嘆住食 (已結業)

係附近工作完，周圍行吓見到有呢間餐廳。咁岩入邊望落冇咩人所以就諗住入去試吓我係一人食的跟住店員安排左我同另一人面對面坐但其實店內仲有好多吉枱。不過都明白，因lunch time，可能過多一排就會好多人，所以都接受佢呢個安排。叫野食前，就有一碗湯，係好淡的，都冇咩特別。咁我飲完之後呢，就禁電話啦，因為嘢食未到。突然店員好快甘係我手下面收隻碗😨嚇q死人💀💀💀💀💀💀💀可能人手唔夠，野食真係黎得好慢雖然睇得出佢哋好落力好快手不過真係好慢呀..........之後等等下又無啦啦要我換位，都換左幾次，有d煩😖想靜靜地玩下電話姐好在佢嘅嘢食都好味，又幾大份

好鍾意「嘆住食 Time For Break」呢個名。住上環，weekend/放假無乜餐廳開，仲要我好遲9點先出去搵食，同埋我又對食有要求，食好嘢會令我心情好d。好彩搵IG黃店，再查OpenRice搵到「嘆住食」未收。兩個人叫咗兩塊扒，有埋餐湯，蕃茄湯好濃郁。西冷牛扒 USA Sirlion，百幾蚊好扺食，但好有水凖，非常厚，有口感，煑得啱啱好，個邊好香口，又鎖到肉汁，好味!!安格斯牛扒，大大塊，比西冷軟身，軟硬適中，正!!側邊d薯蓉都好好味。搵到呢間好味餐廳太好了，啱哂我呢個夜鬼。

同同事食晏間唔中都會揀呢間西餐，因為夠近又平又抵食😝Lunch menu既選擇都非常多，分別有雞扒、豬扒、牛扒、burger、魚柳等等，仲可以揀要飯意粉定係薯蓉，仲有唔同嘅醬汁可以揀🤩例如有燒汁、芝士汁、雜菌蘑菇汁等等。今次我揀咗雞扒配薯蓉。記得上次我係揀咗配意粉，但意粉嘅份量好多，雞扒亦都好大塊，所以今次就揀咗薯蓉同芝士汁。雞扒煎到個皮好香脆😍芝士汁唔會太膩，鍾意食芝士嘅人一定要試🤩雞肉仲好嫩滑，不過上菜嘅時候唔知點解有好多水係側邊🤨有少少扣分。薯蓉嘅口感亦都好滑溜☺️啱晒細食嘅朋友。 呢度埋單都係$58，免加一。喺附近嘅朋友可以試吓😛

終於等到星期六，唔洗反工 相約友人到香港大學站食lunch 😝「嘆住食」位於香港大學站B出口，沿著「山道」往上走（行約五分鐘）十分方便 星期六下午約1:30，店內用餐人數不算太多， 午餐價錢約$58- $138 飲品另加$5- $22。我和友人共點了兩個午餐share: - 香煎美國豬扒配車打芝士汁和意粉 $58- 蜜糖芥末雞扒漢堡伴薯條$75- 凍檸檬茶 （+ $8）是日例湯是香草忌廉粟米洋蔥湯忌廉味不算太濃，略嫌有一點點稀，味道不錯但由於友人不喜歡洋蔥，所以成碗冇飲- 香煎美國豬扒車打芝士意粉 $58 豬扒不但十分大塊，而且一啖咬入口十分juicy，邊位有少許肥膏，十分有口感，我和友人對這豬扒都讚不絕口 車打芝士十分濃郁，不過有點漏。 建議可配香草蕃茄汁/ 雜菌忌廉汁 意粉有少許蒜蓉和香草味 - 蜜糖芥末雞扒漢堡配薯條🍟 $75沙律配上橄欖油和黑醋蜜糖芥末雞扒漢堡份量十分大，雞扒比漢堡包還要大，一邊食雞油和蜜糖芥茉不斷流出 😆🙈但友人略嫌蜜糖芥末味濃，有點遮蓋雞扒的味道。切開的雞扒漢堡 薯條十分十分推介 粗身薯條，配上椒鹽，味道不會太鹹，熱辣辣很美味 整體而言，餐廳食物美味，環境

