂係個薄撐，又夠熱又夠脆裏面仲有菜脯添，食落超正！大家不防試下！

昨晚難得約齊人打邊爐，諗住屋村優惠價任食，唉極中伏!時間都係晚飯時間，蝦已經沒存貨，首先點選湯底，(豬骨紅羅白粟米)哇，簡直沒味湯底醬料台沒人添再醬油，叫人才添碗上。火鍋配料，好多勁甩單，還要摧才有，美國肥牛變咗本地切牛(ok好食!)，駝鳥片散炸魚皮正常，海鮮只提供鯉魚肉，蝦滑，雲吞(全豬饀)，丸類:墨魚丸正常;牛丸正常;菜類尚可，其實火鍋紙類別多但甩單情況和上菜慢，份量足夠可惜質素就飲品啤酒，汽水只得1款，有勁甜酸梅湯，水水橙汁，寧願飲茶仲好。可能將價就貨，不能太大期望。星期日晚食客真少已不對路,大家都話只此1次，沒再下次幫襯

這間酒家實在太差勁~肉片炒河，生粉多到嚇死人！煲姜醋，豬蹄硬得像像皮,姜老得要命，全都吃不下。。其他蝦餃燒賣什麼的超一般忍無可忍的，點了個這裡唯一好吃的東東，就是在水吧點的泰式牛肉金邊粉，這個永遠都可以保持水準，值得一讚！

任飲任食火鍋, 受氣都飽晒我地一家人好早坐底左, 點完火鍋料之後搵醬油配料, 只得蒜, 辣椒都要等好耐。辣椒絲....失敗! 一d 都唔辣, 淨食都得, 食青椒一樣 ; 指天椒 +$5搞完醬油配料都未上到火鍋配料, 等左勁耐。附近一台遲來先上, 我地都等多陣, 催左一下。之後附近另一台都催。我地等左好耐, 終於都上到黎, 但上台既都冇點既一半。前後上左3 張order 紙, 每張都係食晒台面既野都未上到台, 酒樓都未坐滿半間, 配料得好耐。視線範圍入面5 台, 有4 台都勁不滿。你叫部長都冇用, 佢地會唔應你; 你當面催佢, 佢會躲在柱後幫你催廚房。最後唔鬧都唔得, 先至話經理入去執比我地, 超過份。咁做任飲任食, 玩晒啦, 我又"催"佢唔漲, 又唔可以話食少左比少d 。食飯仲要受氣, Black List !!

唔係火都黎埋....直情係唔會有火...而係直接覺得佢算把啦...未食就已經覺得下次唔使黎....話說尋日去華貴外婆家母親節,由於外婆行動不便所以選擇響嘉豪食.之前都食過幾次覺得都一般,唔會話差到話唔使黎甘.但今次真係超唔掂~一去到因為我地好多人,所以要一圍枱埋一邊既.而我地邊上岩岩係酒樓放杯碟碗...甘我舅父佢地為左放野,將d椅放左響放杯碟櫃前,但係中間個人都可以通過....但係個好肥既有d似小部長既亞姐就行埋黎好大聲甘話唔好放響呢度,佢地又要拎野,甘唔係甘好,不如放另一邊個高櫃上面.雖然不停好大聲甘話唔該,但我可以話比大家聽佢唔係真心嘍.重點我覺得佢好大聲好無禮貌我地一家人有大有細,你會唔會嚇親人...另外,因為我地後生仔坐開面,佢安排完我地放野後,我聽到佢走開不遠處時同d伙計講:癡線........(當時我就極度反感啦....)後黎到我地食飯,我地叫左個大班兩味x2.第一個黎到係西芹炒班塊....我食左一塊魚...跟住我亞媽,舅父,亞姨都接住一齊食....佢地己經不約而同地叫大家唔好食...因為條魚d肉"梅"既....跟住叫個西裝友樣既人過黎,同佢講,我地叫佢自己試下.佢只係笑笑

有日經過見到有$85 9點全包火鍋所以心想一試終放一試但係星期日 所以價錢貴D $95 全包由於未試過所以同男友9點鐘就人了去試了o個日成間酒樓得幾個客老實講都有D驚但見佢張火鍋紙乜都有D 好—正咁我同男立刻點了多款大路食品先講好o野吧如貼上來*的清單一樣可以話樣樣都有絕不會話冇貨D食物幾大碟但湯都叫ok 任飲有可樂同啤酒同清潤飲品 牛----------好得唔係得個肥字有味有鱔片好新鮮啊其它丸都是不錯了跟手讚佢o地有禮貌因我同男友見佢咁大碟所以就話每碟要一半份量就得了服務員聽了後真的做得到但都有差的地方就是D餃類唔新鮮 咁0既價錢可以食2個半小時仲有D乜o野好講啊仲有包場感覺添

其實一間茶樓同時間要提供咁多野食,難免會有一兩樣整得唔好咁好..但係整體我覺得都有水平!最好食既係馬拉糕,好鬆軟,係水平之上,我次次都點..好好食之後係排骨,都幾好食,幾惹味奶皇飽..流沙..正仲有係出面拎個D魚蛋粉都唔錯!叉燒餐包都幾好!個隻芒果布丁同泰國千層糕都幾(煙 UN)其他食物就一般,我又冇咩覺得係特別難吃..係D炸野多油左D,D服務一般,有時D野都等幾耐下!