餐廳好近香港大學站 而且坐位數量都唔少 中午繁忙時間等15分鐘內都有位。餐牌上的食物以西式為主 價錢50-120左右 係西餐黎講價錢都算合理。今次叫左帶子蕃茄意粉 口感偏淡 但帶子好大隻 口感都好好 值得再試👍🏻

Met boyfriend in this area for a hike and decided to grab lunch before heading on. Time For Break was nearby and boyfriend mentioned he had eaten here before and thought it was ok.It was pretty busy and we were told to pre-order before they gave us a table.Menu is in English and Chinese. Lunch time they only offer sets.  Sets come with the daily soup and pasta or mashed potato.The daily soup was minestrone. It was not that good. It just tasted like tomato paste that was diluted down.I had the ba

晏晝時分多人，就算訂左檯成功準時入到座，之後節奏真係好急，未食曬已經要埋單，咁岩今次朋友都要趕住返學校上堂就無咩所謂，但想要慢食既絕對唔建議午餐時間黎呢度😂▪️自家製美國牛肉芝士漢堡伴薯蓉💲98 (Lunch Set)呢個餐包是日餐湯，蘑菇湯稍微稀薄身🥣無諗過主菜仲有沙律菜，食落係帶有黑醋同埋莓醬，酸酸甜甜咁幾開胃🥗漢堡有熟蛋、芝士、厚身牛肉既牛味唔錯，再加上黑椒調味幾香口，如果再多啲肉汁會更滿足，不過因為中間有茄汁塗滿下層塊包，所以整體都唔會話好乾身🍔本身係配薯條，我就轉左薯蓉，未係好滑身但夠奶油香，呢個餐都幾飽肚既🍟🔎 整體評分（7/10）

Yummy dinner!!二人行，無叫餐，散叫咗巴馬火腿沙律，酒醋比例剛好，沙律菜新鮮！牛肉漢堡，肉質鬆軟多汁，加上一隻煎蛋，幾有驚喜。焗羊架，好厚切，好有心機煮，好食到不得了！就連薯條都好香脆！隱世小店，食物質素好高，味道真係very good!! 可惜位不佳，當晚我地去到點有六位埋單，剩下我一枱包場！咁好食嘅店，希望多啲人認識，多啲人幫襯你地啦！唯一唔好係現場優惠同OpenRice 登出嚟唔同，希望你地盡快改返啦！

番工中午時段到嘆住食take a break, 由於一行11人關係，預早一日whatsapp預訂，並可預先落單。點了雞扒忌廉蘑菇汁意粉$58，下單時叫了多汁，雞扒算嫩，意粉正常。有些同事叫了蜜糖芥末雞扒漢堡$75，份量超大，味道可以，薯條好吃。

好近大學嘅西餐廳，鋪面唔係好大但平日夜晚食坐得都好舒服同埋清靜 😀 見 Openrice 有7折就同閨蜜們去買 🤗 邊食邊傾。嗌咗三樣嘢一齊 Share 最後埋單都係每人$113，有折的話堅係抵食，食物質數亦對得上呢個價位。無折的話就少貴蜜糖芥末汁雞扒漢堡 配 薯條 ❤️ (折前$118)評分：9/10.折前價格最平係佢，但最好食同最抵食嘅都係佢 😛 塊雞扒真係無諗過會咁大塊，咁厚肉，同埋咁 juicy !!! 🤤 系真係好正好滿足。蜜糖芥末醬甜甜地本來就同雞肉好襯。雞扒堡每個細節位都做得唔錯，唯一可以講嘅就係沙律可以落番少少黑醋唔晒咁dry蛋汁煙肉白菌意粉伴63度蛋 ❤️ (折前$138)評分：7/10.類似 carbonara 嘅意粉，好濕潤亦都好 creamy。我都係鍾意白汁意粉有溫泉蛋多啲，感覺蛋香會令意粉加倍漿口 😍 所以呢個配方我覺得唔錯。唯一就係份量嚟講就唔多，每人夾一住半就冇晒輕煎帶子伴蝦膏蟹肉義大利飯 ❤️ (折前$188)評分：7/10.Risotto 系西餐中我覺得成功失敗真係可以一線之差嘅菜式 😐 因為西餐處理飯嘅工架好多餐廳都唔太穩定。呢度嘅 Risotto 飯就唔

見多人like 好似唔錯，所以去試下環境算係乾淨企理👍🏼午餐選擇都幾多，雞牛豬魚都有得你揀☺️我揀左蜜糖芥末雞扒漢堡餐，份量都幾多，有餐湯、沙律、漢堡、即炸薯條🤤今日餐湯係蘑菇湯，幾足料，味道都唔錯。沙律落左醋，非常開胃。重點漢堡塊雞扒好大塊，應該有用香草醃過下，算係有誠意👍🏼👍🏼👍🏼加埋即炸薯條，食到好飽🙈朋友就叫咗煎龍利柳餐，可以跟白飯/意粉/薯蓉/薯條，最後揀咗跟薯蓉，味道都ok la，份量一樣係好足👍🏼👍🏼

朋友最近去左呢頭番工, 所以周圍去試下附近既餐廳. 食lunch 時間真係好多人, 見到有其他食客訂左位都未必即刻有位俾佢. 而且有需要時係需要搭枱而樓面只有1~2個人. 所以上菜速度比較慢, 朋友點左雞排配芝士汁, 落單後例湯遲遲未上, 過十分鐘後, 樓面同我地講話無哂芝士汁... 如果一早講的話, 會轉第二個餐... 結果要多等一陣. 而旁邊既食客本身點左雞排配白汁但最後上左芝士汁. 服務有待改善. 最後因為野食太遲上要好快倒落個口度走人, 相都唔記得左影啦. 建議唔好係lunch time 去, 因為真係人太多樓面少. 值得讚既係塊雞排真係好大塊, 算抵食既

雖然很近地鐵出口，但因爲要兜上少少的緣故，雖然住在附近好耐亦無幫襯過。有一次無意中經過，發現裏面都幾多人幫襯，所以找到個機會去幫襯下。一開始就看到一個dinner set，但限定了很多食物都不能選擇，否則另外加錢，計算半日感覺set 餐設計出來好似無咩意義。最後兩個人order了紐西蘭西冷和羊架。西冷偏瘦，order了5成熟實際上應該有7、8成，所以啖啖瘦肉，嗯，呢種感覺大家想象下，好彩個蘑菇汁ok，然後伴餐蔬菜很好吃，薯蓉非常ok！羊架近脂肪位置非常騷，喜歡的人會覺得十足羊味，order了7成，實際上應該得5成，可能是落單的時候兩個餐調轉了。但羊肉好ok，很嫩，同樣的伴餐蔬菜，好吃。

老闆既節奏好趕急，我坐係度一陣已經見到店主叫兩枱客人換位，我係第三枱被叫換位😂感覺會有啲混亂。叫左兩個burger餐，有餐湯，餐飲。餐湯係紅湯，但我覺得偏酸。薯條係好充實的薯泥😋😋😋👍🏽 Burger 都大大個，好足料😋😋牛肉芝士蛋呢個配搭我反而覺得冇乜驚喜，蛋黃全熟，牛味濃，但有啲乾 。魚柳好大塊，炸粉唔厚，有兩層，令口感更豐富！店員話呢個都係招牌之一！呢間cafe唔太適合想同朋友慢慢傾下偈，坐耐啲既人，店員節奏好趕急，你食完即收，未食完都想收呢下搞笑😅😅😅 唔洗等你嗌埋單就自己拎俾你叫你埋單。

接太太收工，星期五晚食dinner真係book 位都難d, 打左幾間都話full，好彩呢間餐廳有位姐。 位置就近HKU 地鐵站，如果唔係對我呢位九龍人真係有難度。 差不多全場滿座，估計食物質素不會太差吧！？頭盤點芝士炸薯條，新鮮即製，非常可口！份糧也不少喔見到其他人食緊美國牛仔骨既賣相相當不錯，我倆都跟隨點了。 送上我們的賣相卻完全相反，近半有多跟及脂肪，幸好調味及肉質鮮嫩搭救...食材質素落差非常大是有點可惜。Carbonara 忌廉及煙肉蒜香既配合永遠都係好吸引，令人食指大動。小店老闆親切侍應有禮，覺得一班三五好友係度嘻哈一晚都不錯，希望下次有機會再來。